10 ސެޕްޓެމްބަރ 2023 - 11:25
24 comments
ގައުމުގެ ކުރިއެރުމަށް ކުރަމުން އަންނަ މަސައްކަތް ހުއްޓުމެއްނެތި ކުރިއަށް ގެންދާނެ ކަމަށް، އިއްޔެ ބޭއްވި ރިޔާސީ އިންތިހާބުގައި ވާދަކުރެއްވި މޯލްޑިވްސް ނެޝަނަލް ޕާޓީ (އެމްއެންޕީ) ގެ ރިޔާސީ ކެންޑިޑޭޓު އަދި ރައްޔިތުންގެ މަޖިލީހުގެ ދަނގެތި ދާއިރާގެ މެމްބަރު މުހައްމަދު ނާޒިމް ވިދާޅުވެއްޖެ އެވެ.
ނާޒިމް ވާދަކުރެއްވި ފުރަތަމަ ރިޔާސީ އިންތިހާބުގެ ވަގުތީ ނަތީޖާ ދައްކާ ގޮތުން، އޭނާ އަށް ލިބިވަޑައިގަތީ 1،700 ވޯޓެވެ.
އިލެކްޝަންސް ކޮމިޝަނުގެ ދަފްތަރުގައި އެމްއެންޕީގެ 10،000 އަށް ވުރެ ގިނަ މެމްބަރުން އޮތް ނަމަވެސް، ނާޒިމަށް ލިބިވަޑައިގަތީ އިއްޔެ ވޯޓު ލީ 225،000 މީހުންގެ 0.8 ޕަސެންޓެވެ. އަދި މަޖިލީހުގައި އޭނާ ތަމްސީލު ކުރައްވައި ދަނގެތި ދާއިރާއިން ވެސް އޭނާއަށް ވޯޓު ދިނީ އެންމެ ފަސް މީހުންނެވެ.
ނާޒިމް މިއަދު ކުރެއްވި ޓްވީޓެއްގައި ވަނީ އޭނާ އަށް ވޯޓު ދިން ހުރިހާ ރައްޔިތުންނަށް ޝުކުރާ އަދާކުރައްވައިފަ އެވެ.
"ރައްޔިތުންނަށް ހެޔޮގޮތް ހޯދައިދިނުމަށް އަދި ގައުމުގެ ކުރިއެރުމަށް އަޅުގަނޑު ކުރަމުންދާ މަސައްކަތް ހުއްޓުމެއްނެތި ކުރިއަށް ގެންދާނަން، އިންޝާﷲ،" ނާޒިމް ހިއްސާ ކުރެއްވި ކުރު މެސެޖުގައި ވިދާޅުވި އެވެ.
ރިޔާސީ އިންތިހާބުގެ ވަގުތީ ނަތީޖާ އިން ދައްކާ ގޮތުގައި ދެވަނަ ދައުރަކަށް ވާދަކުރައްވާ ރައީސް އިބްރާހިމް މުހައްމަދު ސޯލިހުގެ މައްޗަށް ކުރި ހޯއްދެވީ އިދިކޮޅު ކެންޑިޑޭޓު ޑރ. މުހައްމަދު މުއިއްޒެވެ.
ކެމްޕޭނު ކުރައްވަން އެންމެ 25 ދުވަސް ލިބިވަޑައިގެންނެވި މުއިއްޒު ވަނީ ލައްކަ އަކަށް ވުރެ ގިނަ ވޯޓު ހޯއްދަވައިފަ އެވެ. ރައީސަށް ލިބިވަޑައިގެންނެވީ 84،000 އެއްހާ ވޯޓެވެ. އެ ދެ ބޭފުޅުން ވާދަކުރައްވާ ދެވަނަ ބުރު އޮންނާނީ މި މަހުގެ 30 ވަނަ ދުވަހެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިއްބެ
24 September 2023
ނާޒިމަކަށްޤައުމއްކުރިއެއްނޭރުވޭނެ ނާޒިމަށް އެނގޭނީބަޤާވަތްކުރަން
އިހަށް
12 September 2023
ގައުމު ކުރިއެރުވުމާމެދު ނުވިސްނާ އިހަށް ވިސްނަންވީ ތިޔަ ޕާޓީގެ މެމްބަރުންނަށް ވީ ކިހިނެތްތޯ. އެމީހުން ކޮންތާކަށްތޯ ދިއައީ. އެމީހުން ވޯޓްލީ ކޮން ބަޔަކަށްތޯ. ޕާޓީގެ 2% މީހުން ކިރިޔާ ޕާޓީގެ ކެނޑިޑޭޓަށް ވޯޓްލީމަ ފުރަތަމަ ވިސްނާ ބަލަންވީ ތިއީ އެއްވެސް ބާރެއް އޮތް ލީޑަރެއްތޯ، ތިއީ ވުޖޫދުގައި އޮންނަންވީ ވަރުގެ ޕާޓީއެއްތޯ. ދައުލަތުގެ ފައިސާ ސަލާމަތްކުރަން އީސީންވެސް އެފަދަ ކަންކަމަށް އެބަ ވިސްނަންޖެހޭ.
އުވާލަންވީ
12 September 2023
އިންތިހާބުތަކުގަ ވާދަކުރާ ޕާޓީތަކުގެ ކެނޑިޑޭޓުންނަށް 10000 ވޯޓު ނުލިބޭނަމަ އެ ޕާޓީތައް އެ އިންތިހާބެއްގެ ފަހުން އުވޭނެ ގަވައިދެއް އެބަ އޮންނަންޖެހޭ. ބަޖެޓުން ކޮންމެ އަހަރަކު ލާރި ދިނަސް ޕާޓީ ނުހިންގޭކަން އެ ވޯޓުން އެ އެނގެނީ. ވޯޓުލުމުގެ ހައްގުވެސް އަދާކޮށްނުލާ މެމްބަރުން ނުވަތަ އެހެން ކެނޑިޑޭޓަކަށް ވޯޓްދޭ ފަދަ މެމްބަރުން ތިބޭ ޕާޓީތައް އެއީ އޮންނަންވާވަރުގެ ޕާޓީތަކެއް ނޫން
އަލީނާ
11 September 2023
ގަދަ މުއިއްޒާ އެކު ވަޑާގަންނަވާ ލާދީނަށް ނޫނެކޭ ދަންނަވާ
ހުސެން....
11 September 2023
ގާނޫނީ ވެރިކަމެއްވައްޓާލި ގޮތަށް ނޫން ތޯ ވެރިކަމަށް އަރަން ވެސް ވާނީ...އެއީ ބޮލުގަ ބަޑިޖައްސައިގެން... އެގޮތެއްނޫންތޯދަސް ވެފަ އޮތީ؟ ރައްޔިތުންގެ ތާއީދެއް އަދިނެއް
ލީޒް
11 September 2023
ކީއްވެތޯ ސަރ އަށް ހީވީ ރައްޔިތުން ވޯޓް ދޭނޭ.ތިބޭފުޅާތީ ރައްޔިތުން ރީތިކޮށް ހޮވާފައޮތް ވެރިކަމެއް،މިލިޓަރީ އުކުޅުބޭނުންކޮށް ނުހައްގުން ވެރިކަން ވައްޓާލި މީހުންގެ ބޮޑު މީހެއް،އެއީ ބޮޑުވެގެންވާ ކުށެއް، އަދިވެސް ތިއުޅުއްވަނީ އެދުވަހުގެ އަވާމެންދުރުގައިހެން ހީވަނީ..ކޯނީ ރިޕޯޓް ހާމަ ކުރޭ، ތިބޭޅާ އޮތީ އެވެސް ކަޑާފަ އަދިފޮރުވާފަ..ބަލައިނުގަންނާނެ އިގޭތޯ..
ދޮހޮއްތު
11 September 2023
ރައްޔިތުން ތިޔަ ކުރިއެރުވުން ބަލައެއްނުގަން. ސިޔާސީކަންކަމަކީ ވ ދެވިހިފާކަމެއް ތީގެ އަނެކަކު އަދިވެސް ތިޔަކަމުން ސަލާމަތްނުވެ
ޗޮކުން
11 September 2023
މިނިސްޓަރުކަން ހިންގާ ނުލެވުނު މީހަކަށް ގައުމުގެ ރައީސްކަން ދީފިނަމަ ދެންވާނީ ބަނގުރޫޓު
ކެޔޮޅުބެ111
10 September 2023
ތިވާހަކަ އަޑުއަހާނެ މީހަކު ނެތް.
އެޗްބާރގް
10 September 2023
1% ވެސް ނުދިނީމަ އެބުނީ އެއްވެސް ގޮތަކަށް ބަލައި ނުގަންނަމޭ. އަމިއްލަ ޕާރޓީގެ މެޖޯރިޓީ ވޯޓް ލީ ނާޒިމާ ދެކޮޅަށް. އަމިއްލަ ދާއިރާގެ ބައެއް ފޮށިތަކުން އެންމެ ވޯޓެއް ނުލިބި ދައިރާއިންވެސް ވީ ބަލި. ވީމާ އަމިއްލަ ވިޔަފާރިއާއިގެން ކުރިޔަށް ދިއުން ރަނގަޅުވާނީ. ވީ ޑޯންޓް ވޯންޓް އަ ދެވަނަ ވާރޝަން އޮފް ޤާސިމް.