ކުޅިވަރު / ސްޕެނިޝް ލީގް

ބާސެލޯނާ މޮޅުވިއިރު ރެއާލުން ލީޑުދަމަހައްޓައިފި

10 ފެބުރުއަރީ 2020 - 09:32

3 comments
happy icon 50%

މެޑްރިޑް (ފެބްރުއަރީ 10) - ސްޕެނިޝް ލީގުގައި ރޭ ބާސެލޯނާ އިން ފަހަތުން އަރައި ރެއާލް ބެޓިސް އަތުން 3-2 އިން މޮޅުވިއިރު، އެއް ވަނައިގައި އޮތް ރެއާލް މެޑްރިޑް ކުޅުނު މެޗުން 4-1 އިން އޮސަސޫނާ ބަލިކޮށް އެއް ވަނައިގައި ލީޑު ދަމަހައްޓައިފި އެވެ.

ރެއާލް އެއް ވަނައިގައި އޮތީ 23 މެޗުން 52 ޕޮއިންޓާ އެކު އެވެ. ދެ ވަނައިގައި އޮތް ބާސެލޯނާ އަށް ލިބިފައިވަނީ 23 މެޗުން 49 ޕޮއިންޓެވެ. ތިން ވަނައިގައި 23 މެޗުން 42 ޕޮއިންޓާ އެކު ގެޓަފޭ އެވެ.

ބެޓިސް ދަނޑުގައި ރޭ ކުޅުނު މެޗުގެ ހަ ވަނަ މިނިޓްގައި އެ ޓީމަށް ލީޑުނަގައިދިނީ ޕެނަލްޓީ އަކުން ސާޖިއޯ ކަނާލެސް އެވެ. މިއީ އޭރިއާ ތެރެއިން ބާސެލޯނާގެ ކްލެމެންޓް ލޯންގްލޭ އަތުގައި ބޯޅައިން ޖެހުމުން ރެފްރީ ދިން ޕެނަލްޓީ އެކެވެ. ބެޓިސް އަށް ލީޑު ހިފަހައްޓައިލެވުނީ ތިން މިނިޓަށެވެ. އެއީ މެޗުގެ ނުވަ ވަނަ މިނިޓްގައި ލިއޮނަލް މެސީ ދިން ބޯޅައަކުން ފްރެންކީ ޑި ޔޮން ބާސެލޯނާ އަށް ނަތީޖާ ހަމަހަމަކޮށްދިނުމުންނެވެ.

މެޗުގެ 26 ވަނަ މިނިޓްގައި އޭރިއާ ބޭރުން ޖެހި ގޯލަކުން ބެޓިސް އަށް ދެ ވަނަ ފަހަރަށް ލީޑުނަގައިދިނީ ނަބީލް ފެކީރް އެވެ. އޭގެ ކުރިން ބާސެލޯނާ އަށް ލީޑުނަގައިދޭން މެސީ އަށް ރަނގަޅު ފުރުސަތެއް ލިބުނެވެ. ފުރަތަމަ ހާފުގެ އިތުރު ވަގުތުގައި ބާސެލޯނާ އަށް އެއްވަރުކޮށްދިނީ މެސީ ދިން ބޯޅައަކުން ސާޖިއޯ ބުސްކެޓްސް އެވެ. މެޗުން ބާސެލޯނާ މޮޅުކޮށްދިން ލަނޑު ޖެހީ މެސީ ތަނަވަސްކޮށްދިން ފުރުސަތަކުން ލޯންގްލޭ އެވެ.

ދެ ޓީމުން ވެސް ރޭގެ މެޗު ނިންމާލީ އެއް ކުޅުންތެރިޔަކު މަދުކޮށެވެ. ދެ ވަަނަ ރީނދޫ ކާޑާ އެކު މެޗުގެ 76 ވަނަ މިނިޓްގައި ބެޓިސްގެ ފެކީރް ދަނޑުން ފޮނުވާލިއިރު، އޭގެ ތިން މިނިޓް ފަހުން ލޯންގްލޭ އަށް ވެސް ވަނީ ރަތް ކާޑު ދައްކައިފަ އެވެ.

ބާސެލޯނާގެ ކޯޗު ކީކޭ ސެޓިއެން ބުނީ މިއީ ސްޕެނިޝް ކަޕުން ބަލިވި މެޗަށް ފަހު ކުރިއަށް އެޅުނު ފިޔަވަޅެއްގެ ގޮތުގައި ދެކޭ ކަމަށެވެ. އަދި ޓީމުގެ ކަންތައްތައް ރަނގަޅުވަމުން އައުމަކީ ހިތްހަމަޖެހުމެއް ކަމަށް ބުންޏެވެ.

އޮސަސޫނާ އަތުން ރެއާލް ވެސް މޮޅުވީ ފަހަތުން އަރަ އެވެ. އުނާއި ގާސިއާ އޮސަސޫނާ އަށް ލީޑުނަަގައިދީފައިވަނިކޮށް ރެެއާލް މޮޅުވީ ފަހަތުން އަރައި ހަތަރު ގޯލު ޖަހައިގެންނެވެ. މި މެޗުގައި ރެއާލްގެ ގޯލުތަައް ޖެހީ އިސްކޯ، ސާޖިއޯ ރާމޯސް، ލޫކަސް ވަޒްކޭޒް އަދި ލޫކަ ޔޯވިޗް އެވެ.

3 ކޮމެންޓް, 4 ރިއެކްޝަންސް

icon happy icon happy 50%
icon sad icon sad 25%
icon angry icon angry 25%
icon wow icon wow 0%
icon inlove icon inlove 0%
The name is already taken The name is available. Register?

ކޮމެންޓްތައް

އެންމެ ފަސް މަގުބޫލް

އޭނަ

10 February 2020

ދެން ބުނޭ ރެފްރީ އެހީވިޔޭ. މި މުޅި ސީޒަނުގައި ލަލީގާގެ ރެފްރީން މަަސައްކަތްކުރަނީ ބާސެލޯނާ ބަލިކުރެވޭނެ ގޮތެއް ހޯދުމަށް. ޓެބަސް (ލަލީގާގެ ރައީސް) މިކަމަށް ވަރަށް މަސައްކަތްކުރާނެ. ރޭގަވެސް ފަހުވަގުތު ބާރޓްރާ މެސީޔަށްކުރި ކްލިއާ ފައުލްގައި ޕެނަލްޓީއެއް ނުދިން. އެންމެ ކުޑަމިނުން ވީ.އޭ.އާރ އިންވެސް ބަލާނުލި. މީ ވަރަށް ދަށުދަރަޖައިގެ ކަމެއް. މިހެން ބުނާއިރުވެސް އިނގޭ މިތާގެ ބައެއް ރޯނު އެދުރުން ބެޓިސްއަށް ރަތް ކާޑުދެއްކި ކަން ހައިލައިޓް ކުރާނެކަން.

The name is already taken The name is available. Register?

މީނެ

10 February 2020

ބާސާ އާ ދެކޮޅަށް ރެފްރީގެ ނިންމުމެއް އަންނައިރަށް ހާދަވަރެކޭދޯ ތިވަނީ، ރެފްރީންގެ ގޯސް ނިންމުންތަކުގެ ސަބަބުން ބާސާއަށް ފައިދާވެފަ ވާވަރު މާ ގިނަވާނެ

The name is already taken The name is available. Register?

ތުރާބެ

10 February 2020

މީނެ އަށް ތިޔޮތީ މާ އެގިފައެއްނު؟؟؟

The name is already taken The name is available. Register?

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454