ޚަބަރު / ކުރީގެ މެމްބަރު އަހުމަދު ނިހާން

ޖޭޕީގެ ލީޑަރު ގާސިމްގެ އެޑްވައިޒަރަކަށް ނިހާން

ޖުމްހޫރީ ޕާޓީގެ އެޑްވައިޒަރު ކަމަށް އަހުމަދު ނިހާން ހުސެއިން މަނިކު ހަމަޖައްސައި ލިޔުން ހަވާލުކުރަނީ. -- ފޮޓޯ | ޖޭޕީ

މާއިދާ މުހައްމަދު ރަޝާދު، މިހާރު

10 ފެބުރުއަރީ 2023 - 21:16

ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ އެޑްވައިޒަރު ކަމަށް ވިލިމާލޭ ދާއިރާގެ ކުރީގެ މެމްބަރު އަހުމަދު ނިހާން ހުސެއިން މަނިކު އައްޔަން ކުރައްވައިފި އެވެ.

ކުރީގެ ރައީސް އަބްދުﷲ ޔާމީންގެ ވެރިކަމުގައި އެ ޕާޓީގެ ޕާލަމެންޓްރީ ގްރޫޕްގެ ލީޑަރުކަން ކުރެއްވި ނިހާން މިވެރިކަން ހިންގާ ސަރުކާރު ކޯލިޝަންގައި ހިމެނޭ ޖުމްހޫރީ ޕާޓީއާ ގުޅިވަޑައިގަތީ ވެރިކަން ބަދަލުވުމުން، 2019ގަ އެވެ.

އޭގެ ފަހުން ޕާޓީގެ އިސް ސަފުގައި މަސައްކަތްތަކެއް ކުރެއްވުމަށް ފަހު މިދޭތެރެއިން ސިޔާސީ ކަންކަމުން ގެއްލުނެވެ. އޭގެ ފަހުން ގާސިމްގެ އެޑްވައިޒަރެއްގެ ގޮތުގައި ނިހާން ފެނުނުއިރު ކުރިއަށް އޮތީ ސިޔާސީ ގޮތުން ޖުމްހޫރީ ޕާޓީގެ ހަރަކާތްތެރި ދުވަސްކޮޅެކެވެ.

ޖުމްހޫރީ ޕާޓީން ބުނި ގޮތުގައި ނިހާންއަކީ މިހާރު އެ ޕާޓީގެ ކައުންސިލް މެމްބަރެކެވެ.

Congratulations Hon. Ahmed Nihan Hussain Manik on your appointment as the Advisor to the Leader of Jumhooree Party Hon. Qasim Ibrahim pic.twitter.com/PLJTFh0WGD
— JP Secretariat (@JPSecretariat) February 10, 2023

ގާސިމްގެ އެޑްވައިޒަރު ކަމަށް ނިހާން އައްޔަންކުރެއްވިއިރު އޭނާގެ މައްޗަށް ވަނީ އެމްއެމްޕީއާރުސީގެ ހިޔާނާތާ ގުޅޭ ދައުވާތަކެއް ވެސް ކޮށްފަ އެވެ. ރިޝްވަތުގެ ހަތަރު ދައުވާއަކާއި މަނީ ލޯންޑްރިންގެ ދައުވާއެއް އޭނާގެ މައްޗަށް ކުރަނީ މަޖިލިސް މެމްބަރަކަށް ހުންނެވިއިރު ކުރީގެ ނައިބް ރައީސް އަހުމަދު އަދީބު މެދުވެރިކޮށްގެން ގިނަ އަދަދަކަށް ފައިސާ އާއި ރޮލެކްސް ގަޑިއެއް ހޯއްދެވި ކަމަށް ބުނެ އެވެ.

ނިހާނަށް ކުރާ ދައުވާތަކުގައި ހިމެނޭ ކުށްކޮށްގެން ހޯދާފައިވާ ފައިސާ އަދި އެއާ އެއްކޮށްފައިވާ މުދަލާއި ފައިސާ ދައުލަތަށް ނަގައިދިނުމަށް މި ދައުވާތަކާ އެކު ކޯޓުގައި އެދިފައިވެ އެވެ.

ޖުމްހޫރީ ޕާޓީ ކުރީގެ މެމްބަރު އަހުމަދު ނިހާން މެމްބަރު ގާސިމް އިބްރާހިމް (މާމިގިލި)

47 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެޑަމް

13 February 2023

ނިހާނުގެ ރޭވުންވަރައްމޮޅު.ހުރިހާވައްކަމަކުންސަލާމަތްވާނެބުއްދިއެއް ދެންމީނާސަލާމަތްކުރަން ޤާސިމުވީ ރައީސައްބިރުދައްކަންރައީސްވީ މީނަރައީސާއެކުކޯލިސަންނަހަދަފާނެތީބިރުން ސަރީއަތުގެތެރެއައްވަދެނިހާނުސަލާމަތްކޮއްދޭން އަހަރުމެންތިބޭނަންތިކުޅިގަޑުދާގޮތްބަލަން ނަތީޖާދައްކާނީވޯޓުފޮށިންރައްޔިތުންގެފައިސާތައްކާލައިގެންސަލާމަތްވާންފަހަރަކުޕާޓީއަކައްވަންނަމުންތިދުވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެލޯބޮޑު

12 February 2023

ޤާސިމްއަށް ދުވަހަކުވެސް ނުވިސްނޭނެ...... މޮޔަ ކަމެއް ތިކުރީ... ކޮންކަހަލަ މޮޅު އެޑްވައިޒެއް ހޯދަން ކުރިކަމެއްބާ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރެޓޭ

12 February 2023

ގާސިމު ނަމަނަމަ ބަލައިގެން އުޅޭތި. މޫނަށް ކޯ ދޮވެލަފާނެ ނޭނގި ހުއްޓާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޯނިބެ ކުޑައަލީ

12 February 2023

ކުރިން ލިބުނު 30ކޭ ވެސް ދެން ހިޔެއްނުވެ ލިބޭނެހެނެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަމަރު

11 February 2023

އަތުގަަ އޮތް ގަޑިދައްކާފަ ފޮނިކެނޑި ގޮލާ ގާތްކުރުމުން ގާސިމަށް ބޮޑުތަނުން ވާނީ ގެއްލުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

11 February 2023

ވަގުން ވަގުންނާއި ގުޅި މުޅި ގައުމުގައި ވައްކަންކޮށް ގައުމު ފަސާދަކޮށްފި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޑްވައިޒް

11 February 2023

ވަފާތެރިވެގެން ހުރި ސިޔާސީ ޕާޓީ ބަލިވާން ފެށީމަ އެ ޕާޓީ ދޫކޮށް ތިމާގެ ކޮރަޕްޝަން މައްސަލަތައް ނުބަލާނެ ފަދަ ބާރުގަދަ މީހެއްގެ ފަހަތަށް އަރާން ގޮތުގެ އެޑްވައިޒް އެންމެ މޮޅަށް ދެވޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާުކުންބޭ

11 February 2023

ގާސިމަށް ވޯޓް ދޭން ތައްޔާރުވިތަނާ ތިފެނުނީ ކުރީ ސަރުކާރުގެ ޖަންކްތައް ނަގަންފެށި މަންޒަރު، ސޮރީ ތި ފާޑަށް އުޅެންޏާ ވޯޓެއެް ނުދެވެނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

11 February 2023

މި ސަރުކާރު ވެރިކަމަށް އައީ އެމްއެމްޕީއާރުސީގެ ޚިޔާނަތް ބަލައި ފިޔަވަޅު އަޅައި ފައިސާ ހޯދައި ހައްގު އަދަބު ދޭން. އޭގެ ބަދަލުގަ މިފެނުނީ އަދީބު ގިޓާ ކުޅެން ގޭގަ ބަހައްޓާފަ، ނިހާނު ކޯލިޝަން ޕާޓުނަރުގެ އެޑްވައިޒަރަކަށް ލާފަ، ކުރިއަށްވުރެ ތިންގުނަ ކޮރަޕްޝަން މަތިކުރީ. މިވަރުންވެސް ވޯޓް އެބަލިބޭ. އެންމެ ފަހުން 66 އިންސައްތަ ހޯދި. ރައްޔިތުންވެސް ބޭނުންވަނީ ކޮރަޕްޓް ވެރިން