އުމުރުން ހަ އަހަރުގައި އުންމީދުތައް ޖައްވުގައި

އެޑަމް.

އަހުމަދު އަދްޝަން, މިހާރު

01 ޑިސެމްބަރ 2020

2 comments

ބޮޑުވެގެން ބޭނުން ވަނީ ސްޕޭސް މިޝަންތަކާ ގުޅުން ހުރި ކަންކަމުގައި މަސައްކަތްކުރަން ކަމަށް ބުނެ އެންމެ ހަ އަހަރުގެ ކުއްޖަކު ޓީވީ ޝޯއެއްގައި ދެއްކި ވާހަކަތަކާ ގުޅިގެން އެ ދާއިރާގެ އެތައް ބައެއްގެ ސަމާލުކަން ހުއްޓިއްޖެ އެވެ.

ފަޔަށް ދިމާވެފައިވާ ސިއްހީ މައްސަލަތަކަކާ ހެދި ހިނގުމުން މަހުރޫމުވެފައިވާ، އަޔަލެންޑަށް އުފަން އެޑަމް ކިންގް ޓީވީ ޝޯ "ދަ ލޭޓް، ލޭޓް ޓޯ ޝޯ" ގައި ހުކުރު ދުވަހު ބުނީ އެންމެ ކަމުދަނީ މިޝަން ކޮންޓްރޯލިން ކަމަށާއި އުންމީދަކީ ޖައްވީ ކަންކަމާ ގުޅުން ހުރި މަސައްކަތްތައް ކުރާ މީހަކަށްވާން ކަމަށެވެ.

ކުޑަކުއްޖާގެ މި ވާހަކަ އަޑު އަހާފައި، ޔޫރަޕާއި އެމެރިކާގެ ޖައްވީ އެޖެންސީތަކުގެ މަޝްހޫރު މީސްމީހުން އަންނަނީ އެޑަމް އަށް މެސެޖްތައް ފޮނުވަމުންނެވެ. އެޑަމްގެ ހުވަފެން ހަގީގަތަކަށް ހަދައިދޭނެ ކަމަށް އެ މީހުން ބުނެފައިވެ އެވެ.

އެމެރިކާގެ ޖައްވީ އިދާރާ ނާސާ އިން ކުރި ޓްވީޓެއްގައި ބުނީ އެ މީހުންގެ ޓީމާ އެޑަމް ގުޅޭނެ ދުވަހަކަށް މިހާރު އިންތިޒާރުކުރެވޭ ކަމަށެވެ.

Who needs a (virtual) hug from Adam King right about now?#LateLateToyShow pic.twitter.com/4pMqwpEty6
— The Late Late Show (@RTELateLateShow) November 27, 2020

އެންމެ ހަ އަހަރުގައި ބޮޑެތި ހުވަފެންތަކެއް ދެކެމުން އަންނަ އެޑަމް ބައިބެރިވި ޝޯ އަކީ ކުޑަކުދިންނަށް ހާއްސަ ކުޅޭ ސާމާނާއި އެފަދަ އެހެން ގެޖެޓްތައް ކުދިން ލައްވައި ޓެސްޓްކުރުވާ އަހަރީ ޝޯއެކެވެ. އެ ޝޯ އަކީ އަޔަލެންޑްގެ އެންމެ ދުވަސްވީ އެއް ޝޯ ވެސް މެ އެވެ.

🌟 Adam’s kind heart and adventurous spirit inspires us.

There’s space for everybody at NASA, and we can’t wait for him to one day join our team of dreamers. We’ll be here when he’s ready. 🌟 pic.twitter.com/WJCzue9O13
— NASA (@NASA) November 28, 2020

މި އަހަރުގެ ޝޯގައި އެޑަމް އޭނާގެ ހުވަފެންތަކާ ބެހޭ ގޮތުންނާއި ކުޅޭ އެއްޗެހިތައް ޓެސްޓްކުރުމުގައި ދެއްކި ހުނަރުން އޭނާ އަކީ "ސްޓާ އޮފް ދި އިޔާ" ވެސް މެ އެވެ.

Adam - I’ve been lucky enough to CAPCOM many spaceflights. We should talk space together. Take care, be good - Chris@RTELateLateShow https://t.co/XacYA9ncKT
— Chris Hadfield (@Cmdr_Hadfield) November 28, 2020

ޖައްވީ މިޝަންތަކާ ބެހޭ ގޮތުން ދެއްކި ވާހަކަތަކުގެ ތެރޭގައި ޝޯގެ ހޯސްޓް ރަޔަން ޓަބްރިޑީ، އެޑަމްގެ ގާތުން ބޮޑުވެގެން ވާން ބޭނުން ވަނީ ކޮން ކަހަލަ މީހަކަށްތޯ އެހުމުން ވަގުތު އޭނާ ބުނީ "ނާސާގެ ކެޕްކޮމް" އަކަށް ކަމަށެވެ. އެއީ ޖައްވީ މިޝަންތަކަށް ފޮނުވާ އުޅަނދުފަހަރުތަކާ މުއާމަލާތްކުރާ މީހާ އެވެ.

Adam - so inspired by you! Can’t wait to meet you one day. Hope to see you at @NASA_Johnson soon! https://t.co/qvl1mfadmK
— Shane Kimbrough (@astro_kimbrough) November 28, 2020

އެސްޓްރޮނޯޓަކަށް ވާން ބޭނުންތޯ އެހުމުން އެޑަމް ބުނީ "އަހަރެންގެ ހުރީ މަދު ކަށިތަކެއް" ކަމަށާއި އެހެންވެ "ބިމުގައި ހުރެގެން އުޅަނދުފަހަރު ކޮންޓްރޯލްކުރާނީ" ކަމަށެވެ.

I’ve been thinking about this clip all day. The beautiful joy and admiration on his face 😭 #LateLateToyShow pic.twitter.com/xCRudIY6lc
— Seán Defoe (@SeanDefoe) November 28, 2020

އެޑަމަށް ތައުރީފުކުރަމުން އިނގިރޭސި އޮސްޓްރޮނޯޓް ޓިމް ޕީކީ ވަނީ އަކީ އޭނާ "ސުޕަސްޓާރެއް" ގޮތަށް ސިފަކޮށްފަ އެވެ. އަދި އެފަދަ ވާހަކަތައް ތުއްތު ކުދިން ދެއްކުމުން ހިތަށް އުފާވެރިކަން ލިބޭ ކަމަށް ބުންޏެވެ.

ޓީވީ ޝޯގައި ލޯބިލޯބި ތުއްތު ކުއްޖާ ދެއްކި ވާހަކަތަކާ ގުޅިގެން އާންމުންގެ ލޯބި ވެސް ވަނީ އޭނާ އަށް އޮހެން ފަށައިފަ އެވެ. އަދި އެޑަމް އަށް ދުޅެހެޔޮ ސިއްހަތަކަށް އެދޭ ކަމަށާއި އެ މީހުންގެ ހެޔޮދުއާތައް އަބަދުވެސް އޭނާއާ އެކީގައި ވާނެ ކަމަށް ބުނެފައިވެ އެވެ.