ޚަބަރު / ރައީސް ޑރ. މުހައްމަދު މުއިއްޒު

މާލެ އާއި ރަށްރަށުގައި 27،000 އަށް ވުރެ ގިނަ ހައުސިން ޔުނިޓް އަންނަ އަހަރު އަޅަން ފަށަނީ

ބޯހިޔާވަހިކަމުގެ މަޝްރޫއުތަކުގައި މާލެ ސަރަހައްދުގައި 15،000 އަދި ރަށްރަށުގައި 12،940 ހައުސިން ޔުނިޓްގެ އަޅަން ފަށާނެ ކަން ރައީސް ރޭ އިއުލާން ކުރެއްވި

ރައީސް ރޭ ވާހަކަފުޅު ދައްކަވަނީ: އަންނަ އަހަރަކީ މި ސަރުކާރުގެ ބޯހިިޔާވަހިކަމުގެ ވައުދުތަކަށް ކަނޑައަޅާފައިވާ މަޝްރޫއުތަކުގެ އަމަލީ މަސައްކަތްތައް ފަށާނެ އަހަރު ކަމަށް ރައީސް ވިދާޅުވި. -- ފޮޓޯ: ފަޔާޒް މޫސާ | މިހާރު

އާސިމާ ނިޒާރު، މިހާރު

18 ނޮވެމްބަރ 2024 - 12:55

57 comments

މާލެ ސަރަހައްދުގައި 15،000 ހައުސިން ޔުނިޓާއި ރަށްރަށުގައި 12،000 ހައުސިން ޔުނިޓާ އެކު ޖުމްލަ 27،000 އަށް ވުރެ ގިނަ ހައުސިން ޔުނިޓްގެ މަސައްކަތް އަންނަ އަހަރު ސަރުކާރުން ފަށާނެ ކަމަށް ރައީސް ޑރ. މުހައްމަދު މުއިއްޒު ރޭ ވިދާޅުވެއްޖެ އެވެ.

މި ސަރުކާރަށް އެއް އަހަރު ފުރުން ފާހަގަކުރަން ބޭއްވި ރަސްމިއްޔާތުގައި ރައީސް ވަނީ މި ސަރުކާރުން ޕްލޭންކޮށް، ކުރިއަށް ގެންދަން ނިންމާފައިވާ ތަރައްގީގެ މަޝްރޫއުތަކުގެ ބައެއް ކަންކަން ހިއްސާކުރައްވައިފަ އެވެ. އޭގެ ތެރޭގައި، އެމަނިކުފާނުގެ އެންމެ ބޮޑު އެއް ވައުދު ކަމަށްވާ ބޯހިޔާވަހިކަން ފޯރުކޮށްދޭން ކުރިއަށް ރާވާފައިވާ މަޝްރޫއުތައް ހިމެނެ އެވެ.

ރައީސް ރޭ ވެސް ތަކުރާރު ކުރެއްވި ގޮތުގައި އަންނަ އަހަރަކީ ބޯހިޔާވަހިކަމުގެ އަހަރެވެ. ރައްޔިތުންގެ މަޖިލީހަށް އަންނަ އަހަރަށް ހުށަހަޅާފައި ވަނީ ބޯހިޔާވަހިކަމުގެ ބަޖެޓެއް ކަން ފާހަގަކުރައްވައި ވިދާޅުވީ، ގެދޮރު ބިނާކުރަން އެކަނި ވެސް 1.5 ބިލިއަން ރުފިޔާ އަދި ހައުސިން ލޯނަށް އެއް ބިލިއަން ރުފިޔާ ކަނޑައަޅާފައިވާ ކަމަށެވެ.

އެ މަނިކުފާނު ވިދާޅުވި ގޮތުގައި ބޯހިޔާވަހިކަމުގެ މައްސަލަ ހައްލުކުރަން އަންނަ އަހަރު މާލެ ސަރަހައްދުގައި 15،000 ހައުސިން ޔުނިޓު އަޅަން ފަށާނެ އެވެ. އަދި ރަށްރަށުގައި ވެސް 12،940 ހައުސިން ޔުނިޓު އަޅަން ފަށާނެ ކަމަށް، ގިނަ ބަޔަކު ބައިވެރިވި ރަސްމިއްޔާތުގައި ރައީސް ވިދާޅުވި އެވެ.

ސަރުކާރަށް އެއް އަހަރު ފުރުމުގެ މުނާސަބަތުގައި ރޭ ބޭއްވި ޖަލްސާގައި ރައީސް ބައިވެރިވެވަޑައިގަންނަވަނީ. -- ފޮޓޯ: ފަޔާޒު މޫސާ | މިހާރު

"އެއީ ހުސް ވައުދު، ހުސް ވައުދު އިނގޭތޯ. އަޅުގަނޑު ރަށްރަށަށް ގޮސް ވި ވައުދުތައް. މިސާލަކަށް ކުޅުދުއްފުށީ ސިޓީގައި އަޅާ ފްލެޓުތައް ހިމެނޭނެ އޭގެ ތެރޭގައި. ތިނަދޫ، އައްޑޫ، ފުވައްމުލައް އަދި ބައެއް ރަށްރަށް ހަމަ އަދަދުތަކާ އެކު ވައުދުވެފައި ހުންނާނެ، 30، 50، 100 އިން ލިޔެފައި ހުރި އެއްޗެހި މިއީ،" ސޯޝަލް ސެންޓަރުގައި ބޭއްވި ރަސްމިއްޔާތުގައި ރައީސް ވިދާޅުވި އެވެ.

ރައީސް ވިދާޅުވި ގޮތުގައި އެމަނިކުފާނުގެ މި ދައުރުގެ ތެރޭގައި ފްލެޓުތައް ނިންމާ ހަވާލުކުރާނެ އެވެ.

"މިއީ ބޯހިޔާވަހިކަމުގެ ބަޖެޓެއް. އެހެންވީމަ 41 ރަށުގައި އަލަށް ހައުސިން ޔުނިޓު، އެ 41 ރަށުގައި ވެފައި ހުންނާނެ ވައުދު އަޅުގަނޑު އެ ރަށަށް ގޮސްފައި މި ވަރަށް އަޅައިދޭނަމޭ. އެ ހުރިހާ މަޝްރޫއެއް އަންނަ އަހަރު ފެށޭނެ، ހުރިހާ މަޝްރޫއެއް ފެށޭނެ،" އެ މަނިކުފާނު ވިދާޅުވި އެވެ.

އެޗްޑީސީން މިދިޔަ އަންގާރަ ދުވަހު ބޭއްވި ރަސްމިއްޔާތުގައި ވަނީ 2،100 ސޯޝަލް ހައުސިން ޔުނިޓު އަޅާނެ ކަން އިއުލާންކޮށްފަ އެވެ.

ބޯހިޔާވަހިކަން ރައީސް ޑރ. މުހައްމަދު މުއިއްޒު

57 ކޮމެންޓް, 38 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަންދަލޫސިޔާ

20 November 2024

ސަރުކާރު: "4000 ފްލެޓް އަޅަން އަދި އިތުރަށް 30 މިލިޔަން ޑޮލަރު ބޭނުންވޭ. އެ ފައިސާ ލިބޭނެގޮތެއް ނެތް". 24 ގަޑިއިރު ފަހުން ސަރުކާރު: 27،000 ފްލެޓް އަޅަން ފަށަނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސަަރަފަ

20 November 2024

އެކަމަކުވާ. މި ގައުމަކު ފައިސާއެއް ނެތް. ރައްޔިތުން އަނގަޔާ އަތާ ދިމާވާނީ މާދަންނޫންކަމެއްނޭނގޭ. ގަދަ ބަސް ބުނުމުގެ ބަދަލުގަ، ގައުމަށްފައިސާ ވައްދަބަލަ. ރައްޔިތުން ފެލާ ދަރި ދުންގުޑުގުޑާ ބުއީމަ ރައްޔިތުންނަށް އަދަބުދީ ބިކަކުރީމަ އަޅެފަހެ ތިތާ ހުރެވޭތަ؟ :'(

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަރަންޖީ

19 November 2024

މީ ލޯނުތައް ބޮޑުވެގެން ގޮސް 6 މަސް ދުވަސް ތެރޭ ޑީފޯލްޓްވެދާނެ ކަމުގެ ބިރު ހީވެފައި ގައުމެއްގެ ޒިންމާދާރު ވެރިއަކު ކުރާނެކަމެއް ނޫން. މުޅި މާލޭ ސަރަޙައްދުގަ ހުރީ 42،000 ގޭބިސީ. (ގޯއްޗެއްނޫން ގޭބިސީ). 15،000 ޔުނިޓަކީ އެއަދަދުގެ %35. މިއޮއްދަތިހާލުގައި އޮއްވައި ކީއްކުރަން ނުފޯރާފޮތިން ފޫގަޅަން އުޅެންވީ؟ ތިބުނާ އަދަދު އެޅޭނީ ރަސްމާލެ ހިއްކައިގެން. އެއީ އަނެއް 1 ބިލިއަން ޑޮލަރުގެ ލޯނު. ރަނގަޅު ބޮނޑިއެއް ދިވެހިން ބޯނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަމްޒީ.

19 November 2024

ބޯހިޔާވެހިކަން ކަށަވަރުކޮށްދޭނެ ވެރިޔަކަށް ވާނީ ރައީސް މުއިއްޒް. އިންޝާﷲ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަކްރަމް ސިއްދީގް

19 November 2024

ރައީސް މުއިއްޒުގެ އެންމެ ބޮޑު ވައުދު މީ. މިކަން ހާސިލް ވިއްޔާ މި ރާއްޖޭގެ ފުލެޓު ދޮންބެއަށް ވާނީ ރައީސް މުއިއްޒު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިޔާޒް

19 November 2024

މިވަރަށް ފުލެޓު އަޅާފިއްޔާ ޔަގީން އަހަރުމެންނަށް ފުލެޓް ލައްވާލާނެ. މުއިއްޒު މިކަން ކޮށްދެއްވާ މަނިކުފާނު ދެވަނަ ދައުރެއް ބޭނުމިއްޔާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަނިކު އިބްރާހިމް

19 November 2024

ރައީސް މުއިއްޒުގެ އެންމެ ބޮޑު ވައުދު ކަމަށްވާ ބޯހިޔާވެހިކަން ކަށަވަރުށްދިނުން. އިރާދަކުރެއްވިއްޔާ މިކަން ވަރަށް އަވަހަށްވެގެންދާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފްލެޓް ދޮންބެ

19 November 2024

މަނިކުފާނަށް ފްލެޓް ދޮންބެ ކިޔޭނީ ތި ފްލެޓް ތަށް އިންސާފުގެ މަގުން ބަހާ ނިމުނީމައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސަަރަފަ

19 November 2024

ހަމަ އެއްގޮތަކަށްވެސް ދައްކާވާހަކަ އަކާ އަމަލަކާ ދިމާ ނުވޭ. ރައީސް ޔާމިން އިރުގަ 7000 ހިޔާ ފުލޭޓް އެޅީ 400 މިލިއަން ޑޮލަރު އެއީ 6 ބިލިއަން ރުފިޔާއަށް ވުރެ ބޮޑު އެއްޗެއް. ކިހިނެއް މުއިޒް 21000 ފުލެޓް 1 ބިލިއަން ރުފިޔާ ބަޖެޓްގަ ޖަހާގެން މިކަން ކުރާނީ. އެއްގޮތަކަށްވެސް ހިސާބު ދިމާ ނުވޭ