ޖުމްހޫރީ ޕާޓީގެ ލީޑަރު ގާސިމްއާ އެކު މީގެ ކުރިން ބޭއްވި ޕާޓީގެ ޖަލްސާއެއްގައި، އެ ޕާޓީގައި އޭރު އިސްކޮށް ހުންނެވި ޑރ. ޖަމީލް (ކ) އަދި ރިޔާޒު (ވ-3) ބައިވެރިވެވަޑައިގަންނަވަނީ: --ފައިލް ފޮޓޯ: މިހާރު
19 ޑިސެމްބަރ 2021 - 23:57
13 comments
ތެދު ބަހުން ވާހަކަދައްކައި ބަހާއި އަމަލާ އެއްގޮތަކަށް ބެހެއްޓެވުމަށް، ތިމަރަފުށީ ދާއިރާގެ މެމްބަރު، އަބްދުﷲ ރިޔާޒު، ކުރީގެ ނައިބު ރައީސް ޑރ. މުހައްމަދު ޖަމީލްގެ އަރިހުން މިއަދު އެދިވަޑައިގެންފި އެވެ.
ރިޔާޒު ވެސް ބައިވެރިވެގެން އުފައްދާފައިވާ މޯލްޑިވްސް ނޭޝަނަލް ޕާޓީ (އެމްއެންޕީ) ގެ ލީޑަޝިޕުން ބޭއްވި ނިއުސް ކޮންފަރެންސްގައި އޭނާ ދެއްކެވި ވާހަކައަކަށް ރައްދުދެއްވަމުން، ކުރީގެ ރައީސް އަބްދުﷲ ޔާމީންގެ ގާނޫނީ ވަކީލުންގެ ޓީމުގައި ހިމެނިވަޑައިގަންނަވާ ޑރ. ޖަމީލް ވިދާޅުވީ ސުޕްރީމް ކޯޓުގެ ހުކުމަކީ ޓެކްނިކަލް ގޯހަކުން ނިމޭ ކަމެއް ނޫން ކަމަށެވެ. ޖިނާއީ ކުށެއް ސާބިތުކުރަން ގިރާކުރަންޖެހޭ ގާނޫނީ އޮޅިގަނޑެއް އޮންނަ ކަމަށް އޭނާ ވިދާޅުވި އެވެ.
"މައުސޫމްކަން ސާބިތުވުމުން އެ މީހެއްގެ ބޮލުގައި އިލްޒާމް އެޅުވުން ނާތަހުޒީބު. ސިޔާސީ ގޮތުން ރައީސް ޔާމީނާ ފައި ހަމަނުކުރެވޭނެކަން ހަޖަމްކުރަންޖެހޭ،" ޑރ. ޖަމީލް ވިދާޅުވި އެވެ.
އެކަމަށް ރައްދު ދެއްވައި ރިޔާޒު ވިދާޅުވީ ޔާމީނަކީ ވަގެއް ކަމަށް ކުރިން ޖަމީލް ވިދާޅުވި ކަމަށެވެ. އެކަމަކު މިހާރު އެ ވިދާޅުވަނީ އެ ވަރުގެ ތެދުވެރިއެއް ނެތް ކަމަށް، ކަމަށް ރިޔާޒް ވިދާޅުވި އެވެ.
"މަނިކުފާން އެބަޖެހޭ ނޫންތޯ ތެދުބަހުން ވާހަކަ ދައްކަވަން، އަމަލާ ބަހާ ދިމާކުރައްވަން؟" ރިޔާޒުގެ ޓްވީޓުގައިވެ އެވެ.
ޢިއްޒަތްތެރި މެމްބަރު ! ސްޕްރީމް ކޯޓުގެ ޙުކުމަކީ ނިހާއީ އެއްޗެއް. އެވާހަކަ އޮޅުވާ ނުލައްވާ. އަމުދުން ގާނޫނު ހަދާ މަޖްލިހުގެ މެމްބަރުންނަށް މިވަރު ފަހުމްވާންވާނެ. https://t.co/7xSSnSx0no
— Mohamed Jameel Ahmed (@MJameelAhmed) December 19, 2021
ޕްރެސް ކޮންފަރެންސްގައި ރިޔާޒު ވިދާޅުވީ މަނީ ލޯންޑަރިންގެ ފަސް އަހަރުގެ ހުކުމުން މިދިޔަ މަހުގެ 30 ވަނަ ދުވަހު ޔާމީން މިނިވަންވީ "ޓެކްނިކާލިޓީ" ގެ ކަމަކުން ކަމަށެވެ. ތަހުގީގު މަރުހަލާގައި އަދި ދައުވާ ކުރުމުގެ މަރުހަލާގައި ވެސް ރަނގަޅަށް މަސައްކަތް ކޮށްފައި ނުވާ ކަމަށް ވިދާޅުވި އެވެ.
އެންމެ މަތީ ކޯޓުގެ ހުކުމް ކިޔާލުމުން އެކަން އެނގިގެންދާނެ ކަމަށް އޭނާ ވިދާޅުވި އެވެ.
"މި ފެންނަނީ ރައީސް ޔާމީނަށް ބައިވަރު މައްސަލަތައް، އެންމެ މައްސަލައެއް ނޫން އަދި ސުޕްރީމް ކޯޓުގައި އެ ނިންމި ނިންމުން ބަލާލީމަ، ރަނގަޅަށް ކިޔާލީމަ، ތަހުގީގުކުރާ މީހުން ބުނާނީ ރައީސް ޔާމީން މިނިވަންވެވުނީ ޓެކްނިކާލިޓީ ސަބަބުންނޭ. އެއީ އެ ޓާމަކީ. ޓެކްނިކާލިޓީއަކުން،" ރިޔާޒު ވިދާޅުވި އެވެ.
ރިޔާޒު ވިދާޅުވީ އެންމެ މައްސަލައަކުން ޔާމީން ސަލާމަތްވި ނަމަވެސް އަދި ކޯޓުގައި ވެސް އަދި ތަހުގީގު މަރުހަލައިގައި ވެސް އިތުރު މައްސަލަތައް އެބަހުރި ކަމަށެވެ
"އެމްއެމްޕީއާރުސީގެ ވައްކަމުގެ މައްސަލައަކީ ނުހިނގާ ކަމެއް ނޫން. ވަރަށް ބޮޑު ކަމެއް. ރައްޔިތުންގެ ވަރަށް ބޮޑެތި ފައިސާތަކެއް ގެއްލިފައި މި ވަނީ. ރައީސް ޔާމީން ނުނަންގަވާ ކަމުގައި ވަންޏާ، ކޮންމެ ބަޔަކު ނެގިއަސް ރައީސް ޔާމީން ވެރިކަމުގައި ހުންނެވީ. ރައްޔިތުންނަށް ޖަވާބުދާރީވާންޖެހޭނެ. ރައްޔިތުންނަށް އެނގެންޖެހޭނެ މިކަންކަން،" ރިޔާޒު ވިދާޅުވި އެވެ.
އޭނާ ތުހުމަތުކުރެއްވި ގޮތުގައި، ޔާމީން އިސްވެ ހުންނަވައިގެން އިދިކޮޅު ކޯލިޝަނުން ފަށާފައިވާ "އިންޑިއާ އައުޓް" ކެމްޕެއިނަކީ އެ ހިޔާނާތުގެ މައްސަލައިގެ ފޯކަސް އަނބުރާލަން ކުރާ ކަމެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަމަނާ
20 December 2021
އެފެންނަ ފޮޓޯގަ އެބައިންބާ ދެފުށް ދެގޮތް ނޫންމީހަކަު. މިލިއުން ލިއުނުމީހާ އެކަން ސާފުކޮށްދީބަލަ.
އެމްޕީ
20 December 2021
ސިޔާސީ މީހުންގެ ތެރޭ ދެފުއް އެއްގޮތް މީހަކު އެބަހުރިތަ؟ ތިޔައީ ވަކި އެއްގޮތް މީހެއް ނޫން. ހަމަ އެންމެ ވާހަކައެއް. ކޮބާ ޑރ.އަފްރާޝީމުގެ މަރާގުޅިގެން ހާމަކުރަން ބުނި ވާހަކަ.
ވިސްނާލުމަށް އެދެމޭ
20 December 2021
ރނަޝީދު އަމިއްލަޔަށް ނުބުނޭތަ ގާޒީ ރަހީނުކުރެވުނީތީ ހިތާމަކުރަމޭ އެއީ ހެދުނު ގޯހެކޭ.އަބުދުﷲރިޔާޒު ކޯޓުއަމުރަކުން ފޯނުހިފައްޓާ ފޯނުހުޅުވަދޭން އެދުމުން ޕާސްވޯޑް ހަދާންނެތްކަމަށްބުނެ ކޯޓަށް އޮޅުވާލިކަން ރައްޔިތުންނަ ފެނުނު ކުށެއް ނެތިއްޔާކީއްވެ ފޯނު ހުޅުވަނުދިނީ.ތެދުބަހުން ވާހަދެއްކުމަކީ ވަކިމީހަކަށް އެކަނި ކުރަންޖެހޭ ކަމެނޫން.ނާޒިމުގެ ގެއަށް ފިސްތޯލަވަންގޮތެވެސް ސާބިތުވާންޖެހޭ ނާޒިމު ޒިންމާވާންނުޖެހެންޏާ ޒިންމާވާމީހެއް ހޯދެންވާނެ ރިޔާޒުބުނަނީކީކޭ.
ޕީރިޔާޒު
20 December 2021
ރިޔާޒުވެސް އެބަޖެހޭނޫންތަ އެއްކަލަ ޕްލެޓްފޯމް ހޯދައިގެން އެއަށް އަރާ އެއްކަލަ ގަތުލުގެ ވާހަކަ ރައްޔިތުންނަށް ކިޔައިދޭން؟ މިހާރު އެޕްލެޓްފޯމެއް ނުލިބިގެން އުޅޭތާ 5 އަހަރުވެދާނެ. ޔާމީން ބައްދަން އުޅުނީ ޓެކްނިކާލިޓީއެއްގެ ދަށުންވީމަ ޔާމީން ޓެކްނިކާލިޓީއެއްގެ ދަށުން މިނިވަންވުމަކީ ހަމަ ވެދާނެ ގޮތެއް. އަދި ޓެކްނިކާލިޓީއެއްގެ ސަބަބުން ހެކި ނަގަންޖެހޭ މީހުންގެ ފަރާތުން ޕީޖީން ހެކި ނުނެގުމަކީ މިވެރިކަމުގެ މީހުން ބަޔަކު ދެކެ ބިރުން ނުކުރެވިފަ ތިބިކަމެއް
މޫސަބޭ
20 December 2021
ޖަމީލު އިގިރޭސި ވިލާތުގަ ފިލާހުރެގެން ޔާމީނާދިމާއަށް ކީ އެއްޗެހި މިހާރު ހަދުމަފުޅު ނެތުނީތޯ . އަވަހަށް ހަދާން އާކުރަށް ބޭސްކުރޭ.
އިކްރަމް
20 December 2021
ޔާމީނު އަމިއްލައަށްވެސް ބުނި ދޫވެއްސަށް ވަން ފައިސާ ހަލާލެއް ނޫނޭ
ޔަގީންތަ
20 December 2021
ދޫވެއްސެކޭ ނުބުނޭ. ތިމާގެ ގެއޭ ބުނި ހަނދާންވަނީ. އެއީ ދިވެހި ބަހުން ވާހަކަ ދައްކާއިރު އެހެން މީހަކަށް އިޝާރާތްކޮށް ބައެއް މީހުން ވާހަކަ ދައްކާ އުޅޭ ގޮތެއް. ތިމާގެ ގެއަށޭ ބުނުމުގެ މާނައަކީ ތިމާގެ އަމިއްލަ ގެއަށް އެއްޗެއް ވަންނަ ވާހަކައެއްނޫން. ތިމާގެ އަނބިމީހާއޭ ބުނެ ޔާމިނު ބުނި ކަމަށް ބުނާ ފަދަ ވާހަކައެއް ބުނާ މީހެއްގެ އަންހެނުން އެމީހަކު ކައިރިން ވަރިނުވެ ހުރުމަކީވެސް ބުއްދި ގަބޫލުކުރާފަދަ ކަމެއް ނޫން.
ތާރީހީ
20 December 2021
ރާއްޖޭގެ ސިޔާސީ ތާރީހުގައި އެންމެ ހަޑިކޮށް ކުޅޭ ދެމީހުން ތީ. ރިޔާޒުވެސް ޖަމީލުވެސް ދޮގާއި މަކަރާއި އަމިއްލަ އެދުމުން ފުރިފައި
ތަފާތެއްނެތް
20 December 2021
މިނޫންމީހެއްކޮބާ. ރިޔާޒުކުރިންބުނީ ގާސިމްވަރުމީހެއްނެތޭ ޖޭޕީވަރެއްނެތޭ. މޮހާރުބުނަނީ ޖޭޕީ ސުމެކޭ ނާޒިމްވަރެއްނެތޭ. ހަމައެކައްޗެއްތީ ތަފާތެއްނެތް
އަސްފު
20 December 2021
ރިޔާޒް ފުރަތަމަ ތެދުހަދާ..އަފްރާޝީމް މަރުގައި ސިޔާސީފައިދާއަށް ވަކިމީހެއްގެ ބޮލަށް ކެނޑޭގޮތައް އެތައް ވާހަކައެއް ދެއްކި..ކޮމިޝަނަރަކަށްހުރެ ޖެހިސަކަރާތް އެއްމެނަށް އިނގޭ..ކޮބާ ފޮރޮޅި ގާތައް..ފައިސާ ފަހަތުން ދުވާބައެއްތީ..ގާސިމް ބޮލަށް ފައިންއަރާފަ ނައްޓާލީ..
ޒުލީ
20 December 2021
ރިޔާޒު މިހާރުވެސް ވަރަށް ގަޓުގަ އަފްރާޝީމްގެ ގާތިލުން ފަޅާއަރުވާލަބަލަ...ރިޔާޒުއަށް އެހުރިހާ އެއްޗެއްވެސް އިނގޭނެ...އޭރުން އެމް އެން ޕީ އަށް 2023 ގާތްގަނޑަކަށް ޔަގީންވީ..އެކަމު އެހެން އެކަންނުވާނެ ކަން އިނގޭ އެންމެނަށްވެސް