ވޭސް އެކްސްޕްރެސް ޑެލިވަރީ: ޝޮޕިން ލިސްޓް ކިޔައިދިނުމުން ހުރި ތަނަކަށް ގެންގޮސްދޭނެ

އެއްޗެއް ގަންނަން ބޭނުންވާ އިރަށް ފިހާރައަށް ދާ ޒަމާން ނިމުނީ ކަމަށް ބަލާށެވެ. އެއަށް ވުރެ ފަސޭހަ ގޮތެއް މިހާރު އެބަ އޮތެވެ. އެއީ "ވޭސް އެކްސްޕްރެސް ޑެލިވަރީ" އެވެ. ފޯނުން ގުޅާލާފައި އޯޑާ ކުރީމާ އެ އެއްޗެހި ގެއާ ހަމައަށް ގެނެސްދޭ ކުޑަ ވިޔަފާރިއަކުން ދޭ ބޮޑު ޚިދުމަތެކެވެ.

ވޭސް އެކްސްޕްރެސް ފިހާރާގައި އާންމުކޮށް މާޓެއްގައި ހުންނާނެ ހުރިހާ އެއްޗެއް ލިބެން ހުރެ އެވެ. ފަންސާސް ރުފިޔާއިން މަތީ އެއްޗެއް ގަންނަން ކަމާކަން ފަށައި، ފިހާރައަކަށް ދާކަށް ނުޖެހެ އެވެ. ހުރިތާ ހުރެ 9895252 އަށް ގުޅާލާފައި ބޭނުންވާ ލިސްޓު ކިޔައި ދިނީމާ ހުރިހާ އައިޓަމެއް 20 މިނެޓު ތެރޭ އަތަށް އަރާނެ އެވެ. މިއީ ހާއްސަކޮށް މި ރޯދަ މަހު މަގު މައްޗަށް ނިކުތީމާ ބޮލުގައި ރިއްސާ ރިއްސުން ކުޑަ ކުރަން ކުރެވެން އޮތް އެންމެ ފަސޭހަ ގޮތެވެ.

"ވޭސް އެކްސްޕްރެސް ޑެލިވަރީ" އަކީ މުޅިން ހިލޭ ފޯރުކޮށްދޭ ހިދުމަތެކެވެ. މި ހިދުމަތާ ގުޅިގެން އެ ފިހާރައިން އެއްޗެހީގެ އަގަށް އިތުރު ބަދަލެއް ގެނެސްފައެއް ނުވެ އެވެ. ވޭސް އެކްސްޕްރެސް ފިހާރައިގައި ނުހުންނަ އެއްޗެއް ކަސްޓަމަރުން ބޭނުން ވެއްޖެއްޔާ އެ އެއްޗެއް ވެސް މާލެއިން ހޯދައިގެން ރިސީޓް ކޮޅާ އެކު ގެންގޮސްދެ އެވެ.

މި އަހަރު ފެބްރުއަރީ މަހު ފެށި މި ވިޔަފާރީގެ ހިދުމަތް ހޯދާ މީހުންގެ އަދަދު އިތުރުވާ ވަރަކަށް ޑެލިވަރީ ފުރިހަމަ ކުރުމުގެ އިންތިޒާމް ވެސް ދަނީ ވަރުގަދަ ކުރަމުންނެވެ. ހިދުމަތަށް އުނިކަމެއް ނާދެ އެވެ. ގުޅާލުމުން ކަންފަތުގައި ޖެހެނީ ހިތްގައިމު މަރުހަބާއެކެވެ. ގަންނަން ބޭނުންވާ ސާމާނުގެ ލިސްޓް ކިޔަންވީ އެވެ.

ރޯދަ މަހުގައި އާންމުކޮށް ބޭނުންވާނޭ އެއްޗެހިން ވޭސް އެކްސްޕްރެސް އިން މިހާރު ދަނީ ޑިސްކައުޓްތައް ދެމުންނެވެ. އަދި ޖޫން 29 ގެ ނިޔަލަށް "ވޭސް އެކްސްޕްރެސް ޑެލިވަރީ" ހިދުމަތް އެންމެ ގިނައިން ހޯދާ ފަރާތްތަކަށް އެކި އިނާމުތައް ދޭނެ ކަމަށް އެ ފިހާރައިން ބުންޏެވެ. "ރޯދަ ލިސްޓު ކޮބާ؟" ޕްރޮމޯޝަނުގައި ކޮންމެ ދުވަހަކު ކަސްޓަމަރުންނަށް ހަދިޔާ އަދި އިނާމުތައް ލިބުމުގެ ފުރުސަތު އެބަ އޮތެވެ.

މުޅިން ވެސް ފައިދާއެވެ! "ވޭސް އެކްސްޕްރެސް ޑެލިވަރީ" ހިޔާރު ކުރަން ފަސްޖެހޭނެ އެއްވެސް ސަބަބެއް އެބަ އޮތް ހެއްޔެވެ؟ މިއީ ތިމާ ކުރަން ޖެހޭ ކަންކަމަށް ހުއްޓުމެއް ނައިސް، އެއްވެސް ވަގުތެއް ބޭކާރު ނުވެ މުޅިން ހިލޭ ހޯދެން އޮތް އަގުހުރި ހިދުމަތެކެވެ.