ޒޭން އާއި ސެލީނާގެ ގުޅުން "ކަށަވަރު"

ޒޭން މަލިކް އަދި ސެލީނާ ގޮމޭޒް

އަހުމަދު އަރުޝަމް، މިހާރު

28 މާޗް 2023 - 07:22

މަޝްހޫރު ލަވަކިޔުންތެރިން ކަމަށްވާ ސެލީނާ ގޮމޭޒް އަދި ޒޭން މާލިކް ރައްޓެހިވެގެން އުޅޭ ވާހަކަ ވަރަށް ގަދަޔަށް މިހާރު ދެކެވެ އެވެ.

މި ވާހަކަ ދެކެވެމުން ދަނިކޮށް، ޕޮޕްގެ ދުނިޔޭގެ މަގްބޫލު ހަބަރުތައް ގެނެސްދޭ "ޕޮޕް ހައިވް" އިން ވަނީ ސެލީނާ އާއި ޒޭން ރައްޓެހިވެގެން އުޅޭކަން ކަށަވަރު ކަމަށް ބުނެފަ އެވެ. އެކަމަކު އެ ދެމީހުން ކުރެ އެކަކުގެ ވެސް އެކަން އަދި ޔަގީންކޮށެއް ނުދެ އެވެ.

"ވަން ޑިރެކްޝަން" އިން ވިދާލި ޒޭން އަދި ކުރީގެ ޑިޒްނީ ތަރި ސެލީނާއާ އޮތް ގުޅުމުގެ ވާހަކަ ވެފައި ވަނީ ގިނަބަޔަކަށް ސިހުމަކަށެވެ.

noooooooooooooooooooooooo... i mean yes! good for her!
— Trainwreck (@Trainwreckstv) March 27, 2023

އެންމެ ފުރަތަމަ އެ އެ ވާހަކަ ދެކެވެން ފެށީ ޒޭން އިންސްޓަގްރާމުން ސެލީނާ އަށް ފޮލޯ ކުރަން ފެށި ހިސާބުންނެވެ. އޭގެ ފަހުން، އެމެރިކާގެ ނިއު ޔޯކުގައި އެ ދެމީހުން އެކީ ތިބި މަންޒަރު ފެނުނު ބަޔަކު ވަނީ އެކަން ސޯޝަލް މީޑިއާގައި ހާމަކޮށްފަ އެވެ.

Selena Gomez and Zayn Malik are officially dating. pic.twitter.com/NYSgIyLmwv
— Pop Hive (@thepophive) March 26, 2023

މީގެ އަހަރުތަކެއް ކުރިން ވެސް އެ ދެމީހުންގެ ވާހަކަ އިވުނެވެ. އެއީ 2010 ވަނަ އަހަރުގެ އިންޓަވިއުއެއްގައި ސެލީނާ އަށް އެންމެ ކަމުދާ ވަން ޑިރެކްޝަންގެ މެންބަރަކީ ޒޭން ކަމަށް ބުނުމުންނެވެ. އެ ވީޑިއޯ މިހާރު ވަނީ އަނެއްކާވެސް ސޯޝަލް މީޑިއާގައި ދައުރުވާން ފަށައިފަ އެވެ.