ދިއަ އޮކްޓޯބަރުގައި ހުޅުލެ އަށް ޖެއްސުމުގެ ތެރޭގައި ވެއްޓުނު މޯލްޑިވިއަންގެ ސީޕްލޭން.
23 ނޮވެމްބަރ 2017 - 10:11
36 comments
ދ. ދޫރެސް ރިސޯޓުން ފުރަންވެގެން ދުއްވާފައި ދަނިކޮށް މޯލްޑިވިއަންގެ ސީ ޕްލޭނެއްގެ ކަނދު ނެއްޓުނު ހާދިސާގައި ސަލާމަތްވި ދެ އިނގިރޭސިއަކު، އެ އެކްސިޑެންޓާ ބެހޭ ގޮތުން ދެއްކި ވާހަކަތައް އައިލެންޑް އޭވިއޭޝަނުން ރޭ ދޮގުކޮށްފި އެވެ.
މި މަހު 16 ވަނަ ދުވަހު ހިނގި އެކްސިޑެންޓުން ސަލާމަތްވި ސަބަސްޓިއަން މާޗީކް އާއި ތޯމަސް މާކޭ އިނގިރޭސި މީޑިއާގައި ބުނީ ހާދިސާ ހިނގުމުން މީހުން ސަލާމަތް ކުރުމުގެ ބަދަލުގައި، އެންމެން ދޫކޮށްލުމަށް ފަހު ކެޕްޓަނާއި ފަސްޓް އޮފިސަރު ފަތާފައި އެއްގަމަށް ދިޔައީ ކަމަށެވެ. އަދި ހުރިހާ ލަގެޖެއް ހުރީ އެމެޖެންސީ ދޮރުގައި އައްސާފައި ކަމަށާއި، އެހެންކަމުން އެވަގުތު އެ ދޮރު ވެސް ނުހުޅުވި ތާށިވީ ކަމަށް އެ މީހުން ތުހުމަތުކުރި އެވެ.
"ހާދިސާ ހިނގިތާ ދެތިން މިނެޓުގެ ތެރޭގައި އެންމެން ތިބީ މޫދުގައި. އޭރު އެއްވެސް ލައިފް ޖެކެޓެއް ނެތް. ލައިފް ޖެކެޓްތައް ނަގާށޭ ގޮވަން ފެށީ އަހަރެން،" އިނގިރޭސި ވިލާތުގެ މަޝްހޫރު އެއް ނޫސް ކަމަށްވާ ދަ ސަންގައި ތޯމަސް ބުނެފައިވެ އެވެ.
"ލިބުނީ ކުޑަކުދިންގެ ލައިފް ޖެކެޓެއް. ހުރިހާ ލައިފް ޖެކެޓަކީ ވެސް ސެކަންޑް ހޭންޑެޑް އެއްޗެހި. ބައެއް ލައިފް ޖެކެޓުތައް ހުރީ 2004 ގައި އެކްސްޕަޔާ ވެސް ވެފައި. އެއްވެސް ސޭފްޓީ ޕްރޮޓޮކޯލެއް ވެސް ނެތް. ހަދަންވީ ގޮތުގެ އެއްވެސް މައުލޫމާތެއް ވެސް ނުދޭ."
އޭނާ ބުނި ގޮތުގައި ދޫރެސް ރިސޯޓުން އެހީތެރިކަން ފޯރުކޮށްދޭން އައީ ގާތްގަނޑަކަށް 20 މިނެޓް ފަހުންނެވެ. އޭރު އެންމެން ތިބީ ބޯޓު މައްޗަށް އަރައިގެން ކަމަށް ވެސް އެ ދެ ދަތުރުވެރިން ބުންޏެވެ.
އެމީހުން ބުނި ގޮތުގައި ބޯޓުގެ ކަނދު ނެއްޓުނީ، ރިސޯޓުން ނައްޓާލަންވެގެން ތިން ވަނަ ފަހަރަށް ދުއްވާފައި ދަނިކޮށެވެ.
"މޫސުން ގޯސްވެގެން ފުރަތަމަ ދެ ފަހަރު ވެސް ޓޭކް އޮފް އެބޯޓް ކުރީ. ދެ ފަހަރު އެބޯޓް ކޮށްފައި ތިން ވަނަ ފަހަރަށް ނައްޓާލަން އުޅުނީ އެއްވެސް ވަރަކަށް މަޑުނުކޮށް،" ތޯމަސް ބުންޏެވެ.
ދެ މީހުންގެ ހުރިހާ ވާހަކައެއް އައިލެންޑް އޭވިއޭޝަންގެ މެނޭޖިން ޑިރެކްޓަރު އަބްދުއް ހާރިސް ވަނީ ދޮގުކުރައްވައިފަ އެވެ. ނަމަވެސް އޭނާ ވިދާޅުވީ ތަހުގީގުކުރަމުން އަންނަ މައްސަލައަކަށް ވާތީ އިތުރު އެއްޗެއް ވިދާޅުވެވެން ނެތް ކަމަށެވެ.
"އެކަން ސިވިލް އޭވިއޭޝަނުން އެ ގެންދަނީ ތަހުގީގު ކުރަމުން. ތަހުގީގު ނުނިމެނީސް އަޅުގަނޑުމެން އެކަމާ ގުޅޭ މައުލޫމާތު ހާމަކުރުމަކީ ކުށެއް،" ހާރިސް ވިދާޅުވި އެވެ.
އެކަމަކު ދެ ދަތުރުވެރިންގެ ވާހަކައާ ގުޅިގެން އައިލެންޑް އޭވިއޭޝަނުން ރޭ ނެރުނު ނޫސްބަޔާނެއްގައި ބުނީ އެކްސިޑެންޓަށް ފަހު ކުރޫން އަމަލުކުރީ އެމެޖެންސީ ޕްރޮސީޖާތަކާ އެއްގޮތަށް ކަމަށެވެ.
އެ ބަޔާނުގައި ބުނެފައިވާ ގޮތުގައި އެ ހާދިސާ ހިނގުމުން ހުރިހާ ކުރޫން ވެސް ހާލަތު ހަމައަކަށް އަޅުވަން މަސައްކަތް ކުރި އެވެ. އަދި ހުރިހާ ފަޅުވެރިން ވެސް އަމަލުކުރީ އެމެޖެންސީ ހާލަތްތަކުގައި އަމަލު ކުރަން ކަނޑައަޅާފައިވާ ޕްރޮސީޖާތަކާ އެއްގޮތަށް ކަމަށް ވެސް ބުނެފައިވެ އެވެ.
ބަޔާނުގައި ބުނެފައިވަނީ މޯލްޑިވިއަންގެ ފްލައިޓްތަކާއި ސީޕްލޭންތައް އޮޕްރޭޓް ކުރަނީ ރާއްޖޭގެ ސިވިލް އޭވިއޭޝަންގެ ގަވާއިދުތަކާ އެއްގޮތަށް، ހުރިހާ ކަމެއް ފުރިހަމަ ކޮށްގެން ކަމަށެވެ. އަދި އެ ގަވާއިދުތައް ހަދާފައިވަނީ ބައިނަލްއަގުވާމީ މިންގަނޑުތަކަށް ކަމަށް ވެސް ބަޔާނުގައިވެ އެވެ.
ހާދިސާ ހިނގި އިރު ސީޕްލޭންގައި ތިބީ 12 ދަތުރުވެރިންނާއި ތިން ފަޅުވެރިންނާ އެކު ޖުމްލަ 15 މީހުންނެވެ. އެކަމަކު އެއިން އެއްވެސް މީހަކަށް ގެއްލުމެއް ލިބިފައެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދީދީ
25 November 2017
ދިވެހިންމީ ހާދަ ޒިންމާދާރުކަން ކުޑަބަޔެކޭ، ކުންފުނިވެސް ސިވިލްއެވިއޭޝަން ވެސް ހަމަ އެއްހާލު. ފެނުނެއްނު ވިލާ އެޔާ ގުރައުންޑުކޮއްލިތަން، މީބޮޑެތި ޖަރީމާ، އަދަބުދޭން ޖެހޭކަންކަން
މޮހޮދު
24 November 2017
ހުރިހާ ގެއްލުމެއް ނިކަމެތީ ދިވެހި ރިސޯޓައް ؟؟؟؟ މީކީ ރިސޯޓުގެ މައްސަލައެއްނޫން ؟؟؟؟ ކީއްވެހޭ އެރިސޯޓް ޕްލޭންކްރޭސް ސައިޓްއަކަށް ހަދާމުޅި އެރިސޯޓްއށް މިބޮޑިދިނީ.... ކީއްވެހޭ ބޯޓުދަމާ ޔުނިވާސަލް ނުވަތަ ޗަމްޕާގެ ރިސޯޓަކަށް އަރުވާ މުޅިރަށް ބަންދުކޮށް ފޮޓޯމަނާކޮށް ޖަރީމާހިންގީ... ދޫރެސް ރިސޯޓްއާ ދިވެހިރާއްޖެއަށް ހުރިހާގެްލުމެއް.... ފައިދާ އޮންގެބެންގް ސެންގްައށް / ފޯސީސަންސް....
ާއައިސާ
24 November 2017
ބިދޭސީންގެޥާހަކަ ގަބޫލުކުރެވޭ. 23 ވަނ ދުވަހު ކާޑެއްދޫ އިން މާލެ އައި ފުލއަިޓު ވިއްސާރަޚޮލިގަޑެއްގައި ޖެހި ސާވުކުރި ޖުހާއި ފެން މީހުން ގަޔަށް އެޅުނު އިރުވެސް އެބުނާޭސިސްޓެންޓުން އެއްވެސް އިރުށާދެއް ވެސް ނުދޭ
މޫސާބޭ
24 November 2017
ކުއްލި ހާލަތެއްގައި ލައިފް ޖެކެޓްގެ މުއްދަތު ހަމަވާ ތާރީޚު ބެލުން އެންމެ ފުރަތަމަ ފިޔަވަޅު...
ކަޑަ؟
24 November 2017
އަދިވެސް ބިދޭސީ އިންޖިނިއަރުން ގެނެސް އެމީހުންނަށް ތަމްރީނު ދީ، އިތުރުއިނާޔަތްތައްވެސް ދީފަ ބައިތިއްބާ! ނަމަނަމަ އޮޅިގެންވެސް އެއިން މީހެއްގެ (އިންޖިނިއަރުން/ ފުލައިޓް ކުރޫއިންގެ) ޑުރަގު ޓެސްޓެއް ނުހަދާތި! ދިވެހިންނަށް އެ ފުރުސަތުތައް ހަނިކުރޭ! މުސާރަތައް ކުޑަކުރޭ! އަހަރެއް ތެރޭ ތީގެ ކިތައް މައްސަލަ ދިމާވޭބާ؟ އާއްމުންނަށް ތީގެން ތި އިވެނީ ވަރަށް ކުޑަ މިންވަރެއް! މޫސުމޭ ކިޔައިގެން އަބަދަކު އޮޅުވާލެވޭނެ ޖާގަައެއް ނޯންނާނެ!
އިބިރިހިންބެއްޔާ
23 November 2017
ޕެސެންޖަރުން ނުވެސް ތެމޭ.
ގާހަކަ
23 November 2017
އަހަރަމެން އެއްޗެކޭނުކިއައި ތިބީ ގުއިރޯނުގަ ނުޖެހެން ވެގެން، ސައްތާރުމެން ކަހަލަ މޮލެތިމީހުން ކިއާއެއްއްޗެއް އަޑުއަހައިގެން މިތިބީ. އަދިކިރިޔާ މިރޭކާލީ، މިހާރު މިދާގޮތުން ތިޔަދެމަފިިން ނަކަށް ސުލެއްނުކުރެވޭނެ ކަމަށްފެންނަނީ. ގައިމު ކޯޓުން ކަމެއްނިންމުމުގެ ކުރިން އެހެން ޕެސެންޖަރުންކައިރީވެސް ސުވާލު ކުރާނެތާ.. ބޮޑަށްމިހާރު ބެލެވެނީ އެމީހުންގެ ސޫ މޯލްޑިވިއަނުން ކުރާނެހެން. ރާކަނިމަސްކެވޭނެ.
އަލްޖިބްރާ
23 November 2017
އައިލެންޑް އެވިއޭޝަނަކުން ތެދެއް ނުބުނާނެ ! އެމީހުންގެ އެއްވެސް ކުށެއް ވާކަމަކަށް ޤަބޫލެއްވެސް ނުކުރާނެ ! ތީ އެންމެން ދަންނަ ތަނެއް !
ޑިސްޕެޗަރ ސައްތާރު ދޫރެސް
23 November 2017
ރިސޯޓު މުއައްޒިފަށް ބުނެލަން އޮތީ ރިސޯޓުގެ ބޯޓު ޗެކިންކޮށް ލޯޑް ހަދާމުއައްޒަފެއްގެ ހައިސިއްއަތުން، ޓުވިން އޮޓާރއޮން ފްލޯޓސް އަކީ ބައިޑިޒައިން ދިވެހިރާއްޖޭގައި މި އޮޕަރޭޓުކުރާކޮންފިގަރޭށަންގައި ހުންނަ އެއްޗެއްނޫންކަމާއި ރާއްޖޭގެ އޮޕަރޭށަނަން ހާއްސަ ކޮށް މެނުފެކްޗަރަރ ގެ އެސްޓީސީ އެއްގެދަށުން ރާއްޖޭގެ ސިވިލްއެވިއޭޝަންގެ ހުއެދައާއި ލައިގެން ބޯޓުގެ ޓްރިމް ހިފަހެއްޓޭ ނެގޮތަށް ފަހަތުގެ ހުންނަ ދެކެބިން ދޮރުގެ ތެރެއިން ރިއަރ ރައިޓް ޑޯ ބްލޮކު ވާގޮތަށް ޕެސެންޖަރުންގެ ލަގެޖް ހުންނަނީެސެކިއޯކޮށްފައެވެ. މިކަމަކީސިއްރުކަމެއްނޫނެވެ. ޓީއެމްއޭބޯޓުފަހަރުވެސްހުންނަނީ މިހެންނެވެ. ދެންބުނެލަން އޮތީ ޕެސެންޖަރުން ސަލާމަތް ކުރުމުގައި ގެންގުޅެފައިވާނީ މިރިސޯޓާއި އެއަރލއަިން ގުޅިގެން ހެދިފައިވާ އިމަޖެންސީ ރެސްޕޯން ޕްލޭން ގެދަށުން ފުރަތަމަ އެންމެ އިސްކަމެއްދީގެން ޕެސެންޖަރުން، އޭގެފަހުން އެމީހުންގެ ލަގެޖެވެ. މިކަމުގައި ފުރަަތަމަވެސް ބޯޓުގެ ފަޅުވެރިންނާ ގުޅިގެން ހަރަކާތްތެރިވީ އަޅުގަޑުމެންގެ ޓްރާންސްޕޯޓް ޓީމެވެ.
އަހްމަދު
23 November 2017
ތިޔަ ފަތުރުވެރިންގެ ވާހަކަ މުޅި އަގުން ދޮގެކޭ ނުބުނެވޭނެ. ސަރުކާރު ކުންފުންޏެއް ވީމަ ސަރުކާރަކުން އޭގެ ހަގީގަތް ހާމައެއް ނުކުރާނެ. ހުރިހާ ކަމެއް ގޯހެކޭ ނުބުނެވޭނެ. އެކަމަކު ބައެއް ކަންތައް ވަރަށް ފަރުވާކުޑަ.