އިމިގްރޭޝަންގެ ކައުންޓަރު: ޗުއްޓީ ދުވަސްވަރާ ދިމާކޮށް 2،500 އަށް ވުރެ ގިނަ ޕާސްޕޯޓު ވަނީ ދޫކޮށްފައި.-- ފޮޓޯ: މިހާރު
13 މެއި 2024 - 12:44
2 comments
ސްކޫލް ޗުއްޓީ ދުވަސްވަރާ ދިމާކޮށް ގާތްގަނޑަކަަށް ހަފުތާއެއްގެ ތެރޭގައި 2،500 އަށް ވުރެ ގިނަ މީހުންނަށް އާ ޕާސްޕޯޓު ދޫކޮށްފި އެވެ.
ހޯމް މިނިސްޓްރީން އިއްޔެ ބޭއްވި ނޫސްވެރިންގެ ބައްދަލުވުމުގައި ޗީފް ޕްރިންސިޕަލް އިމިގްރޭޝަން އޮފިސަރު ފާތިމަތު ލަތީފާ ވިދާޅުވީ ސްކޫލް ޗުއްޓީ ދުވަސްވަރާ ދިމާކޮށް ދިވެހިން ރާއްޖެއިން ބޭރަށް ދަތުރުކުރާ ވަރު އިތުރުވުމުން ޕާސްޕޯޓު ހޯދުމަށް އެދޭ މީހުންގެ އަދަދު ވެސް އިތުރުވެފައިވާ ކަމަށެވެ.
މި މަހުގެ ފުރަތަމަ ދުވަހުން ފެށިގެން މިދިޔަ ހަފުތާގެ ނިޔަލަށް 2،581 މީހަކަށް ޕާސްޕޯޓު ދޫކޮށްފައިވާ ކަމަށް އޭނާ ވިދާޅުވި އެވެ.
ހޯމް މިނިސްޓްރީން ބޭއްވި ނޫސްވެރިންގެ ބައްދަލުވުމުގައި ޗީފް ޕްރިންސިޕަލް އިމިގްރޭޝަން އޮފިސަރު ފާތިމަތު ލަތީފާ ވާހަކަދައްކަވަނީ.-- ފޮޓޯ: ނިޝާން އަލީ | މިހާރު
"މޯލްޑިވްސް އިމިގްރޭޝަނުން އެދެނީ ރޭވިގެން ދަތުރުކުރައްވާ ފަރާތްތަކުން އެންމެ ފަހު ވަގުތާ ޖެހެންދެން މަޑުނުކުރައްވައި ޕާސްޕޯޓް ހެއްދެވުމަށް އަދި ޕާސްޕޯޓްގެ މުއްދަތު ހަމަވާ ހަ މަސްދުވަސް ނެތް ކަމަށްވާ ނަމަ، އެކަން ފުރިހަމަކުރެއްވުމަށް،" އޭނާ ވިދާޅުވި އެވެ.
ކޮންމެ އަހަރަކު ވެސް ސްކޫލް ޗުއްޓީ ދުވަސްވަރާއި އީދު ބަންދުތަކުގައި އާ ޕާސްޕޯޓަށް އެދޭ މީހުންގެ އަދަދު މިހާރު ވަރަށް ބޮޑަށް އިތުރުވެ އެވެ. އެއީ ޗުއްޓީ އަށް މިހާރު ދިވެހިން ރާއްޖެއިން ބޭރަށް ދަތުރުކުރާ ވަރު އިތުރުވަމުން އަންނާތީ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަންޒުކަހަބު
13 May 2024
2،500 އެއްހާ ޕާސްޕޯރޓް ދޫކުރިއިރު އިލެކްޓްރޯނިކް ޕާސްޕޯރޓް ހުސްވެގެން މިދެނީ ނޮން އިލެކްޓްރޯނިކް ޕާސްޕޯރޓް، މިކަމަށް ހައްލެއް ހޯދަބަލަ، އަނެއްކާ ދުބާއީ، ސިންގަޕޯރ ނުވަތަ ޔޫރަޕަށް ދާންވީމަ އަލުން 1000ރ އިލެކްޓްރޯނިކް ޕާސްޕޯރޓް ހައްދަންވީ
ޓާޓަލް
13 May 2024
ތިޔަބުނާތަންތަނައްވެސް ހަމަ އެލެކްޓްރޯނިކް ޕާސްޕޯޓްނެތަސް އާދައިގެ ޕާސްޕޯޓްގަވެސްދެވޭނެ. ޕާސްޕޯޓް ދޫކުރާއިރު ޕާސްޕޯޓްހައްދަނީ ކޮންތާކައްދާންތޯ އަހާތަ؟. ނާހާނެ. ހަމައެކަނި ބުނާނީ އިންޑިޔާއައް 3 މަސްނުވަނީސް ދާނަމަ ކުރީގެ ޕާސްޕޯޓުގެންދައްޗޭ.