ޔާސިރު ވިދާޅުވީ ޕެޓީކޭޝްގެ ގޮތުގައި ކޮންމެ މަހަކު ހަތަރު ފަސް ލައްކަ ރުފިޔާ އާރުޑީސީގެ ތިން މުވައްޒަފެއްގެ އެކައުންޓަށް ޖަމާކުރާ ކަމަށް
އާރްޑީސީގެ ސީއެފްއޯ ޔާސިރު
06 ޖުލައި 2023 - 15:13
122 comments
އާރުޑީސީގެ މުވައްޒަފުންގެ އަމިއްލަ އެކައުންޓުތަކަށް 2019 އިނެ ފެށިގެން ވަދެފައިވާ ގިނަ އަދަދެއްގެ ފައިސާ އަކީ ޕެޓީ ކޭޝް ކަމަށާއި އުސޫލާ ހިލާފަށް އެއްވެސް މުއާމަލާތެއް ހިންގައިފައި ނުވާނެ ކަމަށް ރޯޑް ޑިވެލޮޕްމެންޓް ކޯޕަރޭޝަން (އާރްޑީސީ) ގެ ޗީފް ފައިނޭންސް އޮފިސަރު (ސީއެފްއޯ) ޔާސިރު ހަސަން ވިދާޅުވެއްޖެ އެވެ.
އޭނާ ވިދާޅުވީ، މުވައްޒަފުންގެ އެކައުންޓުތަކަށް ފައިސާ ޖަމާ ކުރި ނަމަވެސް އޭނާގެ އެކައުންޓަކަށް މުސާރަ ފިޔަވައި، އެ ކުންފުނީގެ އެކައުންޓަކުން އިތުރު އެއްވެސް ފައިސާއެއް ޖަމާވެފައި ނުހުންނާނެ ކަމަށެވެ.
އެ ކުންފުނީގެ އެއްވެސް އެކައުންޓަކުން އެއްވެސް މުވައްޒަފެއްގެ އަމިއްލަ އެކައުންޓަށް ފައިސާ ވަދެފައި ހުރެދާނެތޯ "މިހާރު" އިން އެހުމުން ޔާސިރު ވިދާޅުވީ ފައިނޭންސް ޑިޕާޓްމެންޓުގެ ތިން މުވައްޒަފެއްގެ އެކައުންޓަށް ގިނަ އަދަދެއްގެ ފައިސާ ކޮންމެ މަހަކު ވެސް ފޮނުވާ ކަމަށެވެ. އެއީ ޕެޓީ ކޭޝްގެ ފައިސާ ކަމަށާއި އެކަން އެހެން ކުރަނީ ޕެޓީ ކޭޝް ގެންގުޅުމާ ގުޅޭ ގޮތުން އެ ކުންފުނިން އެކަލަވާލި އުސޫލެއްގެ ދަށުން ކަމަށް އޭނާ ވިދާޅުވި އެވެ.
އާރުޑީސީއާ ގުޅޭ ގޮތުން، އެމްއެމްއޭގެ ފައިނޭންޝަލް އިންޓެލިޖެންސް ޔުނިޓު (އެފްއައިޔޫ) އިން ހުށަހެޅި މައްސަލައެއް ފުލުހުން އަންނަނީ ބަލަމުންނެވެ. އަދި އެކަން ފުލުހުން ވަނީ މީޑިއާތަކަށް އަންގައިފަ އެވެ. "މިހާރު" އަށް އެނގިފައިވާ ގޮތުން އެ ކުންފުނީގެ އެކައުންޓްތަކުން މުވައްޒަފުންގެ އަމިއްލަ ބައެއް އެކައުންޓުތަކަށް 13 މިލިއަނެއްހާ ރުފިޔާ ވަނީ ޖަމާވެފަ އެވެ.
އޭނާ ވިދާޅުވީ، ޕެޓީ ކޭޝް ރީއެމްބާސްމެންޓުގެ ގޮތުގައި އެވްރެޖުކޮށް މަހެއްގެ މައްޗަށް އެ މުވައްޒަފުންގެ އަމިއްލަ އެކައުންޓްތަކަށް ހަތަރު ލައްކަ އާއި ފަސް ލައްކަ ރުފިޔާއާ ދެމެދުގެ އަދަދެއް ޖަމާ ކުރާ ކަމަށެވެ.
"ބޭންކުގެ ޕޮލިސީތައް ބަދަލުވީމަ ކޭޝް ކޮށް އެހާ ބޮޑެތި އަދަދުތަކެއް ޑިސްޓްރިބިއުޓެއް ނުކުރެވޭ. ކުރީގައި އެކަން ކުރަނީ ހަމަ ކޭޝްކޮށް. އެހެން ނަމަވެސް ފަހުން ބޭންކުން އުސޫލުތައް ބަދަލު ކުރުމުން ފައިނޭންސްގެ ކުއްޖެއްގެ އެކައުންޓަށް އެ ޑިސްޓްރިބިއުޓް ކުރަން ލަނީ،" އޭނާ ވިދާޅުވި އެވެ.
އޭނާ ވިދާޅުވީ، އެހާ ބޮޑު އަދަދެއް ޖަމާ ކުރަން ޖެހެނީ އެ ކުންފުނީގެ 25 ސައިޓާއި ޕްރޮޖެކްޓްތަކުގެ ކަންކަމަށް ވަގުތުން ވަގުތަށް ބޭނުންވާ ފައިސާ ފަސޭހައިން ހޯދޭނެ ގޮތް ހަމަޖައްސަން ކަމަށެވެ. އަދި ވިދާޅުވީ، އެ މުއާމަލާތްތަކުގެ ހުރިހާ ލިޔެ ކިޔުންތަކެއް ހުންނާނެ ކަމަށާއި، އުސޫލުން ބޭރުން އެއްވެސް ފައިސާއެއް ބޭނުން ކޮށްފައި ނުވާނެ ކަމަށެވެ.
ޔާސިރު ވިދާޅުވީ، އާރުޑީސީގެ ދަށުން 200 އެއްހާ ބިދޭސީން މަސައްކަތް ކުރާ އިރު އެ މީހުންގެ ރެގިއުލަރައިޒޭޝަން މަސައްކަތްތަކާއި އިމިގްރޭޝަން ޕްރޮސެސް ނުވާތީ، ބައެއް ފަހަރު ބިދޭސީ މުވައްޒަފުންގެ މުސާރަ ވެސް ފައިނޭންސް މުވައްޒަފުންގެ އަމިއްލަ އެކައުންޓަށް ޖަމާކުރާ ކަމަށެވެ.
"އެކައުންޓު ނުހުޅެވި އުޅޭ ބިދޭސީންގެ މުސާރަ ދިނުމަށް ވެސް ފައިނޭންސް ކޮންމެވެސް މުވައްޒަފެއްގެ އެކައުންޓަށް އެ އަދަދު ލައިފައި ކޭޝް ހޭންޑް އޯވާ ކޮށްފައި އެ ޝީޓް ލޮގްކުރަނީ،" އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖާބިރު
09 July 2023
މައިކެއް ނުވަތަ ޕޯޑިއަމް އެއް ލިބޭ އިރަށް ޔާމީނަށް ވަގަށް ގޮވި މޫކޭގެ ހާލު ! ރައީސް ނަޝީދަށްވެސް އެންމެ ޒާތީ ކޮށް ބަވާ އުޅުނީ މޫކޭ. މިއަދު ދެކިބަލަ އޭނައާ ހަވާލުކުރި ތަނުގެ ހާލު. އެތައް ފަހަރަކު ވާނުވާ އޮފީސް ފަޅާ އަނެއްކާ ޕެޓީ ކޭޝް ހެސްކިޔާފައި އެހެރަ ދައުރުވަނީ ކުންފުނިން. މިހާވަރުން ދެން ބުނެވޭނީ މި ހަމަ މޫކޭއަށް އެނގިގެން ރާވައިގެން ކުރާ ވައްކަމޭ. އެހެން މީހުންނަށް ވަގަށް ގޮވަނީ ތިމާ ހާވާ ހަޑި ފޮރުވަން.
ގަބުޅިދަހަ
09 July 2023
ޗޯރު ސޯލިހު ޕެޓީ ސޯލިހަށް ބަދަލުވީއެވެ. ވައްސަލާމް
ރުހާމް
08 July 2023
“ އެހެން ނަމަވެސް ފަހުން ބޭންކުން އުސޫލުތައް ބަދަލު ކުރުމުން ފައިނޭންސްގެ ކުއްޖެއްގެ އެކައުންޓަށް އެ ޑިސްޓްރިބިއުޓް ކުރަން ލަނީ”.. އަހާ. ދެން އަމިއްލަ ވިޔަފާރިތަކާ އަމިއްލަ ކުންފުނިތަކުން ޕޭމަންޓުސް ހަދަން މިހެން މިކަން ކުރީމަ ކީއްވެގެންބާ އެއީ އުޑުބޮލަށް ވެއްޓޭ ލެވެލް ކަމަކަށް ވެގެން ވިޔަފާރިތަކާ އެމީހުންގެ މުވައްޒަފުންނަށް ބޭންކުން ދުއްޕާން ކުރަނީ؟؟؟
ޔޫއްޓެ
08 July 2023
ސަރުކާރު ކުންފުންޔެއްވީމަ އޯކޭ ޕެޓީ ކޭސް މުވައްޒަފުންގެ އެކައުންޓަށް ފޮނުވިޔަސް. އަމިއްލަ ކުންފުނިތަކަށް މަނާ. މި ކޮން އުސޫލެއް؟
ޖަންގަލީ ގާނޫނު
08 July 2023
އަމިއްލަ ވިޔަފާރިތަކުގެ ފައިނޭންސް ބަލަހައްޓާ މީހެއްގެ އެކައުންޓަށް ސަޕުލަޔަރުންނަށް ޕޭމަންޓު ހަދަން ވިޔަފާރީގެ އެކައުންޓުން ރުފިޔާ ޓުރާންސުފާ ކުރީމަ ރޯވެގެން ތެޅޭހެން ބޭންކުން ތެޅިގަނެ އެކައުންޓުތައް ބުލޮކު ކުރާއިރު ސަރުކާރުން ޕެޓީ ކޭސް ތައް މިލިއަނުން ޓުރާންސުފާ ކުރާއިރު އިންޒާރުދީ އެކައުންޓު ބުލޮކު ނުކުރަނީ ކިއްވެހޭ؟ ޕުރައިވެޓު ސެކުޓަރަށް ބާލާ އަހުވަ ސަރުކާރަށް ދައްކަން ބިރުގަނަންޔަ ބޭންކު ބަންދުކުރޭ !!!!
ސީތާ
08 July 2023
ޕެޓީކޭޝްގެ ގޮތުގައި ތިވަރަށް ނަގަންޏާ ހާދަހާވާ އެއްޗެއް ކެވިފައި ހުންނާނޭ ހިތަށްއަރަނީ. މިސަރުކާރުން ހުރިހާ ކަމެއްވެސް ކުރަނީ އުޞޫލުގެ ތެރެެއިން. އެއީ ވައްކަމާއި ކޮރަޕްޝަންކަމުގައިވިއަސް. މިދައްކަނީ މިކިޔަން މިލިޔަންގެ ވާހަކަވިއްޔާ. މަ ހަމަ އަންތަރީސްވެއަޖެ
ޒީރޯ ޓޮލަރެންސް
08 July 2023
ސުބުޙާނަﷲ! ބޭންކްގެ ޕޮލިސީ ބަދަލުވެ މިހާރު ބޭންކުން ބާރުއަޅަނީ އޮންލައިން ޓްރާންސްފާރތައް ހަދަން. މަށަކީވެސް އަމިއްލަ ކުންފުންޏެއްގެ ފައިސާއާބެހޭ މުޢާމަލާތް ހިންގަންޖެހޭ މީހެއް. މަގޭ އެކައުންޓަށް ފައިސާކޮޅެއް ޖަމާކޮށް ސަޕްލަޔަރުންނަށް ޓްރާންސްފާކުރާތީ ބޭންކުން އިންޒާރުދީ އެކައުންޓް ފްރީޒްކުރިތާ 3މަސް މިވީ. ނިކަމެތުމީހާ ވީމާ ދޮޅުރުވިޔާ ވަނަސް ބޭންކުން ފާރަލާ ސުވާލުކުރޭ. އެކަމަކު ބޮޑުމީހާ ވިއްޔާ ބިލިޔަން ވިއަސް އޯކޭ. މީތޯ ޒީރޯ ޓޮލަރެންސަކީ؟
ސަރުކާރު ޕެޓީ ކޭސް ބޭންކަށް އޯކޭ
08 July 2023
ޓުރޫ! އެއްކޮޅުން އެބުނަނީ ކޭޝް ހިފައިގެން އުޅުން ރައްކާތެރި ނޫންވީމަ ޓުރާންސުފާ ހަދަން. އެކަން ފަސޭހައިން ކުރެވޭނީ ތިބުނިހެން ވިޔަފާރީގެ ފައިސާގެ ކަންތައް ކުރާ ސުޓާފަކަށް. އަބަދަކު އޯނަރެއް/ޑިރެކުޓަރުންނެެއް ނުތިބޭނެ އޮފީހަކު. އެކަމަކު އެފައިސާއިން ޕޭކުރީމަ ބޭންކަށް ޑީޓެއިލުސް ފެންނަން ހުންނައިރުވެސް އެބަ މެއިލުކޮށް އަހާ އިންޒާރުދޭ. ބޭންކުން އިންޒާރުދީ އެކައުންޓު ބުލޮކުކުރަނީ އަމިއްލަ ވިޔަފާރިތައް ފުޑާލާ ކުރެވުނުހާ ދައްޗެއް ކުރުމުގެ ނިޔަތުގަ ހަމަ
ބޭންކިން 101
08 July 2023
ރީއްޗަށް ބޭންކަށް އެފައިސާ ޕޭ ކޮއްފަ ހުރި ސަޕުލަޔަރުން ފެންނަ އިރު އެހުމަކީ ސީދާ ޖެއްސުންކުރުން ވިޔަފާރިތަކަށް ބަލާބޮޑުކުރަން. ބޭންކުގެ އެތެރޭގެ ކޮރަޕުސަން ފުރަތަމަ ބަލަންވީ.
ބީއެމްއެލު ވާންޗޯ
08 July 2023
އަމިއްލަ ވިޔަފާރިތަކަށް ރެއާ ދުވާލު ފާރަލާ ހެން ސަރުކާރުން ސޯލިހުމެން ޕެޓީ ކޭސް ދުއްވާގޮތް ނުބަލައޭ.
ކުކޫ
08 July 2023
މުޅި އާރުޑީސީގަވެސް ހުރީ ޕެޓީކޭސް. މިމީހުން ފިލިޔަ ނުދޭތި.
މަހުމާދު
07 July 2023
ޕޭޓީކޭޝްގޮތުގައި 13 މިލިއަން ކޮންކަމަކަށްބާ
މަހަދޫމަހަދު
07 July 2023
އަޅުގަނޑުވެސް މިއުޅެނީ ތިތަނުގެ މަސައްކަތެއް ހަވާލުކޮށްގެން ލާރި ނުދީގެން އެކަމާއި ގުޅޭނެ މީހަކުނެތް.. އީމެއިލެއް ކުރިޔަސް ޖަވާބު ދޭނެ މީހަކުނެތް..ޒިންމާވާނެ މީހަކުނުވެސް ނެތް..މިއީވެސް ސަރުކާރު ހިއްސާވާ ކުންފުންޏެއް..