ރާއްޖެއިން ޖެހި ބޯޅައެއް ބަންގްލަދޭޝްގެ ކީޕަރު ދިފާއުކުރަނީ.-- ފޮޓޯ: ނިޝާން އަލީ/ މިހާރު
07 އޮކްޓޯބަރ 2021 - 21:07
ސާފް ޗެމްޕިއަންޝިޕުގައި ބަންގްލަދޭޝްއާ ދެކޮޅަށް މިރޭ ރާއްޖޭ މޮޅަށް ކުޅެ 2-0 އިން މޮޅުވެއްޖެ. ރާއްޖޭގެ ގައުމީ ދުވަހު ހޯދި މި ފުރިހަމަ މޮޅާ އެކު ރާއްޖެ އަށް ވަނީ މުބާރާތުގައި ކުރިއަށް ދިއުމަށް އުއްމީދު އާވެފައި.
މެޗުގެ ކުޅުން ނިމިއްޖެ
ބަންގްލަދޭޝްއާ ދެކޮޅަށް ގޯލު ޖެހުމަށްފަހު އަޝްފާގު އުފާފާޅުކުރަނީ.-- ފޮޓޯ: ފަޔާޒު މޫސާ/ މިހާރު
ބަންގްލަދޭޝްއާ ދެކޮޅަށް ގޯލު ޖެހުމަށްފަހު ރާއްޖޭގެ ކުޅުންތެރިން އުފާފާޅުކުރަނީ.-- ފޮޓޯ: ފަޔާޒު މޫސާ/ މިހާރު
ރާއްޖެއާ ބަންގްލަދޭޝްއާ މިރޭ ކުޅޭ މެޗުގައި ދިވެހި ކުޅުންތެރިންތަކެއް.-- ފޮޓޯ: ފަޔާޒު މޫސާ/ މިހާރު
މެޗުގެ ފުރިހަމަ ވަގުތުގެ ކުޅުން ނިމިއްޖެ. އިތުރު ވަގުތުގެ ގޮތުގައި ތިން މިނިޓް ދައްކައިފި
މެޗުގައި ބާކީ އޮތީ ފަސް މިނިޓުގެ ކުޅުން. ބަންގްލަދޭޝްގެ ކުޅުންތެރިން ވަނީ 29 ފައުލްކޮށްފައި. ރާއްޖޭން ކޮށްފައި ވަނީ ހަތް ފައުލް
ރާއްޖެއާ ބަންގްލަދޭޝްއާ މިރޭ ކުޅޭ މެޗުގައި، ދިވެހި ޓީމަށް ސަޕޯޓުކުރަނީ.-- ފޮޓޯ: ފަޔާޒު މޫސާ/ މިހާރު
ރާއްޖޭން ލަނޑު ޖެހި ހަމްޒާ (ހަމްޕު) ގެ ބަދަލުގައި އަސަދުﷲ ކުޅެން އަރުވައިފި
އަޝްފާގަށް ފަހަތުން ޓެކްލް ކުރުމުން ބަންގްލަދޭޝްގެ ކެޕްޓަނަށް ރީނދޫ ކާޑު
ރާއްޖޭގެ ހަމްޕު ވަރަށް ހުސްކޮށް އަރައި ގޯލަށް ޖަހަން އުޅެނިކޮށް ކީޕަރު ދިފާއުކޮށްފި
ރާއްޖެއާ ބަންގްލަދޭޝްއާ މިރޭ ކުޅޭ މެޗުގައި ދިވެހި ސަޕޯޓަރަކު.-- ފޮޓޯ: ފަޔާޒު/ މޫސާ
އަޝްފާގު ޕެނަލްޓީ އޭރިއާ ތެރެއަށް ފޮނުވާލި ބޯޅަ ރާއްޖޭ ކުޅުންތެރިއަކު ފޮނުވާލުމުން ކީޕަރު ދިފާއުކޮށްފި
އަޝްފާގު ފޮނުވާލި ޕެނަލްޓީ ސީދާ ގޯލަށް
ޕެނަލްޓީ ޖަހަނީ އަޝްފާގު
ރާއްޖޭގެ ނާއިޒް ހިފައިގެން ދިޔަ ބޯޅައެއް ބަންގްލަދޭޝް ކުޅުންތެރިން ވައްޓާލުމުން ދިން ޕެނަލްޓީއެއް
ރާއްޖެ އަށް ޕެނަލްޓީއެއް
ބަންގްލަދޭޝްގެ ކުޅުންތެރިން ހުރަސްކުރި ބޯޅައެއް ރާއްޖޭގެ ޑިފެންޑަރުން ދިފާއުކޮށްފި
މި ހާފުގެ މިހާތަނަށް ރާއްޖެ އިން ދަނީ 66 ޕަސެންޓް ބޯލް ޕޮސެސަން ކޮންޓްރޯލް ކުރަމުން. ރާއްޖެ އިން ދަނީ ޕާސްކޮށްގެން ގޭމް ކޮންޓްރޯލް ކޮށްގެން ކުޅެވޭތޯ ބަލަމުން
ރާއްޖެއާ ބަންގްލަދޭޝްއާ މިރޭ ކުޅޭ މެޗުގައި، ދިވެހި ޓީމުގެ ކުޅުންތެރިން.-- ފޮޓޯ: ފަޔާޒު މޫސާ/ މިހާރު
ރާއްޖެއާ ބަންގްލަދޭޝްއާ މިރޭ ކުޅޭ މެޗުގެ ތެރެއިން.-- ފޮޓޯ: ފަޔާޒު/ މޫސާ
ރާއްޖެ އަށް ކޯނަރެއް. ނާއިޒް ނެގި ކޯނަރު ބޭރަށް
ގޯލު ކުރިމައްޗަށް ހުރަސްކޮށްލި ބޯޅައެއް ހަމްޕު ވަރަށް ރީއްޗަށް އޯވަހެޑަކުން ސީދާ ގޯލަށް
ރާއްޖެ އަށް ކޯނަރެއް. ކޯނަރު ނަގަނީ އޯވަހެޑަކުން ހަމްޕު ލަނޑު ޖަހައިފި
ޕެނަލްޓީ އޭރިއާގެ ބޭރުން ސެންޓޭ ވަރަށް ބާރަށް ގޯލަށް ފޮނުވާލި ބޯޅައެއް ބަންގްލަދޭޝްގެ ކީޕަރު ޕަންޗުކޮށް ދިފާއުކޮށްފި
Tonight Maldives is up against Bangladesh in Malé. Fantastic game so far! Go #TeamMaldives! 🇲🇻#RedSnappers #SAFFChampionship@MiaSeppo @Mausoom_Maus @UNMaldives pic.twitter.com/r4LNPNSyuS
— Haswell@UN (@HaswellUN) October 7, 2021
ދެ ވަނަ ހާފުގެ ކުޅުން ފަށައިފި
ފުރަތަމަ ހާފުގެ ކުޅުމުގައި ރާއްޖެއިން 69 ޕަސެންޓް ބޯލް ޕޮސެސަން ކޮންޓްރޯލް ކުރިއިރު 273 ޕާސް ޖަހާފައިވޭ. ބަންގްލަދޭޝް އިން ޖަހާފައި ވަނީ 128 ޕާސް. ރާއްޖޭގެ ޕާސް އެކިއުރެސީ އަކީ 86 ޕަސެންޓް. ބަންގްލަދޭޝްގެ ޕާސް އެކިއުރެސީ އަކީ 64 ޕަސެންޓް. ރާއްޖޭން ތިން ފައުލް ކުރިއިރު ބަންގްލަދޭޝް ވަނީ 16 ފައުލްކޮށްފައި. ރާއްޖޭގެ ޓީމަށް އެއް ރީނދޫ ކާޑު ދައްކާފައިވާ އިރު ބަންގްލަދޭޝް އަށް ވަނީ ދެ ރީނދޫ ކާޑު ދައްކާފައި. ކޮންމެ ޓީމަކުން ވެސް ވަނީ އޮން ޓާގެޓް އެއް ޝޮޓް ހަދާފައި
އިތުރު ވަގުތުގެ ތެރޭގައި އަޝްފާގު ނެގި ހިލޭ ޖެހުމެއް ބަންގްލަދޭޝްގެ ކީޕަރު ވެއްޓިގަނެގެން ދިފާއުކޮށްފި
ފުރިހަމަ ވަގުތު ހަމަވެގެން އިތުރު ވަގުތުގެ އެއް މިނިޓުގެ ކުޅުން ވެސް ނިމިއްޖެ
އަޝްފާގު ހުރަސްކޮށްލި ބޯޅަ ސެންޓޭ ފޮނުވާލުމުން ކޯނަރަކަށް ބޭރުކޮށްލައިފ. އަޝްފާގު ނެގި ކޯނަރު ބަންގްލަދޭޝްގެ ކުޅުންތެރިން ދިފާއުކޮށްފި
ރާއްޖޭގެ ހިލޭ ޖެހުން ފޮނުވާލަނީ އަޝްފާގު
ސެންޓޭ އަރިމަތިން އެކަނި ކުރިއަރާ ބޯޅަ ހުރަސް ކުރަން އުޅެނިކޮށް ބަންގްލަދޭޝްގެ ކުޅުންތެރިން ސެންޓޭ ވައްޓާލައިފި. ބަންގްލަދޭޝްގެ ކުޅުންތެރިޔާ އަށް ރީނދޫ ކާޑު
ބަންގްލަދޭޝްގެ ހާފުގެ ތެރޭން ދެ ކުޅުންތެރިން ކަޓުވާލާފައި ދަނިކޮށް ރާއްޖޭގެ ހަމްޒާ ދަނިކޮށް ހަމްޒާ ވެއްޓުމުން އޭނާ އަށް ރީނދޫ ކާޑު ދައްކައިފި
މެޗުގެ މި ވަގުތު ކޮޅުގެ ތެރޭގައި ރާއްޖޭން ދަނީ ބަންގްލަދޭޝްގެ އޭރިއާ ތެރޭގައި ހަމަލާތައް އުފައްދަމުން
ރާއްޖޭގެ ކުޅުންތެރިން ބަންގްލަދޭޝްގެ ގޯލު ކުރިމައްޗަށް ހުރަސްކޮށްލި ބޯޅައެއް ހުސްކޮށް ދަނިކޮށް ބަންގްލަދޭޝްގެ ކުޅުންތެރިން ދިފާއުކޮށްފި. އެ ބޯޅަ އަށް ރާއްޖޭގެ ކުޅުންތެރިއަކު އަރައިފައެއް ނެތް.
ރާއްޖޭގެ ކުޅުންތެރިން ބަންގްލަދޭޝްގެ ގޯލަށް ވަރަށް ނުރައްކާ ހަމަލާއެއް ދީފި. އަޝްފާގު ގޯލު ކުރިމައްޗަށް ހުރަސްކޮށްލި ބޯޅައެއް ސެންޓޭ ވަރަށް ބާރަށް ފޮނުވާލުމުން ބަންގްލަދޭޝްގެ ކުޅުންތެރިއަކު ދިފާއުކޮށްފި
ރާއްޖޭގެ ޓީމުން އައްސަދު އަލީގެ ބަދަލުގައި އައިސަމް ކުޅެން އަރުވައިފި
2011 ވަނަ އަހަރުގެ ސާފް ޗެމްޕިއަންޝިޕުގެ ގުރޫޕް ސްޓޭޖްގައި ރާއްޖެ ވަނީ ބަންގްލަދޭޝް އަތުން 3-1 އިން މޮޅުވެފައި. އަދި 2015ވަނަ އަހަރުގެ ސާފް ޗެމްޕިއަންޝިޕުގެ ގުރޫޕް ސްޓޭޖުގައި ވެސް ރާއްޖެ ވަނީ ބަންގްލަދޭޝް އަތުން 3-1 އިން މޮޅުވެފައި.
2003 ވަނަ އަހަރުގެ ސާފް ޗެމްޕިއަންޝިޕުގެ ފައިނަލުގައި ބަންގްލަދޭޝްއާ ދެކޮޅަށް ރާއްޖެ ކުޅެ ފުރިހަމަ ވަގުތުގައި 1-1 އިން އެއްވަރުވުމުން ޕެނަލްޓީ ޖަހައިގެން 5-3 އިން މެޗު ކާމިޔާބުކޮށް ޗެމްޕިއަންކަން ހޯދީ ބަންގްލަދޭޝް
އޭގެ ފަހުން 2003 ވަނަ އަހަރުގެ ސާފް ޗެމްޕިއަންޝިޕްގެ ގްރޫޕް ސްޓޭޖުގައި ރާއްޖެ އާއި ބަންގްލަދޭޝް ވާދަކޮށް 1-0 އިން ކާމިޔާބުކުރީ ބަންގްލަދޭޝް
ރާއްޖޭން ސާފް ޗެމްޕިއަންޝިޕް މުބާރާތުގައި 1997 ވަނަ އަހަރު ވާދަކުރަން ފެށިއިރު ފުރަތަމަ ނުކުންނަން ޖެހުނީ ވެސް ބަންގްލަދޭޝްއާ. އެމެޗު ނިމުނީ 1-1 އިން އެއްވަރު ވެގެން.
މިރޭގެ މެޗަށް ރާއްޖޭގެ ގިނަ އަދަދެއްގެ ސަޕޯޓަރުން ވަނީ ދަނޑަށް ވަދެފައި. އަވޭ ޓީމުގެ ގޮތުގައި ބަންގްލަދޭޝްގެ ސަޕޯޓަރުންނަށް ވިއްކާފައި ވަނީ 200 ޓިކެޓް. ކޮވިޑުގެ ހާލަތާ ގުޅިގެން ދަނޑުގެ ކެޕޭސިޓީއެއްގެ ގޮތުގައި ހަމަޖައްސާފައި ވަނީ 5،000 ސަޕޯޓަރުން
މެޗުގެ 10 މިނިޓުގެ ކުޅުން ނިމުނު އިރު ރާއްޖެ އިން ވަނީ ބަންގްލަދޭޝްގެ ހާފުގެ ތެރެއަށް ވަދެ މެޗު ޑޮމިނޭޓް ކޮށްގެން ކުޅެވޭތޯ މަސައްކަތްކޮށްފައި
ރާއްޖޭގެ ހާފުގެ ތެރޭން ބަންގްލަދޭޝް އަށް އެއްލުމެއް
ސާފް ޗެމްޕިއަންޝިޕްގައި ރާއްޖެ އާއި ބަންގްލަދޭޝް ކުޅޭ މެޗުގެ ލައިވް ކަވަރޭޖަށް މަރުހަބާ
މިރޭގެ މެޗަށް ރާއްޖެ ނުކުތް އިރު ޕޮއިންޓެއް ނުލިބި އޮތީ ތާވަލުގެ ފުލުގައި. އެހެން ނަމަވެސް މިރޭގެ މެޗުން މޮޅުވެއްޖެ ނަމަ ރާއްޖެ އަށް ވެސް ކުރިއަށް ދިއުމުގެ މަގު ތަނަވަސްވާނެ.
ރާއްޖެ އާއި ބަންގްލަދޭޝް ސާފް ޗެމްޕިއަންޝިޕްގައި އެންމެ ފުރަތަމަ ބައްދަލުކޮށްފައި ވަނީ 1997 ވަނަ އަހަރު. އެ މެޗު ނިމިފައި ވަނީ 1-1 އިން އެއްވަރުވެގެން
Copyright © 2024 Mihaaru · Terms and Conditions · Privacy Policy
ކޮމެންޓްތައް
ނިންމާ!!
08 October 2021
ޖެހުނީ ކަންތަކާ. އެއްވެސް ކުޅިވަރަކުން ސަރަހައްދު ލެވަލްގަވެސް މޮޅު ބައެއްނޫން ދިވެހިންނަކީ. އެހާ ބޮޑާވެސް ބައެއް މި ދިވެހި ފުޓުބޯޅަ ކުޅުންތެރިން. މަގު ބަންދު ކޮށްގެން އާނމުންނަށް އުނދަގޫ ވުންނޫން އެއްވެސް ކަމެއްނުވޭ.
ޝޯމޭން
08 October 2021
ބާއި ރާއްޖެ މީހުންނަށް އެއްޗެހި ނުގޮވާ. ރާއްޖެ ރޭގަ ކަލޭމެން ގައުމު މީހުން ބަލިކުރީ މޮޅަށް ކުޅެގެން. ކަލޭމެން ބަންގްލަދޭޝް މީހުން ފުޓުބޯޅަ ނުކުޅެވުނީމަ އުޅުނީ ރެސްލިން ތަޅަން. އަހަރުމެން މަގުބަންދު ކޮށްގެންވެސް އަހަރުމެން ގައުމުގަ ކުރަންހުރި ކަންކަން ކުރާނަން.
ފަތަސް
08 October 2021
ކަލެއަކަށް ނޭންގޭނެ
އުދު ހޭ މުފިއްޓޭ
08 October 2021
10 ނަމްބަރު އެ ޖެހި އޯވަރ ހެޑު ލަނޑަކީ މި ސަރަހައްދު ގެ ކުޅުން ތެރިއަކަށް ފަހުގެ ތާރީޚެއް ގައި ޖެހުނު އެންމެ ރީތި ލަނޑު@
އުންމު ކެލްސިއަމް
07 October 2021
މޮޅުވީ، އަލިފުދާލުންވެސް ރާއްޖެއަށް ސަޕޯޓު ކުރީމާ، އާންމު މަޖިލީހުގެ ރައީސް ރާއްޖޭގެ ޖާޒީ ތުރުކުރައްވައިގެން އިންނެވި
ރަދީފްއޮފިޝިއަލް
07 October 2021
މަރުހަބާ ދިވެހި ފުޓްބޯޅަ ޓީމް.މަރުހަބާ ސުޒޭން..
އިއްސަޓޭ
07 October 2021
ނަސީބެއް ސުޒޭނުގެ ބެސްޓް ބަޑީ އަޑުބަރޭ އިންޖަރީވެގެން ފައިބަންޖެހުނުކަން. އޭނާ ބާލުވާފަ އައިސަމް ހަމަ އެރުވިތަނާހެން މެދުތެރެ ރަނގަޅުވެ، ގޯލްޖަހާނެ ފުރުސަތުތައް ތަނަވަސްވެގެން ދިޔަތަން ފެނިގެންދިޔައީ.
އުދުހޭ
07 October 2021
ރާއްޖެ ޓީމުން އެންމެ މޮޅަށް ކުޅެފައިވަނީ ސަޕޯޓަރުން.
ޑެިޜި
08 October 2021
ތި ބުނީ ގޯލް އާ 12 ފޫޓް ކައިރިވީމަ ކަރު ބުޑުން ހަޅޭން ލެވުންދޯ. އާ ވަރަށް މޮޅު
ޞކޖޖނ
07 October 2021
ވަރަށް ގަދަ. ތިކުޅުންބެނުމީ. ގައުމީ ޖޯޝްއުފައްދާލައިފި. ހުވާމިބުނީ ފަސްޓްހާފްގަ ކިރިޔާ ހާޓް އެޓޭކެއްނުޖެހުނީ. ޝުކުރިއްޔާ ގައުމީ ޓީމް
ގސބސ
08 October 2021
އާއެން ކޭ
މަރުހަބާ ރާއްޖެ!
07 October 2021
ފެންވަރުގެ ލަނޑެއް ފުރަތަމަ ލަނޑަކީ!
ޞބޗހހހ
07 October 2021
ޔެސް މިވަރުލަނޑެއް މިސަރަހައްދުޓީމަކަށް ނުޖެހޭނެ
އެއްވަނަ
07 October 2021
ހަޅޭއްލެވުމުން އެއްވަނަ ގައުމު.
މަސައްކަތްނުކުރާ
07 October 2021
މިގައުމުގައިވެސް ކުރާހާކަމެއް ކުރަނީ ބަންގްލަދޭޝް މީހުން. މަސައްކަތްނުކުރާ ދިވެހިން މޮޅުވާނީ ކިހިނެތް؟ ނިދާފަ ތިބޭ ސިވިލްސަރވަންޓުން ތިބޭ ގައުމު.
މަސައްކަތްނުކުރާ ކައޭ
07 October 2021
ފެނޭ މޮޅުވާގޮތް...
ޝޯމޭން
08 October 2021
އޭ ބާއި ކަލެއަކަށް ނޭނގޭނެ ދިވެހިން ކުރާ މަސައްކަތެއް. ދެން ރަށުމީހުން ބަލިވިޔަސް ރުޅިއައިސްގެން އަހަރުމެން މަސައްކަތް ނުކުރެއޭ ގޮވާނެކަމެއް ނެތްދޯ.