ރިސޯޓެއްގެ ވޯޓާވިލާތަކެއް: ބައެއް ރިސޯޓުތަކުން ކުލި ނުދައްކާ--
17 ޖެނުއަރީ 2022 - 13:15
28 comments
ފާއިތުވި ދެ އަހަރު ތެރޭގައި ރިސޯޓް ކުލީގެ ގޮތުގައި ދައުލަތަށް ލިބެން ޖެހޭ 1.6 ބިލިއަން ރުފިޔާ ނުލިބި އޮތް ކަމަށް ތަފާސްހިސާބުތަކުން ދައްކައިފި އެވެ.
މައުލޫމާތު ހޯދައި ލިބިގަތުމުގެ ގާނޫނުގެ ދަށުން އާންމުންގެ މީހަކު ހޯދި އެ މައުލޫމާތުތައް ދައްކާ ގޮތުން، އޭގެ ތެރޭގައި ކޮވިޑް-19އާ ގުޅިގެން ސަރުކާރުން 2020 ވަނަ އަހަރު ފަސްކޮށްދިން ކުލީގެ ބައެއް ވެސް ހިމެނެ އެވެ.
މީރާއިން ދީފައިވާ ތަފާސްހިސާބުތައް ދައްކާ ގޮތުގައި 2020 ވަނަ އަހަރު ލިބެން ޖެހޭ ކުލީގެ ތެރެއިން 480.1 މިލިއަން ރުފިޔާ މިހާތަނަށް ދައުލަތަށް އޮތީ ނުލިބި އެވެ. މީގެ ތެރޭގައި އެ އަހަރުގެ ފުރަތަމަ ކުއާޓާގައި ލިބެން ޖެހޭ 220.9 މިލިއަން ރުފިޔާ އާއި ދެވަނަ ކުއާޓާގައި ލިބެން ޖެހޭ 259.3 މިލިއަން ރުފިޔާ ވެސް ހިމެނެ އެވެ.
މިދިޔަ އަހަރު ރިސޯޓުތަކުން ނުދައްކާ ހުރީ 996.15 މިލިއަން ރުފިޔާ އެވެ. އެއީ ފުރަތަމަ ކުއާޓާގެ 231.8 މިލިއަން ރުފިޔާ އާއި ދެވަނަ ކުއާޓާގެ 234.45 މިލިއަން ރުފިޔާ އާއި ތިން ވަނަ ކުއާޓާގެ 265 މިލިއަން ރުފިޔާ އަދި ހަތަރު ވަނަ ކުއާޓާގައި ލިބެން ޖެހޭ 264.9 މިލިއަން ރުފިޔާ އެވެ.
މީގެ އިތުރުން 2020 ވަނަ އަހަރުގެ ތިން ވަނަ ކުއާޓާގައި ލިބެން ޖެހޭ 137.3 މިލިއަން ރުފިޔާ ވެސް ދައުލަތަކަށް ނުލިބެ އެވެ. މިއީ ކޮވިޑް-19ގެ ސަބަބުން މިދިޔަ އަހަރުގެ މާޗު މަހުގެ އެއްވަނަ ދުވަހާ ހަމައަށް ސަރުކާރުން ފަސްކޮށްދީފައިވާ ކުލީގެ ތެރޭގައި ހިމެނޭ ކުއްޔެވެ.
ރިސޯޓު ކުލީގެ ގޮތުގައި ދައުލަތަށް ނުލިބި ހުރި ފައިސާގެ އަދަދު މީރާއިން ހާމަ ކުރި ނަމަވެސް ކުލި ނުދައްކާ ރިސޯޓުތައް އެ އިދާރާއިން ހާމައެއް ނުކުރެ އެވެ.
މީރާގެ ތަފާސްހިސާބުތައް ދައްކާގޮތުގައި ރިސޯޓް ކުލީގެ ގޮތުގައި މިދިޔަ އަހަރު އެ އިދާރާ އަށް ވަނީ 1.76 ބިލިއަން ރުފިޔާ ލިބިފަ އެވެ. އަދި 2020 ވަނަ އަހަރު ލިބުނީ 702.97 މިލިއަން ރުފިޔާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބްލަޑް
17 January 2022
ނިކަން ތި ރިސޯރޓް ތަކަށް ކިޔާ ނަން ޖަހާލަބަލަ.
އަލިފ ހ
17 January 2022
ރިސޯޓު އޯނަރުން އެ ނުދެއްކިޔަސް ކުރެވޭނެ ކަމެއް ނޯންނާނެ! އެމީހުންގެ ދަށުވެފަ މުޅި ސަރުކާރު
ހދެދޗވެޗ
17 January 2022
މިސަރުކާރުން ކުރަކަންކަން ޖެހެނީ " މިހާރު" ނޫހުގަ ޖަހައިގެން ހަނދާންކޮށްދޭން. މިސަރުކާރަށްވުރެ ދިވެހިރާއްޖޭގެ ވެރިކަން މިހާރު ނޫހަށްވެސް މާހައްގު
ހެޗފެދފެ
17 January 2022
ހަހަހަ މިސަރުކާރަށް ވާކަމެއްނެތް ހަމަ އެއް ކަމެއްވެސް. ދައުލަތުގެ މާލިއްޔަތު ކޮވިޑް ރިލީފޭ ކިޔާފަ ގޮތެއް ފޮތެއް ނުބަލަ ބުރުވާލި ބަޔަކަށް ކުރަންއެނގޭނެ އެއްކަމެއް ވެސް ނޯނާނެ. ނޫނޭވާ ނާގާބިލް ސަރުކާރެއްމިއީ
ކޮންސޮޅި
17 January 2022
ހަމަތެދެއްމިބުނީ ސަރުކާރުގެ ދޯހަޅިކަމާއި ހެދި އަންތަރީސްވާވަރުވޭ. ކުލިނުދެއްކީމަ ދެން ކަންކުރަންވާގޮތް ނޭގިގެންބާމިތިބެނީ. އާއްމުމީހާ ސައިކަލުގަ ޖަހާސްޓިކާ ފައިން ނުދައްކައިގެން ކުރިއަށް ނުދެވިފައި ތިބޭއިރު ބޮޑެތި މަހުޖަނުން ރައްޔިތުންގެ ރަށްތަކަށްދައްކަންޖެހޭ ކުލި ޓެކްސް ނުދައްމިތިބެނީ. ކުލިނުދެއްކޭނަމަ ރަށްތައްނަގާ ކުލިދެއްކޭނަ ބަޔަކާއި ހަވާލު ކުރަންޖެހޭ.
ކޮލި ސަރުދާރު.
17 January 2022
ކުލިނުދައްކާ ރިސޯޓް ތަކުގެ ލިސްޓެއް ހޯދަން އަހަރެން ހުށަހަޅާނަން.
ބޮޑުމީހާ
17 January 2022
ތި އާއްމު މީހެއްގެ ސައިކަލު އަހަރީ ފީނަމަ މީރާގެ އުދަގުލާއި ހެދި ފިހާރައަކުން ރިހާކުރު ފުޅިއެއް ގަންނަވަރުވސް ނުވާނެ، ހުރިއްޔާ ހުރިހާ އެކައުންޓެއް ބަންދުކުރާނެ، ދައުލަތުގެ އިދާރާއަކުން ހިދުމަތެއް ނުލިބޭނެ، 1.6 ބިލިއަން ރުފިޔާއަކީ އެތައް ފްލެޓެއް އެޅޭނެހާ ފައިސާ
ީޙިނި
17 January 2022
އިކޮނަމީ ޑައިވާސިފައި ކުރާތަނެއް އަމަލީގޮތުން ނުފެނޭ. ބިންކޮޅު ކުޑަކަމުން މި ރާއްޖޭގައި ޑަންޑުވެރިކަން އެހާ ފުޅާދާއިރާއެއްގައި ނުކުރެވޭނެ. އިނޮވޭޓިވްގޮތްތައް ވިސްނަންޖެހޭ.
އަހަންމަދާ
17 January 2022
ރިސޯޓް އޯނަރުންނަކީ ކުލި ދައްކަން ޖެހޭ ބައެއް ނޫން.
އޮނަރަބްލް އަފީފު ދީދީ.
17 January 2022
ދައުލަތަށްދައްކާންޖެހޭ ކުއްޔާއިޓެކްސް އަދި ރިސޯޓްގައި މަސައްކަތްކުރާ މުވައްޒިފުންނަށްދޭންޖެހޭ މުސާރަނުދީ "ސޭވިސްޗާރޖުން ވައްކަންކުރާ ރިސޯޓްތަކާއި ދެކޮޅަށް' ސޯޝަލްމީޑިއާގައި ވަރުގަދަކެމްޕޭނެއް ޖައްސައި މިފަދަފަރާތްތައް ހަމަމަގަށްއަޅުވަން ރައްޔިތުން ތެދުވާންޖެހޭ ހިސާބަށް މިހާރު މިކަންކަން ހިގައްޖެ. # ރިސޯޓްތަކުގެ އޯނަރުންނަށް ރަނގަޅަށްއިގޭނެ "ރާއްޖެއަންނަ ފަތުރުވެރިންނަކީ މިކަހަލަ ހީލަތްތެރި ފަރާތްތަކަށް އެމީހުންގެ ފައިސާ ވިއްކާނެބައެއްނޫން' ކަން.