ޚަބަރު / މެމްބަރު ގާސިމް އިބްރާހިމް (މާމިގިލި)

ގާސިމްގެ ބަންދު ހަތަރު ދުވަހަށް އިތުރުކޮށްފި

05 މެއި 2017 - 17:57

22 comments

ގާސިމް އިބްރާހިމް ބަންދުގައި ބަހައްޓަން ކުރިމިނަލް ކޯޓުން ކުރިން ދިން 15 ދުވަހަށް މިއަދު އިތުރު ހަތަރު ދުވަސް އެ ކޯޓުން ދީފި އެވެ.

ކުރީގެ މުއްދަތު ހަމަވާތީ އެއާ މެދު ގޮތެއް ނިންމަން ބޭއްވި މުއްދަތު މަޖިލިހުގައި ގާޒީ ނިންމެވީ ހޯމް މިނިސްޓްރީން ކަނޑައަޅާ ތަނެއްގައި ގާސިމް އިތުރު ހަތަރު ދުވަހު ބެހެއްޓުމަށެވެ.

އެކަމަކު ގާސިމްގެ ވަކީލުން ކޯޓުން ބޭރުގައި ވިދާޅުވީ ބަންދުގެ މުއްދަތު އިތުރުކުރަން ފުރަތަމަ ފަހަރު ފުލުހުން ހުށަހެޅި އިންޓެލިޖެންސް ރިޕޯޓް ފިޔަވައި އިތުރު އެހެން މައުލޫމާތެއް މިފަހަރު ހުށަހަޅާފައި ނުވާ ކަމަށް ގާޒީ ވިދާޅުވި ކަމަށެވެ. އަދި ދެން ބަންދުގެ މުއްދަތު އިތުރުކުރަން ގާސިމް ކޯޓަށް ގެންނަ ނަމަ އިތުރު ހެކި ހުށަހަޅަން ގާޒީ އެންގެވި ކަމަށް ވެސް ވަކީލުން ވިދާޅުވި އެވެ.

ފުލުހުންގެ ހައްޔަރުގައި ގާސިމް ބަހައްޓައިގެން އުޅެނީ ރައްޔިތުންގެ މަޖިލިހުގެ މެމްބަރުންނަށް ނުފޫޒު ފޯރުވުމާއި ސަރުކާރު ވައްޓާލަން އުޅުއްވާ ކަމުގެ ތުހުމަތުގަ އެވެ. މިދިއަ މަހު 21 ވަނަ ދުވަހުގެ ރޭ ދަންވަރު ފުލުހުން އޭނާ ހައްޔަރުކޮށް، އޭގެ އަނެއް ދުވަހު ކްރިމިނަލް ކޯޓަށް ހާޒިރުކުރުމުން ބަންދުގެ މުއްދަތަށް 15 ދުވަސް ޖަހައިދިނެވެ.

ކުށެއްގެ ތުހުމަތުގައި ހައްޔަރުކުރާ މީހަކު ބަންދުގައި ބަހައްޓަން އެންމެ ފުރަތަމަ ގިނަވެގެން ދެވޭނީ 15 ދުވަހެވެ. އެކަމަކު އޭގެ ފަހުން އެކި ދުވަސް ޖަހައިދިނުމުގެ ބާރު ފަނޑިޔާރުންނަށް ލިބިގެންވެ އެވެ.

ގާސިމްގެ ބަންދުގެ މައްސަލަ ހައި ކޯޓުގައި އިސްތިއުނާފްކުރުމުން އެ ކޯޓުން ވަނީ ދަށު ކޯޓުގެ ހުކުމަށް ތާއީދުކޮށްފަ އެވެ. އެކަމަކު އެންމެ ފުރަތަމަ ފަހަރު ބަންދުގެ މުއްދަތު އިތުރުކުރުމުން އެ ހުކުމް ހައި ކޯޓުން ބާތިލްކުރި އެވެ. އެއީ ގާސިމަކީ ރައްޔިތުންގެ މަޖިލިހުގެ މެމްބަރަކަށް ވެފައި، ކުށުގެ ވެށިން ނޫން ގޮތަކުން މެމްބަރަކު ހައްޔަރުކުރެވޭނީ ޕްރޮސެކިއުޓަ ޖެނެރަލް އެކަމަށް އެދިގެން ކަމަށް ވެފައި، އެ ފަހަރު ޕީޖީގެ ރޯލެއް ނެތުމުންނެވެ.

އެކަމަކު ދެވަނަ ފަހަރަށް ހައްޔަރުކުރި އިރު ކްރިމިނަލް ކޯޓުގައި އެކަމަށް އެދުނީ ޕީޖީ އެވެ.

ގާސިމް ބަންދުގައި ހުންނެވި އިރު، މަޖިލިހުގެ މެމްބަރުންނަށް ރިޝްވަތު ދެއްވުމާއި ވޯޓަށް ނުފޫޒު ފޯރުވުމުގެ ތުހުމަތުގައި ޝަރީއަތެއް ވެސް ކުރިއަށް އެބަ ދެ އެވެ.

22 ކޮމެންޓް, 129 ރިއެކްޝަންސް

icon happy icon happy 6%
icon sad icon sad 3%
icon angry icon angry 91%
icon wow icon wow 0%
icon inlove icon inlove 0%
The name is already taken The name is available. Register?

ކޮމެންޓްތައް

އެންމެ ފަސް މަގުބޫލް

ހިލަބެ

06 May 2017

ހަރުފައެއް ކިތައްމެ އޮޅުކޮށްގެން އަތްއްލައި ފިރުމަމުން ގެންގުޅުނަސް ހަމަކޮށްމެ ފަދަވަޤުތަކުވެސް ވިހަލާފާނެ.

The name is already taken The name is available. Register?

ްޤުއްޓޭ

06 May 2017

ބަގާތްވާތުން ސަރުކާރެއް ބަދަލު ކުރުމުން އެކަމުގެ ޙައްގު އަދަބު ތި ލިބެނީ. ތަޤްދީރަކާކޭއި އެއްވެސް އިންސާނަށް ނުކުޅެވޭނެ. ހީނުރާތި ތިމަންނަ އަތުގައި މިއަދު ފައިސާ ފޮއްޗެއް އޮވެގެން ބޭނުންހާ ކަމެއް ކުރެވި ދާނެ ކަމަށް. އަދިވެސް މި ކަމުގައި ސާމިލް ވާ ފަރާތް ތައް އިންސާފުގެ ކުރިމައްޗަށް އަންނާނެ ކަމީ އެއްވެސް ސައްކެތް އޮތް ކަމެއް ނޫން. ތަޤްދީރަކާ ނުކުލެވޭނެ. ހީކުރަން މި ކޮމަންޓް ޖަހާލަދޭނެކަމަށް.

The name is already taken The name is available. Register?

ދެރަވޭ

06 May 2017

ހެޔޮނުވާނެ ގާސިމަށް އަދުލުވެރި ޝަރީޢަތެއް ހޯދައިދީ. ޔާ ﷲ ޤާސިމަށް ރައްކާތެރިކަން ދެއްވާފާންދޭވެ.

The name is already taken The name is available. Register?

ސަހަރޯވެރިޔާ

05 May 2017

ހިއްވަރުދެރަ ނުކުރައްވާތި ޤާސިމް..... ﷲ ގެ ރަޙްމަތްފުޅާއެކު. ރަގަޅުގޮތެއް މެދުވެރި ކުރައްވާނެ އިންޝާ ﷲ .. އަޅުގަޑުމެންގެ ޖާނާ މާލުން ޤާސިމްއަށްޓަކާ ޤުރުބާންވާން ތައްޔާރަށް މިތިބީ.. ފަހަތަށްޖެހިވަޑައިނުގަންނަވާތި. ....

The name is already taken The name is available. Register?

ޓަކި މޫނާ

05 May 2017

ޤާސިމް ދެކެ ހާދަ ބިރެއް ގަންނަ ސަރުކާރެކޭ ދޯ މިއީ؟

The name is already taken The name is available. Register?

ފުރުސަތުގެ ބޭނުންހިފާ

05 May 2017

ޥަރަށް ދެރަ

The name is already taken The name is available. Register?

ރަދުން

06 May 2017

ގާސިމް ދެކެ އެއްވެސް ބިރެއް ނުގަނޭ އިނގޭތަ މިހާރު މާބިޒީ ކައުންސިލް އިންތިހާބު ކަންތަކާ އެކަމާ މަމެން މި އުޅެނީ

The name is already taken The name is available. Register?

ހަމަލޯ

05 May 2017

ﷲގެ ރަޙްމަތުން ތިމާއަށް ލިބޭ ބާރާ ނުފޫޒުގެ ބޭނުން ނަހަމަގޮތުގައި ހިފާ ރައްޔިތުންނަށް އަނިޔާވެރިވާ ވެރިންގެ ނިމުން ގިނަފަހަރު ވަރަށް ހިތިވާނެ. ތިމާ ހިތުހުރި ގޮތަކަށް ޤާނޫނުތައް ކޮށާ މަށާ ހެދުމަށްފަހު އަދި ޝަރުޢީ ދާއިރާއަށް އިންތިހާއަށް ނުފޫޒު ފޯރުވުމަށްފަހު ތިމާ ޢަމަލު ކުރަނީ ޤާނޫނާ އެއްގޮތަށޭ ބުނާ މީހާއަށްވުރެ ވަކިން ހުދުމުހުތާރު ނުބައިވެރިޔަކު ހުންނާނެބާ. އަނިޔާ ދާއިމަށް ދެމިއެއް ނޯންނާނެ.

The name is already taken The name is available. Register?

ނަސީބުދޯ

05 May 2017

ނަސީބެއް ނޫން ދޯ 15 ދުވަސް ބަދަލުގައި އެންމެ 4 ދުވަސް ދިން ކަން. އެއީ އުފާ ކުރަން ޖެހޭނެ ކަމެއް ހެން މަމެންނަށް ހީވެއޭ ބުނަން މަމެން ނެތީމު ދޯ.

The name is already taken The name is available. Register?

އަލީ

05 May 2017

މިއީ ހަމަ އެހާ ނުރައްކާތެރި ބޭފުޅެއް ދެއްތޯ؟ ސާބަސް އިގޭ!

The name is already taken The name is available. Register?

ކުރި

05 May 2017

މަބިރުގަނޭ މީނާ ވެސް ނަޝީދު ހެދިގެން ފިލާ ރައްކާ ވެދާނެތީ

The name is already taken The name is available. Register?

ނިރު

05 May 2017

ރިޝްވަތު ދިނުމާއި ބަގާވާތް ކުރުމަކީ ހާދަ ނުބައި ކަން ކަމޭ.

The name is already taken The name is available. Register?

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454