އެސްއެމްއީ ބޭންކުގެ މެނޭޖިން ޑިރެކްޓަރު އަހުމަދު ޒީނާދު-- ފޮޓޯ:މިހާރު
26 އޯގަސްޓް 2020 - 14:26
6 comments
އެސްއެމްއީ ޑިވެލޮޕަމްންޓް ފައިނޭންސް ކޯޕަރޭޝަން (އެސްޑީއެފްސީ)ގެ ލޯނުތައް ދައްކާ މުއްދަތު އިތުރު ކުރުމަށް މަޝްވަރާ ކުރަމުން އަންނަ ކަމަށް އެ ބޭންކުން މިއަދު ބުނެފި އެވެ.
އެ ބޭންކުގެ މެނޭޖިން ޑިރެކްޓަރު އަހުމަދު ޒީނާދު "މިހާރު" އަށް ވިދާޅުވީ، ލޯނުތަކުގެ މުއްދަތު އިތުރު ކުރަން މަޝްވަރާ ކުރަނީ ކުރީގެ މުއްދަތު ހަމަވާތީ ކަމަށެވެ. އެގޮތަށް ހަމަޖައްސައި ދިނުމަށް ގިނަ ކަސްޓަމަރުންތަކެއް އެދެމުން އަންނަ ކަމަށް ވެސް އޭނާ ވިދާޅުވި އެވެ.
ލޯނުތައް ހަ މަސް ދުވަހަށް ފަސްކޮށްދޭން ނިންމީ ކޮވިޑް-19އާ ގުޅިގެން އިގްތިސާދަށް ދިމާވި ދަތިތަކުގެ ސަބަބުން ކަމަށް ވާއިރު އަދިވެސް އިގްތިސާދު އެއްކޮށް ހަމަޔަކަށް ނޭޅޭތީ، ލޯނުތަކުގެ މުއްދަތު އިތުރުކުރަން މަޝްވަރާ ކުރަނީ ކަމަށް ވެސް ޒީނާދު ވިދާޅުވި އެވެ.
"ވަރަށް ގިނަނ ކަސްޓަމަރުން އެބަ ބުނޭ އަދިވެސް ލޯނު ދެއްކޭނެ ހާލަތެއް ނެތޭ. ލޯނުތައް ދެއްކުން ފަސްކުރީ ވެސް މިކަމާ ގުޅިގެން. އެހެންވެ އަނެއްކާ އިތުރު މުއްދަތެއް ދެވޭތޯ މިހާރު މަޝްވަރާ މިކުރަނީ." އޭނާ ވިދާޅުވި އެވެ.
އެސްއެމްއީ ބޭންކުން ދޫކޮށްފައިވާ ލޯނުތައް ދެއްކުމަށް ދިން ހަ މަހުގެ މުއްދަތު ހަމާވާނީ އަންނަ މަހު އެވެ.
އެސްއެމްއީ ބޭންކުން ލޯނުތައް ދައްކާ މުއްދަތު އިތުރު ކުރަން ނިންމި ނަމަވެސް އެ މުއްދަތު ދޭނީ އެ ބޭންކުން ކުރިން ލޯނު ނެގި ކަސްޓަމަރުންނަށް އެކަންޏެވެ. ރިލީފް ޕޭކޭޖުގެ ދަށުން ނަގާ ލޯނުތައް ލުއި ކުރުމާ ގުޅޭގޮތުން އަދި މަޝްވަރާ ނުކުރާ ކަމަށް ވެސް ޒީނާދު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝަކްތީ
27 August 2020
މީ ފައްޔާޒް ބްރޯވެގެން އުޅޭ ތަން މިތަނުގެލޯނުގެ ޕަސެންޓް ނުދޭގޮތަކައް ކަމެއްނުނިމޭ
ހުސޭނުބެގެ އާދަނ
27 August 2020
ތިޔަތަނުގެ އިސްވެރިންނަކީ ތިކަ މަށް ޤާބިލް ބަޔަކުތޯ މަޖިލިސްއިން އެބަޖެހޭ ބަލަން
ސަރަންފީ
26 August 2020
މިދިޔަ އަހަރުގެ ބީޕީޓީއަށް ކުދިވިޔަފާރިތަކަށް ދިނިއްޔާ ކީއްތަވާނީ. ހިސާބައިން ފައިދާ ދެއްކި ކަމަކު އަތަކު އެއްޗެއް ނެތް.
ނިކަމެތި ރައްޔިތުންގެ ހައްޤުގަ
26 August 2020
އެސްއެމްއީ ލޯނު ލިބެނީ ވަކި ކުލައެއްގެ ވަކި ބަޔަކަށް، ގައުމުގެ ހަޒާނާއިން ފައިސާ ނަގައި ބޭންކްގެ ނަން ބޭނުންކޮށްގެން ރައްޔިތުންނަށް ދޭ ގެއްލުމެއް. މިތަނުން ހިންގާ ޒަރީމާ ބަލަންޖެހެ
އެމް.ޔޫ މަނިކް
26 August 2020
މިއީ ރާއްޖޭގެ އެންމެ ފަރުވާކުޑަކޮށް ލޯނުދޭ މަރުކަޒު، ހިދުމަތް ދޭނީ ވަރަށްވެސް ލަސްކޮށް އެއީ އެތާންގައި ތިބޭ ކުދިން އެހާ ފަރުވާ ކުޑަ، ކޮންމެ ފަހަރަކު ގުޅާ ގުޅާ ފޯނު ނުނަގައިގެން މިގެހެނީ އެތަނަށް ދާން، ދިޔައިމަ ބުނާނެ ގުޅާނަމޭ، ލޯނަށް ލީތާ އެއްއަހަރުވަނީ އަދިވެސް ޖަވާބެއް ނާދޭ... މިވެސް ރައްޔިތުންގެ ލާރިން ހިންގާ ސިވިލް ސާރވިސް އޮފީހެއް އެކަމު... ކީކޭ ބުނާނީ
ސާދު23
26 August 2020
ފަހުން ދިން ލޯނުތައް ދައްކަންޖެހޭ މުއްދަތުވެސް ލަސްކޮށް އިތުރަށް އެފަރާތްތަކަށް ލޯނު ލިބޭނޭގޮތް ހަދަންޖެހޭ.