ފަލަސްތީނުން ރާއްޖެ އަށް ކަނޑައެޅި އޮނަރަރީ ކައުންސުލް އާ ފޮރިން މިނިސްޓަރު އަބްދުﷲ ޝާހިދު ބައްދަލުކުރައްވަނީ.-- ފޮޓޯ: ފޮރިން މިނިސްޓްރީ
26 އޮކްޓޯބަރ 2023 - 17:10
ފަލަސްތީނުން ރާއްޖެ އަށް ކަނޑައެޅި އާ އޮނަރަރީ ކައުންސުލްއާ ފޮރިން މިނިސްޓަރު އަބްދުﷲ ޝާހިދު މިއަދު ބައްދަލުކުރައްވައިފި އެވެ.
ފޮރިން މިނިސްޓްރީން އެކްސްގައި ކުރި ޕޯސްޓެއްގައި ބުނީ ފަލަސްތީނުން ރާއްޖެ އަށް ކަނޑައެޅި އާ އޮނަރަރީ ކައުންސުލް، ރަގީބް އަހްމަދު ހަލަފްއާ ޝާހިދު މިއަދު ބައްދަލުކުރެއްވި ކަމަށެވެ.
ފަލަސްތީނުން ރާއްޖެ އަށް ކަނޑައެޅި އޮނަރަރީ ކައުންސުލް އާ ފޮރިން މިނިސްޓަރު އަބްދުﷲ ޝާހިދު ބައްދަލުކުރައްވަނީ.-- ފޮޓޯ: ފޮރިން މިނިސްޓްރީ
މިނިސްޓްރީން ބުނި ގޮތުގައި، މިނިސްޓްރީގައި ބޭއްވި އެ ބައްދަލުކުރެއްވުމުގައި ޝާހިދު ވަނީ ރަގީބް އަހްމަދު ހަލަފް އަށް މަރުހަބާ ދަންނަވާއި ދިވެހި ސަރުކާރާއި ރައްޔިތުންގެ ފުރިހަމަ އެއްބާރުލުން ފަލަސްތީނަށް އަބަދުވެސް ލިބޭނެ ކަމުގެ ޔަގީންކަން ދެއްވައިފަ އެވެ.
ފަލަސްތީނުން ރާއްޖެ އަށް ކަނޑައެޅި އޮނަރަރީ ކައުންސުލް އާއި ފޮރިން މިނިސްޓަރު އަބްދުﷲ ޝާހިދު ބައްދަލުކުރައްވަނީ.-- ފޮޓޯ: ފޮރިން މިނިސްޓްރީ
އިޒުރޭލުން ފަލަސްތީނަށް މިހާރު ދެމުންދާ ހަމަލާތައް ދިވެހި ސަރުކާރުން ވަނީ އެކި ފަހަރު މަތިން ކުށްވެރިކޮށްފަ އެވެ. ފަލަސްތީނުގެ މީހުންނާ ދެކޮޅަށް އިޒްރޭލުން ހިންގާ ލާއިންސާނީ އަމަލުތައް ތަހުގީގުކޮށް، އެ މީހުންނަށް އިންސާފު ހޯދައިދިނުމަށް ބައިނަލްއަގުވާމީ މުޖުތަމަ އަށް ރައީސް އިބްރާހިމް މުހައްމަދު ސޯލިހު ވެސް ގޮވާލެއްވި އެވެ.
ފަލަސްތީނުގެ މައުސޫމް ރައްޔިތުންނަށް އަމާޒުކޮށް އިޒްރޭލުން ހުއްޓުމެއްނެތި ދެމުންދާ ހަމަލާތައް ހުއްޓުވުމަށް، އދ. އެމަޖެންސީ ސްޕެޝަލް ސެޝަން ބާއްވާ ދިނުމަށް ވެސް ރާއްޖެއިން ވަނީ އެދިފަ އެވެ.
ފަލަސްތީނުން ރާއްޖެ އަށް ކަނޑައެޅި އޮނަރަރީ ކައުންސުލް އާއި ފޮރިން މިނިސްޓަރު އަބްދުﷲ ޝާހިދު ބައްދަލުކުރައްވަނީ.-- ފޮޓޯ: ފޮރިން މިނިސްޓްރީ
ހަމަލާތަކުގައި ހާލުގައި ޖެހިފައިވާ ފަލަސްތީނުގެ މީހުންނަށް އެހީވުމަށްޓަކައި ރާއްޖެއިން ދެ މިލިއަން މަސްދަޅު ހަދިޔާކުރަން ވެސް ރައީސް އިބްރާހިމް މުހައްމަދު ސޯލިހު ވަނީ މިދިޔަ އަންގަރާ ދުވަހު ނިންމަވައިފަ އެވެ.
ފަލަސްތީނަށް އެހީވުމުގެ ގޮތުން ދިވެހިންނާއި ރާއްޖޭގެ ވިޔަފާރިތަކުން ވެސް ވަނީ އެތައް މިލިއަން ރުފިޔާއެއްގެ އެހީ ދީފަ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ސިހާ
28 October 2023
ފަލަސްތީނާ ދެކޮޅަށް ވޯކުކުރި ރައީސަކީ އަންނި އޭނާ އިޒްރޭލާ ގުޅުން ގާއިމުކުރި
ރާއްޖެ
27 October 2023
އެންމެ ކުޑަމިނުން ފަލަސްތީނުގެ ރީތި ދިދަ ބަހައްޓާލިނަމަ.
އޮޑިހަނު
26 October 2023
އަދި އަވަހެއްނު ބައްދަލުކުރަން. ނޮވެމްބަރު 17 އަންނަންދެން އަދި މަޑުކޮށްލިނަމަ.