ކުޅިވަރު / މެންޗެސްޓާ ޔުނައިޓެޑް

ރެޝްފޯޑަށް ފުރުސަތު ދިނުމުގައި އަވަސް އަރުވާނުލާނަން: މޮރީނިއޯ

ރަޝްފޯޑް ލަނޑު ޖެހުމަށް ފަހު އުފާފާޅުކުރަނީ. --ފޮޓޯ: އޭއެފްޕީ

ލަންޑަން (އޮގަސްޓް 28) - ޕްރިމިއާ ލީގުގައި ރޭ ފަހު ވަގުތު އަރައި ލަނޑު ޖަހައި ހަލް ސިޓީ އަތުން 1-0 އިން މެންޗެސްޓާ ޔުނައިޓެޑް މޮޅުކޮށްދިނުމުގައި އެހީތެރިވި މާކަސް ރެޝްފޯޑް މި ސީޒަނުގައި ވަރަށް ގިނަ މެޗު ކުޅޭނެ ކަމަށާއި އެކަމަކު އެކަމުގައި އަވަސް އަރުވާނުލާނެ ކަމަށް ކޯޗު ހޯސޭ މޮރީނިއޯ ބުނެފި އެވެ.

މިދިޔަ ސީޒަނުގައި ބައެއް މެޗުތަކުގައި ފަހު ވަގުތު އަރައި ޔުނައިޓެޑް މޮޅުކޮށްދީގެން ގިނަ ބަޔެއްގެ ލޮލުގައި އަޅައިގަތް ރެޝްފޯޑް ރޭ ކުޅެން ނުކުތީ 71 ވަނަ މިނެޓުގަ އެވެ. އޭނާ ވަނީ އިތުރު ވަގުތުގެ ދެ ވަނަ މިނެޓުގެ ތެރޭގައި ލަނޑު ޖަހައި ޔުނައިޓެޑް މޮޅުކޮށްދީފަ އެވެ.

އެކަމަކު މޮރީނިއޯ ބުނީ ކުރިއަށް އޮތްތަނުގައި އޭނާ އަށް ފުރުސަތު ދިނުމުގައި ރޭ އޭނާ ޖެހި ލަނޑު މުހިއްމު ނޫން ކަމަށެވެ.

"އޭނާ އަކީ ވަރަށް މޮޅު ކުޅުންތެރިއެއް. މިދިޔަ ސީޒަނުން ފެށިގެން އަހަންނަށް އެނގޭ އޭނާ ތަފާތުކަން. އަހަރެމެން މޮޅުވާން ލަނޑެއް ބޭނުންވެފައި ތިބި ދެ މެޗުގައި، ލެސްޓާ އަދި މި މެޗުގައި އޭނާ އަރައި ތަފާތު ދައްކައިދިން،" މޮރީނިއޯ ބުންޏެވެ.

"އޭނާ ކުޅެފާނެ ނުވަތަ ބެންޗުގައި ވެސް ހުރެދާނެ (ކުރިއަށް އޮތް މެޗުތަކުގައި). މީގައި މުހިއްމު ކަމަކީ އޭނާ ވަރަށް ރަނގަޅަށް މަސައްކަތްކުރަމުން އަންނަކަން. އަދި އުމުރުން 18 އަހަރުވީ."

މޮރީނިއޯ ބުނީ މިހާރު އެ ޓީމުން ކުޅެނީ ޒަލަޓާން އިބްރަހިމޮވިޗުގެ ފަހަތުގައި ފޯވާޑަކު ބަހައްޓައިގެން ކަމަށާއި ބައެއް މެޗުތަކުގައި އިބްރަހިމޮވިޗުގެ ކުރިއަށް ފޯވާޑަކު ލައިފާނެ ކަމަށެވެ.

"އެހެންވީމާ ޔަގީނުން ވެސް އޭނާ ގިނަ މެޗުތަކެއް މި ސީޒަނުގައި ކުޅޭނެ."

ރޭގެ މޮޅާ އެކު ނުވަ ޕޮއިންޓް ހަމަކޮށް ޔުނައިޓެޑް އޮތީ ތާވަލުގެ ދެ ވަނައިގަ އެވެ. އެއް ވަނައިގައި ނުވަ ޕޮއިންޓާ އެކު ލަނޑުގެ ތަފާތުން އޮތީ ރޭ ބާންލީ އަތުން 3-0 އިން މޮޅުވި ޗެލްސީ އެވެ. އެ ޓީމަށް ރޭގެ މެޗުގައި ލަނޑު ޖަހައިދިނީ އެޑިން ހަޒާޑާއި ވިލިއަމް އަދި ވިކްޓަ މޮސެސް އެވެ.

އެހެން މެޗުތަކަށް ބަލާއިރު ލިވަޕޫލާއި ޓޮޓެންހަމް ހޮޓްސްޕާސްގެ މެޗު 1-1 އިން އެއްވަރުވިއިރު ވެޓްފޯޑް އަތުން އާސެނަލް ވަނީ 3-1 އިން މޮޅުވެފަ އެވެ. ޕެނަލްޓީއަކުން ޖޭމްސް މިލްނާ ލިވަޕޫލަށް ލީޑު ނަގައިދީފައިވަނިކޮށް، ޓޮޓެންހަމަށް އެއްވަރުކޮށްދިނީ ޑެނީ ރޯސް އެވެ.

ވެޓްފޯޑް ކޮޅަށް އާސެނަލްގެ ލަނޑުތައް ޖަހައިނީ ސެންޓި ކަޒޯލާ އާއި އެލެކްސިސް ސަންޗޭޒް އަދި މެސުތު އޮޒިލް އެވެ. ވެޓްފޯޑުގެ ހަމައެކަނި ލަނޑު ޖެހީ ރޮބާޓޯ ޕެރެއިރާ އެވެ.

4 ކޮމެންޓް, 22 ރިއެކްޝަންސް

icon happy icon happy 95%
icon sad icon sad 0%
icon angry icon angry 5%
icon wow icon wow 0%
icon inlove icon inlove 0%
The name is already taken The name is available. Register?

ކޮމެންޓްތައް

އެންމެ ފަސް މަގުބޫލް

ސިޓީ

28 August 2016

ވަޔަކުން، ތިކަހަލަ ކުޅުންތެރީންތިބޭ، ފައިގަ ޖެހިފަވެސް ގޯލަށް، ބައެއްފަހަރު ބައިކޮޅަށް، 90 މިނުޓް ހަމަވީއިރު ވެސް 0-0 ކީކޭ ބުނާނީ، ނިމުނީ 1-0 އެމްޔޫ، ކޮންގްރެޗުލޭޝަންސް

The name is already taken The name is available. Register?

ފ ސިޓީ

28 August 2016

ހަޖަމް ނުވީ ދޯ؟ ޖޭ ވިޔަސް ތީ ބޮޑުވަރު..

The name is already taken The name is available. Register?

90 މިނިޓް

28 August 2016

90 މިނިޓްވާއިރު ނުޖެހޭ 32 ލަނޑު ޖަހާކަށް..

The name is already taken The name is available. Register?

މެންޔޫ

29 August 2016

90 މިނެޓު ތެރޭގައި 32 ލަނޑު ޖެހުނުނަމަވެސް މިމީހުންނަށް ހަޖަމެއްނުވީސް! ބޮޑަށް ވައްތަރީ މެން ޝިޓުގެ ޕްލާސްޓިކް ސަޕޯޓަރެއް ކޮށްފައި އިން ކޮމެންޓަކާ! ފާގަސަން ބުނާހެން މިއީ ހަމަ ނޮއިޒީ ނެއިބާރސް ގެ ވައްތަރު!

The name is already taken The name is available. Register?

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454