ވިޔަފާރި

ސަރުކާރުގެ ޕްރޮޖެކްޓުތަކުގެ ފައިސާ ނުލިބޭތީ ކޮންޓްރެކްޓަރުން ކަންބޮޑުވުން ފާޅުކުރަނީ

ކޮންސްޓްރަކްޝަން ސަރަހައްދެއްގައި ބަޔަކު މަސައްކަތް ކުރަނީ- ފޮޓޯ: ނިޝާން އަލީ/މިހާރު

ސަރުކާރުގެ މުއައްސަސާތަކުންނާއި ސަރުކާރު ހިއްސާވާ ކުންުފުނިތަކުން ހިންގާ ޕްރޮޖެކްޓުތަކުގެ ފައިސާ ލިބުން ލަސްވާތީ ކޮންޓްރެކްޓަރުން ކަންބޮޑުވުން ފާޅުކުރަން ފަށައިފި އެވެ.

ކޮންޓްރެކްޓާސް އެސޯސިއޭޝަނުން އިއްޔެ ނެރުނު ނޫސް ބަޔާނެއްގައި ބުނީ ސަރުކާރުގެ ޕްރޮޖެކްޓުތަކުގެ އިންވޮއިސްތަކަށް ފައިސާ ލިބުން ވަރަށް ބޮޑަށް ލަސްވާކަމުގެ ޝަކުވާ އެ ޖަމިއްޔާ އަށް ލިބޭ ކަމަށެވެ. އެހެންވެ ސަރުކާރުންނާއި ސަރުކާރު ހިއްސާވާ ކުންފުނިތަކުން މިކަމަށް ހާއްސަ ސަމާލުކަމެއް ދީ، ވީހާ ވެސް އަވަހަށް ފައިސާ ދެއްކުމަށް އެ ޖަމިއްޔާ އިން އެދެ އެވެ.

ކޮންޓްރެޓާސް އެސޯސިއޭޝަނުން ބުނީ ކޮވިޑް-19ގެ ސަބަބުން ރާއްޖޭގެ ހުރިހާ ވިޔަފާރިއަކަށް ވެސް އަސަރުކޮށްފައިވާ ކަމަށެވެ. އެގޮތުން، ކުދި އަދި މެދު ފަންތީގެ ވިޔަފާރީގެ ތެރޭގައި ހިމެނޭ ކޮންޓްރެކްޓަރުންނަކީ އެކި ވިޔަފާރިތަކާ ސީދާ ގުޅިފައިވާ ބަޔަކަށް ވާތީ ކޮންޓްރެކްޓަރުންނަށް ފައިސާ ނުދައްކައި ގިނަ ދުވަސްވުމުން އެ މީހުންގެ އިތުރުން އެ މީހުންނާ ގުޅުން ހުރި އެހެން ވިޔަފާރިތަކަށް ވެސް ގެއްލުންވާނެ ކަމަށެވެ.

ކޮވިޑް-19ގެ ސަބަބުން ރާއްޖޭގެ އިގްތިސާދަށް އައި ބަދަލާއެކު ސަރުކާރުން ވަނީ ސަރުކާރު ހިއްސާވާ ކުންފުނިތަކަށް ޕްރޮޖެކްޓުތައް ހަވާލުކުރާ ގޮތް ވަނީ ބަދަލުކޮށްފަ އެވެ. މިދިޔަ އަހަރު ހަވާލު ކުރި ގިނަ ޕްރޮޖެކްޓުތައް ކުންފުނިތަކާ ހަވާލުކޮށްފައިވަނީ ކޮންޓްރެކްޓާ ފައިނޭންސްގެ އުސޫލުންނެވެ.

ކޮންޓްރެކްޓަރުންނަށް ޕްރޮޖެކްޓުތަކުގެ ފައިސާ ލަހުންދޭ ވާހަކަތަކަކީ ވަރަށް ގިނައިން އަޑުއިވޭ ވާހަކަތެކެވެ. ސަރުކާރުގެ ކުންފުނިތަކުން ވެސް ވަނީ ސަރުކާރުން ދޭން ހުރި ބައެއް ފައިސާ ނުލިބޭތީ އެކަމުގެ ޝަކުވާ ވެސް ކޮށްފަ އެވެ.

4 ކޮމެންޓް, 22 ރިއެކްޝަންސް

icon happy icon happy 18%
icon sad icon sad 9%
icon angry icon angry 73%
icon wow icon wow 0%
icon inlove icon inlove 0%
The name is already taken The name is available. Register?

ކޮމެންޓްތައް

އެންމެ ފަސް މަގުބޫލް

ޙިނި

12 January 2021

ރަންބިސް އަޅާ އެންމެ ކުކުޅެއް ގެންގުޅުނީމަ ލައިގަންނާނެ އެތިފަހަރު މިއޮތީ ލައިގަންފަ. ޢަހަރުން ހީކުރީ ޓޫރިޒަމް ގިޔާމަތާ ހަމަޔައް ދާނީ ކުރިއަރާ ފައިސާ ލިބެމުންކަމައް. މައާފުކުރައް ވާ ވިސްނުން ކޮށިކަމުން ނޭންގުނީ އިންޑަންޓުރީ ތަކަކީވެސް ލައިފް ސައިކަލެއް އޮވެ ނެތިގެން ދާނެ ނޫނީ އަޑިއަޅާލާނެ އެއްޗެއްކަން.

The name is already taken The name is available. Register?

205824

12 January 2021

މައްސަލައެއް ނެތެއް ނޫން، ވެންޓިލޭޓަރާއި ސިއްހީ ދާއިރާ އަށް ބޭނުންވާ ތަކެތި ގެންނަ ކޮރަޕްޓު ކުންފުނި ތަކަށް ބަރާބަރަށް ފައިސާ ދޭ. ނާޑު ކުންފުންޏަކީ މީގެ ހެއްކެން. ނާޑު ކުންފުނިން ފޮރިން މިނިސްޓަރަށް ބައި އެޅޭ ކަމަށް ވަނީ

The name is already taken The name is available. Register?

ޞައްދާމު

11 January 2021

ސަރުކާރުގެ އޮފީސް ތަކާއި، ސަރުކާރުގެ ކުންފުނި ތަކުން، ކޮންޓްރެކްޓަރުންނަށް ފައިސާ ނުދޭތީ، ކޮންޓްރެކްޓަރުން ވަރަށް ބޮޑަށް ބިކާރީ ވެއްޖެ! ބަނގުރޫޓް ވެއްޖެ! ކޮވިޑް ގެ މި ދަތިޙާލުގައި، ސަރުކާރުގެ މަސައްކަތްތައް ރަށްރަށުގައި ކޮންޓްރެކްޓަރުން ކުރީ، އެއްވެސް މިންވަރަކަށް ފައިސާ ނުލިބި. 1 އަހަރު ވެފައިހުރި ބިލް ފައިސާ ނުލިބި އެބަހުރި!

The name is already taken The name is available. Register?

ސަކަލޭރު

11 January 2021

ބައެއްމީހުން ގަބޫލެއްނުކުރޭ މިހެން މިކަންވާކަން. އދ.ދަނގެތީގަ އުޅޭކަމަށް ގާތްމީހަކުބުނި މީގެ ބައެއް. އެމީހުންގަބޫލުކުރަނީ ދައުލަތުގެ އެއްވެސް ފައިސާއެއްނުދީ ލަހެއް ނުވާނޭކަމަށް.

The name is already taken The name is available. Register?

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454