އޭޝިއަން ރައިފަލް/ ޕިސްޓަލް ކަޕް 2023 ގައި ޒިޔާން.-- ފޮޓޯ: އެމްއެންޑީއެފް
11 މާޗް 2023 - 12:18
4 comments
އިންޑޮނޭޝިއާގެ ޖަކާޓާ ގައި ހުކުރު ދުވަހު ނިމުނު އޭޝިއަން ރައިފަލް/ ޕިސްޓަލް ކަޕް 2023 ގައި ރާއްޖޭގެ ގައުމީ ޝޫޓިން ޓީމުގެ ޒިޔާން ޒިޔާއު ގައުމީ ރެކޯޑް އާކޮށްފި އެވެ.
އުންމީދީ ޝޫޓަރު، ލާންސް ކޯޕްރަލް ޒިޔާން ގައުމީ ރެކޯޑް އާކުރީ 10 މީޓަރު އެއާ ޕިސްޓަލް ބައިންނެވެ. ޒިޔާން ވަނީ 10 މީޓަރު އެއާ ޕިސްޓަލް ގެ ފިރިހެން ކެޓަގަރީގައި ވާދަކޮށް 569 ޕޮއިންޓް ސްކޯ ކޮށްފަ އެވެ.
ޒިޔާން އެންމެ ފުރަތަމަ މި ރެކޯޑް ހެދީ 2019 ވަނަ އަހަރު އޮތް 14 ވަނަ އޭޝިއަން ޝޫޓިން ޗެމްޕިއަންޝިޕުގަ އެވެ. އޭގެ ފަހުން ނޭޕާލް ގައި އެ އަހަރު އޮތް ސައުތު އޭޝިއަން ގޭމްސް ގައި ޒިޔާން ވަނީ އެ ރެކޯޑް އާކޮށްފަ އެވެ. އެ ފަހަރު އޭނާ ވަނީ 10 މީޓަރު އެއާ ޕިސްޓަލް މިކްސް ޓީމު ބައިން ވެސް ގައުމީ ރެކޯޑު ހަދައިފަ އެވެ.
ޖަކާޓާގައި ގައުމީ ޝޫޓިން ޓީމުން ރެކޯޑްތަކެއް މުގުރާލައިފި https://t.co/Vbl3OyUCRn
— Mihaaru (@Mihaarunews) March 6, 2023
މި ރެކޯޑާ އެކު މި މުބާރާތުގައި ގައުމީ ހަތަރު ރެކޯޑެއް ރާއްޖޭގެ ޝޫޓިން ޓީމުން ވަނީ އާކޮށްފަ އެވެ.
ޒިޔާންގެ އިތުރުން ކޯޕްރަލް އިބްރާހިމް ޝިފާން އާއި ސްޓާފް ސާޖަންޓް ޝަރަފިއްޔާ އަބްދުއްރަހްމާން ވަނީ އެއާ ޕިސްޓަލް ބައިން ގައުމީ ތިން ރެކޯޑެއް އާކޮށްފަ އެވެ. އެއީ 10 މީޓަރު އެއާ ރައިފަލްގެ އަންހެން އަދި ފިރިހެން އިންޑިވިޖުއަލް ރެކޯޑުގެ އިތުރުން 10 މީޓަރު އެއާ ރައިފަލް މިކްސްޑް އިވެންޓުގެ ގައުމީ ރެކޯޑެވެ.
އުއްމީދީ ޝޫޓަރު ޒިޔާން އަކީ ފްރާންސްގެ ޕެރިހުގައި 2024 ވަނަ އަހަރު އޮންނަ އޮލިމްޕިކްސް އަށް ކޮލިފައި ވުމަށް އެހީތެރި ވުމުގެ ގޮތުން ކުރިއަށް ގެންދާ އޮލިމްޕިކް ސޮލިޑާރިޓީ ސްކޮލާޝިޕްގެ ފުރުސަތު ވެސް ލިބިފައިވާ އެތުލީޓެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލާމަސީލު
12 March 2023
ޝޫޓިންގ ކުޅިވަރު މޮނޮޕޮލީ ކުރުމުގެ ބަދަލުގައި އާއްމުންވެސް ޝާމިލުކުރެވޭނެ ގޮތް އެބަ ވިސްނަންޖެހޭ. އޭރަށް މިއީ ގައުމީ ކުޅިވަރަކަށް ވެދާނެ. ނަމަވެސް ވަކި މުއައްސަސާއެއް އެކަނި ބައިވެރިކުރާ ކުޅިވަރަކަށް ވާނަމަ މިއީ އެއްޒަމާނެއްގަ މާލޭގަ ފުޓްބޯޅަކުޅޭ ޓީމުތަކުން އެކަނި ގައުމީ ފުޓްބޯޅަޓީމް އެކުލަވާލަމުން ގެންދިޔަފަދަ ކަމެއް.
ބަބޫ
12 March 2023
ގައުމީ ރެކޯޑަކަށް ވާނީ އެއްމެނަށް ބައިވެރި ވެވޭ އެއޗިއްސަށް. ހަމަ އެކަނި ސިފައިންނަށް ބައިވެރިވެވޭ އެޗިއްސަށް ކިޔާނީ ސިފައިންގެ އެވޯޑް.
މޭންއިއަމް
11 March 2023
ތީގަ ބައިވެރިވާން ކިހިނެއް ހަދަންޖެހޭނީ؟ ހަމައެކަނި ސިފައިންނައް އޮތް ފުރުސަތެއްތޯ. ގައުމީ ރިކޯޑޭ ނުކިޔަމާ އޭރުން.
ލިޑާޖު
11 March 2023
މި ކުޅިވަރަކީ ޤައުމީ ފެންވަރުގައި ފާހަގަ ކުރަން ޖެހޭ ވަރުގެ ކުޅިވަރެއް ނޫން. ވަކި ބައެއްގެ އަތްމަތީގައި އަބަދުވެސް އެއް ބަޔަކު ކޮންޓްރޯލް ކުޅިވަރެއްތީ. ރާއްޖޭގައި އެއްވެސް ވާދާވެރިކަމެއް ނެތް ކުޅިވަރެއްތީ. ތި ކުޅިވަރު އެބަޖެހޭ ކުޅެން ބޭއްނުންވާ އެންމެންނަށް ކުޅެވޭނެ ގޮތަކަށް ހަދަން. އަބަދު އެއްބަޔަކު ކުޅުމުގެ ބަދަލުގައި ވާދަވެރި ގޮތެއްގައި ކުޅުންތެރިން ޤައުމީ ފެންވަރު ވާދަ ކުރުމުގެ ފުރުޟަތު އޮންނަން ޖެހޭނެ މި ކުޅިވަރުގައި ވެސް