އެއާޕޯޓުގައި އަލަށް ހަރުކުރާ ރާޑަރު. އިންސްޓޯލު ކުރުމުގެ މަސައްކަތް އަންނަނީ ކުރަމުން--ފޮޓޯ:އެމްއޭސީއެލް
13 މާޗް 2019 - 13:52
ޒަމާނީ ޓެކްނޮލޮޖީގެ އާ ރާޑާ ސިސްޓަމެއް، ވެލާނާ އިންޓަނޭޝަނަލް އެއާޕޯޓްގައި ބަހައްޓައިފި އެވެ.
ވީއައިއޭ ހިންގަމުން އަންނަ އެމްއޭސީއެލުން ބުނީ މޯޑް-އެސް ރާޑަރުގެ ސަބަބުން ފްލައިޓުތައް ދެނެގަތުމާއި އެއާ ސްޕޭސްގެ މައުލޫމާތާއި އެއާ ޓްރެފިކް ކޮންޓްރޯލަށް އަންނަ ބަދަލުތައް ޒަމާނީ އެންމެ ފަހުގެ ޓެކްނޮލޮޖީގެ ތެރެއިން އެނގިގެންދާނެ ކަމަށެވެ.
ހުޅުލެ އާއި ހުޅުމާލޭ ލިންކް ރޯޑާ ޖެހިގެން ހުޅަނގު ފަރާތުގައި ހަދާފައިވާ ޓަވަރެއްގެ މަތީގައި، ބޮޑު ހުދު ބޯޅައެއްގެ ސިފާގައި ހުރި ރާޑަރު މިހާރު ވަނީ ބަހައްޓައިފަ އެވެ. އަދި އޭގެ އެހެން މަސައްކަތްތައް ވަރަށް ބާރަށް ކުރިއަށް ދާ ކަމަށް، އެމްއޭސީއެލުން ބުނެ އެވެ.
ރާއްޖޭގެ އެންމެ ބޮޑު އެއާޕޯޓްގައި އާ ރާޑަރެއް މި ބެހެއްޓީ ވީއައިއޭގެ ތަރައްގީއަށް ގިނަ މަސައްކަތްތަކެއް ކުރަމުން އަންނަ ދުވަސްވަރެއްގަ އެވެ.
އެގޮތުން އާ ރަންވޭގެ މަސައްކަތް މިހާރު ވަނީ ގާތްގަނޑަކަށް ނިމިފަ އެވެ. އޭގެ އިތުރުން އާ ފިއުލް ފާމަކާއި ކާގޯ ޓާމިނަލާއި، ސީ ޕްލޭންތަކަށް ހާއްސަ ޓާމިނަލްގެ މަސައްކަތް ދަނީ ކުރިއަށެވެ. އަދި އާ ޓާމިނަލްގެ ބޮޑު މަޝްރޫއު ވެސް ވަނީ ފަށައިފަ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
Dhaadhey
14 March 2019
ތިޔަ ރާޑަރު ތިބެހެއްޓީ ޢާންމުން ދަތުރުފަތުރުކުރާ ސަރަހައްދެއްގެ ކައިރީގައިކަމަށް ބަލާބެލުމަށް ފެންނަނީ. ސަރަހައްދު ވަކިކުރަން ދަގަނޑު މުޑިތަކެއް ޖަހާފައި ހުންނަކަން ފޮޓޯއިން ފެންނަނީ. ނިމޭއިރު ތިތަން ތިގޮތަށް ބެހެއްޓުމަކީ ރަނގަޅު ކަމެއްނޫން. ސަބަބަކީ މިރާއްޖޭގައި ވެހިކަލުތައް ދުއްވާ މީހުންނަކީ ހަމަހޭގައި ބައެއްފަހަރު ނުތިބޭ ބައެއް. ބާރު ސްޕީޓްގައި ދުއްވާ އުޅަނދަކުން ތި ރާޑަރު ވައްޓާލުމަކީ ނުވުމަށްވުރެ ވުން ކައިރިކަމެއް.
މެސީ
14 March 2019
ޝުކުރިއްޔާ ރައީސް ޔާމީން
ޝޮކްތެރަޕީ
13 March 2019
އެއާޕޯޓު މިހާރު ހީވަނީ އެހެން ތަނެއްހެން. ވަރައް ބަދަލުވެއްޖެ. މަސްސަލައަކީ ރައިސް ޔާމީނަ ފޮނިކަޑަން ނޭގުނީ.
ވައިކަރަދޫ ޓިންޓިން
13 March 2019
މަހީކުރީ ފެންތާނގީ އެއްކަމަށް
އިޙްސާސް
13 March 2019
ރާއްޖޭގަ ހުރޭތަ ރަގަޅު މިލިޓަރީ ރާޑަރެއް..؟
ހަސަނު
13 March 2019
އެ ރާޑަރުން މުޅި އިންޑިޔާ ވެސް ފެންނާނެ؟
ރާޑާ
13 March 2019
ތި ރާޑަރ އިން ފެންނަގޮތް ފޮޓޯއަކުން ނޫނީ ވީޑިއޯ ކޮޅަކުން ދެއްކި ނަމަ މި ޚަބަރު އިތުރަށް ފުރިހަމަ ވާނެއެވެ.
އައްފާލު
13 March 2019
ޝުކުރިއްޔާ ރައީސް ޔާމީން
ޙެހެހެ
13 March 2019
ޒަމާނީ ޓެކްނޮލޮޖީއޭތޯ. ކުރިންވެސް ހުރި ވައްތަރުގެ ރާޑަރެއްތީ. ޙަމައެކަނި ތަފާތަކީ އެނބުރޭބައި ބޯޅައެއްގެ ސިފައިގައި ކަވަރެއްލައި ފޮރުވުން. ޢެމްއޭސީއެލްއިން އެތި ބޮޑުކޮށްލާފަ ދައްކަނީ ޕްރޮޖެކްޓު މޮޅުކުރަން.
އަހައްމަދު ޔާމީނު
13 March 2019
މި އާޓިކަލަކުން ނޭގޯ ކޮންތާކުން ހޯދި ރާޑަރެއްކަމެއް