ކުޅިވަރު / ގައުމީ ވޮލީބޯޅަ ލީގު

ވޮލީ ލީގުގެ ފުރަތަމަ މެޗުން ގުޑީސް އަށް ބޮޑު މޮޅެއް

ރޭގެ މެޗުގެ ތެރެއިން ގުޑީސްގެ ކުޅުންތެރިން އުފާފާޅުކުރަނީ.-- ފޮޓޯ: ހުސެއިން ވަހީދު/ މިހާރު

26 ޑިސެމްބަރ 2019 - 10:59

happy icon 63%

އަހަރެއްގެ މެދުކެނޑުމަކަށް ފަހު ރޭ ފެށި ގައުމީ ވޮލީބޯޅަ ލީގުގެ ފިރިހެން ޑިވިޝަނުގެ ފުރަތަމަ މެޗުން ގުޑީސް ސްޕޯޓްސް ކްލަބުން ބޮޑު މޮޅެއް ހޯދައިފި އެވެ.

ޒުވާނުންގެ މަރުކަޒުގެ އެތެރެ ކޯޓުގައި ރޭ ކުޅުނު މެޗުން ސްޕޯޓްސް ކްލަބް ހޯކްސްގެ މައްޗަށް ގުޑީސް އިން ކުރިހޯދީ ފަސޭހަކަމާ އެކު ސީދާ ތިން ސެޓުންނެވެ. ގުޑީސް އިން ސެޓުތައް ގެންދިޔައީ 25-15، 25-10 އަދި 25-13 އިންނެވެ. މެޗުގެ މޮޅު ކުޅުންތެރިއަކަށް ހޮވުނީ ގުޑީސް އަށް ކުޅޭ ގައުމީ ޓީމުގެ ކުޅުންތެރިޔާ މުހައްމަދު އަހުސަން އެވެ.

ގުޑީސް އަކީ މި ފަހަރުގެ ގައުމީ މުބާރާތަށް އެންމެ ރަނގަޅަށް ޓީމު އެކުލަވާލި ޓީމުތަކުގެ ތެރެއިން އެއް ޓީމެވެ. އަހުސަންގެ އިތުރުން ގައުމީ ޓީމުގެ އެހެން ކުޅުންތެރިން ވެސް ގުޑީސް ޓީމުގައި ހިމެނެ އެވެ. ގުޑީސްގެ ކެޕްޓަނަކީ ގައުމީ ޓީމުގެ ސެޓަރު ހުސެއިން ވިޝާމް (ބުޅިކެ) އެވެ. ދެން އެ ޓީމުގައި ހިމެނޭ ފާހަގަކޮށްލެވޭ ކުޅުންތެރިންގެ ތެރޭގައި ހަސަން ނިލާމް (ޕާޓޭ) އާއި ޖަވާމް އަލީ (ދަގަނޑޭ) އާއި އާދަމް ފައިރޫޒް އަދި ޒުވާން ކުޅުންތެރިޔާ ޝަމާއިލް ހުސެއިން ހިމެނެ އެވެ. މީގެ އިތުރުން ނޭލާލުގެ ހުނަރުވެރި ކުޅުންތެރިޔާ މަން ބަހާދުރު ޝްރެސްތާ ވެސް ވަނީ އެ ޓީމަށް ގެނެސްފަ އެވެ.

ޝަފާޒް އިބްރާހިމްގެ ކޯޗުކަމުގައި ކުޅޭ ގުޑީސް އިން ވަނީ ރޭގެ މެޗުގައި ރަނގަޅު ކުޅުމެއް ދައްކައިފަ އެވެ. އަހުސަން މޮޅު ކުޅުންތެރިޔާގެ މަގާމު ހޯދިއިރު ނިލާމް ވެސް ވަނީ މޮޅު ކުޅުމެއް ދައްކައިފަ އެވެ.

ފަސް ޓީމު މި ފަހަރުގެ މުބާރާތުގައި ކުޅޭއިރު ދެން އެންމެ ވަރުގަދަ ސްކޮޑަކާ އެކު މި މުބާރާތަށް ޓީމު ތައްޔާރުކުރީ ޕޮލިހުންނެވެ. ޕޮލިހުގެ ފުރަތަމަ މެޗު އޮންނާނީ މާދަމާ ހަވީރު އެވެ. އެ ޓީމު ކުޅޭނީ ސްޕޯޓްސް ކްލަބް ސިޓީއާ އެވެ. މާދަމާރޭ ކުޅޭ މެޗުގައި ދިވެހި ސިފައިންގެ ކްލަބް ބައްދަލުކުރާނީ ގުޑީސްއާ އެވެ.

ސިފައިންނާ ވާދަކޮށް އެންމެ ފަހުން 2017 ވަނަ އަހަރު ބޭއްވި ގައުމީ ލީގުގެ ޝީލްޑް އުފުލާލި މޯލްޑިވިއަން އިންނެވެ. މުބާރާތުގައި މިރޭ ކުޅޭ މެޗުގައި ސްޕޯޓްސް ކްލަބް ސިޓީ ކުޅޭނީ ހޯކްސްއާ އެވެ.

0 ކޮމެންޓް, 6 ރިއެކްޝަންސް

icon happy icon happy 83%
icon sad icon sad 17%
icon angry icon angry 0%
icon wow icon wow 0%
icon inlove icon inlove 0%
The name is already taken The name is available. Register?

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454

Share your opinion about "Mihaaru" new website

"މިހާރު"ގެ އާ ވެބްސައިޓާ ބެހޭ ގޮތުން ހިޔާލު ފޮނުވުމަށް

ނަން އަދި ޚިޔާލު ޖައްސަވާ!
Please fill in name and opinion.
ތިޔަ ޚިޔާލު ލިބިއްޖެ. ޝުކުރިއްޔާ!
We have recieved your message. Thank You!