ހަމާސް ޖަމާއަތުގެ ލީޑަރު ޔަހްޔާ ސިންވާރު އަވަހާރަކޮށްލުމުން އެކަމާ ދެކޮޅަށް މުޒާހަރާކުރަނީ. -- ފޮޓޯ: އޭއެފްޕީ
22 އޮކްޓޯބަރ 2024 - 06:16
3 comments
ހަމާސްގެ ލީޑަރު ޔަހްޔާ ސިންވާރު އަވަހާރަކޮށްލާފައި ވާތީ ދެން އެ މަގާމަށް އައްޔަންކުރާ މީހެއްގެ ނަން ހާމަ ނުކުރުން އެކަށީގެންވާ ކަމަށް އެ ޖަމާއަތުގެ އިސް އޮފިޝަލަކު ބީބީސީ އަށް ވިދާޅުވެއްޖެ އެވެ.
ހަމާސްގެ ކުރީގެ ލީޑަރު ޝައިޚް އަހްމަދު ޔާސިން 2003 ވަނަ އަހަރު އިޒްރޭލުން އަވަހާރަކޮށްލުމުން ޖަމާއަތުގެ ވެރިޔަކަށް ޑރ. އަބްދުލްއަޒީޒް އަލް ރަންތިސިރީ އައްޔަންކުރުމަށް ފަހު ވެސް، ލީޑަރުގެ ނަން އެތައް ދުވަހެއް ވަންދެން ސިއްރުކޮށްގެން އުޅުނެވެ.
ރަންތިސިރީ ވެސް 2004 ވަނަ އަހަރު ވަނީ ކާރުގައި 27 އަހަރުގެ ފިރިހެން ދަރިކަލުންނާ އެކު ޣައްޒާގައި ދަތުރުކުރައްވަނިކޮށް އިޒްރޭލުން މިސައިލުން ހަމަލާދީ އަވަހާރަކޮށްލައިފަ އެވެ.
ހަމާސްގެ އޮފިޝަލް ބީބީސީ އަށް ވިދާޅުވީ އާ ލީޑަރަކު ހޮވާނެ ކަމަށާއި އެކަން އޮންނާނީ އަންނަ އަހަރުގެ މާޗް މަހު ކަމަށެވެ.
އެހާ ހިސާބަށް ހަމާސް ހިންގާނީ ފަސް މެންބަރުންގެ ކޮމިޓީއަކުން ކަމަށް ވެސް ބުނެފައިވެ އެވެ. އެ ކޮމެޓީ އެކުލެވިގެންވަނީ ޚަލީލް އަލް ހަޔާ، ޚާލިދު މިޝްއަލް، ޒަހެރް ޖަބަރީން، ޝޫރާ ކައުންސިލްގެ ވެރިޔާ މުހައްމަދު ދަރްވިޝްގެ އިތުރުން ނަން ހާމަ ނުކުރާ ބޭފުޅެކެވެ.
އޮފިޝަލް ވިދާޅުވީ ސިންވާރު އަވަހާރަކޮށްލި އިރު ހުންނެވީ ވަރަށް ހާމަ އަދި ރައްކާތެރިކަމެއް ނެތް ތަނެއްގައި ކަމަށް ވިޔަސް ހަމާސްއަށް އެކަން ވީ ވަރަށް ބޮޑު ސަޕްރައިޒަކަށް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާހިރު
22 October 2024
އަސްލުވެސް ކުރީބައިގައި ކަންކަން ހާމަ ކުރުމަކީ އިސްރާއީލަށް ލިބޭ އެޑްވާންޓޭޖެކެވެ. ކުރީބައިގައި ވީޑިއޯ ދައްކާ އިންޒާރު ދިނުމުން އިޒްރާއީލަށް ހަމަލާއަށް ތައްޔާރުވުމަށް އެލިބެނީ އިތުރު ފުރުޞަތެކެވެ. އަނެއްކޮޅުން އިސްރާއީލުން ސިއްރިޔާތުގައި އޮޕަރޭޝަންތައް ހިންގާ މުޖާހިދުންގެ އެތައް ލީޑަރުންނެއްވެސް ޝަހީދުކޮށްލައިފިއެވެ. ހަމާސް އާއި ހިޒްބުﷲ އިންވެސް އިންޓެލިޖެންސް ވަރުގަދަކޮށް އިސްރާއީލްގެ ނިރުބަވެރި ލީޑަރުން ޖަހަންނަމައަށް ފޮނުވާލަންޖެހެއެވެ.
ނެތުނަކަސް
22 October 2024
ސިއްރުކުރިޔަސް އިޒުރޭލުން މީހުްނ މަރަަނޭ. ހުރިހާ މައުލޫމާތެއް ދެނީ އެމެރިކާ. އމީހުްނ އަޑިގައި ތިބެގެން ކުރުވަަ ކަންތައް. ލުބުނާނުވެސް ހާލާކުކުރަންދެން އެތިބެނީނު. ހަތިޔާރު ދެނީ އެމެރިކާ. ސިއްރު މައުލޫމާތު ދެނީ އެމެރިކާ. މެދު އިރުމަތީގެ މުއްސަނދިކަން ނެތިކޮށްލީމައި އެމީހުްނނަސް ބާރުވެރިމަނުގައި އަނެއް 100 އަހަރު ލިބޭނެއްނު
ބޯޅަަ
22 October 2024
އިޒްރޭލުގެ މޮސާދަކީ އެމެރިކާގެ ސީއައިއޭއަށްވުރެ ވަރުގަދަ ނުރައްކާތެރިބައެއް. މޮސާދުގެ މޫލާފާ މިއޮންނަނީ އިރާނާ ހިޒްބުﷲ ތެރޭގާވެސް. އެހެނެއްނޫން. އިޒްރޭލުން ހަނގުރާމަކުރަނީ އެމެރިކާ ހަތިޔާރުން.