ޚަބަރު / އިމްރާން އަބްދުﷲ، ހޯމް މިނިސްޓަރު

އަދާލަތު ޕާޓީގެ ރައީސްކަމަށް އަންހެނުންނަށް ވާދަކުރެވޭ ގޮތަށް އަލުން އިއުލާނުކޮށްފި

ޕާޓީގެ ރައީސް އަދި ހޯމް މިނިސްޓަރު އިމްރާން އަބްދުﷲ، މަޖިލިސް އިންތިޚާބުގެ ޓިކެޓް، މަކުނުދޫ ދާއިރާގެ ކުރީގެ މެންބަރު އަނާރާ ނައީމަށް ހަވާލުކޮށްދެއްވަނީ. -- މިހާރު ފޮޓޯ: ނިޝާން އަލީ/ މިހާރު

ލަމްޔާ އަބްދުﷲ، މިހާރު

10 ޖެނުއަރީ 2021 - 16:09

1 comments

އަދާލަތު ޕާޓީގެ އަސާސީ ގަވާއިދަށް ބަދަލު ގެނެސް، އަންހެނުނުންނަށް ވެސް އެ ޕާޓީގެ ރައީސް އަދި ނައިބު ރައީސް ކަމަށް ކުރިމަތިލެވޭ ގޮތަށް އަލުން ހުޅުވާލައިފި އެވެ.

މި މަހުގެ ފުރަތަމަ ދުވަހު އަދާލަތު ޕާޓިން ވަނީ ޕާޓީގެ ރިޔާސީ އިންތިހާބަށް ކުރިމަތިލާން ހުޅުވާލުމަށް ފަހު، މި މަހުގެ 23 ވަނަ ދުވަހު އިންތިހާބު ބާއްވާނެ ކަމަށް އިއުލާނުކޮށްފަ އެވެ. ނަމަވެސް އެ އިއުލާން ބާތިލްކޮށް، މި މަހުގެ 31 ވަނަ ދުވަހަށް އިންތިހާބު މިހާރު ވަނީ ފަސްކޮށްފަ އެވެ.

ޢަދާލަތު ޕާޓީގެ ރިޔާސީ އިންތިޚާބަށް ހުޅުވައިލުން https://t.co/Inxr89hemc
— Adhaalath Party (@AdhaalathOffice) January 9, 2021

އަދާލަތު ޕާޓީން އިއްޔެ ކުރި ޓްވީޓެއް

އިންތިހާބު ފަސްކުރަން އިއްޔެ އިއުލާންކުރީ އަދާލަތު ޕާޓީގެ އެންމެ އިސް ދެ މަގާމަށް އަންހެނުންނަށް ކުރިމަތިނުލެވޭނެ ކަމަށް އެ ޕާޓީގެ އަސާސީ ގަވާއިދުގައި ބަޔާންކޮށްފައި ވާތީ ގިނަ ބައެއްގެ ފާޑުކިޔުން އަމާޒުވެފައި ވަނިކޮށެވެ. އެ ކަން އިސްލާހުކުރަން ޕާޓީގެ ރައީސް އަދި ހޯމް މިނިސްޓަރު އިމްރާން އަބްދުﷲ މިދިޔަ އަންގާރަ ދުވަހު ވަނީ ހުށަހަޅުއްވައިފަ އެވެ. އަދާލަތު ޕާޓީގެ މީޑިއާ ކޮމިޓީގެ މެމްބަރަކު "މިިހާރު" އަށް ވިދާޅުވީ އެކަމާ މަޝްވަރާކުރުމަށް ފަހު، ރައީސްކަމާއި ނައިބު ރައީސް ކަމަށް އަންހެނުންނަށް ކުރިމަތިނުލެވޭ ގޮތަށް އޮތް އޮތުން އުވާލާފައިވާ ކަމަށެވެ.

އެ ޕާޓީން ކުރި އިއުލާނުގައި ބުނެފައި ވަނީ އެ މަގާމުތަކަށް ހުށަހެޅުމުގެ އެންމެ ފަހު ވަގުތަކީ އަންނަ އާދިއްތަ ދުވަހުގެ މެންދުރު 2:00 ކަމަށެވެ. ފޯމާއި ލިޔެކިޔުންތައް ހުށަހަޅަން ޖެހޭނީ އަދާލަތު ޕާޓީގެ އޮފީހަށެވެ.

Adhaalath party ge raees ge magaamah anhenakah kurimathi levey

The most trusted news source in the Maldives

Mihaaru

މި އިންތިހާބުގައި ވޯޓު ލެވޭނީ ބުދަ ދުވަހުގެ ކުރިން އަދާލަތު ޕާޓީގެ މެމްބަރެއްގެ ގޮތުގައި ރަޖިސްޓްރީވެފައިވާ މެމްބަރުންނަށް އެކަނި ކަމަށް ވެސް އެ ޕާޓީން ވަނީ ބުނެފަ އެވެ.