30 ސެޕްޓެމްބަރ 2019 - 21:09
15 comments
އަތޮޅު ފުޓްބޯޅަ މުބާރާތް ކަމަށްވާ މިނިވަން ޗެމްޕިއަންޝިޕް، 2016 ވަނަ އަހަރު ބޭއްވި ގޮތަށް ހޯމް އެންޑް އަވޭ އުސޫލުން ކުޅޭ ގޮތަށް ބަދަލުކޮށް މުބާރާތުގެ ނަން "ޖަޒީރާ ފުޓްބޯލް ޗެމްޕިއަންޝިޕް" އަށް ރިބްރޭންޑްކޮށްފި އެވެ.
އެހެންވެ މި އަހަރު މިނިވަން ޗެމްޕިއަންޝިޕް ނޯންނާނެ އެވެ. އާ ނަމުގައި މުބާރަތް އަލުން ފަށާނީ އަންނަ އަހަރު އެވެ. މި ބަދަލު ގެނައީ ދިވެހި ޕްރިމިއާ ލީގުގެ ފޯރިކުޑަވެ އެ މުބާރާތް ހޯމް އެންޑް އަވޭ އުސޫލަށް ލީގު ބަދަލުކުރަން ގޮވާލާ އަޑުތައް ގަދަވަމުން އަންނަނިކޮށެވެ. އެކަމަކު މި ގެނައި ބަދަލާ އެކު ވެސް ޕްރިމިއާ ލީގު ކުރިއަށްދާނީ މިހާރު ކުޅޭ އުސޫލުން މާލޭގަ އެވެ. އެފްއޭއެމްގެ ރައީސް ބައްސާމް އަދީލް ޖަލީލް ވިދާޅުވީ ޕްރިމިއާ ލީގު ހޯމް އެންޑް އަވޭ އުސޫލަށް ބަދަލުކުރަން މިވަގުތު ހުރަސްތަކެއް އެބަހުރި ކަމަށެވެ. އޭގެ ތެރޭގައި ރަށްރަށުގައި ވަސީލަތްތައް ނެތުން ހިމެނެ އެވެ.
މުބާރާތުގެ ނަމުގެ ކުރިއަށް އިތުރުކުރި "ޖަޒީރާ" އަކީ މި ސަރުކާރުގެ ކެމްޕެއިން ސްލޯގަން އެކެވެ. ރިޔާސީ އިންތިހާބާއި މަޖިލިސް އިންތިހާބުގައި ބޭނުންކުރީ "ޖަޒީރާ ރާއްޖެ" ސްލޯގަން އެވެ.
މިއަދު ބޭއްވި ނޫސްވެރިންގެ ބައްދަލުވުމެއްގައި ސްޕޯޓްސް މިނިސްޓަރު އަހުމަދު މަހުލޫފް ވިދާޅުވީ "ޖަޒީރާ ފުޓްބޯލް ޗެމްޕިއަންޝިޕް" ކުރިއަށްދާނީ ކޮންމެ ރަށެއްގައި ކައުންސިލުން ފުރަތަމަ ރަށު ފެންވަރުގެ މުބާރާތެއް ބާއްވާ ގޮތަށް ކަމަށެވެ. އެ މުބާރާތުގައި ރަޖިސްޓްރީ ވިޔަސް ނުވިޔަސް ކޮންމެ ޓީމަކަށް ވެސް ބައިވެރިވެވޭނެ އެވެ. އަދި މައި މުބާރާތުގެ އަތޮޅު ބައިގައި ރަށް ތަމްސީލްކުރާނީ ރަށު މުބާރާތުގެ ޗެމްޕިއަން ޓީމުން އެ ރަށެއްގެ ނަމުގަ އެވެ. އެއަށް ފަހު އަތޮޅު ޗެމްޕިއަން ޓީމު ޒޯން ބައިގައި ވާދަކުރާނެ އެވެ.
އެފްއޭއެމުން 2015 ވަނަ އަހަރު ތައާރަފްކުރި މިނިވަން ޗެމްޕިއަންޝިޕް 2016 ފިޔަވައި އެހެން ހުރިހާ އަހަރެއްގައި ބާއްވަނީ ކޮންމެ އަތޮޅެއްގައި ކަނޑައެޅޭ ވަކި ރަށެއްގަ އެވެ. އެކަމަކު 2016 ގައި ހޯމް އެންޑް އަވޭ އުސޫލުން ބޭއްވި އެވެ. އެ ނޫން އަހަރުތަކުގައި ވެސް ދެ ޓީމު ބައިވެރިވެއްޖެ ނަމަ ކުޅެނީ ހޯމް އެންޑް އަވޭ އުސޫލުންނެވެ.
މަހުލޫފު ވިދާޅުވީ މުބާރާތުގައި ބައިވެރިވުމުގެ ފުރުސަތު އޮކްޓޯބަރު 15 އާ ހަމަޔަށް ހުޅުވިފައިވާނެ ކަމަށާއި މުބާރާތް ކުރިއަށް ގެންދާނެ ގޮތުގެ ބައެއް ކަންކަން ނިންމާށާއި އަދި ހުރި ދަތިތައް އޮޅުން ފިލުވަން ޓީމުތަކުގެ މަންދޫބުންނާ އެކު ބައްދަލުވުމެއް ބާއްވާނެ ކަމަށެވެ.
މިނިވަން ޗެމްޕިއަންޝިޕަކީ މިހާރު ރާއްޖޭގެ ލީގު ސިސްޓަމުގެ ޑިވިޝަނެކެވެ. އެފްއޭއެމުން މިހާރު ރާވާފައިވާ ގޮތުން މިނިވަން ޗެމްޕިއަންޝިޕުގެ ގަދަ ޓީމުތަކަށް ދިވެހި ޕްރިމިއާ ލީގުން ފުރުސަތުދެ އެވެ. އެކަމަކު ދިގު މުއްދަތެއްގައި މާލެ އައިސް ތިބެން ޖެހޭތީ އެ ޓީމުތަކަށް ދަތިތައް ކުރިމަތިވެ އެވެ. އެހެންވެ ޖަޒީރާ ޗެމްޕިއަންޝިޕުން އަންނަ ޓީމުތަކަށް ލީގުގެ ބަދަލުގައި ޕްރެޒިޑެންޓްސް ކަޕުން ފުރުސަތު ދޭން ވިސްނާ ކަމަށް ބައްސާމް ވިދާޅުވި އެވެ. އެކަމަކު އެފަދަ ބަދަލެއް ގެނަޔަސް ގެންނާނީ ވަރަށް ފުންކޮށް ވިސްނުމަށް ފަހު ކަމަށް ބައްސާމް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒޯން
02 October 2019
ނަންބަލުކޮށްފަ ބައްސަމު އަޗާތަޅަން އޮތީމަ އެނިމުނީ ދޯ؟ ކިބާހޭ ގައުމީޓީމު މިމަހު 10 ވަނަ ދުވަހު ކުޅޭ މެޗަށް ތައްޔާރުވާން ކުރާ ކަންތައް؟ ހަމަ ބޮޑުވެގެންވާ ފެއިލިއަރ އެއް. ޓޮމް ބެހެއްޓިނަމަ ދޯ
ދޮން އާދަންފުޅު
01 October 2019
ދެންމީ ވަރަށް ދެރަވަރު ކަންތައްތައް.ސިޔާސީ ސްޓަންޓުތައް ކުޅިވަރުތެރެއަށް މިވައްދަނީ.ޖަޒީރާ އޭކިޔައިގެން ބޮޑު ރިޔާސީ ކެމްޕޭނެއް ހިންގާފަ އެއާ ވިއްދައިގެން ކުޅިވަރު ކަންކަމަށް މިފަދަ ނަންނަން ކިޔުން ޤަބޫލުކުރަން އުދަގުލެވެ.މިއީ ކުޅިވަރުގެ ތެރޭގައި ސިޔާސީ ކަންކަން މޫލާފައި އޮތްވަރު ދައްކުވައިދޭ ކުޑަކުޑަ މިސާލެއްކަން އެބައެގެއެވެ.އިސްލާހު ކުރާނަމޭ ބުނެ އައިސް މިހަދަނީ ގޯހެވެެ.
މަޒް
01 October 2019
މަހުލޫފު ތި އުޅެނީ ހަދާނެ ނަހަދާނެ ގޮތެއް ނޭންގިގެންތަ؟ ތި އުޅެނީ އަދައިގެ ކަންމަތީ ގުރޫޕަކުން ކަޕު ބާއްވާގޮތަށް ވާއްވަންދޯ.. ރަޖިސްޓްރީ ކުރިޔަސް ނުކުރިޔަސް ވަރިހަމަ.. ތި ދެން ތަންފުކެއް ބޮޑުވަރު.. އަސްލު ކުޅިވާރާ ބެހޭ މިނިސްޓަރަކަށް ކުފޫ ހަމަވާހެނެއް ހިޔެއް ނުވޭ.. ރަޖިސްޓްރީ ނުކޮއް ކުޅޭ ޓީމް ޗެމްޕިއަން ޓީމަށްވެ އެޓީމު ރަށު ނަމުގައި ކުޅެ ޗެމްޕިއަންކަން ހޯދައިގެން އައިސް ޕްރިމިއާ ލީގު ޗެމްޕިއަންކަމަށް ވާދަކުރާ އިރުވެސް ރެޖިސްޓްރީ ނުކޮއް؟
އަލީ އަލީ
01 October 2019
ހަމަ ކުރިންވެސް ޖެހި އެއްޗައް ދެންވެސް ތިޔ ޖަހަނީ! އަތައްގޮވަނީ! އަތައްގޮވީ!
ބިނާކުރަނިބެ
01 October 2019
މިހާރު ތިޔަ އުޅުއްވަނީ އަތޮޅުތެރެއާ މާލެ ވަކިކުރަން. ބަލަ މިއުޅެނީ އަތޮޅު ފުޓްބޯޅައިގެ ފޯރި ނެތިގެނެއް ނޫނޭ. މާލޭ ޓީމުތައް ނުހިންގިގެން މިއުޅެނީ. ލީގުގައި މިހާރު ކުޅޭ ފޯކައިދޫ އާއި ނިލަންދޫ އެހާލުގަވެސް ދައްކަނީ ނަމޫނާ. ފުޓްބޯޅަ ފޯރި ގެންނާނީ ތިޔަހެނެއް ނޫން. ލޯ މަރާފަ މާލޭ ލީގު "ރާއްޖެ ލީގު" ގެ ނަމަށް ރީބްރޭންޑް ކޮށް ހޯމް އެންޑް އަވޭ ކުރަންވީ. ރާއްޖެއަކީ ތިޔަ ބުނާހާ ދިރާސާތަކޮށް ކަންކަން ކުރާ ތަނެއް ނޫން. ޕްލޭނެއް ނެތި އެތައް ކަމެއް ކުރޭ
ތައްޓޭ
01 October 2019
މިއީ އެންމެ ރަނގަޅު ގޮތެއް ނޫން. މުބާރާތް އިއުލާންކުރާއިރު މުބާރާތް ނިމޭއިރު ޗެމްޕިއަން ޓީމު އޮންނާނެ ތަނެއް ނޫނީ އެޓީމަށް ދެން ވާނެ ގޮތެއް އެނގެން ޖެހޭނެ، އަތޮޅުތެރޭގެ ރަށްތަކުން މި މުބާރާތަށް ތައްޔާރުވަނީ ބޮޑު ހަރަދުކޮށް ވަކި ޓާގެޓެއް އެޗީވް ކުރަން. "ލީގުން ފުރުސަތު ދޭން ނުވަތަ ގައުމީ މުބާރާތުން ފުރުސަތު ދޭން" މަޝްވަރާ ކުރަމުން ދިއުމަކީ ހަޖަމް ކުރަން ވަރަށް އުނދަގޫ ވާހަކައެއް. ތިޔަ ހުރިހާ ކަމެއް ނިންމާފަ މުބާރާތް އިއުލާންކޮށްބަލަ.
ރާވެރިބެ
01 October 2019
ތިޔަކޮށްލެވުނީ މޮޅުކަމެއްތަ؟
ދިވެހި ޕީ ލީގު
01 October 2019
ދިވެހި ލީގު ދޫކޮށްލާފައި މިނިވަން ލީގު މުޅި ރާއްޖޭގެ ލީގަށް ބަދަލުކުރޭ. މާލޭ ޓީމްތައްވެސް ކުޅެންވީ ހަމަ އެލީގުގައި. ބައްސާމް ތިހެދިއެއްޗަކީ މިއަހަރު ތިމުބާރާތް ބޭއްވުމުގެ ކުޅަދާނަކަން ނެތީމާ ނަންބަދަލުކުރުމާ ދިމާކޮށްފައި މުބާރާތް ކެންސަލް ކޮށްލީ. މިސޮރު މުބާރާތްތަށް މެދުކަޑާ ކެންސަލްކުރަނީ "އަލަކަށް ނޫނެވެ. ޭޭޭ އާއްމުކޮށް އޮބިނޯވުމުގެ ސްޓެރެޖީގެ މުހިއްމު ނުކުތާއެކެވެ.
ރަދީފު ބިން ރަފައިދާ
01 October 2019
ދެން ތިބޯޅަ ކުޅެންވެސް ޖެހޭނީ ފުޅިމަދުގައި ފޮތިއޮޅައިގެން. އޭރުން ޖަޒީރާވަންތަކަން އިތުރުވެގެންދާނީ.
ދާއިރާ
30 September 2019
ހޯމް އަ ވޭ ކިޔަކަސް ކަމަކު ނުދާނެ. ފުރަތަމަ ކަމަކަށް އާންމުކޮށް ފުޓުބޯޅަ ކުޅެވޭ ރަށްރަށުގެ ދަނޑު ތަކުގެ ހާލަތު ރަނގަޅު ކުރާންވީ.. ރަށުފެންވަރުގެ މުބާރާތް ބޭއްވުން އެއީ ތާކުން ތާކު ޖެހޭ ކަމެއްނޫން, އެކަން ނުކޮށް ސީދާ ހަމަ ޖަޒީރާ ޗެމްޕިއަންޝިޕްގަ ބާއިބެރި ވެވޭ ގޮތަށް ފަށަންވީ , 1 ރަށުން 2 ޓީމު ބައިބެރި ވިޔަސް އޯކޭ.