އޭދަފުށީ ކީޕަރުގެ ޓެކުލްގެ ވީޑިއޯ އަށް 12 މިލިއަން ވިއުސް

މާފުށިގެ ކުޅުންތެރިޔާ އަށް އޭދަފުށީގެ ގޯލްކީޕަރު ޓެކުލްކުރަނީ. -- ފޮޓޯ: ސިޑިބަރި

15 ޑިސެމްބަރ 2024 - 11:28

މިހާރު ކުރިއަށްދާ ނައިންޓީ ޕްލަސް ގޯލްޑް ކަޕުގައި ބ. އޭދަފުށީ ގޯލްކީޕަރު އަލީ އަޖްފާން އަމްޖަދު ކުރި ނުރައްކާތެރި ޓެކުލްގެ ވީޑިއޯ އަށް ޓިކްޓޮކްގައި 12.7 މިލިއަނަށް ވުރެ ގިނަ ވިއުސް ލިބިއްޖެ އެވެ.

"މިހާރު ސްޕޯޓްސް" ގެ ފޭސްބުކް ޕޭޖުގައި ޕޯސްޓްކުރި އެ ވީޑިއޯ "އެމްވީ ހިބަރު" ނަމަކަށް ކިޔާ އެކައުންޓަކުން ޓިކްޓޮކްގައި ޕޯސްޓްކުރުމުން 12.7 މިލިއަން ވިއުސް ލިބުނީ އެންމެ ފަސް ދުވަހުންނެވެ.

ބެލެވޭ ގޮތުގައި މިއީ ޓިކްޓޮކުގައި އެންމެ ގިނަ ވިއުސް ލިބުނު ރާއްޖޭގެ ކުޅިވަރު އެއް ވީޑިއޯ އެވެ.

މި ވީޑިއޯ އަށް ޓިކްޓޮކުގައި 373،000 ލައިކްސް ލިބިފައިވާއިރު 10،400 ކޮމެންޓްކޮށް 178،000 ފަހަރު ޝެއާ ވެސް ކޮށްފައިވެ އެވެ.

@hibaru02 Eydhafushi Brazil or kiyanee, thalhany karaty #football #eydhafushi #maafushi ♬ Ahhhhhh！ - funny

މީގެ ކުރިން 2014 ވަނަ އަހަރުގެ އޭއެފްސީ ޗެލެންޖް ކަޕުގައި ގައުމީ ޓީމުގެ މިޑްފީލްޑަރު އަސްހަދު އަލީ (އަޑުބަރޭ) ޖެހި ޕެނަލްޓީގެ ވީޑިއޯ އަށް ޔޫޓިއުބުގައި 12.2 މިލިއަން ވިއުސް ލިބިފައިވެ އެވެ. މުބާރާތުގެ ތިން ވަނަ ހޮވި މެޗުގައި އަފްގާނިސްތާން އަތުން 8-7 އިން ރާއްޖެ މޮޅުވި މެޗުގެ ޕެނަލްޓީ ޝޫޓްއައުޓުގައި އަޑުބަރޭ އެ ޕެނަލްޓީ ވައްދާލީ، ޕެނަލްޓީ ފޮނުވާލަން ދަނިކޮށް ކައްސާލައިގެން ވެއްޓުމުން ތެދުވެ އެވެ. އެއީ ކީޕަރަށް އޮޅުވާލަން އޭނާ ގަސްދުގައި ކުރި ކަމެއް ކަމަށް ވެސް ވާހަކަ ދެކެވުނެވެ.

ޓިކްޓޮކްގައި މި ފަހަރު 12.7 ވިއުސް ލިބުނު ވީޑިއޯގައި ފެންނަނީ ކ. މާފުށީގެ ކުޅުންތެރިޔަކު ޑްރިބަލްކޮށްފައި ގޯލާ ދިމާލަށް ދަނިކޮށް އޭދަފުށީގެ ކީޕަރު އަޖްފާން ނުކުމެ ފުންމައިގެން އަރާ ދެ ފައިން އޭނާ އަށް ނުރައްކާތެރި ޓެކުލެއް ކުރާ ތަނެވެ. އެ ޓެކުލާ ގުޅިގެން އަޖްފާނަށް ވަނީ ރަތްކާޑު ދައްކައިފަ އެވެ. އަދި ނައިންޓީ ޕްލަސްއިން ރާވާ ހިންގާ އެއްވެސް މުބާރާތެއްގައި އެއް އަހަރުވަންދެން ބައިވެރި ނުވެވޭ ގޮތަށް ސަސްޕެންޑްކޮށް 5000 ރުފިޔާ އިން ވަނީ ޖޫރިމަނާކޮށްފަ އެވެ.

ފުޓްބޯޅަ

13 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުޑަހަންޖާ

15 December 2024

ދުނިޔޭގެ ނިސްބަތުން ދިވެހިންގެ ހުނަރުވެރިކަމަށްބަލާއިރު ކޮންމެވެސް ކަހަލަ މާރާމާރީއަކުންނޫނީ ދިވެހިން ދުނިޔެތެރޭގަ މަސްހޫރުވާކަހަލަ ގޮތަކަށްނޫން ކަންތައް ފެންނަނީ. ކޮންމެއަކަސް އަހަރެމެން މިތިބީ ޓިކެޓް އަގުހެޔޮވުމާއެކީ ފުރައިގެންދާން ރެޑީވެގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކީޕަރު

15 December 2024

މުޅި އުމުރަށް ސަސްޕެންޑް ކުރަންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަޙަށް ދެރަ

15 December 2024

ކުޅިވަރުގެ ރޫހު ނެތް މީހުން އެހެން މީހުނާ އެކީ ކުޅެން ނޭރުން އެދެން. މިކަހަލަ މީހުނާ ހެދީ ކުޅުވަރު ކުޅެން ހުއްޓާލަން ޖެހެނީ ކިތަށް ކޮތަށް މީހުން. ކޮތަށް ދަރިން އަދި ބައްޕަ އިންނަށް އަނިޔާ ލިބެނީ މުޅި އުމުރަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިމް

15 December 2024

ސުރުހީ ކިޔާފަ ހީކުރީ މޮޅުކަމެއް ކުރީޔޭ… ހަމަލާ ކިޔާ އަޑު އަހަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލުބޯ

15 December 2024

ވިއު ކިތަންމެ ގިނަވިޔަސް ތި މީހަކަށް ވާނޭ އެއްވެސް ފައިދާ އެއްނެތް. ޓިކްޓޮކެއް ޔޫޓިއުބެއް މޮނޮޓައިޒޭޓް ކުރެވޭ ގައުމެއްނޫން މީކީ. ތިޔަ ވިއުގިނަ ވީމަ އުފާކުރަންޔާ އުފާވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިނިފެންމާ ސައީދު

15 December 2024

މީތޯ ބުރެޒިލުން ފުޓުބޯޅަކުޅޭ ގޮތަކީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވީލްބަރޯމާލިމީ

15 December 2024

އެހެންވީމަ ނުރައްކާތެރި ޓެކުލު ކުރި ކީޕަރު މިހާރު ހުނަނާނީ ކުރެވެނު ކުށަށް ހިތާމަ ކުރުމުގެ ބަދަލުގައި ހިތްހަމަޖެހުމާއި ފަހުރާއި ސަރަފު ލިބިލިބިތާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަނާވަތު

15 December 2024

ދެން ވިއުސް ލިބުނީމަ ވަރަށް މޮޅުކަމަކަށްވީ. މީޑިއާތަކުންވެސް ގިނަގިނައިން މި ޕްރޮމޯޓް ކުރަންވީ. ދެން ކުރިއަށް އޮތް މުބާރާތްތަކުގަ ވާނެ މިއަށްވުރެވެސް ނުރައްކާތެރި ޓެކުލް ކުރަން އޭރުން އަދި މާގިނަ ވިއުސް ލިބޭނެ.