އޯޝަން ބަބްލްސްގެ މެނޫއަށް އާ ރަހަތަކެއް

ބަބްލް ޓީއަށް ހާއްސަ ރެސްޓޯރަންޓު އޯޝަން ބަބްލްސްގެ މެނޫއަށް އާ އައިޓަމްތަކެއް ތައާރަފްކޮށްފި އެވެ.

އޯޝަން ބަބްލްސްއިން އަލަށް ތައާރަފްކުރި އައިޓަމްތަކުގެ ތެރޭގައި ތައި އައިސް ޓީ، ބްރައުން ޝުގާ އަދި މަޗާ ސީރީޒްއެއް ވަނީ ނެރެފަ އެވެ. މީގެ ކޮންމެ ސީރީޒެއްގައި ތަފާތު ފަސް ފްލޭވާއެއްގެ ޑްރިންކްސް ލިބެން ހުންނާނެ ކަމަށް އޯޝަން ބަބްލްސްއިން ބުންޏެވެ. އޯޝަން ބަބްލްސްއިން ބުނީ އަލަށް ތައާރަފްކުރި އައިސް ޓީ ސީރީޒްތަކަކީ މިހާތަނަށް އެންމެ ބޮޑު ތަރުހީބެއް ލިބުނު ޑްރިންކްތަކުގެ އާ ރަހަތަކެއް ހިމަނައި އިތުރު ފުރިހަމަކަމާ އެކު އެ ބުއިންތައް ތަޖުރިބާކުރުމުގެ ފުރުސަތު ކަސްޓަމަރުންނަށް ހޯދާ ދިނުމުގެ ގޮތުން ތައާރަފްކުރި ސީރީޒްއެއް ކަމަށެވެ.

އޯޝަން ބަބްލްސްއިން އަލަށް ވަނީ މިލްކްޝޭކް ސީރީޒެއް ވެސް ތައާރަފްކޮށްފަ އެވެ. މި ސީރީޒްގައި ހިމެނޭ ކުކީޒް އެންޑް ކްރީމް އަދި ނަޓެއްލާ ފަދަ މިލްކްޝޭކްތައް ބޮބާއާ އެކު މިހާރު ލިބެން ހުންނާނެ ކަމަށް އެ ތަނުން ބުންޏެވެ.

އޯޝަން ބަބްލްސްއިން ތައާރަފްކުރި އާ ބުއިންތައް މާލޭގައި ހުންނަ ރެސްޓޯރަންޓުގެ އިތުރުން ހުޅުމާލޭގައި ހުންނަ އައުޓްލެޓުން ވެސް ލިބޭނެ އެވެ.

އޯޝަން ބަބްލްސްގެ މެނޫއަށް އަލަށް ތައާރަފް ކުރި ކާ އެއްޗިހީގެ ތެރޭގައި ގިނަ އެޑް އޮންސްތަކަކާ އެކު ވޮފްލްސް ވަނީ ތައާރަފްކޮށްފަ އެވެ. އަދި އަމިއްލަ އަށް ބޭނުން އެއްޗެއް ހިޔާރުކޮށް ތައްޔާރު ކުރެވޭ "މޭކް ޔޯ އޯން ސެލެޑް" ވެސް ވަނީ ތައާރަފްކޮށްފަ އެވެ.

އޭގެ އިތުރުން މިކްސް މީޓް، ޓޫނާ އަދި އެގް ސޭންޑްވިޗާއި ހަތަރު ވައްތަރެއްގެ ބާގާ ވެސް ވަނީ ތައާރަފްކޮށްފަ އެވެ. އޭގެ ތެރޭގައި އޯޝަން ބަބްލްސްގެ ސްޕެޝަލް ބާގާއެއް ވެސް ހިމެނެ އެވެ. އޯޝަން ބަބްލްސްއިން ހަވީރުގެ ސަޔަށް ހާއްސަކޮށް އީވްނިން ޓީ ވެސް ވަނީ ތައާރަފްކޮށްފަ އެވެ.

އޯޝަން ބަބްލްސްގެ ޓީ ގަޑީގައި ފްރައިޒް، ނަގެޓްސް، ޗިކަން ސްލައިޑާޒް، ހޮޓްޑޯގްސް އަދި ހެދިކާ ލިބޭނެ އެވެ. އެ ތަނުގެ ސައި ގަޑި އަކީ މެންދުރު ފަހު 03:00 އިން އިރުއޮއްސި 07:00އަށެވެ.

އޯޝަން ބަބްލްސްގެ މެނޫއަށް އަލަށް ތައާރަފް ކުރި ކާ އެއްޗިހި ލިބެން ހުންނާނީ މާލޭގެ އައުޓްލެޓުން އެކަންޏެވެ.