ފިނޭންސް މިނިސްޓަރު އިބްރާހިމް އަމީރު: ދަރަނި ރީސްޓްރަކްޗާ ކޮށްފި ނަމަ ބޭރުން ފައިސާ ހޯދަން ދަތިވާނެ ކަމަށް ވިދާޅުވި. -- ފޮޓޯ: މިހާރު
28 މާޗް 2023 - 11:30
11 comments
ރާއްޖޭގެ ދަރަނީގެ މައްސަލަ ހައްލުކުރަން ދަރަނި ރީސްޓްރަކްޗާ ކޮށްފި ނަމަ ދައުލަތާއި އަމިއްލަ ކުންފުނިތަކަށް ބޭރުން ފައިސާ ހޯދަން ދަތިވާނެ ކަމަށް ފިނޭންސް މިނިސްޓަރު އިބްރާހިމް އަމީރު މިއަދު ވިދާޅުވެއްޖެ އެވެ.
އަމީރު މިހެން ވިދާޅުވީ ދައުލަތުގެ ދަރަނި ކުޑަކޮށް ރީސްޓްރަކްޗާ ކުރުމާ ގުޅޭ ގޮތުން މާފަންނު މެދު ދާއިރާގެ މެންބަރު އިބްރާހިމް ރަޝީދު ކުރެއްވި ސުވާލަކަށް ރައްޔިތުންގެ މަޖިލީހަށް ލިޔުމުން ފޮނުވި ޖަވާބުގަ އެވެ.
އަމީންއާންމު ވިދާޅުވި އެ ލިޔުމުގައި އަމީރު ވިދާޅުވެފައި ވަނީ ދަރަނި ރީސްޓްރަކްޗާ ކުރުމުގެ ސަބަބުން ބައިނަލްއަގުވާމީ ރޭޓިން އެޖަންސީތަކުން ދިވެހި ސަރުކާރުގެ ސިލެކްޓިވް ޑިފޯލްޓް ރޭޓިން ޑައުންގްރޭޑް ކުރާނެ ކަމަށެވެ.
އޭގެ ނަތީޖާއަކީ ދައުލަތާއި ރާއްޖޭގެ ވިޔަފާރިތަކަށް ބޭރުން ފައިސާ ހޯދަން ދަތިވުން ކަމަށާއި ދައުލަތުގެ ދަރަނި ހަމަ މަގަށް އެޅުވުމަށް އޮތް އެންމެ ރަނގަޅު ގޮތަކީ ދައުލަތުގެ ހަރަދު ކުޑަކުރުމާއި އާމްދަނީ އިތުރުކުރުން ކަމަށް އަމީރު ވިދާޅުވި އެވެ.
އަމީރު ވިދާޅުވެފައިވަނީ ދައުލަތުގެ ފިސްކަލް ސްޓްރެޓަޖީ 2023 އިން 2025 އަށް އެކުލަވާލާފައި ވާނީ އެ ކަންކަން ހިމަނައިގެން ކަމަށެވެ.
އަމީރު ވަނީ ދަރަންޏާ ބެހޭ ބައެއް މައުލޫމާތުތައް ވެސް މަޖިލީހާ ހިއްސާކުރައްވައިފަ އެވެ.
އޭނާ ވިދާޅުވި ގޮތުގައި 2021 ވަނަ އަހަރު ދައުލަތުން ސީދާ ނަގާފައިވާ ދަރަނި އަދި ގެރެންޓީކޮށްދީފައިވާ ދަރަނީގެ ޑެޓް ޓު ޖީޑީޕީ ނުވަަތަ ގައުމީ އުފެއްދުންތެރިކަމުގެ ނިސްބަތުން ދަރަނި ހުރި ރޭޝިއޯއަކީ 118 ޕަސެންޓެވެ. އެއީ ދައުލަތުން ސީދާ ނަގާފައިވާ ދަރަނި 100 ޕަސެންޓު އަދި ގެރެންޓީ ކޮށްދީފައިވާ ދަރަނި 18 ޕަސެންޓެވެ.
މީގެ އިތުރުން 2022 ވަނަ އަހަރު ނިމޭއިރު ޑެޓް ޓު ޖީޑީޕީ ރޭޝިއޯ 111 ޕަސެންޓުގައި ހުންނާނެ ކަމަށް ލަފާ ކުރެވޭ ކަމަށް އަމީރު ވިދާޅުވި އެވެ. އެއީ ދައުލަތުން ސީދާ ނަގާފައިވާ ދަރަނި 98 ޕަސެންޓު އަދި ގެރެންޓީ ކޮށްދީފައިވާ ދަރަނި 13 ޕަސެންޓު ކަމަށް އޭނާ ވިދާޅުވި އެވެ.
ދައުލަތުން ދަރަނި އަދާކުރުމަށް ހަދާފައިވާ ސޮވަރިން ޑިވަލޮޕްމަންޓް ފަންޑުގެ ބޮޑު ބައެއް ސަރުކާރުން ވަނީ އެހެން ކަންކަމަށް އިންވެސްޓު ކޮށްފަ އެވެ. މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ވަނީ އެ ޕްލޭން މިހާރަށް ވުރެ ރަނގަޅު ކުރުމަށް ލަފާ ދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެމްސް
29 March 2023
ދައުލަތުން -/50،000 މަތިން އާމްދަނީ ނަގާ އެންމެނަށް އެހެނިހެން ޢިނާޔަތްތައް ނުލިބޭގޮތް ހަދައިފިއްޔާ އަބަދުވެސް ވަޅުޖަހާފަ އޮތް މިރާއްޖޭގެ ސިއްޙާދާއިރާވެސް ބާރަށް ކުރިއަށް ހިނގައިގަންނާނެ! މައުންޓް އެލިޒަބަތުންނާއި ބަމްރުންގރާޖުން ދައުލަތުގެ ހުރިހާ ބޮޑުންނަަށް ހިލޭ ބޭސް ކުރެވެން އޮންނަހާ ދުވަހަކު މިޤައުމުގެ ސިއްޙީދާއިރާ ކުރިއަރުވަން އެކަމާއިބެހޭ މީހުންނަކަށް މާބޮޑެއްކޮށް ނޫޅެވޭނެ! ހިލޭ ސިންގަޕޫރާއި ބެންކޮކްއަަށް ދެވެން އޮންނަ ފުރުސަތު ނަގާލާނެތޯ؟
ދަރަނި އަރުވާލާފަ، ނޭގޭ ކަމައް ހައިގެން ހުރޭ!
28 March 2023
ލޯނު ނަގާ! ނުނަގާށޭ ނޯވޭ ފޮތަކު!
ބޮޑުމީހާ
28 March 2023
ލޯނުތައް ނަގައިގެން ކުރެވުނީ 1400 ސިޔާސީ މަގާމު އުފެއްދުން. ނިކަން އެމްބަސީތަކުގެ ސިޔާސީ މީހުންގެ ދަރިންނަށް ލައްކައިން ދޭ މުސާރަތައް ރިސްޓްރަކްޗަރކޮށްބަލަ. ކޮރަޕްޝަނުން ގެއްލޭ ފައިސާ ހޯދަބަލަ.
ޒާހިރު ޒިފްލީން ގޮފި
28 March 2023
ކާކުބުނެގެންތަ ލޯނުތަށް ތިނަގަނީ ނަގާ ލޯނަކުން ގައުމަށަވާ އެއްވެސަ ފައިދާއެއް ނުފެނޭ. ފޭށި މަސައްކަތްތަށް އެހެރީ ނުނިމި. ގދ.ތިނަދޫގައި ޓާޝަރީ ހޮސްޕިޓަލު އަޅަން ކުވޭތު ފަންޑުން ނެގި 53 މިލިޔަން ޑޮލަރުވެސް ވީތަނެއް ނޭގުނު
އަލްއުސްތާޒް
28 March 2023
ޑެޓް 118% އޮފް ޖީޑީޕީ. މިއީ ވިސްނާލުން ރަނގަޅު ނުރައްކާތެރި ހާލަތެއް. މާނައަކީ 100 ރުފިޔާ ލިބެންޔާ، އަދި އިތުރަށް 118 ރުފިޔާ ލޯނުގެ ގޮތުގައި ނަގާގެން 218 ރުފިޔާ ސަރުކާރުން އެހަރަދުކުރަނީ. ލިބޭ މިންވަރަށްވުރެ 2 ގުނަ ނަގާގެން ގައުމު ހިނގީމާ އެހެރީ ރަގަޅަށް ދަރަނިވެރިވެފަައި. ދެން ނުލިބޭ އާމުދަނީން މުސާރަދީ، އިންފްލޭޝަން މައްޗަށްގޮސް، ރައްޔިތުންވާނީ ހަފުސް.
ކަމާލުއްދީން
28 March 2023
ގަމާރުންތަކަށް މިހާރު މުހިންމީ ރައްޔިތުންނާއި ގައުމެއް ނޫނެވެ. ޢެމީހުންނަށް މުހިންމީ ކަންޒުތަކާއި ވެރިކަމުގެ އާރާއި ބާރެވެ
ބިތުފަންގި
28 March 2023
މާނައަކީ، ހަގީގަތް ދުނިޔޭގެ ފައިނޭންޝަލް އިންސްޓިޓިޔުޝަންތަކަށް އޮޅުވާލައިގެން އަދިވެސް ތިޔަ ތިބީ އިތުރަށް ރައްޔިތުން ދަރަނިކުރުވަން ހިފާފައޭ ދޯ؟ ތިޔައީ ހަމަ ކުށް ހީއެއް! ވޯލްޑްބޭންކް، އޭޑީބީ، ކްވެއިތު ފަންޑު، ސަޢޫދީ ފަންޑު ކަހަލަ ހުރިހާ ފަރާތްތަކަށް ވެސް މިހާރު ރާއްޖޭގެ މާލީ ހާލަތު ރަނގަޅަށް އެނގޭނެ! އަދި ވަކި ގައުމަކުން، ނަމުގައި ރާއްޖެއަށް ހެޔޮއެދިގެން، ބޮޑު އިންޓްރަސްޓުގައި ލޯނުދީގެން ރާއްޖެ ސަވުރެން ޑީފޯލްޓަކަށް ދުއްވާލަން ހިފާފައިއޮތްކަން އެނގޭނެ!
މިވަރު
28 March 2023
މިވަރު ގަމާރު މިނިސްޓަރެއް ދުށީމުތަ! ބޭރު ދުނިޔެއަށްވެސް އޮޅުވާލާގެން އެހީ ހޯދަން ވިސްނަނީދޯ.! މަކަރާހީލަތުން ފުރިގެންވާ މީހަކަށް ކިހިނެއްބާ ތެދުވެރިކަމުގައި ތި މަޤާމު އަދާކުރެވޭނީ. މިޤައުމަށް ވަންނަހާ ރުފިޔާ ކޮބާތަ. ރައްޔިތުންގެ ދަރަނި ދަނީ ބޮޑުވަމުން
ޖުކި
28 March 2023
އިތުރު ސިޔާސީ މަގާމު ހަދަން ފައިސާ ހޯދަން ދަތިވަނީތަ... ވަރަށް ބޮޑު މައްސަލައއެއް މީ. އަވަހަށް މިކަން ހައްލު ކޮށްދެއްވާ.
ދޮހޮއްކޮ2
28 March 2023
މަގާމާއި ފައިސާގެ ދަހިވެތިކަމުގައި ދޮގު ހެދުމުގާ ދެމިހުންނާނެ. އަމީރުއަށް ހަލާކުހުރި
އޮނަރަބްލް އަފީފު ދީދީ
28 March 2023
އަމައްޔާއި..!! ތިއީ އަދި މާމޮޅުގޮތެއް. ރިސޯޓް ތަކުން ޓެކްހަށް މަކަރު ހަދާން ހިސާބު ކިތާބު އޮޅުވާލާ ފަދައިން ދައުލަތުން މިއުޅެނީ ދައުލަތުގެ މާލީ ހާލަތު އޮޅުވާލާ ޙަޤީގަތް ހާމަނުކޮށް ބޭރުފުށަށް އެހެން މަންޒަރެއް ދެއްކޭތޯ. # އަމީރު ބުނެބަލަ މިލިޔަނުން ޓްއަރިސްޓުން އަންނަ (މިއަހަރު މިހާތަނަށް ބައި މިލިޔަން އަތުވެއްޖެ) ދުނިޔޭގެ އެންމެއަގުބޮޑު ޓްއަރިސްޓް ޑެސްޓިނޭޝަންގައި ފަސްލައްކަ އިންސިން ދިރިއުޅޭްިރު މިޤައުމު ބޮޑު ދަރަނި ބޮލަކަށް ވާންޖެހުނީ ކީއްވެ؟