ރައީސް ޑރ. މުއިއްޒު (ވ) ސްޕޯޓްސް މިނިސްޓަރު ރާފިއުއާ އެކު ސްޕޯޓްސް އެވޯޑްސް ހަފުލާގައި.
05 ނޮވެމްބަރ 2024 - 13:11
9 comments
ރާއްޖޭގެ ކުޅިވަރު ތަރައްގީކުރުމަށްޓަކައި "ގައުމީ ކުޅިވަރު ފަންޑު" ގެ ނަމުގައި ފަންޑެއް ގާއިމްކުރައްވަން ރައީސް ޑރ. މުހައްމަދު މުއިއްޒު ނިންމަވައިފި އެވެ.
ރައީސް އޮފީހުން މިއަދު ބުނީ މި ފަންޑަކީ ސްޕޯޓްސް މިނިސްޓަރު އަބްދުﷲ ރާފިއު ކެބިނެޓަށް ހުށަހެޅުއްވި ކަރުދާހެއްގެ މައްޗަށް އިއްޔެ ވަޒީރުންގެ މަޖިލީހުގައި މަޝްވަރާކުރުމަށް ފަހު އެ މަޖިލީހުގެ ލަފަޔާ އެއްގޮތަށް ގާއިމްކުރާ ފަންޑެއް ކަމަށެވެ.
"ގައުމީ ކުޅިވަރު ފަންޑުގެ ނަމުގައި ފަންޑެއް ގާއިމުކުރެއްވުމަށް ރައީސުލްޖުމްހޫރިއްޔާ ނިންމެވީ، ދިވެހި ކުޅުންތެރިންނާއި އެތުލީޓުން އިތުރުކޮށް، ކުޅިވަރު ކުރިއަރުވައި ތަރައްގީކުރުމަށާއި، ދިވެހި ކުޅިވަރު ޖަމާއަތް ނުވަތަ ކުޅިވަރު އާއިލާ ބާރުވެރިކުރުވުމުގެ މަގުސަދުގަ އެވެ،" ރައީސް އޮފީހުގެ ވެބްސައިޓުގައި ބުނެފައިވެ އެވެ.
މި ފަންޑަށް ގާނޫނީ ބާރުވެރިކަން ދިނުމަށްޓަކައި ކުޅިވަރު ގާނޫނަށް ގެންނަން ޖެހޭ ބަދަލުތައް ގެނައުމަށްޓަކައި، ކުރަން ޖެހޭ އެންމެހައި ކަންކަން ކުރުމަށް ވެސް ވަޒީރުންގެ މަޖިލީހުގެ ބައްދަލުވުމުގައި ވަނީ ނިންމައިފަ އެވެ.
ރާއްޖޭގެ ކުޅިވަރު އެސޯސިއޭޝަންތަކަށް މިހާރު ބަޖެޓް ދެނީ ދައުލަތުގެ ބަޖެޓުގައި ހިމަނައިގެން އަހަރުން އަހަރަށެވެ. އަދި އެސޯސިއޭޝަންތަކަށް، އެ ކުޅިވަރެއް ނިސްބަތްވާ ބޭރުގެ ފެޑެރޭޝަންތަކުން ވެސް އެހީ ފޯރުކޮށްދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އީމާން އުސްމާން
06 November 2024
ކުޅިވަރަށް ސަރުކާރުން ދޭ އަހައްމިއްޔަތުން މިފެނަނީ
އަހްމަދު އަފާފް
06 November 2024
ފެނޭތަ އިދިކޮޅަށް؟ ނަތީޖާ މިނެރެލަނީ
ހައިތަމް މުހައްމަދު
05 November 2024
އުފާވެރި ހަބަރެއް. ރައީސް އަށް ޝުކުރު
ފަލަކް
05 November 2024
ތި ފަންޑު ބައްސާމާ ހަވާލުކުރައްވާ
ޝާހީީ
05 November 2024
ކުޅިވަރު ތަރައްޤީކޮށް ދޭނަމޭ ކޮންމެ މީހަކުވެސް ބުނަނީ. އެކަކުވެސް އެކަން އަމަލުން ދައްކާ ތަނެއް ނުފެނޭ. އެކަމަކު މި ތަފާތު ބަދަލާ އެކު ނަތީޖާ ފޮނިވާނެ. ވަރަށް ހިންހަމަ ޖެހޭ ވަރުގެ އެއްޗެއް މީ. އެތްލީޓުން ގިނަ ކުރަން އެބަ ޖެހޭ! ނުލާހިކު މޮޅެތި ކުޅުންތެރިން އެބަ ތިބި ރަށްތަކުގަ ގައުމީ ލެވެލް ގަ ކުޅެން ޗާންސްއެއް ނުލިބިފަ. ރަނގަޅު އެންމެ ސްކައުޓް އެއް ރާއްޖެ ތެރޭ ކޮށްލާ އިރަށް ކުޅުންތެރިން ލިބޭނެ މިހާރު ތިބި މީހުންނަށްވުރެ. ގެރެ
ނާނާ
05 November 2024
ލަދު ކޮބާ؟
ްއ.އަންމި
05 November 2024
ކޮން ކަމަކަށް؟ މިވަރުގެ ކަންކަން ކުރަން އެބަ ޖެހޭ. ގެއްލިފަ ތިބިހާ ކުޅުންތެރިން ހޯދަން އެބަ ޖެހޭ އުސޫލެއްގެ ތެރެއިން ރަނގަޅަށް ތަމްރީނު ތަކާ އެއްޗެސް ދެވިގެން. އެހެން ގައުމު ތަކުގަ ސަރުކާރުން ހާދަ އެއްބާރުލުން ދޭ ސްޕޯޓްސް ކަންތައްތަކަށް. ހަމަ އެގޮތަށް މިގައުމު ވެސް އެހެން ވާން ޖެހޭނެ. ހަމަ ހަދަން ޖެހޭ ގޮތަށް އެ ހަދަނީ
އައްޑާ
05 November 2024
އެފްއޭއެމް ބަޖެޓު ދަވާލިގޮތަށް ތިޔަ ފަންޑު ދަވާ ނުލައިފިނަމަ ކިތަންމެހާވެސް ރަގަޅު. އުފައްދާ ކޮންމެ ފަންޑަކީ ނުވަތަ ބަޖެޓް ސެންޓަރަކީ ބަޔަކު ނާޖާއިޒް ގޮތުގައި މަންފާ ހޯދާ ތަންތަނަށް ހެދިޔަ ދީގެން ނުވާނެ. މިކަމަށް ސަމާލުކަން ދޭނެކަމަށް އުއްމީދުކުރަން!
ފަންޑިން ދަ ފަންޑެޑް
05 November 2024
މިހާރުވެސް 3-4 ތަނުން އެއްކުޅުންތެރިޔަކަށް ފައިސާދެމުން ދިއުން އޮތީ. ތިޔަ ފަންޑުންވެސް ދޭނީ ހަމަ މިހާރު ދީފަތިބި މީހުނަށް. ނަތީޖާ ހަމަ ވާނީ ހަމަ އަބަދުވެސް ވާއެތި. މޮޅަށް ކުޅެ ބަލިވާނީ.