ކޮވިޑް-19 / ސިއްހަތު

ކަރަންޓީން 14: މިއީ ކިހިނެއް ކަނޑައަޅާ މުއްދަތެއް؟

ކޮވިޑް-19 ޖެހޭ ބިދޭސީން އެކަހެރިކޮށްފައި ބައިތިއްބަން ހުޅުމާލޭގައި ހާއްސަކޮށްފައިވާ އިމާރާތެއްގައި ބަޔަކު ބޭރު ބަލަހައްޓައިގެން. -- ފޮޓޯ: މިހާރު

ކޮވިޑް-19 ފެތުރިފައިވާ ރަށަކުން ނުވަތަ އެ ބަލި ފެތިރިފައިވާ ގައުމަކުން ޓޫރިސްޓުން އަންނަ ރަށެއްގައި އުޅޭ މީހުން އެހެން ރަށްރަށަށް ދިއުމުން ދެ ހަފުތާގެ މުއްދަތަށް ކަރަންޓީނުވާން ޖެހުމަކީ ރައްކާތެރިކަމުގެ ފިޔަވަޅެކެވެ. އަހަރެމެންނަށް ބޮޑު ޗުއްޓީ ކުރިމަތިވި އިރު ވެސް މި ހާލެއްގައި އުޅެން ޖެހެމުން ޝަކުވާ ވަރަށް ބޮޑެވެ. އެ ޝަކުވާގެ އެއް ސުވާލަކީ ހަމަ 14 ދުވަހު ކޮންމެހެން ކަރަންޓީނުގައި ހުންނަން ޖެހޭ ހެއްޔޭ އެވެ.

ބައްޔެއް ފެތުރިފައިވާ ތަނަކުން، އެ ބަލި ނެތް ތަނަކަށް ދާ ނަމަ ކަރަންޓީނުވުމަކީ އެތައް ޒަމާނެއް ކުރިން ފެށިގެން ވެސް ދުނިޔޭގައި ކުރަމުން އަންނަ ކަމެކެވެ. ކޮވިޑް-19 ޖައްސާ ކޮރޯނާވައިރަސް މުޅި ދުނިޔެ އަށް ފެތުރިގަތުމުން މި ކަރަންޓީނު މުޅި ދުނިޔެ އަށް ވެސް އާންމުވީ އެވެ. މިއީ އާ ބައްޔަކަށް ވުމުން، ބައްޔާއި ބަލީގެ ވައިރަހާ ބެހޭ ގޮތުން އެނގެމުން ދިޔަ ވަރަކަށް މި ބައްޔާ ގުޅިގެން އަމަލުކުރަންޖެހޭ ގޮތަށް އަދިވެސް ބަދަލު އަންނާނެ އެވެ.

އެކަމަކު މިއީ ކޮން 14 ދުވަހެއް ހެއްޔެވެ؟

މިއީ މި ސުވާލަށް ޔުނިވާސިޓީ އޮފް ނޯތު ކެރޮލައިނާގެ ގިލިންސް ސްކޫލް އޮފް ޕަބްލިކް ހެލްތުގެ ވައިރޮލޮޖިސްޓް ރޭޗެލް ގްރަހަމް ދެއްވާފައިވާ ޖަވާބެވެ.

ކަރަންޓީނުވާން ޖެހޭ މުއްދަތު ގުޅިފައިވަނީ ވައިރަހެއް ހަށިގަނޑުގެ ސެލްތަކަށް ވަދެ ވައިރަސް އާލާވާން ފެށުމަށް ނަގާ މުއްދަތަށެވެ. ހަށިގަނޑަށް ވައިރަހެއް ވަނުމުން އެ މީހަކީ ވައިރަސްގެ "ހޮސްޓް" އެވެ. ވައިރަސް ދިރިހުރުމަށް ހޮސްޓެއް ބޭނުންވެ އެވެ. އަދި އެ ހޮސްޓުގެ ތެރޭގައި ވައިރަސްތައް. އާލާކޮށް ގިނަކުރުމަށް ފަހު އެހެން ހޮސްޓަކަށް އެ ވައިރަސް ފަތުރަ އެވެ. އެއް ހޮސްޓުން އަނެއް ހޮސްޓަށް ނުވަތަ އެކެއްގެ ފަރާތުން އަނެކަކަށް ވައިރަސް ފޯރާނީ ވައިރަސް އަރާފައި ހުރި މީހެއްގެ ހަށިގަނޑުގައި އެކަމަށް ބޭނުންވާ ވަކި މިންވަރަކަށް ވައިރަސް ގިނަކުރެވުމުންނެވެ. މިކަން ކުރުމަށް ވައިރަސް ހަށިގަނޑުގެ ސެލްތަކަށް ފެތުރިގަނެ އެވެ. ވަކި މިންވަރަކަށް ވައިރަސް ގިނަވުމުން، ވައިރަސް ހުރި މީހާ ކެއްސައި ކިނބިހިއެޅުން ފަދަ ކަންކަން ކުރާއިރު އޭގައި ވެސް ވައިރަސް ހުންނާނެ އެވެ. އާ ހޮސްޓަކަށް ވައިރަސް ފޯރާނީ މި ޒަރިއްޔާތަކުންނެވެ. "އިންކިއުބޭޝަން ޕީރިއަޑް" އޭ ކިޔަނީ ހަށިގަނޑަށް ވައިރަސް ވަދެ އާލާވެ، އެހެން މީހުންނަށް ވައިރަސް ފޯރާ ވަރަށް ވައިރަސް ގިނަވާން ނަގާ މުއްދަތަށެވެ.

"ވައިރަސްގެ ބާވަތުން އަދި ވައިރަސްގެ ހޮސްޓުގެ ގޮތުން އިންކިއުބޭޝަން މުއްދަތު ތަފާތުވެދާނެ،" ރޭޗެލް ވިދާޅުވެފައިވެ އެވެ.

ކޮވިޑް-19 ޖައްސާ ކޮރޯނާވައިރަހުގެ އާންމު އިންކިއުބޭޝަން މުއްދަތަކީ ގާތްގަނޑަކަށް ފަސް ދުވަހެވެ. މި ވައިރަސް އިންފެކްޓުވާ މީހުންގެ 97 ޕަސެންޓް މީހުންގެ ކިބައިން ބަލީގެ އަލާމާތްތައް ފެންނަން ފަށަނީ 11-12 ދުވަސް ތެރޭގަ އެވެ. އަދި 99 ޕަސެންޓަކީ 14 ދުވަސް ތެރޭގައި ބަލީގެ އަލާމާތް ފެންނަން ފަށާ މީހުންނެވެ.

އެހެންވެ، ކޮވިޑް-19 ކޮންޓްރޯލްކުރުމުގައި މި ކަނޑައަޅާ 14 ދުވަހުގެ ކަރަންޓީނު މުއްދަތަކީ ވީހާވެސް ޔަގީންކަން ބޮޑުކުރުމަށް "ސޭފްޓީ މާޖިން" އެއް ވެސް ލާފައި ކަނޑައަޅާފައި އޮންނަ މުއްދަތެކެވެ. މި ކަރަންޓީނު މުއްދަތު އެކި ގައުމުތަކުގައި އަދި އެކި ހާލަތްތަކުގައި އިތުރުވުމާއި ކުރުވުން ބިނާވަނީ ބަލި ފެތުރުމުގެ ރިސްކު އޮތް މިންވަރާއި ގައުމެއްގެ ހާލަތާ ގުޅޭ ގޮތުން އެ ގައުމެއްގެ ސިއްހީ އިދާރާތަކުގެ ނިންމުންތަކަށެވެ.

21 ކޮމެންޓް, 42 ރިއެކްޝަންސް

icon happy icon happy 48%
icon sad icon sad 19%
icon angry icon angry 33%
icon wow icon wow 0%
icon inlove icon inlove 0%
The name is already taken The name is available. Register?

ކޮމެންޓްތައް

އެންމެ ފަސް މަގުބޫލް

އަރުވާލި އާދަނުގެ ސިޔާސީ ހާސަރު

26 November 2020

ކީކޭބާ (ޑަބްލިއު އެޗްއޯ ) ތިއަކަމަށް ބުނަނީ.

The name is already taken The name is available. Register?

ސިކުނޑި

26 November 2020

މިހާރު އެޗްޕީއޭއިން ގަބޫލު ކުރާގޮތުން މާލެ ސަރަހައްދުން ފުރާ މީހުންގަޔަށް ވައިރަސް ވަންނަނީ ފުރާދުވަހު!

The name is already taken The name is available. Register?

ކަކުނިބޯ

26 November 2020

ކޮން ފަޅޮޅެކޭތަ މިކިޔަނީ މީހާ ބަލީހެޝިކާރަޔަކަށް ވެގެން ޑޮކްޓަރަށް ދައްކަންދަނީ ބަލިވެގެން އިންކިޔުބޭޝަން ޕީރިޔެޑްނިމިގެން 2ދުވަސް ނުވަތަ 3 ދުވަސް ފަހުން ކޮވިޑް ނަތީޖާލިބި ކަރަންޓީނުވާން 2 ދުވަސް އޭރު އަންހެނުންނާ ދަރިންލކައިރީ އުޅެ މާރުކޭޓުން މަސްގަނެ ރައްޓެހިންނާކޮފީބޮޔް ނިމިފައޮންނަނީ 14 ދުވަހެ ވަރިހަމަ 32 ވިޔަސް ވާނެއެއްޗެއްވާނީ އެކަމު މާސްކްއަޅަ ނަފްސަށް ބަލަންވާނެއިގޭ

The name is already taken The name is available. Register?

ލައިލީ

26 November 2020

މައްސަލައަކީ އަބްދުލްﷲ ޝާހިދު، އެމެރިކާގެ ބޮޑު ބޭފުޅާ ފަދަ ނުފޫޒުގަދަ މީހުން އައިމަ ތިޔަ ކަރަޓީންނެއް ނޯވޭ! ދެނޯ؟

The name is already taken The name is available. Register?

ބަތްކައްކާ

26 November 2020

ޢަސްލު މައްސަލައަކީ ކަރަންޓީންއެއްނޫން. ޢެކިމީހުންނަށް އެކިގޮތް ހަދާތީވެ.

The name is already taken The name is available. Register?

ދޮންބެއްޔާ

25 November 2020

މީ އަޅުވެތިކޮށް ބަނދުކުރަނީ ރަނގަޅަށް ކަމަށް ވިސްނައިދޭން ލިޔެފަ އޮތް ލިޔުމެއް.

The name is already taken The name is available. Register?

ތަފާތު

25 November 2020

މައްސަލައެއް ނެތް 1 އަހަރު ކަރަންޓީނުގަ ބެހެއްޓިޔަސް. މައްސަލަ އަކީ އެއް ހާލާތަކުން އަންނަ އެކި މީހުންނަށް އެކި ގޮތް ހަދަން ޖެހޭތީ. ތަފާތުކުރާތީ.

The name is already taken The name is available. Register?

ޖަލީލު

25 November 2020

7 ދުވަހުން ޕީސީއާރް ޓެސްޓް ހަދާފަ ވެސް ބެލިދާނު. ދޮންމީހުންވީމަ އޯކޭ ނިކަމެތި ރައްޔިތުން ގަނަތެޅުމުގަ.

The name is already taken The name is available. Register?

ބަރުސޮރު

25 November 2020

ގައުމަށް ބޭރުން އަންނަ ބިދޭސީ މަސއްކަތުމީހުން 14 ދުވަހު ކަރަންޓީނުވާކަށް ނުޖެހޭ މާލެއިން 5 ދުވަހަށް ރައްރަށަށްދާ ސަރުކާރުގެ މީހުން ވައިރަސް ޖެހިފަ ހުއްޓަސް ކަރަންޓީނު ވާކަށް ނުޖެހޭ ވައިރަސް ހުރިރަށަކުން ދާ ފަގީރު ދިވެހި ރައްރިތެއް ވެއްޖިއްޔާ 14 ދުވަސް ނޫނީ އެއަށްވުރެ ގިނަދުވަހު އަދަގޮޑި ޖަހާފަ ބާއްވަނީ

The name is already taken The name is available. Register?

އަފުން

25 November 2020

ރަށަށް ގޮސް 5 ދުވަހު ހުރުމަށްފަހު ޕީސީއާރ ހަދާގޮތަށް ހަމަޖެއްސިޔަސް އެއީ ލައްކަބޮޑު ލުޔެއް. ސަރުކާރު ޚަރަދުގައި ޕީސީއާރު ޓެސްޓް ހަދާދެވެން ނެތިއްޔާ އަމިއްލަ ޚަރަދުގައިވެސް ރައްޔިތުންތިބީ ޕީސީއާރު ޓެސްޓް ހަދާގޮތަށް.

The name is already taken The name is available. Register?

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454