އުރީދޫގެ އާންމު ހިއްސާދާރުންގެ ފަރާތުން ބޯޑަށް ކުރިމަތިލާން ހުޅުވާލައިފި

އުރީދޫގެ ހެޑް އޮފީސް. -- ފޮޓޯ: ފަޔާޒް މޫސާ | މިހާރު

އައިޝަތު ޖަޒްލީ، މިހާރު

04 ޖެނުއަރީ 2024 - 18:52

އުރީދޫގެ އާންމު ހިއްސާދާރުންގެ ފަރާތުން އެ ކުންފުނީގެ ޑިރެކްޓަރުންގެ ބޯޑަށް އިންތިހާބުކުރާ ޑިރެކްޓަރުގެ މަގާމަށް ކުރިމަތިލުމުގެ ފުރުސަތު ހުޅުވާލައިފި އެވެ،

މި ފުރުސަތު ހުޅުވާލާފައި ވަނީ މި މަހުގެ 29 ވަނަ ދުވަހުގެ ހެނދުނު 10:00 ގެ ނިޔަލަށެވެ. އުރީދޫއިން ބުނީ ބޯޑު ޑިރެކްޓަރު ކަމަށް އެދި ހުށަހަޅާ އެޕްލިކޭޝަން ފޯމުތައް އުރީދޫ މޯލްޑިވްސްގެ ނޮމިނޭޝަން އަދި ރެމިއުނަރޭޝަން ކޮމެޓީއިން ބެލުމަށް ފަހު ޝޯޓް ލިސްޓުވާ ފަރާތްތަކުގެ ނަންތައް ޑިރެކްޓަރުންގެ ބޯޑަށް ހުށަހަޅާނެ ކަމަށެވެ. އަދި ބޯޑަށް އިންތިހާބު ކުރަން ޝަރުތު ހަމަވާ ފަރާތްތަކުގެ މައުލޫމާތު އާއްމު ކުރާނެ ކަމަށް ވެސް އުރީދޫން ބުންޏެވެ.

Invitation to apply now for the post of Director on the Board of Directors of Ooredoo Maldives PLC.

Deadline: Before 10am, on 29th Jan 2024.

Submit your application at Ooredoo Maldives HQ, Hulhumale' or via email to [email protected]

Application Form:… pic.twitter.com/ITz3ZmOKY0
— Ooredoo Maldives (@OoredooMaldives) January 4, 2024

މި ޕޯސްޓުން ކުރިމަތިލުމުގެ ޝަރުތުތައް ބަލާލެވޭނެ.

އުރީދޫގެ އާންމު ހިއްސާދާރުންގެ ފަރާތުން ހޮވާ ޑިރެކްޓަރު އެ މަގާމުގައި ދެމިހުންނާނީ ޑިރެކްޓަރު ކަމަށް އިންތިހާބު ކުރާ އަހަރީ އާންމު ޖަލްސާއިން ފެށިގެން ތިން ވަނަ އަހަރީ އާންމު ޖަލްސާގެ ފެށުމާ ހަމައަށެވެ. މި އަހަރު އިންތިހާބު ކުރާ ޑިރެކްޓަރު އެ މަގާމުގައި ހުންނާނީ 2026 ގެ ނިޔަލަށެވެ.

އެޕްލިކޭޝަން ފޯމު މި ލިންކުން ލިބޭނެ.

އުރީދޫގެ ބޯޑުގައި އަންހެނުންގެ ދައުރު އިތުރު ކުރުމުގެ ގޮތުން އަންހެނުން މި މަގާމަށް ކުރިމަތިލުމަށް އެ ކުންފުނިން ހިތްވަރުދޭ ކަމަށް އުރީދޫން ބުންޏެވެ.

މި މަގާމަށް ކުރިމަތިލުމަށް ބޭނުންވާ ފޯމު އުރީދޫގެ ވެބްސައިޓުން ލިބޭނެ އެވެ. ހުޅުމާލޭގައި ހުންނަ އުރީދޫ މޯލްޑިވްސްގެ އޮފީހަށް އަދި އީމެއިލް މެދުވެރިކޮށް [email protected] އަށް ވެސް ފޯމު ހުށަހެޅޭނެ އެވެ.