ޚަބަރު / ޤުރުއާން

ލޯފަން ދިވެއްސެއްގެ އަޑުން މުޅި ގުރުއާން ރެކޯޑްކުރަނީ

ހާފިޒް އަބްދުލް ރަޝީދު މުހައްމަދު ގުރްއާން ރިކޯޑްކުރަނީ -- ފޮޓޯ: ބްލައިންޑް އެންޑް ވިޝުއަލީ އިމްޕެއާޑް ސޮސައިޓީ އޮފް މޯލްޑިވްސް

30 ނޮވެމްބަރ 2020 - 14:26

11 comments
happy icon 95%

ލޯފަން ދިވެއްސެއްގެ އަޑުން މުޅި ގުރުއާން ރެކޯޑްކުރުމުގެ މަސައްކަތް ބްލައިންޑް އެންޑް ވިޝުއަލީ އިމްޕެއާޑް ސޮސައިޓީ އޮފް މޯލްޑިވްސް (ބީވީއައިއެސްއެމް) ގެ މެމްބަރަކު މިއަދު ފަށައިފި އެވެ.

އެ ޖަމިއްޔާގެ ރައީސް އަލީ ޝަމީމް ވިދާޅުވީ ގުރުއާން ރެކޯޑުކުރަނީ ޕީއެސްއެމުން ބޭއްވި ގުރުއާން މުބާރާތް ކަމަށްވާ "ރާއްޖޭގެ އެންމެ އަލިގަދަ ތަރި" ކާމިޔާބުކޮށްފައިވާ، އެ ޖަމިއްޔާގެ މެމްބަރު އަދި ރާއްޖެއަށް މަޝްހޫރު ހާފިޒު އަބްދުއް ރަޝީދު މުހައްމަދުގެ އަޑުން ކަމަށެވެ.

އޭނާ ވިދާޅުވީ ށ. ފޭދޫ މިސްކިތުގެ އިމާމު، އަބްދުއްރަޝީދުގެ އަޑުން ރެކޯޑްކުރާ ގުރްއާން އަންނަ އަހަރުގެ ރޯދަ މަހުގެ ކުރިން ނެރެން މަސައްކަތްކުރަމުން އަންނަ ކަމަށާއި މި ރެކޯޑިން ހިލޭ ލިބޭނެ ގޮތް ހަދާނެ ކަމަށެވެ.

އަބްދުއްރަޝީދަކީ ހަމައެކަނި ގުރުއާން ހިތުދަސް ގާރީއެއް ނޫނެވެ. ގުރުއާންގެ ކޮންމެ އާޔަތެއްގެ ނަންބަރާއި ސޫރަތް ވެސް އޭނާ ބުނެދެ އެވެ. "ރާއްޖޭގެ އެންމެ އަލި ގަދަ ތަރި"އަށް ވުމުގެ ކުރިން ރާއްޖެއަށް އެންމެ ފުރަތަމަ އޭނާ މަޝްހޫރުވީ 2000ގެ އަހަރުތަކުގެ ކުރީކޮޅު "ހަވީރު"ން ނެރުނު "ހުވާސް" މަޖައްލާގައި އޭނާއާ ބެހޭ ގޮތުން ލިއުނު ލިއުމާ އެކު އެވެ.

އަބްދުއްރަޝީދު، ނުވަތަ މަޝްހޫރު ނަމުން ނަމަ އަބްސީގެ އަޑުން ގުރުއާން ރެކޯޑްކުރަނީ، ޝަމީމް ވިދާޅުވި ގޮތުގައި، މިހާތަނަށް ދިވެއްސެއްގެ އަޑުން މުޅި ގުރްއާން ރިކޯޑުކޮށްފައި ނެތުމުންނެވެ.

އޭނާ ވިދާޅުވީ އަޑުއަހައިގެން ގުރުއާން ދަސްކުރާ، އެހެން ލޯފަން ކުދިންނާއި މީހުންނަށް ވެސް ފަސޭހައިން ދަސްކުރެވޭނެ ގޮތަށް ގުރުއާން ރެކޯޑުކުރަން އިސްކަން ދޭނެ ކަމަށެވެ.

އަބްސީގެ އަޑުން ގުރުއާން ރެކޯޑުކުރުމުގެ މަސައްކަތް ބީވީއައިއެސްއެމްއާ އެކު ކުރަނީ ސޮބާހު ސްޓޫޑިއޯ އިންނެވެ. މި މަސައްކަތްކުރަން އެ ޖަމިއްޔާ އާއި ސޮބާހު ސްޓޫޑިއޯއާ ދެމެދު އެއްބަސްވުމެއް ވަނީ ހަދައިފަ އެވެ.

"ގުރުއާން ރެކޯޑްކުރުމުގެ މަސައްކަތް އެއް މަސް ދުވަހުގެ ތެރޭގައި ފުރިހަމަ ކުރެވޭނެ ކަމަށް އަޅުގަނޑުމެން މި ބަލަނީ،" ޝަމީމް ވިދާޅުވި އެވެ.

މި މަސައްކަތަށް އިސްލާމިކް މިނިސްޓްރީގެ އެއްބާރުލުން ވެސް ލިބޭކަން ފާހަގަކުރައްވައި އެ މިނިސްޓްރީއަށް އޭނާ ޝުކުރުއަދާކުރެއްވި އެވެ.

11 ކޮމެންޓް, 148 ރިއެކްޝަންސް

icon happy icon happy 97%
icon sad icon sad 2%
icon angry icon angry 1%
icon wow icon wow 0%
icon inlove icon inlove 0%
The name is already taken The name is available. Register?

ކޮމެންޓްތައް

އެންމެ ފަސް މަގުބޫލް

އަބްދުއްالله

01 December 2020

އަރަބީންގެ ފަރިހި.

The name is already taken The name is available. Register?

ޚާލިދު އަޙްމަދު

30 November 2020

ހާދަ ރަނގަޅޭ. މަސައްކަތުގައި ބަރަކާތް ލައްވާށި! ޢާމީން

The name is already taken The name is available. Register?

ބެލްބުނަން

30 November 2020

ތިޔައީ ރަނގަޅު ހެޔޮވިޔަފާރިޔަކީ... ކާމިޔާބަށް އެދެން.

The name is already taken The name is available. Register?

SHAHIN

30 November 2020

މާޝާ ﷲ

The name is already taken The name is available. Register?

ބައިރޯ

30 November 2020

ހަގީގަތުގަ ލޯފަން މިވީ އަހަރެމެން، ލޮލުން އަހަރެމެންނަށް އެބަފެނޭ އެކަމަކު ގުރުއާން ހިތު ދަހެއް ނުވި!

The name is already taken The name is available. Register?

ބަސް

30 November 2020

ރަނގަޅު.

The name is already taken The name is available. Register?

ައަ މޯރު

30 November 2020

ސޮބާއަކީ އަ މިއްލަ މަސައްކަތުން ކުރިޔަށް ދިޔަ މީހެއް..ހުޅު މާލޭގައި އޭނާގެ ގެސްޓްހައުސްތަށް ހުރޭ

The name is already taken The name is available. Register?

ސަމަދު

30 November 2020

ތިބުނީ ރަނގަޅަށް. އޭނާއަކީ އަމިއްލަ ދާއޮހޮރުވައިގެން ކާމިޔާބާހިސާބަށް ދިޔަމީހެއް. އަދިވެސް އޭނާއަށް އިތުރު ކާމިޔާބަށް އެދެން. އަދި އަބުސީއަށްވެސް އިތުރު ކާމިޔާބަށް އެދެން.

The name is already taken The name is available. Register?

ޖަލީލު

01 December 2020

އަމިއްލަ ދާ އޮހޮރުވުމަކީ އެހެން މީހުން ހަދާފައި ހުންނަ ޓްރެކްތައް އަމިއްލަ ހަރު މުދާހެން ވިއްކާހެދުން ކަމުގައިވާނަމަ ރަނގަޅު. ބޮޑެތި ޕްރޮޖެކްޓްތައް އަޑިއަޑިން ހޯދަން އޮހޮރާ ދަލުގެ ވާހަކަ ކަމަށްވަންޏާވެސް ރަނގަޅު.

The name is already taken The name is available. Register?

wahyd

30 November 2020

އަލްހަމްދުﷲ.. ތީހާދަ ރަނގަޅު ކަމެކޭ. ތިފަރާތްތަކަށް ސާބިތުކަން ދެއްވާށި.. އާމީން.

The name is already taken The name is available. Register?

ރަދީފު ބިން ރަފައިދާ

30 November 2020

މިހާރު ކޮބާތަ ސޮބާ؟ ވަރަށް ހިތްހެޔޮމީހެއް އެއީ.

The name is already taken The name is available. Register?

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454

Share your opinion about "Mihaaru" new website

"މިހާރު"ގެ އާ ވެބްސައިޓާ ބެހޭ ގޮތުން ހިޔާލު ފޮނުވުމަށް

ނަން އަދި ޚިޔާލު ޖައްސަވާ!
Please fill in name and opinion.
ތިޔަ ޚިޔާލު ލިބިއްޖެ. ޝުކުރިއްޔާ!
We have recieved your message. Thank You!