ރާއްޖޭގެ ގިނަ މުއައްސަސާތައް އޮތީ ކޮރަޕްޝަންގެ ހާއްޔަކަށް ވެފައި: އިހުސާން

ރާއްޖޭގެ ގިނަ މުއައްސަސާތައް ކޮރަޕްޝަންގެ ހާއްޔަށް ވެފައިވާ ކަމަށާއި އެއީ ގާނޫނު ތަންފީޒު ކުރާ މީހުންނަށް އޮތް އެންމެ ބޮޑު ގޮންޖެހުން ކަމަށް ހޯމް މިނިސްޓަރު އަލީ އިހުސާން ރޭ ވިދާޅުވެއްޖެ އެވެ.

އޭނާ އެހެން ވިދާޅުވީ، ހޯމްލޭންޑް ސެކިއުރިޓީ މިނިސްޓްރީގެ ނާރެސް ޕޯޓަލް އާއި ކުރަނގި އޮޕަރޭޝަންގެ ދެ ވަނަ ފޭސް އިފުތިތާހު ކުރުމަށް ދަރުބާރުގޭގައި ބޭއްވި ޖަލްސާގަ އެވެ.

މިނިސްޓަރު ވިދާޅުވީ، ހޯމްލޭންޑް ސެކިއުރިޓީ މިނިސްޓްރީގެ ދަށުން ހިންގާ ބައެއް އިދާރާތަކުގެ މުވައްޒަފުންގެ ފަރާތުން ވެސް ކޮރަޕްޝަނާ ގުޅޭ ކަންކަން ފެނިފައިވާ ކަމަށާއި އެއީ ހިތާމައެއް ކަމަށެވެ.

"އެހެން ނަމަވެސް ރައީސްގެ ވަރަށް ކްލިއާ އިންސްޓްރަކްޝަނެއް، އަޅުގަނޑުމެން ޒީރޯ ޓޮލެރަންސް ޕޮލިސީއެއް އޮތް ކަމެއް އެއީ. ހާއްސަކޮށް ޔުނިފޯމް އެޅި މުއައްސަސާތަކުގެ ތެރޭގައި މިފަދަ އެއްވެސް ކަމެއްގެ ޒައްރެއްގެ މިންވަރު ވެސް ނުބޭއްވުމަށް،" އިހުސާން ވިދާޅުވި އެވެ.

ރޭގެ ޖަލްސާގައި އިހުސާން ވަނީ މާފުށީ ޖަލަށް މަސްތުވާތަކެއްޗާއި މޮބައިލް ފޯނު ވައްދާ، ކަރެކްޝަނަލް ސާވިސްގެ 18 އޮފިސަރެއް ހިމެނޭ ނެޓްވޯކެއް ދާދި ފަހުން އަތުލައިގަތް އަތުލައިގަތުމަށް ވެސް އަޅިއަޅުވާލައްވައިފަ އެވެ. އެ އޮޕަރޭޝަންގައި އަތުލައިގަތް މީހުންގެ ތެރެއިން 13 އޮފިސަރަކު ވަނީ ޝަރީއަތް ނިމެންދެން ބަންދުކޮށްފަ އެވެ. އެ 18 އޮފިސަރުންގެ ތެރެއިން ބައެއް މީހުން ބޮޑެތި އަދަދުތަކުން ފައިސާގެ މުއާމަލާތް ކޮށްފައިވާ ކަން ވެސް ތަހުގީގުން ވަނީ ފަޅާއަރައިފަ އެވެ.

ރޭގެ ޖަލްސާ އަށް ރައީސް މުއިއްޒު ވަޑައިގަތުމުން މިނިސްޓަރު އިހުސާން މަރުހަބާ ދަންނަވަނީ.

އިހުސާން ވިދާޅުވީ، ހޯމްލޭންސް ސެކިއުރިޓީ މިނިސްޓްރީގެ ދަށުން ހިންގާ ހުރިހާ އިދާރާތަކުގައި މަސައްކަތް ކުރަނީ ނަޒާހަތްތެރި ބައެއް ކަން ކަށަވަރު ކުރައްވާނެ ކަމަށެވެ. އެއްވެސް މީހަކު އެ ކަމުން އިސްތިސްނާ ނުވާނެ ކަމަށް އޭނާ ވިދާޅުވި އެވެ.

"ރައީސުލްޖުމްހޫރިއްޔާ އަށާއި ދިވެހި އެންމެހައި ލޮބުވެތި ރައްޔިތުންނަށް އަޅުގަނޑު ދޭން ބޭނުންވާ ޔަގީން ކަމަކީ އަޅުގަނޑުމެން މި ނަޒާހަތްތެރިކަމާ އެކީ ރައްޔިތުންގެ ހިދުމަތުގައި ދެމިތިބޭނެކަން،" މިނިސްޓަރު ވިދާޅުވި އެވެ.

އެހެން ނަމަވެސް ރައީސްގެ ވަރަށް ކްލިއާ އިންސްޓްރަކްޝަނެއް، އަޅުގަނޑުމެން ޒީރޯ ޓޮލެރަންސް ޕޮލިސީއެއް އޮތް ކަމެއް އެއީ. ހާއްސަކޮށް ޔުނިފޯމް އެޅި މުއައްސަސާތަކުގެ ތެރޭގައި މިފަދަ އެއްވެސް ކަމެއްގެ ޒައްރެއްގެ މިންވަރު ވެސް ނުބޭއްވުމަށް،"--- އިހުސާން

ރައްޔިތުންގެ މަޖިލިހުގެ ބައެއް ކޮމިޓީތަކުގައި ދާދި ފަހުން ވެސް ވަނީ ކުރީގެ ސަރުކާރުތަކުގެ ދުވަސްވަރުން ފެށިގެން ސަރުކާރުގެ ބައެއް އިދާރާތަކުގައި މޫލާފައިވާ ކޮރަޕްޝަންގެ މައްސަލަތަކުގެ ވާހަކަ ވަރަށް ފުޅާދާއިރާއެއްގައި ދައްކައިފަ އެވެ. ހާއްސަކޮށް އެންމެ ފަހުން ވެރިކަން ކުރެއްވި ކުރީގެ ރައީސް އިބްރާހިމް މުހައްމަދު ސޯލިހުގެ ދައުރުގައި ފެނަކަ ފަދަ ތަންތަނުގައި ކޮރަޕްޝަންގެ ކަންކަން ހައްދުން ނެއްޓި، އެތައް މިލިއަނަކުން ސަރުކާރަށް ގެއްލުން ވިއިރު ފިޔަވަޅުތައް ނޭޅި މައްސަލަ ވަނީ ވަރަށް ބޮޑަށް ހޫނުވެފަ އެވެ.

Gavaaidhaa hilaafah ulhey bidheyseenge mauloomaathu ehkurun council thakah ves dhookollanee

The most trusted news source in the Maldives

Mihaaru

ހޯމްލޭންޑް ސެކިއުރިޓީ މިނިސްޓްރީން ރޭ ތައާރަފުކުރި ނާރެސް ޕޯޓަލްގެ އަމާޒަކީ ރައްޔިތުންނާ ގާތުން ހިދުމަތްތައް ފޯރުކޮށްދިނުން ކަމަށް އެ މިނިސްޓްރީން ބުންޏެވެ. އޭގެ ތެރޭގައި އައިޑީ ކާޑު ހެއްދުމާއި ކުށް މަދުކުރުން ފަދަ ކަންކަމަށް އެހީތެރިވުން ހިމެނެ އެވެ. ކުރަނގި ފޭސް 2 ވެސް ރޭ އިފުތިތާހު ކޮށްފައިވާއިރު، ރަށްރަށުގައި އުޅޭ ބިދޭސީންގެ ބަޔޯމެޓްރިކް ފިންގާޕްރިންޓް ނަގައި ސިސްޓަމަށް އެންޓާ ކުރުމުގެ ބާރު ލޯކަލް ކައުންސިލްތަކަށް ދެން ލިބޭނެ ކަމަށް މިނިސްޓްރީން ބުންޏެވެ.