ބަރުން ސޮބްތީގެ "ކޯރާ" ވަރަށް ހިނގައިފި

ބަރުން ސޮބްތީގެ "ކޯރާ"ގެ ޕޯސްޓަރެއް.

17 ޖުލައި 2023 - 06:20

ހިންދީ ޑްރާމާތަކުން މަޝްހޫރުވި ބަރުން ސޮބްތީގެ ފުރަތަމަ ނެޓްފްލިކްސް ސީރީޒް "ކޯރާ" އަށް ލިބޭ ތަރުހީބު ބޮޑުވެއްޖެ އެވެ.

މިދިޔަ ހުކުރު ދުވަހު ސްޓްރީމިންއަށް ދޫކޮށްލި އެ ސީރީޒްގައި ދައްކަނީ އިންޑިއާގެ ޕަންޖާބުގައި ބިދޭސީއަކު މަރާލުމުން، އޭނާގެ މަރުގެ ހަގީގަތް ހޯދުމުގެ ތެރޭގައި ހިނގާ ކަންތައްތަކެވެ. މި ކްރައިމް ސީރީޒްގައި ހަ އެޕިސޯޑު ހިމެނެ އެވެ.

#Kohrra is so damn good. Such layered, complex, masterful storytelling and Suvinder Vicky is terrific. There is so much to unpack here. Don’t miss it!
— Anupama Chopra (@anupamachopra) July 16, 2023

"ކޯރާ"އަށް ކްރިޓިކުންގެ ތައުރީފު އޮއްސާލާފައިވާރު، އައިއެމްބީޑީގައި އެ ސީރީޒަށް 8.1 ގެ ރޭޓިން ލިބިފައިވެ އެވެ.

ބައެއް ކްރިޓިކުން ބުނެފައިވާ ގޮތުގައި، މި ސީރީޒް އަކީ 2020 ވަނަ އަހަރު އެމެޒަން ޕްރައިމް ވީޑިއޯއިން ގެނެސްދިން ވެބް ސީރީޒް "ޕާޓަލް ލޮކް" އަށް ފަހު، ގެނެސްދިން އެ ޖޯންރާގެ އެންމެ ސަޅި ސީރީޒެކެވެ. "ޕާޓަލް ލޮކް" އަކީ ވެސް ވަރަށް ބޮޑު ތަރުހީބެއް ލިބުނު ކްރައިމް ސީރީޒެކެވެ.

ބަރުންނާ އެކު އެ ސީރީޒްގެ ލީޑު ކާސްޓުގައި ހިމެނެނީ ސުވިންދަރު ވިކީ، ވިޝާލް ހަންދާ، ސޯރަވް ކުރާނާ، އައިވަންޓީ ނޯވާކް، ލުއިސް ބެކްސްޓާ، ރޭޗެލް ޝެލީ، ހަރުލީން ސެތީ، ވަރުން ބަޑޯލާ އަދި މަނީޝް ޗައުދަރީ އެވެ.

On my blog, Vishnu Mahesh Sharma writes about the excellent @NetflixIndia show #Kohrra https://t.co/SgTnkqdpPk
— Baradwaj Rangan (@baradwajrangan) July 16, 2023