އައިފޯން ބޭނުންކުރާ މީހުން އައިކްލައުޑްގައި ރައްކާކުރާ ފައިލްތައް، އެހެން އެއްވެސް މީހެއްގެ އަތުނުޖެހޭ ގޮތަށް މުޅިން ތަޅުލައި، "އެންކްރީޕްޓް"ކުރަން އެޕަލް އިން ވިސްނި ވިސްނުން ދޫކޮށްލައިފި އެވެ. މިއީ އެފްބީއައި އަދި "ނޭޝަނަލް ސެކިޔުރިޓީ އޭޖެންސީ" -- އެންއެސްއޭ ފަދަ ތަންފީޒީ އިދާރާތަކަށް އެއްބާލުން ދިނުމަށް އެޕަލް އިން ކުރި...
ވާވޭ ސްމާޓްފޯންތަކުގައި އެންޑްރޮއިޑް މޮބައިލް އޮޕަރޭޓިން ސިސްޓަމް ބޭނުންކުރި ނަމަވެސް، ގޫގުލް އަށް ކަމުނުކިޔައި، ފުދުންތެރިވުމަށް، ވާވޭ އިން ސީރިއަސް މަސައްކަތްތަކެއް އެބަ ކުރެ އެވެ. ގޫގުލް މެޕްސްގެ ބަދަލުގައި، ވާވޭ ފޯނުތަކަށް "މެޕްސް" އެޕްލިކޭޝަނެއް އުފެއްދުމަށްޓަކައި ވާވޭ އިން "ޓޮމްޓޮމް"އާ ގުޅިއްޖެ އެވެ.
ޓްރިލިއަން ޑޮލަރުގެ އަގު ހުރި ކުންފުންޏެއްގެ ޝަރަފު، ގޫގްލް ހިންގާ ކުންފުނި އަލްފެބަޓަށް ބުރާސްފަތި ދުވަހު ލިބިއްޖެ އެވެ.
ސްމާޓް ޑިވައިސްތައް އުފައްދާ ކުންފުނިތަކުން އަމަލުކުރުން ލާޒިމް ގަވައިދެއް، ޔޫރަޕިއަން ޕާލަމެންޓުން ފާސްކުރަން އެބަ މަސައްކަތްކުރެ އެވެ. އެއީ ޗާޖިން ޕޯޓް އެއްގޮތްކުރުމެވެ. ޑިވައިސްތައް ޗާޖްކުރަން ބޭނުންކުރާ ކޭބަލް އެއްގޮތްކުރުމެވެ.
ކޮންޒިއުމާ އިލެކްޓްރޯނިކްސް ޝޯ އަކީ، ސްމާޓް އިލެކްޓްރޯނިކްސް ކުންފުނިތަކަށް ބޮޑު މައުރަޒެކެވެ. ސްމާޓް ޑިވައިސްތައް ބޭނުންކުރާ މީހުންނަށް އަންނަ ބޮޑު އީދެކެވެ. މި އީދުގައި އުފަލެއް ނުލިބި ދަނީ އެޕަލް އަށް ރުހިފައި ތިބި މީހުންނަށް އެކަންޏެވެ.
އައިފޯނަށް ބައިތައް ހޯދުމުގައި އެޕަލް އިން ފަރުވާތެރިވާ މިންވަރު މިހިރީ އެވެ. ކުރިއަށް އޮތް 2021 ގައި ނެރޭ އައިފޯނުތަކަށް ބޭނުން ޖެހޭނެ ކަމަށް ބަލައި، އަދި އެއްވެސް ކުންފުންޏަކަށް ދޭ އޯޑަރު ނުނިމިދާނެ ކަމަށް ބަލައި، އޯލެޑް ޑިސްޕްލޭ އުފެއްދުމަށް، ޗައިނާގެ ބީއޯއީ ޓެކްނޮލޮޖީޒްގެ ކިބައިން އެހީތެރިކަން ހޯދަން ވިސްނާ ކަމަށް އެބަ ބުނެވެ...
ދާދި ފަހުން ވުޖޫދަށް އައި ޔޫއޭއީގެ މޮބައިލް އެޕްލިކޭޝަނެއް ކަމަށްވާ ޓުޓްކޮކްގެ އެހީގައި އެ ގައުމުގެ ސަރުކާރުން ޖާސޫސްކުރާ ކަމުގެ ތުހުމަތު ކުރެވިފައި ވަނިކޮށް އެ އެޕް ގޫގޫލް އާއި އެޕަލް ސްޓްރޯން ނަގައިފި އެވެ.
މިއީ އެޕަލުން ވަރަށް ސިއްރު ސިއްރުން ހިންގާ ޕްރޮގްރާމެކެވެ. އެޕަލުން ސެޓެލައިޓް އުފައްދަނީ އެވެ. ބޭނުމެއް ކަމަށް ބުނަނީ، އެ ކުންފުނިން އުފައްދާ ޑިވައިސްތަކަށް އިންޓަނެޓް ދިނުމެވެ.
މައިކްރޮސޮފްޓް ވިންޑޯޒް އެޕްލިކޭޝަންތަކަށް ރީތި އައިކަންތަކެއް ޑިޒައިންކުރަން ފެށިފަހުން އަހަރުތަކެއް ފާއިތުވެއްޖެ އެވެ. އަދިވެސް ޑިޒައިންކުރަނީ އެވެ. އޮފީސް ޕެކޭޖްގައި ހިމެނޭ އެޕްލިކޭޝަންތައް ފިޔަވައި، ވިންޑޯޒް ބޭނުންކުރާ މީހުންނަށް ރީތި އައިކަންތަކެއް އަދިވެސް ނުލިބެ އެވެ.
ކުރިއަށް އޮތް ތަނުގައި އެޕަލް އައިފޯން މޮޑެލްތަކުގެ ކެމެރާތައް ވަރުގަދަކުރުމުގެ ގޮތުން އެ ކުންފުނިން އިނގިރޭސިވިލާތުގެ ފޮޓޯގްރަފީ ޓެކްނޮލޮޖީ ކުންފުނި ސްޕެކްޓްރަލް އެޖް ގަނެފި އެވެ.
އައިފޯން 11 ބޭނުންކުރާ މީހުންނަށް އަންގައި ވެސް ނުލައި، އައިފޯން 11ގެ މޮޑެލްތަކުން ލޮކޭޝަން ރެކޯޑްކުރާ މައްސަލަ ބޮޑުވެފައި ވަނިކޮށް އެއީ ކީއްވެގެން ވާ ކަމެއްކަން އެޕަލް އިން ބުނެދީފި އެވެ. އެ ކުންފުނިން ބުނީ އެހެން ވަނީ މި މޮޑެލްތަކުގައި ގާއިމުކޮށްފައި ހުރި "އަލްޓްރާ ވައިޑްބޭންޑް ޓެކްނޮލޮޖީ"ގެ ސަބަބުން ކަމަށެވެ.
އެޕަލް އިން 2020 ގައި ވެސް އައިފޯނުތަކެއް ނެރޭނެ އެވެ. މިއީ ސްމާޓްފޯން ކުންފުނިތަކުން ކޮންމެ އަހަރުކު ވެސް ކުރާ ކެމެކެވެ. އެހެންވެ، ރަސްމީ އިއުލާނަކުން އާންމުނުކުރި ނަމަވެސް މިކަން އޮންނަނީ އެނގި ބާވެފަ އެވެ.
ރަޝިއާގައި "އެޕަލް މެޕްސް" ބޭނުންކުރާ ނަމަ، ކްރައިމިއާ އަކީ ރަޝިއާގެ ސަރަހައްދެއް ގޮތުގައި، އެޕަލް މެޕްސް އިން ދައްކާ ގޮތަށް ބަދަލުކޮށްފި އެވެ. ނަމަވެސް، ދުނިޔޭގެ އެހެން ސަރަހައްދުތަކުގައި މި ބަދަލެއް ނުފެންނާނެ އެވެ. އަދި ކްރައިމިއާ އަކީ ރަޝިއާ ސަރަހައްދެއް ގޮތުގައެއް ނުދައްކަ އެވެ.
މޮޅު ޑިޒައިނަރެއް ގޮތުގައި މުޅި ދުނިޔެ އަށް މަޝްހޫރު ޖޮނީ އައިވް އެޕަލް ދޫކޮށް ހިނގައްޖެ އެވެ. އެޕަލް ދޫކޮށް ދިއުމުގައި، އެއްވެސް ކަމެއްގައި އެޕަލްއާ ދެބަސްވުމެއް ނެތް ކަމަށް ބުންޏަސް، އޭނާ ބޭނުންވާ ޑިޒައިންތަކަށް ސީއީއޯ، ޓިމް ކުކް ސަމާލުކަން ނުދެއްވުން އެއީ އެޕަލް ދޫކޮށް އައިވް ދާން ނިންމި ސަބަބު ކަމަށް ވެ އެވެ.
ގޫގްލް އިން ނެރޭ ސްމާޓްފޯންތަކުގައި ޓެކްނިކަލް އެއްވެސް ބާގަނޑެއް ނުވަތަ ބަގެއް ހުރި ނަމަ އެކަން ކުންފުނީގެ ސަމާލުކަމަށް ގެނެސްދީ އެކަން ހައްލުކުރަން ޓެކްނިކަލް ސަޕޯޓް ފޯރުކޮށްދޭ މީހުންނަށް ދޭ ފައިސާގެ އިނާމު ބޮޑުކޮށްފި އެވެ.
މިއީ އެޕަލް އިން އުފައްދައިގެން އުޅޭ އެޕްލިކޭޝަނެކެވެ. ނަމަކީ "އެޕަލް ރިސާޗް" އެވެ. އެޕްލިކޭޝަންގެ ބޭނުމަކީ ރިސާޗްކުރުމެވެ.
ވޭޕިންގެ ސަބަބުން މަރުވާ މީހުންގެ އަދަދު އިތުރުވެ ކަމާ ބެހޭ ފަރާތްތަކުގެ ކަންބޮޑުވުންތައް އިތުރުވަމުންދާތީ، ވޭޕިންއާ ގުޅުން ހުރި މޮބައިލް އެޕްލިކޭޝަންތައް އެޕަލް ސްޓޯރުން ނަގަމުން އަންނަ ކަމަށް އެޕަލް ކުންފުނިން ބުނެފި އެވެ.
"އެޕަލް ކާޑް" ބޭނުންކުރާ މީހުންނަށް ޚިދުމަތްދިނުމުގައި، އެޕަލް އަދި "ގޯލްޑްމަން ސޭކްސް" އިން ޖިންސީ ތަފާތުކުރުން ގެންގުޅޭ ކަމަށް ތުހުމަތުކޮށްފި އެވެ. އަދި މި ތުހުމަތު ބޮޑު ކަންތައްގަނޑަކަށް ހަދައި، ވަރަށް ސީރިއަސް މައްސަލައެއް ގޮތުގައި، ނިއު ޔޯކް ޑިޕާޓްމަންޓް އޮފް ފައިނޭންޝަލް ސާވިސަސް އިން ވަނީ ބަލަން ފަށައިފަ އެވެ.
ބިލް ގޭޓްސް ވިދާޅުވަނީ މައިކްރޮސޮފްޓަށް ސްމާޓްފޯން މާކެޓް ގެއްލުނީ ޖަސްޓިސް ޑިޕާޓްމަންޓާ ހެދި ކަމަށެވެ. އެންޓިޓްރަސްޓް ގާނޫނުގެ ދަށުން މައިކްރޮސޮފްޓް ކުށްވެރިވާ ކަމަށް ބުނެ ހިންގި ތަހުގީގު ދިގުލައިގެންދިއުމުގެ ސަބަބުން، ވިންޑޯޒް ފޯނުތަކަށް ސަމާލުކަން ނުދެވުނީ ކަމަށް އެނާ ދެކެވަޑަައިގަންނަވަ އެވެ.
އައިފޯން 5 ބޭންކުރާ މީހުން ތިބި ނަމަ އެޕަލްގެ މި އިލްތިމާސަށް ސަމާލުވާށެވެ. އެ ކުންފުނިން ބުނިގޮތުގައި އައިފޯން 5 އަވަހަށް އަޕްޑޭޓްނުކޮށްފި ނަމަ އޭގެ ބޭނުން ކެނޑިދާނެ އެވެ. އަންނަ މަހުގެ 3 ކުރިން އަޕްޑޭޓް ނޮޓިފިކޭޝަން ލިބޭތޯ ކަށަވަރުކުރުމަށް ފަހު، ފޯނު އަޕްޑޭޓްކުރަން ވަނީ އަންގައިފަ އެވެ.
