ކަރެކްޝަންގެ މުވައްޒަފުންތަކެއް: ރިޔާސީ އިންތިހާބުގައި އެތަނުގެ އޮފިސަރުންނާއި މަދަނީ މުވައްޒަފުން ޖަލުތަކުގައި ހުންނަ ފޮށިތަކަށް ވޯޓުލާން ވަނީ އަންގާފައި.
22 ޖުލައި 2018 - 20:39
28 comments
ސެޕްޓެމްބަރު 23 ގައި އޮންނަ މި އަހަރުގެ ރިޔާސީ އިންތިހާބުގައި މޯލްޑިވްސް ކަރެކްޝަނަލް ސާވިސްގެ ހުރިހާ މުވައްޒަފުން ޖަލުތަކުގައި ހުންނަ ފޮށިތަކަށް ވޯޓުލާން އަންގައިފި އެވެ.
ކަރެކްޝަންސް އިން މިއަދު ނެރުނު ހާއްސަ އުސޫލުގައި ބުނެފައި ވަނީ ރިޔާސީ އިންތިހާބުގައި އޮފިސަރުންނާއި މުވައްޒަފުން ވޯޓުލާނީ އެ މީހަކު މަސައްކަތްކުރާ ތަނެއްގައި ބަހައްޓާ ފޮއްޓަކަށް ކަމަށެވެ. އަދި މާލޭގައި މަސައްކަތްކުރާ އޮފިސަރުންނާއި މަދަނީ މުވައްޒަފުން ވެސް ވޯޓުލާން ޖެހޭނީ މާލޭ ޖަލުގައި ބަހައްޓާ ވޯޓު ފޮއްޓަށް ކަމަށް ވެސް ބުނެފައިވެ އެވެ.
"ޖަލުތަކުގައި ބެހެއްޓޭ ފޮށިތަކަށް ރީ ރަޖިސްޓްރީ ކުރުމުގެ މަސައްކަތް ޖަލުތަކާ ގުޅިގެން ހިއުމަން ރިސޯސަސް ޑިޕާޓްމަންޓުން ކުރިޔަށް ގެންދާނެ އެވެ. ވީމާ، ކޮންމެ އޮފިސަރެއް އަދި މަދަނީ މުވައްޒަފެއް ވޯޓުލުމަށް ރަޖިސްޓްރީ ކުރެވިފައިވޭތޯ 10 އޯގަސްޓް 2018ގެ ކުރިން ބަލައި ޗެކްކުރުމަކީ އެމީހެއްގެ އަމިއްލަ ޒިންމާއެކެވެ،" ކޮމިޝަނާ އޮފް ޕްރިޒަންސް ފޮނުވި އެ އުސޫލުގައި ބުނެފައިވެ އެވެ.
ކަރެކްޝަނަލް ސާވިސް އިން ބުނީ، އިންތިޚާބުތަކުގައި ވޯޓުލުމަށްޓަކައި ވޯޓުފޮށި ޖަލުތަކުގައި ބަހައްޓަން ފެށީއްސުރެ އަމަލު ކުރަމުން އަންނަނީ އެ އުސޫލުން ކަމަށެވެ. އަދި މި އަހަރުގެ ރިޔާސީ އިންތިޚާބަށް ވަކި އާ އުސޫލެއް ކަނޑަނާޅާ ކަމަށް ވެސް އެ އިދާރާ އިން ބުންޏެވެ.
ރިޔާސީ އިންތިހާބުގައި ކަރެކްޝަން އޮފިސަރުންނާއި މަދަނީ މުވައްޒަފުން ޖަލުތަކުގައި ހުންނަ ފޮށިތަކަށް ވޯޓުލާން އެންގިއިރު ސަރުކާރު ހިއްސާވާ ބައެއް ކުންފުނިތަކުން ވެސް އަންނަނީ އެތަންތަނުގައި ބަހައްޓާ ވޯޓު ފޮށިތަކަށް ވޯޓުލުމަށް ރަޖިސްޓްރީވުމަށް އަންގަމުންނެވެ. އަދި އެކަމާ ހެދި ހިތްހަމަނުޖެހިގެން ގިނަ އަދަދެއްގެ މުވައްޒަފުން އަންނަނީ ހިތްހަމަނުޖެހޭކަން ފާޅު ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގޮއްޔެ
23 July 2018
ދިވެހި ހުރިހާ ރައްޔިތުން ޖަލުތަކުގެ ފޮށިތަކަށް ވޯޓުލާގޮތް ހެދުމުން މާ ސަޅިވާނެ.
ބައޯކަލޯ
23 July 2018
ތިޖަލު ބަހައްޓާ މީހުން ކޮންމެތަނެއްގައިވެސް ޑިއުޓީގައި ތިބޭމީހުން ވޯޓުލާންދާންބޭނުން ޖެހިއްޖިއްޔާ އެހެންމީހަކަށް ޑިއުޓީގައި ހަމަޖައްސައިގެން ވޯޓުލާން ދެވޭގޮތަށް ހަމަޖެއްސިދާނެ.......މީކި ކޮންމެދުވަހަކު ވޯޓުލާންދާން ޖެހޭކަމެއްނޫން...
އަލަށްތަ
23 July 2018
އެހެން އިންތިހާބު ތަކުގަ ވޯޓުލާ ދުވަސް ދުވަހުވެސް، ސިފައިން، ޕޮލިސް، ކަރެކްޝަން އޮފިސަރުންވެސް ތިބެނީ ޑިޔުޓީގަ..މިފަހަރު ކިހިނެއްވެގެންތަ މިއުޅެނީ
ބަންޑާރީ
23 July 2018
ވަރަށް މަޖާކަމެއްމީ . އަޅޭ ފެނަކަޔާ ސްޓެލްކޯޢައި ފެލިވަރާ މިހެންކިޔަނެކަމެއްނެތް ކޮންމެ ކުންފުންޏަކުންވެސް އެރަށެއްގެ އެތަނެއްގައި ފޮށިބަހައްޓައިގެން އެތަނެއްގެ ވޯޓު ލާންވީނު . މިސާލަކަށް ހޯރަފުށީގެ ފެނަކަ މުވައްޒަފުން އެރަށުގެ އިންޖީނުގޭގައި ބަހައްޓާ ފޮށްޓަށް ވޯޓުލާނީ . ސިވިލްސާވިސް މީހުން އެރަށުގެ އޮފީހުގައި ބަހައްޓާ ފޮށްޓަށް ވޯޓިލާނީ . ނަމާދަށް އަރާމީހުން މިސްކިތުގައި ބަހައްޓާ ފޮއްޓަށް ވޯޓުލާނީ .
ނޫސް ބަލާމީހާ
23 July 2018
މިއޮތީ އިމްތިޙާނު ލައިގެންފައި . މިއިމްތިޙާނުން އެނގޭނެ ފިސާރި ހިއްވަރުހުރި މީހުން . ކޮންމެއަކަސް މަގޭވޯޓުގައި ހިއްވަރުހުރި މީހެއްކަން ދައްކާލަނަށް
ޥަސް
23 July 2018
ޢެހެންޔާވެސް މިޤައުމުގައި، ކަރެކްޝަން، އެއާރޕޯރޓް އަދި ސަރުކާރު ކުންފުނިތަކުގެ މުވައްޒަފުން ވޯޓްލާ. ޢެކަމަކު ވަކިޚާއްސަ ފޮށިތކެއް ނުހުރޭ. ޢިލެކްޝަނުން މިފަހަރު މިގޮތަށް ކަންތައް ކުރަންމިޖެހެނީ ކީއްވެބާ؟
ފޮށި ހުރޭ
23 July 2018
ފޮށި ތައް ހުރޭ. އެކަމަކު އެފޮއްޓަށް ރަޖިސްޓާރ ވާކަށް މަޖުބޫރެއް ނުކުރޭ. ެެެެެެެެެެެެެެެެެ
ދިވެހި
23 July 2018
މަކަރާއި ހީލަތް ހެދުން... އެހެން ކަމެއްނެތް..
ވާސިފު
23 July 2018
ސަރުކާރު މުވައްޒަފުންނާއި ކުންފުނިތަކުގެ ހުރިހާ މުވައްޒަފުންނާ ސިފައިންނާ ފުލުހުން ޔާމީނަށް ވޯޓު ދިނަސް އަދި ވޯޓު ހަމަ ނުވާނެކަން ނޭނގޭނަމަ ދެން އިތުރައް ދައްކާނެވާހަކައެއްނެއް، ބަލަ ކޮންމެތާކު ފޮށި ބެހެއްޓިއަސް ރައީސް ޔާމީނަކަށް ރައްޔިތުން މިފަހަރު ވޯޓެއް ނުދޭނެ، އަދީބު އެއޮތީ މިހާރުވެސް ވޯޓު ދޭން ނުޖެހޭ ސަބަބު ކިއާދީފަ، އަދިވެސް ވޯޓު ކައިރިވިވަރަކަށް ބުޅާ ދާނީ ގޯނިން ބޭރުވަމުން ބިތުފަންގި ދާނީ ނެގެމުންނެގެމުންނެގެމުންނެގެމުން .
ހެހެ
23 July 2018
އަދީބު ދައްކާ ވާހަކަ ގަބޫލުކުރާނީ މޮޔައިން....ގޯންޏަށް ނާޅާ އެއްޗެހިވެސް ގޯނިން ބޭރުކުރެވޭ ޒަމާނެއް މިއީ. ބިތު ފަންގި ނެގުމުގެ ކުރިން އެތަނުގަ އަމިއްލައަށް އެއްޗެހި ވަޅުލާފަ އެ ނަގާ ދައްކާ ޒަމާން މިއީ.
ނަން
23 July 2018
ޖަލު އޮފިސަރުންނާއި މުވައްޒަފުން މީގެ އެތައް އަހަރެއް ކުރިންވެސް އަމަލު ކުރަމުންގެންދަނީ ތިހެން... ތީ މިއަދު ވެގެންއުޅޭ ގޮތެއް ނޫން..
އާދަނު
22 July 2018
އޮފީސް ތަކުގައާއި، ޕޮލިސް، އެމްއެންޑީއެފް ގަވެސް ވަކި ފޮށިތަކެއް ބަހައްޓާވާހަކަ އަޑުއިވޭ.
ފުލުހުން އެބަ ކިޔާ
22 July 2018
ޕޮލިހުން ވޯޓް ލާންޖެހެނީ އަތޮޅު ވެހީގަ ހުންނަ ފޮށްޓަކަށްށޯ
ރިމްލާ
22 July 2018
ވޯޓު އޮޅުވިޔަސް ބޮޑު ބައްޔަކުން ބަލިކުރާނަން. ބިރުން ތެޅި ފޮޅެނީ