ބޮޑު ފޮތި ކެމްޕެއިނުގެ ތެރެއިން ސޮނެވާ ނަމޫނާ ޓީމުން ބެލެނިވެރިންނަށް މައުލޫމާތު ދެނީ.
30 ޖުލައި 2024 - 20:50
21 comments
ނ. މަގޫދޫގައި ޕްލާސްޓިކް ބޭނުންކުރާ އަދަދު މަދުކުރުމަށްޓަކައި، އެ ރަށުގެ ތުއްތު ކުދިން ބޭނުންކުރާ ޕްލާސްޓިކް ނެޕީގެ ބަދަލުގައި ފޮތި ނެޕީ ޖެހުމަށް ބާރު އަޅައި، ކެމްޕެއިނެއް ފަށައިފި އެވެ.
އެއީ މަގޫދޫ އަންހެނުންގެ ތަރައްގީއަށް މަސައްކަތްކުރާ ކޮމިޓީ އާއި ރަށު ކައުންސިލާއި ސިއްހީ މަރުކަޒުން އިސްނަގައިގެން ސޮނެވާގެ އެހީގައި ކުރިއަށް ގެންދާ ޕްރޮގްރާމެކެވެ.
އެ އިދާރާތައް ގުޅިގެން މިއަދު ނެރުނު ނޫސް ބަޔާނެއްގައި ބުނީ، މި ޕްރޮގްރާމުގެ މައިގަނޑު ބޭނުމަކީ ރަށުގައި އުފެދޭ ނެޕީ ކުނި މަދުކުރުމާއި ރަށަށް އެތެރެކުރާ ޑިސްޕޯޒަބަލް ނުވަތަ އެއްފަހަރާ ބޭނުންކޮށްފައި އެއްލައިލާ ނެޕީ މަދުކުރުމުގެ އިތުރުން މުޖުތަމައުގައި ރިޔޫސަބަލް ނެޕީ ބޭނުންކުރުމުގެ ސަގާފަތެއް އާލާކުރުން ކަމަށެވެ.
މަގޫދޫގައި މިހާރު އުޅޭ ނެޕީ ޖަހާ ކުދިންގެ އާއިލާތަކުން ތިން މަސް ދުވަހުގެ އެ ޕްރޮގްރާމުގައި ބައިވެރިވާނެ ކަމަށް ބަޔާނުގައި ވެ އެވެ. އެއީ 32 އާއިލާއެކެވެ.
ފޮތި ނެޕީ ކެމްޕެއިނުގައި ބައިވެރިވި ބެލެނިވެރިއަކަށް ނެޕީ ހަވާލުކުރަނީ.
އެ ޕްރޮގްރާމު އިފުތިތާހު ކުރުމަށް ބޭއްވި ހަރަކާތުގައި ވަނީ ރަށުގެ ނެޕީ ޖަހާ ކުދިން އުޅޭ އާއިލާތަކަށް ރިޔޫސަބަލް ނެޕީ ކިޓެއް ހަވާލުކޮށް، އެ ބޭނުންކުރާނެ ގޮތުގެ މައުލޫމާތު ހިއްސާކޮށްފަ އެވެ.
"ދަރިންނަށް ރައްކާތެރި ސިއްހަތާއި ވެށްޓެއް ކަށަވަރު ކުރުމަށް މަސައްކަތްކޮށް އެކަމަށް ބާރު އަޅާ އާދަތައް އިސްކުރުމަށް އެއްބަސްވެ ޕްލެޖެއްގައި ޕްރޮގްރާމުގެ ބައިވެރިން ސޮއިކުރި އެވެ،" ބަޔާނުގައި ވެ އެވެ.
މި ކަމުގައި އަމަލީ ގޮތުން ބައިވެރިވާ އިދާރާތަކުން ބުނީ ރިޔޫސަބަލް ނެޕީ ޓްރައިލްއަކީ ކާމިޔާބު ޕްރޮގްރާމަކަށް ހެދުމަށް ބައިވެރިވާ މެމްބަރުން ހިމެނޭ ސަޕޯޓް ގްރޫޕެއް ވެސް އިފްތިތާހުކޮށްފައިވާ ކަމަށެވެ. މި ޕްރޮގްރާމުގެ ބޭނުމަކީ އާއިލާތަކުގެ ތަޖުރިބާ އެހެން ބައިވެރިންނާ ހިއްސާކޮށް، އެކަކު އަނެކަކުގެ ކިބައިން ދަސްކޮށް އެހީތެރިކަން ފޯރުކޮށްދިނުން ކަމަށް ބުންޏެވެ.
އެ ޕްރޮގްރާމުގެ ތެރެއިން ވަނީ މަގޫދޫގެ ރީޓެއިލް ފިހާރަތަކަށް ރިޔޫސް ކުރެވޭ ނެޕީއާ ބެހޭ މައުލޫމާތު ފޯރުކޮށްދީފަ އެވެ. ރިޔޫސް ކުރާ ނެޕީ ސަޕްލައި ކުރާ ފަރާތެއް ކަމަށްވާ ޒީރޯ ވޭސްޓް މޯލްޑިވްސް ތައާރަފު ކުރާނެ ކަމަށް ވެ އެވެ. އޭގެ ސަބަބުން މަގޫދޫގައި ރިޔޫސަބަލް ނެޕީ ދެމެހެއްޓެނިވި ގޮތެއްގައި ލިބޭނެ އެވެ.
މަގޫދޫގައި ޕްލާސްޓިކް މަދުކުރުމަށް ފެށި ނެޕީ ކެމްޕެއިނުގެ ތެރެއިން.
މަގޫދޫ އަންހެނުންގެ ތަރައްގީ އަށް މަސައްކަތްކުރާ ކޮމިޓީގެ ރައީސް މާޖިދާ ހަަސަން ވިދާޅުވީ، ކުނި މެނޭޖު ކުރުމަކީ އެ ރަށަށް ދިމާވެފައިވާ ގޮންޖެހުމެއް ކަމަށާއި ނެޕީ ކުންޏަކީ ސިއްހީ ގޮތުން ބެލިޔަސް ނުރައްކަލަކަށް ވާތީ މި ޕްރޮގްރާމަކީ އުއްމީދެއް ކަމަށެވެ.
ސޮނެވާ ނަމޫނާގެ ރެޑިއުސް މެނޭޖަރު ހަދީޖާ ހާމިދު ވިދާޅުވި ގޮތުގައި، ތިން މަހުގެ ޓްރައިލްގެ ދަށުން ކުރިއަށް މަސައްކަތްތައް ރާވާލާނެ ގޮތުގެ ޑޭޓާ ލިބޭނެ އެވެ.
"ބޮޑު ފޮތި ޕްރޮގްރާމުގައި ބައިވެރިވުމުން އަޅުގަނޑުމެންނަށް ލިބުނު ޔަގީން ކަމަކީ ތިމާވެއްޓަށް ކުރާ ނޭދެވޭ އަސަރު މަދުކުރެވޭނެ ގޮތަށް އަޅުގަނޑުމެންގެ އަމަލުތައް ބަހައްޓައިގެން ވެސް އަޅުގަނޑުމެންގެ ތުއްތު ކުދިން އެންމެ ރައްކާތެރި ކަމާ އެކު ބަލާ ބޮޑު ކުރެވޭނެކަން. މި މަސައްކަތައިގެން ކުރިއަށް ދިއުމަކީ އަޅުގަނޑުމެންނަށް ލިބޭ ވަރަށް ބޮޑު އުފަލެއް،" ޕްރޮގްރާމުގެ ބައިވެރިއަކު ބުންޏެވެ.
އެ ޕްރޮގްރާމް ފެށުމަށް މަގޫދޫގައި ވަނީ އެއްފަހަރާ ބޭނުންކޮށްފައި އެއްލާލާ ނެޕީއާ ގުޅޭ ސާވޭއެއް ވެސް ހަދައިފަ އެވެ. ތުއްތު ކުއްޖަކު ގެންގުޅޭ އާއިލާއަކުން ނެޕީ ގަތުމަށް މަހެއްގެ މައްޗަށް 831 ރުފިޔާ ހޭދަކުރެ އެވެ. އަދި އެ ރަށުގައި އެވްރެޖްކޮށް ކުއްޖަކު ދުވާލެއްގެ މައްޗަށް ހަތަރު ފަހަރެއްގެ މައްޗަށް ނެޕީ ބަދަލުކުރެ އެވެ. އެއީ ތިން އަހަރުގެ ތެރޭގައި ކުނީގެ ގޮތުގައި އުކާލެވޭ 4،320 ނެޕީ އެވެ. މިއީ ގާތްގަނޑަކަށް ހަ ވޮލީ ކޯޓުގެ ސަރަހައްދެއް ފޮރުވައިލެވޭނެ ވަރުގެ ކުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގުރާރ
01 August 2024
ޕެޑުވެސް ފޮތިން ހަދަންވީއެއްނު؟
ހަނި
31 July 2024
ފޮތިނެޕީޖަހައިގެން ފުޅިބައްތި އަލީގާ ދިރިއުޅެން މިޖެހުނީ
އެޑްމުންޑޯ
31 July 2024
ކުދިންނޭ މާ މޮޅުކަމަކަށް ހަދަންވެގެން ފަހަތަށް ނުދޭ ، ފޮތިނެޕީ އެއީ މީގެ 20 އަހަރު ކުރީގެ އެއްޗެއް ، ޕްލާސްޓިކާއި ކުނިބުނި މަދުކުރަން އުޅުނަސް އެކަމެއްނުވާނެ ، މީހުންގިނަވާވަރަކަށް ކުނިތަށް ގިނަވާނެ ، ހަދަންވީ ގޮތަކީ ، ރަގަޅު އިންތިޒާމެއްގެ ތެރެއިން ކުނިނައްތާލާ ނިޒާމްތަކެއް ގާއިމްކުރަންވީ ، ދުވަހުންދުވަހަށް ކުނިނެގޭނެގޮތް ހަމަޖައްސަންވީ ، މީހުންވެސް ހޭލުންތެރިކުރަންވީ ޖެހުނު ކޮންމެ ތާކަށް ކުނިނާޅާ ކުނިއަޅަން ހަމަޖައްސާފައިވާ ތަނަށް ކުނިއެޅުމަށް
raajje
31 July 2024
ދުވަސްކޮޅަކުން ކުށްޖާގެ ތަންތަން އިންފެކުޓުވެކަމެއްވާނީ، ރީޔޫސްކުރަން ނެޕީ ސާފުކޮށްބެލެހެއްޓޭވަރުގެ ހީވާގިމީހަކު މިހާރު މަދުންނޫނީނޫޅޭ! އަންހެނުންގެ ބުރާވެސް ބައެއްގޭގޭގައި ދޮންނަނީ ބަންގާޅިން! ސިނގެރެޓުފަދަ އެއްޗެއް ހުއްޓުވަން މަސައްކަތްކުރުން ކިހިނެއްތޯ؟ ބޯމީހުނަށްނޫނަސް ވަށައިގެން އުޅޭމީހުނަށް ދުމުގެއަސަރުކުރޭ، ބޯމީހުންގެ އާއިލާތަކަށް މާލީބޮދުގެއްލުމެއްލިބޭ އާންމުގޮތެއްގައި ސިނގެރޭޓުބޯމީހަކު 500-1000ރ މަހެއްގެމައްޗަށް ސިނގެރޭޓުގަތުމަށްހޭދަކުރޭ
ގުދުގުދާބެއްޔާ
31 July 2024
ފޮތި މެޕީ ޖެހީމާ ވާނެގޮތަކީ ކުއްޖާގެ ދެފައި ދޭތެރެ ފާރު ވާނެ! ދެން ޖެހޭނީ ނެޕީ ރޭސް ކްރީމް އުގުޅަން ނެޕީ ބަދަލުކުރާ ކޮންމެ ފަހަރަކު! މިގޮތް ކަމުދަންޏާ އަވަހަށް ފޮތި ނެޕީއަށް ދާންވީ!
ގަޅިންގެ އައިލެންޑް
31 July 2024
ގަޅިންގެ އައިލެންޑަކަށް ތިރަށް ތި ބަދަލުވީ. ތިޔަ ހިންގަން ދިޔަ މީހަކު ބުންޏޭކިޔާފަ މީހަކު ބުނީ ތިމަންނަ ހީވެސްނުކުރަމޭ މިޒަމާނުގަ މިކަހަލަ ކަމެއް ބަޔަކު ޤަބޫލުވެސް ކޮށްފާނެކަމަކަށް. އެކަމު އެމީހުން ގަބޫލުކޮށްފިއޭ. ދެން ތިރަށާއި ތިރަށުގެ ޖައްވަކީ މި ދުނިޔޭގެ ނުހިމެނޭ ތަނެއްނަމަ އޯކޭ. ކާއްޓާމަހާ ކާލައިހެން ތިހެން ތިބެން. އެކަމު މުޅި ފަޅު ހިއްކާ މުޅި ތިމާވެށި ހަލާކުކުރިއިރު އޯކޭ ދޯ. ސޯ ތީ ތިމާވައްޓާށް ބަލާބައެއްނޫން. ތީގެ ފައިދާ ނަގާނީ ސޮނޭވާއިން.
ދޮންހުސޭނުބޭ
31 July 2024
ކޮންމެ މީހަކު ޕެޓްރޯލް އެޅި ސައިކަލުގައިި ގޮސް މިކިޔަނީ އިލެކްޓްރިކް ވެހިކަލް ބޭނުންކުރަން. ހަމަ އެގޮތަށް ތިތާ ނޫޅޭނޭ ދަރިންގެ ފޮތި ނެޕީޖަހާނެ މީހެއް. އަނެއްކާ ކާކު ތިދޮވެހަދަނީ. އަޖައިބެއް ކަހަ ކަމެއް. ވިނަގަނޑަށް ގެއްލުންދީ ތިި ޕްލާސްޓިކް ގޮނޑި ބަހައްޓައިގެން ސަކަރާތެއް ޖެހުމަކީވެސް ހަމަ ތިމާވެއްޓަށް ލިބޭނެ ގެއްލުމެއް. ގޭގައި މަޑުންް އޮވެބަަލަ އޭސީވެސް ނިވައިގެން. ގިނައިން ފޮތި ހަދަން ފެށީމަވެސް ތިމާވެެއްޓަށް ވަނީ ހަމަ ގެއްލުން.
ކައުންސެލަރު...
31 July 2024
ގިނަކޮމެންޓްތައްހުރީ ހަމަ ކައުންސެލަރުގެވެސް ކޮމެންޓާ އެއްގޮތަށް. ހިތާމައަކީ "ހެއްވާކަންކަން" ނަމުގައި ކޮމެންޓް ކުރި ފަރާތް ބުނިފަދައިން ތިމާވެއްޓަށް ބަލަން ޖެހެނީ ނިކަމެތި ރައްޔިތު މީހާ. ފަޅެއް ހިއްކާލީމާ ލިބޭގެއްލުން 100 އަހަރުގެ އާދައިގެ ރަށެއްގެ ނެޕީއާ ނުބައްދަލުވާނެ. ވިސްނަނީ ކާކު؟ މިމީހުންގެ ބޭނުމަކީ މިކަންކަން ކޮށްފައި ފޮޓޯއެއްނަގާލައި އެހީދޭ ފަރާތަތަކަށް ފޮނުވާލުން... މިލިއަނުން ރުފިޔާލިބޭ ރައްޔިތުމީހާ ވީގަނަތެޅެން
އެޑިއުކޭތިން ބެކްވާޑްސް
31 July 2024
ޕްލާސްޓި ނައްތާލާވާހަކަ ތިމާވެށީގެ ވާހަކަ ދުންފަތުގެ ވާހަކަ ތަކަކަކީ މިހާރު ދުނިޔޭގައި ޅެންފަރިހިތަކެއް. މިވާހަކަ ބޮޑަށް ދައްކަނީ މިތަކެތި އުފައްދާ ބޮޑެތި ވިޔަފާރި ކުރާ ކުންފުނިތަކާއި އެގައުމު ތަކުން. މިއަކީ ހުއްޓުމެއް ހައްލެއް އޮތްކަމެއްނޫން.
ބޱބޱބޗބޗ
31 July 2024
ހެއްވާކަމަކީ މި އެއްޗެހި ބަހަން ތިބޭ މީހުންގެ ދަރިންނަށް ޖައްސުވާނީ އެންމެ އަގުބޮޑު ޑިސްޕޯސަބަލް ނެޕީ. ތިމާވެށި ހިމާޔަތްކުރަށޭ ކިޔާފަ ފޮތިނެޕީ ޖަހަން ބާރުމިއަޅަނީ ހަ ދަޅަޔަށް ޕުއްޕު ނެޕީ ދޮންނަށް ރައްޔިތު މީހާއަށް ޖައްސުވަން. މި މީހުން ދުނިޔޭގަ އުޅެންވީ ފަސޭހައިގަ. ރައްޔިތުމީހާ ވީ ގަނަތެޅެން