އިޓަލީގައި ވިއްކަން އިއުލާނުކޮށްފައިވާ ރަށެއް --- ފޮޓޯ : ގެޓީ
25 އޯގަސްޓް 2022 - 09:35
5 comments
ދުނިޔޭގެ އެކި ސަރަހައްދުތަކުގައި 675 ޕްރައިވެޓް ރަށް ވިއްކަން ހުޅުވާލައިފައިވާ ކަމަށް، މާކެޓް ރިސާޗް ހަދާ އެމްއެސްއެންގެ ރިޕޯޓަކުން ހާމަވެއްޖެ އެވެ.
ދުނިޔޭގެ އެކި ކަންކޮޅުތަކުގެ މާކެޓް ރިސާޗް ހެދުމުން އެމްއެސްއެން އަށް ފެނުނީ 600 އަށް ވުރެ ގިނަ ޕްރައިވެޓް ރަށް މާކެޓުގައި މި ވަގުތު އޮތް ކަމެވެ. އޭގެތެރޭގައި 545 ޕްރައިވެޓް ރަށާއި ރަށްރަށުގެ ބައިބައިން ވިއްކާ 110 ބައި ހިމެނެ އެވެ. އަދި އޭގެ އިތުރުން 20 ސަރަހައްދެއްގައި ހިމެނޭ ޕެނިންސުލާތައް ވެސް މި ލިސްޓުގައި ހިމެނެ އެވެ.
މި ލިސްޓުގެ އެންމެ ހާއްސަ އެއް ކަމަކަށް ފާހަގަކުރެވެނީ ބައެއް ރަށްތަކުގެ އަގު އާދަޔާހިލާފަށް ހެޔޮ ކަމެވެ. ބައެއް ރަށްރަށް ވިއްކަން ފަށާ އަގު އުޅެނީ 200،000 އެމެރިކާ ޑޮލަރުގަ އެވެ. އެއީ ދިވެހި ރުފިޔާ އިން ބަލާނަމަ ތިން މިލިއަނެއްހާ ރުފިޔާ އެވެ.
ކެރީބިއަން ރަށްތަކުގެ ތެރެގައި ވިއްކަން އިއުލާނުކޮށްފައިވާ ރަށެއް -- ފޮޓޯ: ގެޓީ
ރާއްޖޭގެ މާކެޓުގައި ތިން މިލިއަން ރުފިޔާ އަކީ ދެ ކޮޓަރީގެ އެޕާޓްމެންޓެއް ގަންނަން ވެސް ލިބޭ އަގެވެ. ހިޔާ ފްލެޓްގެ އަގު ދައްކާ ނިމޭއިރު އެއަށް ވުރެ ވެސް މައްޗަށް އަރަ އެވެ.
ދުނިޔޭގެ މާކެޓުގައި ޕްރައިވެޓް ރަށްތައް ވިއްކަން ހުރި ސަރަހައްދުތަކުގެ ތެރޭގައި ކެރިބިއަން ރަށްތަކުން ފެށިގެން އިޓަލީގެ އެކި ސަރަހައްދުތައް ވެސް ހިމެނެ އެވެ. އިޓަލީން އެކަނި ވެސް މި ވަގުތު ހަތަރު ރަށެއް ވިއްކަން އޮތީ އިއުލާންކޮށްފަ އެވެ. އެ ރަށްތަކުގެ އަގުތައް އުޅެނީ 1.7 މިލިއަން ޑޮލަރާއި ހަތަރު މިލިއަން ޑޮލަރާ ދެމެދުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަހުތާން
01 September 2022
ލާރިކޮޅު ހިފައިގެން މިފުރަނީ އިޓަލީން ރަށެއް ނުގަންނަން. ދެން ބައްދަލު ނުވެދާނެ ތޯއްޗެ!
އޮނަރަބްލް އަފީފު ދީދީ
25 August 2022
ބައެއްމީހުނަށް (ކ.އަތޮޅު މާލޭ މީހުނަށް) ދުނިޔޭގެ ކެޕިޓަލް ސިޓީ އާއި މާލެއާއި އެއްވަރުކޮށްގެން ވާހަކަ ދައްކާފައި މާލޭގެ އަގުތައް ގޯހެއް ނޫން ކަމަށާއި، ދުނިޔޭގެ ހުރިހާ ޤައުމެއްގައިވެސް ކެޕިޓަލް އާއި އެހެން ރަށްރަށާއި ތަފާތު ކަމަށާއި ކެޕިޓަލް އިން ލިބޭ ހިދުމަތް އެހެން ތަންތަނުން ނުލިބޭ ވާހަކަ ދައްކާ. # މާލޭގެ މިފަދަ ގިނަބަޔަކު ދިރިއުޅޭ އިޤިރޭސިވިލާތް، އޮސްޓްރޭލިއާ، ނިއުޒީލަންޑް، މެލޭސިޔާ، އިންޑިޔާގައި މިކަންއޮތީ އެމީހުން އެބުނާ ގޮތަށްތޯ؟!
ހިލޭ ދިނަސް ބޭނުމެއް ނޫން
25 August 2022
ތިރަށް އެންމެ ބޭނުންވާނީ މާކަނާ..އަހަރެމެން ކީއްކުރާ ގާމަތީ ރަށެއް؟؟ ތަންކޮޅެއް ބޮޑު ރާޅެއް އަރާ އިރަށް މުޅި ގެ ދޮވެލައިގެން ދާނީ.
ކީކޭބާ؟
25 August 2022
ތިހެން، ދުނިޔެއާ ވަކިން އޮންނަ ބިންކޮޅުކޮޅާ، ދުނިޔޭގެ ކެޕިޓަލް ސިޓީސްތަކުގެ ބިމުގެ އަގާ އަޅާ ކިޔަންވެއްޖެނަމަ، ތިޔަކަހަލަ ކިތަންމެ ކަމެއް ފެނިދާނެ!! ތި ރަށް ނޫނީ ބިންކޮޅުކޮޅުން، މިފަދަ ކެޕިޓަލް ސިޓީސްތަކުން ލިބެން ހުންނަ ހިދުމަތްތައް ލިބެން ހުރޭބާ؟ ދިގުކުރަން ނުލިޔުނަކަސް، މަށަށް ވުރެން ރަގަޅަށް އެންމެންނަށްވެސް އެގޭނެ މިވާނުވާ.
އެމްސް
25 August 2022
މިޤައުމަކު ޕަބްލިޝްޑް ލިވިންގ ވޭޖެއް ނޯވޭ! ސިޔާސީ މަޤްސަދެއް ޙާސިލުކުރަން ނަމަވެސް މިނިމަމް ވޭޖެއް ވަނީ ކަނޑައެޅިފަ، އެކަމަކު އެކަންވެސް ކޮށްފަ އޮތީ ދިރާސީ ގޮތަކުން ބެލިގެނެއް ނޫންކަން ފާހަގަވޭ! އަސާސީ ޚިދުމަތްތަކަށް އަގު ކަނޑައެޅޭ އިރުވެސް މީހުންގެ ޢާއްމު އާމްދަނީއަކަށްވެސް ނުބެލޭ! އެހެންކަމުން ސޯޝަލް ހައުސިންގގެ އަގުތައްވެސް ހުންނަނީ މިލިޔަން މިލިޔަނުގަ! ކަރަންޓް ބިލް/ފެން ބިލް، ކޮމިއުނިކޭޝަން/ޓްރާންސްޕޯރޓް ޢަރަދަކީވެސް ދުނިޔޭގެ ރިކޯރޑެއް!