މާލެ: ޖޫން 22، 2017- މި ރަމަޟާންމަހުގެ 27 ވިލޭރޭ އިސްލާމީ މަރުކަޒުގައި އޮތް ދަމުނަމާދުގައި އެތައް ހާސް ބަޔަކު ބައިވެރިވަނީ: ކީރިތި ޤުރުއާން ބާވައިލެއްވީ ލައިލަތުލްގަދްރި ވިލޭރޭ ކަމަށް ވާއިރު، ގިނަ ދަންނަބޭކަލުން ދެކެވަޑައިގަންނަވާ ގޮތުގައި އެ ރޭ ދިމާވަނީ ރަމަޟާންމަހުގެ 27 ވިލޭރެއާ. އެއީ އެއްހާސް މައްސަރަށް ވުރެ ހެޔޮކަން ބޮޑު ރެއެއް ކަމަށް ކީރިތި ޤުރުއާންގައި ﷲ ވަހީ ކުރައްވާފައިވާރު، އެ ރޭގެ ދަރުމަ އާއި ސަވާބު ލިބިގަތުމަށްޓަކައި މުސްލިމުން މަސައްކަތް ކުރޭ. ދަމުނަމާދަކީ އޭގެ ތެރޭގައި ހިމެނޭ ވަރަށް މުހިންމު އަޅުކަމަކަށް ވާތީ، ރަމަޟާންމަހުގެ 27 ވިލޭރޭ އެ ނަމާދަށް ސަމާލުކަން ދޭ ވަރު އިސްލާމީ މަރުކަޒުން އެކަނި ވެސް ވަނީ ފެނިފައި. ދަމުނަމާދު ކުރުމަށްޓަކައި ދެ ޖިންސުގެ ކުދިބޮޑު އެތައް ހާސް ބަޔަކާ އެކު އިސްލާމީ މަރުކަޒަށް މިރޭ ގޮސް ފުރިބާރުވެފައި އޮތުމަކީ މީގެ ހެއްކެއް.---މިހާރު ފޮޓޯތައް: ހުސެއިން ވަހީދު

ޖޫން 21، 2017- މި ރޯދަމަހުގެ 27 ވިލޭރެއާ ދިމާކޮށް، މައުމޫން ފައުންޑޭޝަނުން ބޭއްވި އިހްޔާ ޖަލްސާ: މެދުނުކެނޑި 38 އަހަރު ވަންދެން އިހްޔާ ޖަލްސާ ކުރީގެ ރައީސް މައުމޫން އަބްދުލް ގައްޔޫމް ބޭއްވި ނަމަވެސް، މި ރޯދަމަހު އެމަނިކުފާނު ގިނަ ދުވަސްތަކެއް ވަންދެން ރާއްޖެ އިން ބޭރުގައި އުޅުއްވަން ޖެހިވަޑައިގަތުމުން، މި ފަހަރު ބޭއްވީ މިރޭގެ ޖަލްސާ އެކަނިކަން ފާހަގަކޮށްލެވޭ. ޝީ ބިލްޑިންގްގައި ބޭއްވި މި ޖަލްސާގައި މައުމޫން ވަނީ ލައިލަތުލްގަދްރި ވިލޭރޭގެ މާތްކަމާއި އެ ރޭގެ ސަވާބު ލިބިގަތުމުގެ މައްޗަށް އަލިއަޅުވާލައްވައި ވާހަކަފުޅު ދައްކަވާފައި.---މިހާރު ފޮޓޯތައް: ހުސެއިން ވަހީދު