ނާޒިމްގެ ރައްދު ގާސިމަށް: އަޅުގަނޑުގެ އިހުސާސަކީ އިހުތިރާމް

އޭނާގެ ހިތުގައި ޖުމްހޫރީ ޕާޓީގެ ލީޑަރު ގާސިމް އިބްރާހިމަށް އޮތް އިހުސާސަކީ އިހުތިރާމް ކަމަށް ވިދާޅުވެ، އެމްއެންޕީގެ ރައީސް މުހައްމަދު ނާޒިމް މިއަދު ގާސިމަށް ރައްދު ދެއްވައިފި އެވެ.

މި އަހަރުގެ ރިޔާސީ އިންތިހާބަށް އެމްއެންޕީން ނުކުންނަވާ ރިޔާސީ ކެންޑިޑޭޓް ނާޒިމްގެ ރައްދު ޖޭޕީގެ ރިޔާސީ ކެންޑިޑޭޓް ގާސިމަށް މި އަމާޒު ކުރެއްވީ، ޗާގޮސް މައްސަލާގައި އިދިކޮޅު ފަރާތްތަކުން މާލޭގައި މިރޭ ބާއްވާ އެއްވުމުގައި ބައިވެރިވެވައިގަތުމުގެ ބޭނުމެއް އޮތް ކަމަށް ފެނިވަޑައިނުގަންނަވާތީ އެކަމާ ދެކޮޅަށް ވީޓީވީގައި ގާސިމް ދެއްކެވި ވާހަކަތަކެއްގައި އެމްއެންޕީގެ އިސްބޭފުޅަކަށް އިޝާރާތް ކުރައްވައި ދެއްކެވި ވާހަކައަކާ ގުޅިގެންނެވެ.

ގާސިމް ވިދާޅުވީ، އޭނާ "ދުއްވާލައިގެން ނޫން ގޮތަކަށް" ވެރިކަން ކުރެވެން ނެތް ކަމަށް އެމްއެންޕީގެ ވަރަށް އިސް ދެ ބޭފުޅަކު އޭނާގެ އަރިހުގައި ވިދާޅުވެފައިވާ ކަމަށެވެ.

"މި ހުރީ ބައްލަވާ. ކޮން ކަމަކާ ތޯ؟ ކާނަލް ނާޒިމްމެން ނޫނިއްޔާ އެ ޕާޓީ ހަދަން އެންމެ ފުރަތަމަ ވާހަކަ ދައްކައިގެން ތިއްބެވި އަބްދުﷲ ރިޔާޒާއި އެ ބޭފުޅުންގެ މާޒީ ބައްލަވާ. އަޅުގަނޑު ކޮންމެހެން އެ ވާހަކަ ދައްކާކަށް ނެތިން" ކުރިން ޖޭޕީގައި ވަރަށް އިސްކޮށް ތިއްބެވި ނާޒިމާއި ރިޔާޒަށް އިޝާރާތް ކުރައްވައި ގާސިމް ވިދާޅުވި އެވެ.

އެހެންވެ، އޭގެ ރައްދު ޓުވީޓަކުން ދެއްވަމުން ދަނގެތި ދާއިރާގެ މެމްބަރު ނާޒިމް ވިދާޅުވީ، ގާސިމާ ހިސާބަށް ދޮގު މައުލޫމާތު ބަޔަކު ގެންގޮސްދިނުމަކީ ގާސިމަށް ބަޔަކު ދޭ ބޮޑު ގެއްލުމެއް ކަމަށެވެ.

"އަޅުގަނޑު ވެސް އަދި އަޅުގަނޑަށް ހެޔޮއެދޭ މީހަކު ވެސް، މަނިކުފާނަށް އަދި އެހެން ވެސް ދިވެހި ރައްޔިތަކަށް ގެއްލުމެއް އަދި ނިކަމެތިކަމެއް ނުދޭނެ އަދި އެފަދަ ވާހަކައެއް ވެސް ނުދައްކާނެ. މަނިކުފާނާ މެދު އަޅުގަނޑުގެ އިހްސާސަކީ އިހްތިރާމް،" ގާސިމް ޓެގް ކުރައްވައި ކުރެއްވި ޓުވީޓުގައި ނާޒިމް ވިދާޅުވި އެވެ.

"އަޅުގަނޑު އަބަދުވެސް މަަސައްކަތް ކުރަނީ ރައްޔިތުންގެ ހައްގުގައި އިހްލާސްތެރި މަސައްކަތެއް ގައުމަށް ކޮށްދިނުމަށް."

ގާސިމް މިއަދު ވިދާޅުވީ، ޖޭޕީ ދޫކުރައްވައި ނާޒިމާއި ރިޔާޒް ވަޑައިގަތީ އެ ބޭފުޅުންގެ ތަސައްވުރެއް އޮވެގެން ކަމަށާއި "ކޮންމެހެން އަޅުގަނޑުގެ ގައިގައި ޖަހާކަށް ނުޖެހޭ" ކަމަށެވެ.

ނާޒިމާއި ރިޔާޒް ޖޭޕީ ދޫކުރެއްވި ދުވަސްވަރު ވެސް ޖޭޕީގެ ބައެއް އިސްބޭފުޅުންނާ ދެމެދު ބަހުގެ ހަމަލަތަކެއް ބަދަލުކޮށްފައި ވެ އެވެ. އެ ބޭފުޅުން ޖޭޕީ ދޫކުރެއްވީ އެ ޕާޓީގެ ލީޑަޝިޕާ މެދު އޮތް ހިތްހަމަނުޖެހުމަކާ ހެދި އެވެ.

Emmen alhugan'daa dhekolhu, Chagos evvumun bon'di libeynee alhugan'dah: Gasim

The most trusted news source in the Maldives

Mihaaru

ގާސިމް ވިދާޅުވީ، ޗާގޮސްގެ މައްސަލާގައި މިރޭ ބާއްވާ ބައްދަލުވުމަށް އޭނާ ވަޑައިގެންފި ނަމަ "ބޮނޑިއެއް" ދީފާނެ ކަމުގެ ބިރު އޮންނާނެ ކަމަށެވެ. އޭގެ ނަތީޖާއަކީ ޖޭޕީގެ ރިޔާސީ ކެންޑިޑޭޓަކު އިންތިހާބު ކުރަން ބޭނުންވެފައި ތިބި މީހުންގެ ވަގުތު ގެއްލުން ކަމަށް ގާސިމް ވިދާޅުވި އެވެ.