ކަރަން ޖޯހަރު ބުނަނީ އާލިއާ ބަޓާ އެކު "ގަލީ ގާލް" ހަދަން ޖެހޭ ކަމަށް

އާލިއާ "ގަލީ ބޯއި" ގެ ޕޯސްޓަރެއްގައި.

އަހުމަދު އަދްޝަން، މިހާރު

21 ފެބުރުއަރީ 2019 - 07:38

ބޮކްސް އޮފީހުގައި މިހާރު ވަރަށް ކާމިޔާބުކޮށް ހިނގަމުން އަންނަ ފިލްމު "ގަލީ ބޯއި" ގައި އާލިއާ ބަޓް ކުޅެފައިވާ ސަފީނާގެ ރޯލަކީ ވަރަށް ޝައުގުވެރި ކެރެކްޓާއެއް ކަމަށާއި އެ ކެރެކްޓާއިން ކުރިފަޅުވައިގެން "ގަލީ ގާލް" ގެ ނަމުގައި ފިލްމެއް ހަދަން ޖެހޭ ކަމަށް ކަރަން ޖޯހަރު ބުނެފި އެވެ.

ފިލްމު "ސްޓޫޑަންޓް އޮފް ދި އިޔާ" އިން 2012 ގައި އާލިއާ ބޮލީވުޑަށް ނެރެދިން ޑައިރެކްޓަރު އިންސްޓަގްރާމްގައި "ގަލީ ބޯއި" އަށް ތައުރީފު އޮއްސާލާފައިވާ އިރު، އޭނާ ބުނީ އާލިއާއަކީ އެކްޓިންގެ މައިދާނުގައި ހުއްޓުވޭނެ ފަންނާނެއް ނޫން ކަމަށެވެ. އަދި އޭނާ ކުޅެފައިވާ ރޯލް ވަރަށް ފުރިހަމަ ކަމަށާއި ޒުވާން ބަތަލާގެ އެކްޓިން ވެސް އެހާ މޮޅު ކަމަށް ކަރަން ބުންޏެވެ.

ޒޯޔާ އަހްތަރު ޑައިރެކްޓް ކުރި "ގަލީ ބޯއި" ގައި އާލިއާ ކުޅެފައި ވަނީ ޑޮކްޓަރަށް ވާން މަސައްކަތް ކުރާ ސަފީނާ ފިރުދައުސް ކިޔާ މުސްލިމް އަންހެނެއްގެ ރޯލެވެ. އަދި އޭނާ ހުންނަނީ ބުރުގާ ވެސް އަޅައިފަ އެވެ. ސަފީނާއަކީ ކާމިޔާބު ރެޕަކަށް ވާން މަސައްކަތް ކުރާ ލޯބިވެރިޔާ މުރާދު ޝެއިހް (ރަންވީރު ސިންގް) އަށް ޓަކައި ކޮންމެ ފަދަ ކަމެއް ވެސް ކޮށްލަން ފަސްނުޖެހޭ އަންހެނެކެވެ.

View this post on Instagram

When passion supersedes grass root realities...when dreams make you wake up to bigger dreams....when you wrap rap into a form of solid expression....when you tell a story that has all this and more....that’s when you have a film that you can assuredly call a MASTERPIECE of modern times! @zoieakhtar weaves a story of aspirations in the underbelly of Mumbai like a bonafide magician....she slowly reveals every trick in her genius bag and you walk away with a lump in your throat and a swag in your step! #apnatimeaayega becomes your life mantra and all you want to do is dance the dance of great Cinema! I have just witnessed a cult classic that has possibly the best ensemble of actors we have seen this decade... @ranveersingh delivers the loudest quiet performance oscillating between silence and storm and you are left awestruck by his immense versatility and ability to sink his teeth into every single character....he makes you feel every beat of Murad’s beats! Outstanding!! What do I say about the girl wonder @aliaabhatt who explodes like a volcano every time she appears on screen! You wait for her and worry about her next move with joy and excitement! ! She is so so so brilliant! I think Safeena deserves a spin off film of her own! @siddhantchaturvedi makes a smashing debut as MC sher ! He is pitch perfect balancing arrogance and goodness with the ease of a veteran! Every member of the ensemble is terrific! Congratulations to my friends @ritesh_sid and @faroutakhtar for producing this gem of a movie! And finally my dearest Zoya......you are my favourite filmmaker and I feel so proud that I can witness your genius unravel at close quarters!! Well done team #gullyboy the entire technical crew needs a standing ovation!!!! What a film!!!!!!👋🏻👋🏻👋🏻👋🏻👋🏻

A post shared by Karan Johar (@karanjohar) on Feb 18, 2019 at 1:58pm PST

ކަރަން ފިލްމަށް ތައުރީފު ކުރަމުން ރަންވީރާއި ފިލްމުގެ އެހެން ތަރިންނާއި ޒޯޔާ އަށް ވެސް ވަރަށް ބޮޑަށް ސަނާ ކިޔާފައިވެ އެވެ. އެގޮތުން ޒޯޔާއަކީ އޭނާގެ އެންމެ ގަޔާވާ ޑައިރެކްޓަރު ކަމަށް ވެސް ބުންޏެވެ.

އާލިއާގެ ކުރިއަށް އޮތް ފިލްމަކީ ކަރަން ޕްރޮޑިއުސްކޮށް، އަންނަ އެޕްރީލް މަހުގެ 19 ގައި ރިލީޒް ކުރާ ތާރީހީ ފިލްމު "ކަލަންކް" އެވެ. އަދި ކަރަން އަންނަ އަހަރު ގެނެސްދޭ ތާރީހީ ލޯބީގެ ފިލްމު "ތަހުތު" ގެ ކާސްޓުންގެ ތެރޭގައި ވެސް އާލިއާ އާއި ރަންވީރު ހިމެނެ އެވެ.

މި އަހަރު ރިލީޒް ވާން ހުރި އާލިއާގެ ފިލްމުތަކުގެ ތެރޭގައި ކަރަން ޕްރޮޑިއުސްކޮށްފައިވާ ފެންޓަސީ އެޑްވެންޗަ ފިލްމު "ބުރައްމަސްތުރާ" ވެސް ހިމެނެ އެވެ. އެ ފިލްމު ރިލީޒް ކުރާނީ މި އަހަރުގެ ޑިސެމްބަރު މަހުގެ ތެރޭގަ އެވެ.