4،000 ފްލެޓްގެ ކޮމާޝަލް ޖާގަތަކަށް ހުޅުވާލަނީ

ހަތަރު ހާސް ފްލެޓް ޓަވަރެއްގެ އެންމެ ތިރިން ވިޔަފާރީގެ ބޭނުންތަކަށް ދޫކުރާ ސަރަހައްދު.---ފޮޓޯ: ނިޝާން އަލީ| މިހާރު

ފާތިމަތު ޝަނާ މުހައްމަދު، މިހާރު

21 ނޮވެމްބަރ 2024 - 17:36

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލެ 2 ގައި އިމާރާތްކުރަމުން އަންނަ 4،000 ފްލެޓްގެ ޓަވަރުތަކުގެ ކޮމާޝަލް ޖާގަތައް ހޯދަން ކުރިމަތިލުމުގެ ފުރުސަތު އަންނަ ހަފުތާގައި ހުޅުވާލަން ނިންމައިފި އެވެ.

އެ ކޯޕަރޭޝަނުން މިއަދު ބުނީ 32 ޔުނިޓުގައި 127 ކޮމާޝަލް ޖާގަ ހުންނާނެ ކަމަށެވެ. އޭގެ ތެރޭގައި ރީޓެއިލް ފިހާރަތާއި ސުޕަމާކެޓާއި ހައިޕަމާކެޓުގެ އިތުރުން ކެފޭ އާއި ރެސްޓޯރެންޓްތަކާއި ކްލިނިކްތަކާއި އޮފީސްތައް ހިންގަން ބޭނުންވާ ޖާގަ ވެސް ލިބޭނެ އެވެ. އަދި ތަރުކާރީ އާއި މޭވާ ވިއްކާ މާރުކޭޓުތައް ވެސް ހެދުމުގެ ފުރުސަތު ލިބޭނެ ކަމަށް އެފްޑީސީން ބުންޏެވެ.

ކޮމާޝަލް ބޭނުމަށް ދޫކުރަނީ 580-6،200 އަކަފޫޓުގެ ޖާގަތަކެކެވެ. ޖާގަ ދޫކުރުމުގައި އެ ޖާގަ ބޭނުންކުރާ ކަމަކަށް ބަލައިގެން ޖާގަ އިތުރު ކުރެވޭނެ ފުރުސަތު ވެސް ދޭނެ ކަމަށް އެފްޑީސީން ބުންޏެވެ.

ފްލެޓްތަކުން ވިޔަފާރީގެ ބޭނުމަށް ދޫކުރާ ޖާގަތަކާ ގުޅޭ މައުލޫމާތު އެފްޑީސީގެ މުވައްޒަފަކު މިއަދު މީޑިއާ އަށް ކިޔައިދެނީ.--- ފޮޓޯ: ނިޝާން އަލީ / މިހާރު

އެ ޔުނިޓްތައް ވިއްކަން ކަނޑައަޅާފައިވަނީ މާކެޓު ރޭޓުގަ އެވެ. މިވަގުތު މިފަދަ ކޮމާޝަލް ރޭޓުތަކުގެ އަގު އުޅެނީ އަކަފޫޓެއް 40-45ރ. އާ ދެމެދުގަ އެވެ. އެހެންވެ، އެންމެ ކުޑަ ޖާގައެއް ވެސް ލިބޭނީ ގާތްގަނޑަކަށް 30،000ރ. އަށެވެ.

ހަތަރު ހާސް ފްލެޓްގެ ޓަވަރެއްގެ ކޮމާޝަލް އޭރިއާ: ޓަވަރުތަކުގައި 127 ޖާގަ ވަނީ ކޮމާޝަލް ބޭނުމަށް ކަނޑައަޅާފައި -- ފޮޓޯ: ނިޝާން އަލީ / މިހާރު

އެފްޑީސީން ބުނީ، ހަ ޒޯނަކަށް ބަހާލައިގެން ކޮމާޝަލް ޖާގަތައް ކުއްޔަށް ދޫކުރަން ހުޅުވާލާއިރު، އަންނަ ހަފުތާގައި ދޫކުރަނީ ޒޯން 1 ކަމަށެވެ. ޒޯން 1 ގައި ގާތްގަނޑަކަށް 18 ކޮމާޝަލް ޖާގަ ހިމެނޭނެ އެވެ.

އެފްޑީސީން އިމާރާތް ކުރަމުން އަންނަ 4،000 ފްލެޓުގެ 32 ޓަވަރުގެ ކޮންމެ ޓަވަރެއްގެ ގްރައުންޑް ފްލޯ އިން ބަޔަކާއި ފުރަތަމަ ފްލޯ ހާއްސަ ކޮށްފައިވަނީ ވިޔަފާރިތަކަށެވެ.

ހަތަރު ހާސް ފްލެޓްގެ ޓަވަރެއްގެ ކޮމާޝަލް އޭރިއާ.--- ފޮޓޯ: ނިޝާން އަލީ / މިހާރު

އެ ކޯޕަރޭޝަނުން ބުނީ، ކޮމާޝަލް ޖާގަތައް ހެދުމުގެ އެންމެ ބޮޑު ބޭނުމަކީ ޓަވަރުތަކުގައި މީހުން ދިރިއުޅެން ފެށުމުގެ ކުރިން އަސާސީ ހިދުމަތްތައް ކައިރިން ލިބޭ ގޮތް ހެދުން ކަމަށެވެ. އެފްޑީސީން އަންދާޒާކުރާ ގޮތުގައި އެ ސަރަހައްދުތަކުގައި މީހުން ދިރިއުޅެން ފެށުމުން ގާތްގަނޑަކަށް 30،000 މީހުން ފްލެޓް ތަކުގައި އުޅޭނެ އެވެ.

ކުދި އަދި މެދުފަންތީގެ ވިޔަފާރިތަކަށް އަމާޒުކޮށް ހުޅުވާލާ އެ ފުރުސަތުގައި އަލަށް ވިޔަފާރި ފަށާ ފަރާތްތަކަށް އިސްކަން ދޭނެ ކަމަށް އެ ކުންފުނިން ބުންޏެވެ.

ފްލެޓް ހުޅުމާލޭ ދެ ވަނަ ފިޔަވަހި ފަހި ދިރިއުޅުން ކޯޕަރޭޝަން

13 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙައިލާ

22 November 2024

މި ސަރުކާރަށް ރައްޔިތުންނަށް ތި ފްލެޓްތައް ދިނުން ނޫން އެހެން ހުރިހާކަމެއް އެބަ ކުރެވޭ. ފްލެޓް ދޭން ވީމަ ފޫ ކަހަނީ. އެތާހުރީ ކޮމާޝަލް އޭރިއާތައް ކުއްޔަށް ދީގެން ލާރި ސަރުކާރަށް ހޯދަން ވީމަ ވަރަށް އަވަހެއްނު ތިކަން ވީލެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓޮމާޓޯ

21 November 2024

4000 ފުލެޓޭ ނުވަތަ 4000 ކޮމާސަލް ޖާގަތަ؟ ތަންކޮޅެއް ސާފްކޮއްލިޔެލަބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮކްޓަރ ދޮގު ހަދާ އުނބު

21 November 2024

ކުދި އަދި މެދުފަންތީ އަދި މުޅިން އަލަށްވިޔަފާރި ފަށާމީހުން 30 ހާސްރުފިޔާއަށް ތިތަން ނަގައިގެން ކުލިދަންކަދަންކާ ތިބެށްޖެހޭނީ ފުލެޓްތަށް ދޫކުރާނީ ޕާޓީގެ އެތެރޭގެ އިންތިހާބުނިމުނީމަ އެއިރުން ތިތަންތަށް ލިބޭމީހުނއނާއި އަދި ކުލިވެސް ބަދަލުވާނެ މިއީ ޔަޤީންވާކަމެއް މިނޫންގޮތަކަށް ނުނިމޭނެ އިހުލާސްތެރިކަށް 2023 ނޮވެމްބަރ 17 ގައި ޗުއްޓީއަށް ދިއަގޮތަށް އަދި ދިވެހިންގެ ރާއްޖެއަކަށް ނާދޭ ! #

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

30 މިލިއަން ހޯދަނީ

21 November 2024

ތި އުޅެނީ ތިތަން ނިންމާނެ ލާރި ނެތިގެން ތިގޮތަށް އެޑްވާންސަށް ކޮމާރޝަލް ޕްލޮޓްތަކުން ފައިސާ ހޯދަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

21 November 2024

1 ލައްކަރުފިޔާގެ އަގުހުރި ތަނެއް 3 ލައްކަ ރުފިޔާ އަށް ސަރުކާރު އޮފީސް ހަދަން ކުއްޔަށް އެބަ ނަ ގަ އެވެ. ބޮޑެތި ހުސްތަންތަން ސަރުކާރު އޮފީސް ހިންގަން ނަގަން ވީ އެވެ. ސަރުކާރުގެ ގުދަން އޮފީސް ފަދަ ތަންތަނަށް ކުއްޔަށް ނަގަން ވީ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގާދިރު

21 November 2024

ތިޔަ ތަންތަން ދަބަހަކަށް ލާފަ ފަޒުލް އަށް ދީ ، އެންމެ ބޮޑަށް ތަންތަން ބޭނުންވަނީ އޭނާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބޫ ނޫން ގޮތެއް ހޯދި

21 November 2024

ރައީސް އިބޫއަކީ ކޮވިޑް ހުއްޓުމާއެކު ރާއްޖެ ކޮޅަށްޖަހައި އުމްރާނީ ތަރައްޤީގެ އެތަށްކަމެއް މުސާރައާއި ބިލްތަކާއި ނުކުޅެ ގާއިމްކޮށް ދެއްވި ވެރިއެއް. 32 ޓަވަރު. އަދި އިތުރު 2200 ފްލެޓް އެވޯޑްކޮށް ފައިނޭންސް ހަމަޖައްސާވައި ވަޑައިގެންނެވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަލައްޗޭ

21 November 2024

އައިޑީކާޑުގެ ދެފުށް ހުށައަޅާތޯ ބަލައްޗޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮން

21 November 2024

ސަރުކަަރުން ވިޔަފާރި ކުރަން ދޭ 600 އަކަފޫޓް ތަނެއް 30000 ،40000 ހާސް ވީމަ ތަކެތީގެ އަގު ހެޔޮވާނެގޮތެއް ނޭގޭ ،، ކުލި ކުޑަކޮށްފައި ވިއްކާ އަގު ކޮންޓްރޯލް ކޮށްބަލަ ، ކުރިޔަށް އޮތީ ދަތި 4 އަހަރު