15 އެޕްރީލް 2019 - 07:33
7 comments
ގޭތެރެއިން މީރު ދުވަސް އެންމެން ވެސް ބޭނުންވާނެ އެވެ. އެކަމުން ހިތްހަމަޖެހުން ގެނެސްދެނީ ގެއަށް ވަންނަ މެހުމާނުންނަށް އެކަންޏެއް ނޫނެވެ. ގޭގައި އުޅޭ އެންމެންނަށް ވެސް މިއީ އުފާވެރި ކަމެކެކެވެ. ކުރާ މަސައްކަތަށާއި މީހާގެ މޫޑަށް ވެސް މިކަމުން އަސަރު ފޯރާނެ އެވެ.
މި ކިޔައިދެނީ ގޭތެރެއިން މީރުވަސް ދުވާނެގޮތަށް ކުރެވިދާނެ ބައެއް ކަންތައްތަކެވެ.
1. ދޮރުތައް ހުޅުވައި ތާޒާ ވައި ވަންނަން ފުރުސަތު ދިނުން
ކޮންމެ ދުވަހަކު މަދު ވަގުތުކޮޅަކަށް ނަމަވެސް ގޭގެ ދޮރުތައް ހުޅުވައި ތާޒާ ވައި ވަންނާނެ ގޮތެއް ހަދާށެވެ. ގޭގައި ބަންދުވެފައި ހުންނަ ޖަރާސީމު އެކުލެވޭ ވައި ވެސް އެއިރުން ބޭރުވެގެން ދާނެ އެވެ.
2. ގޭގައި ސިގިރެޓް ނުބުއިން
ސިގިރެޓް ބޯ ނަމަ އެކަން ހުއްޓާލާށެވެ. އެއީ ސިއްހަތަށް ހުރި ނުރައްކަލެއްކަން ނޭނގޭ މީހަކު ނުހުންނާނެ އެވެ. އަނެއްކޮޅުން، މިއީ ގޭތެރޭގައި ނުބައި ވަސް ހަރުލާން މެދުވެރިކުރުވާ އެއްޗެކެވެ.
3. ގޭތެރޭގައި ކެމިކަލް ނުބެހެއްޓުން
ނުބައިވަސްދުވާ ކެމިކަލަކީ ގޭތެރޭގައި ބަހައްޓަންވާނެ އެއްޗެއް ނޫނެވެ. ގޭތެރޭގައި އެ އެއްޗެހި ބެހެއްޓުމުން ވަސް ނުބައި ކުރުމުގެ އިތުރަށް ނޭވާ ލުމުގެ ނިޒާމަށް ވެސް ނޭދެވޭ އަސަރު ފޯރުވަ އެވެ.
4. ގުދުރަތީ އެއްޗެހިން ޒީނަތްތެރިކުރުން
އަބަދުވެސް ތާޒާ މާ ނުވަތަ ގަސް ފަދަ ގުދުރަތީ ބާވަތްތަކުން ގޭތެރެ ޒީނަތްތެރިކުރާށެވެ. އެއިރުން ގޭތެރޭގެ ވައި ވެސް ސާފުކޮށްދޭނެ އެވެ. އުށްބައްތި ބޭނުންކުރާއިރު ވެސް ބީސް ވެކްސް ފަދަ ބާވަތްތައް ބޭނުން ކުރުމުން ދުމާއި ގަދަ ވަހެއް ނުހުންނާނެ އެވެ. އޭގެ ބަދަލުގައި ތަނުގައި ހުންނާނީ ލުއި ވަހެކެވެ.
5. ހިމާލިޔަން ސޯލްޓް ލޭމްޕް ދިއްލުން
ގޭތެރެއަށް އަލި ކުރުމަށް ކޮންމެވެސް އެއްތަނެއްގައި ނުވަތަ އެއަށްވުރެ ގިނައިން ހިމާލިޔަން ސޯލްޓް ލޭމްޕް ބޭނުން ކުރާށެވެ. މީ މިހާރު މަޝްހޫރު ވަމުން އަންނަ އެއްޗެކެވެ. އެތައް ބަޔަކު ގޭގައި ބޭނުންކުރާ އެއްޗަކަށް މިވަނީ ވެފަ އެވެ. ވައި ސާފުކޮށްދިނުމުގެ އިތުރުން ނޭވާ ހިއްލާ ކެއްސާ މީހުންނަށް ވެސް މިއިން ފައިދާކުރާކަމަށް ގިނަބަޔަކު އެއްބަސްވެ އެވެ.
6. އެގްޒޯސްޓް ޖެއްސުން
ފާހާނާގައި އެގްޒޯސްޓް ހަރުކޮށްފައި ހުންނަ ނަމަ، ފެންވަރާ ނިމުމަށް ފަހު ގަޑިއެއްހާއިރު ވަންދެން އެގްޒޯސްޓް ޖައްސާފައި ބަހައްޓާށެވެ. ފެންވަރާއިރު ބޭނުންކުރާ އެއްޗެހިން ބޭރުވާ ކެމިކަލް އެ ތަނަކުން ބޭރުކޮށްލަން ވަގުތު ނަގާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަސަލަސް
15 April 2019
މަރިޔަމް ޔަސްމާ، ބުނަން ވާހަކައެއް. ރާއްޖެއިން ބޭރުތަނަކުން ލިޔުމެއް ފެންނަ އިރަށް މިގޮތަށް ނުޖަހާ. ޚާއްޞަކޮށް މާލޭގައި ދޮރު ހުޅުވާނެ ގޮތެއް ކިޔާދީބަލަ. ގޭތެރޭގައި ހުރި ކެމިކަލަކާ ޖަރާސީމަކަށްވުރެ ދޮރުން ވަންނަ ގޯސް އެއްޗެހި ގިނަ. ކުޑަކޮށް ދިރާސާކޮށްލާފަ އަލުން ލިޔެލާ.
ރާއްޖެތެރެ މީހާ
17 April 2019
މީ މާލެގަ އެކަނި އުޅޭމީހުންނަށް ލިޔާލިޔުމެއް ނޫން
އަލިމާކުނޑި
15 April 2019
މިގޭ ދޮރުތައް ހުޅުވެނީ މަގުމައްޗަށް އެކަމު އެދޮރުން ވަންނަ ވަޔާއެކު ސިމެންތި ކުނޑި ތަށިމުށިކުނޑި ހިރަފުސް ނުވީތާކަށް ސައިކަލްތަށް ދޮންނަ ކުދިކުދި ގަރާޖުތަކުން ބުރުވާކެމިކަލްތަކާ ހެދި މުޅިގެ ތަގައްޔަރުވޭ
ބާބާ
15 April 2019
އަހަރުމެން ބައިން ދުވަނީ ކުނި ސިނގަރޭޓް ދުންވަސް، މަތީބައިގަ ތިބި މީހުން ދުން ބުއިމުގެ ހައްދެއްނެތް! އެއާ ފްރެޝްނާ ޖެހިއަކަސް ވާކަމެއް ނޯވޭ!!
ވާލުސޮރު
15 April 2019
ފަރުބަދަމަތީ ނޫނީ ރަށްފުށުގެ ދިރިއުޅުން އުޅޭމީހުން ތޮއްޖެހިފަވާ ކޮންކްރީޓް ޖަންގަލިތަކުގަ މީހުން ދިރިއުޅޭނެގޮތް ކިޔައިދިނީމަ ކަމަކުނުދާނެ.
ފާރު
15 April 2019
؛ކިހިނެއް ދޮރުހުޅުވާނީ ޖެހިގެން ހުރިގެއިން މިތިބެނީ ހަމަ ފިލްމެއް ބަލާ ހެން ގޭތެރޭގައި ކުރާ ކޮންމެ ކަމެއް ބަލަން ވެގެން ހަމަ އެކަމަށް ދޮރުކަނޑައިގެން ތިބޭ ބައެއްވެސް އުޅޭ.
ހަޤީގަތް
15 April 2019
ދެލޯފުޅާ ބޭނުން، ކުޑަ ވަގުތު ކޮޅަކަށްނަމަވެސް ދޮރުތައް ހުޅުވާލަން، އެކަމަކު ކީއްކުރާނީ، ޖެހިގެން ހުރި ގޭގަ ކޮންކްރީޓް މަސައްކަތް، ކުރިމަތިން ހުރިގޭގަ ކޮންކްރީޓް މަސައްކަތް، ނުހުޅުވުމަށްވުރެ ހުޅުވީމަ ލިބޭ ގެއްލުން މާބޮޑު ކަންނޭގެ، ބެލްކަނީގަ އެއްޗެއް ވެސް ހިއްކން އަޅާނުލެވޭ، ސިމެންތި ކުނޑި އާއި ޓައިލްސް ކުނޑި އާއި ހެދި