ޕަޕުއާ ނިއު ގިނީން ގެއްލުނު އަގު ބޮޑު ބައެއް ކާރުތައް ވަނީ ހޯދާފައި. --ފޮޓޯ:އެއާބްރިޖްކާގޯ
14 ފެބުރުއަރީ 2019 - 12:02
3 comments
ޕޯޓް މޮރެސްބީ (ފެބްރުއަރީ 13) - ޕަޕުއާ ނިއު ގިނީ (ޕީއެންޖީ) ގައި މިދިޔަ އަހަރު ބޭއްވި އޭޝިއާ-ޕެސިފިކް އިކޮނޮމިކް ކޯޕަރޭޝަން (އޭޕެކް) ސަމިޓަށް ފަހު ގެއްލުނު 300 ކާރު ހޯދުމުގެ މަސައްކަތް ފުލުހުން ފަށައިފި އެވެ.
ޕަޕުއާ ނިއު ގިނީ އަށް ގިނަ އަދަދެއްގެ ލަގްޒަރީ ކާރު އެތެރެކުރީ ގައުމުތަކުގެ ވެރިންނާއި އިސް އޮފިޝަލުން ބޭނުން ކުރުމަށެވެ. ނަމަވެސް ފުލުހުންގެ ކޮމާންޑަރަކު ވިދާޅުވީ 284 ކާރު ގެއްލިފައިވާ ކަމަށެވެ. ގެއްލިފައިވާ ކާރުތަކުގެ ތެރޭގައި ލޭންޑްކްރޫޒާސް، ފޯޑް، މަޒްޑާ އަދި ޕަޖެރޯ ހިމެނެ އެވެ. ގެއްލުނު ކާރުތައް ހޯދަން ފުލުހުންގެ ޚާއްސަ ޔުނިޓެއް ވަނީ ގާއިމްކޮށްފަ އެވެ.
ފުލުހުން ބުނީ އެންމެ އަގު ބޮޑު މަސެރަޓިސް ބްރޭންޑުގެ ކާރުތައް ނުގެއްލޭ ކަމަށެވެ. އޭގެ ކާރެއްގެ އަގަކީ 100،000 ޑޮލަރެވެ. މަސެރަޓިސް ބްރޭންޑުގެ 40 ކާރާއި ބެންޓްލޭސް ބްރޭންޑުގެ ތިން ކާރު ފެނިފައިވާ ކަމަށް ފުލުހުން ބުންޏެވެ. ފުލުހުންގެ ކޮމާންޑަރު ވިދާޅުވީ ގެއްލުނު ބައެއް ކާރުތައް ފެނުނު އިރު އޭގެ އަގު ބޮޑު ބައިތައް ނަގައިފައިވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަރެކްޝަން
14 February 2019
މަސެރަޓިސް، ބެންޓްލޭސް އެއް ނޫން. މަސެރާޓީ، ބެންޓްލީ.
ރަދީފް
14 February 2019
ޕީއެންޖީ އެއީ ފަގީރު ގައުމެއް.ދެން ކީއްކުރަންތަ ސަމިޓެއް ބާއްވަން މިހާ ބޮޑު ހޭދައެއްކުރަންވީ.
ކޮރަޕްޝަން
14 February 2019
ފަގީރު ގައުމުތައް ފަގީރުވުމުގެ އެއްމެ ބޮޑު އެއް ސަބަބަކީ ކޮރަޕްޝަން. މިއީވެސް އޭގެ މިސާލެއް. ކޮންމެވެސް މަތީ ބަޔަކަށް ނޭނގި 300 ކާރު ވަގަށް ނެގޭނެތަ؟ އެހާ ފަގީރު ތަނެއްގަ ފުރަތަމަ ތި ގެންނާނީވެސް ނަޖާއިޒް ފައިދާ އެއިން ނަގަން.