ރަސްމީ ދަތުރެއްގައި ފޮރިން މިނިސްޓަރު ހަލީލް އޮމާނަށް

ރަސްމީ ދަތުރެއްގައި އޮމާން އަށް ފުރާވަޑައިގެންނެވުމުގެ ކުރިން ފޮރިން މިނިސްޓަރު ހަލީލް ވެލާނާ އެއާޕޯޓުގައި. --ފޮޓޯ: ފޮރިން މިނިސްޓްރީ

10 ޑިސެމްބަރ 2024 - 20:18

1 comments

ރަސްމީ ދަތުރެއްގައި ފޮރިން މިނިސްޓަރު ޑރ. އަބްދުﷲ ހަލީލް މިއަދު އޮމާނަށް ފުރާވަޑައިގެންފި އެވެ.

އޮމާންގެ ފޮރިން މިނިސްޓަރު ސައްޔިދު ބަދުރު ބިން ހަމަދު ބިން ހަމޫދު އަލްބުސައީދީގެ ދަވަތަކަށް، އަންނަ ހުކުރު ދުވަހުގެ ނިޔަލަށް ހަލީލް ކުރައްވާ މި ދަތުރުގައި، އޮމާންގެ ފޮރިން މިނިސްޓަރާ ބައްދަލުކުރައްވައި، ދެ ގައުމުގެ ދެމެދުގައި އޮންނަ ޒަމާންވީ ގުޅުން އިތުރަށް ބަދަހިކުރެވޭނޭ ގޮތްތަކާމެދު މަޝްވަރާ ކުރެއްވުމަށް ހަމަޖެހިފައިވާ ކަމަށް ފޮރިން މިނިސްޓްރީން ބުންޏެވެ.

މީގެ އިތުރުންވެސް ތަފާތު ދާއިރާތަކުން ގުޅުން ބަދަހިކުރުމުގެ ފުރުސަތުތައް ހޯދުމަށް އޮމާން ސަރުކާރުގެ އިސްވެރިންނާ މިނިސްޓަރު ހަލީލް ބައްދަކުރެއްވުމަށް ހަމަޖެހިފައިވާ ކަމަށް ވެސް މިނިސްޓްރީން ބުންޏެވެ.

އޮމާން އާ އެކު ރާއްޖޭން ހާރިޖީ ގުޅުން ގާއިމުކޮށްފައިވަނީ 1981 ވަނަ އަހަރުގެ ތެރޭގަ އެވެ.

ރައީސް ޑރ. މުހައްމަދު މުއިއްޒު ވެރިކަމާ ހަވާލުވެވަޑައިގެންނެވި ފަހުން، އިސްލާމީ ގައުމުތަކާ އެކު އޮންނަ ގުޅުން ބަދަހިކުރަން ހާއްސަ އިސްކަމެއް ވަނީ ދެއްވައިފަ އެވެ.

ފޮރިން މިނިސްޓްރީ ޑިޕްލޮމެޓިކް ގުޅުން ޑރ. އަބްދުﷲ ހަލީލް (ފޮރިން މިނިސްޓަރު) ރާއްޖެ-އޮމާން

1 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގިތެޔޮގުޅި

10 December 2024

ހެލްތު މިނިސްޓަރަކަށް އުޅެފައި ދިޔައީމާވެސް ނުވޭ ދޯ ހަވާލުވި ތަނުގަ ތިބި މީހުން ހަމަޔަކަށް އެޅުވޭތޯ ބަލާކަށް. އެބަ ޖެހޭ ހަކުރުން ޓެކުސް ނަގަން ބޯކޮށް.