ދިރާގު ޓީވީ އާއި ދިރާގު ޕްލޭ އިން ކޮމަންވެލްތު ގޭމްސް ފެންނާނެ

ކޮމަންވެލްތު ގޭޟްސް ހުޅުވުމުގެ ރަސްމްިއްޔާތުގައި ރާއްޖޭގެ ޓީމު ބާމިންހަމްގެ ދަ އެލެގްޒެންޑާ ސްޓޭޑިއަމްގައި ރާއްޖެ ތަމްސީލު ކުރަނީ --- ފޮޓޯ: އޭއެފްޕީ

އައިޝަތު ޖަޒްލީ، މިހާރު

31 ޖުލައި 2022 - 22:34

އިނގިރޭސި ވިލާތުގެ ބާމިންހަމްގައި މިހާރު ކުރިއަށް ގެންދާ ކޮމަންވެލްތު ގޭމްސް، ދިރާގު ޓީވީންނާއި ދިރާގު ޕްލޭ އިން ފެންނާނެ ކަމަށް އެ ކުންފުނިން މިއަދު ބުނެފި އެވެ.

އެ މުބާރާތް ވަގުތުން ބްރޯޑްކާސްޓު ކުރަމުން އަންނަ ސޮނީ ސިކްސް އެސްޑީ އާއި އެޗްޑީ ޗެނަލާއި ސޮނީ ޓެން ޓޫ އެސްޑީ އާއި އެޗްޑީ ޗެނަލާއި ސޯއި ޓެން ފޯ އެސްޑީ އެޗްޑީ ޗެނަލާއި ޓެން ސްޕޯޓްސް ޕާކިސްތާން ޗެނަލުން ދިރާގު ޓީވީ އަދި ދިރާގު ޕްލޭ މެދުވެރިކޮށް ބެލޭނެ އެވެ.

މިދޔަ ހަފުތާގައި ބާމިންހަމްގައި ފެށި އެ މުބާރާތުގައި ރާއްޖެ އިން ވެސް ބައިވެރިވެ އެވެ. އެތުލެޓިކްސް އާއި ސުވިމިން އާއި ޓޭބަލް ޓެނިހާއި ބެޑްމިންޓަން އަދި ބީޗް ވޮލީބޯލްގައި ދިވެހި އެތުލީޓުން ވާދަކުރާނެ އެވެ.

ދިރާގު ޓީވީ އަށް ސަބްސްކްރައިބް ކުރަން ބޭނުންވާ ކަސްޓަމަރުންނަށް ބޭސިކް ޕެކޭޖަށް ސަބްސްކްރައިބް ކުރެވޭނީ 350ރ. އަށް ކަމަށް ދިރާގުން ބުނެ އެވެ. އަދި ދިރާގު ޕްލޭ އަށް ސަބްސްކްރައިބް ކުރެވޭނީ 65ރ. އަށެވެ.