އެމްޓީސީސީން މިއަދު ބޭއްވި ނޫސްވެރިންގެ ބައްދަލުވުމުގެ ތެރެއިން-- ފޮޓޯ:ހުސައިން ވަހީދު/ މިހާރު
18 ޖުލައި 2019 - 15:43
32 comments
މާލޭގައި މިނީ ބަހުގެ ހިދުމަތް ދިނުމަށް ޓަކައި ބެޓެރީން ދުއްވާ ބަސްތަކެއް ގެންނަން ރާވާފައިވާ ކަމަށް އެމްޓީސީސީން ބުނެފި އެވެ.
މިއަދު ބޭއްވި ނޫސްވެރިންގެ ބައްދަލުވުމުގައި އެމްޓީސީސީގެ ސީއޯއޯ ޝާހިދު ހުސައިން މޫސާ ވިދާޅުވީ މިނީ ބަހުގެ ހިދުމަތް ދިނުމަށް ޓަކައި ދިރާސާތައް ނިންމައި، ޓްރާންސްޕޯޓް މިނިސްޓްރީ އަށް މިހާރު ފޮނުވާފައިވާ ކަމަށެވެ. އެގޮތުން މާލޭގެ ދަތުރުތަކަށް އިލެކްޓްރިކް ބަސްތައް ގެނައުމަށް ހަމަޖެހިފައިވާ ކަމަށް އޭނާ ވިދާޅުވި އެވެ.
"މާލޭގެ މިނީ ބަސް ޕްރޮޖެކްޓުގެ މަސައްކަތް މިހާރު ވަނީ ދިރާސާތައް ކުރެވި މިނިސްޓްރީއާ ހާވާލު ކުރެވިފައި. އެގޮތުން ދިރާސާކޮށް އަޅުގަނޑުމެން ވަނީ އިލެކްޓްރިކް ބަސްތަކެއް ގެނެސް ހުޅުމާލޭގައި އެ ޗާޖުކޮށް މާލެ ގެނެސް ހިދުމަތް ދިނުމަށް ރާވާފައި،" ޝާހިދު ވިދާޅުވި އެވެ.
އެމްޓީސީސީގެ އެސިސްޓެންޓް ޖެނެރަލް މެނޭޖަރު މުހައްމަދު ނާޒިމް ނޫސްވެރިންނަށް މައުލޫމާތު ދެއްވަނީ-- ފޮޓޯ: ހުސައިން ވަހީދު/ މިހާރު
އެމްޓީސީސީގެ އެސިސްޓެންޓް ޖެނެރަލް މެނޭޖަރު މުހައްމަދު ނާޒިމް ވިދާޅުވީ އިލެކްޓްރިކް ބަސް ގެންނަން ނިންމާފައިވަނީ ތިމާވެއްޓާ ރައްޓެހި ބަސްތަކެއް މާލޭގައި ދުއްވުމުގެ މަގްސަދުގައި ކަމަށެވެ. މާލޭގެ މަގުތައް ހުންނަ ގޮތުގެ ސަބަބުން، ގެންނަ ބަސްތަކުގެ ދިގުމިނުގައި ހުންނާނީ 20 ފޫޓު ކަމަށާއި ބަހެއްގައި ދަތުރުކުރެވޭނީ 16 ފަސިންޖަރުންނަށް ކަމަށް ވެސް އޭނާ ވިދާޅުވި އެވެ.
މީގެ އިތުރުން ބަހުގެ ހިދުމަތް ފެށުމުގެ ކުރިން މާލޭގެ ޓްރެފިކަށާއި ޕާކިން ސްޕޭސްތަކަށް ބަދަލުތައް ގެންނަން ޖެހޭނެ ކަމަށް ވެސް މުހައްމަދު ނާޒިމް ވިދާޅުވި އެވެ.
"ސަރުކާރުން އެދިފައި ވަނީ ތިމާވެއްޓާ ރައްޓެހި އުޅަނދުތައް ހޯދަން. އެހެންވެ އަޅުގަނޑުމެން ނިންމީ އިލެކްޓްރިކް ބަސްތައް ގެންނަން. މާލޭގައި ވަރަށް ހަނި މަގުތަކެއް މި ހުންނަނީ، އެހެންކަމުން މި މަގުތަކުގައި އޮޕްރޭޓް ކުރުމަށް ހަ މީޓަރު ނުވަތަ 20 ފޫޓުގެ ބަސް އަޅުގަނޑުމެން މި ގެންނަން ޖެހެނީ. މި ބަސްތަކުގައި ދަތުރު ކުރެވޭނީ ކޮންމެ ބަހެއްގައި ވެސް އެއްފަހަރާ 16 ފަސިންޖަރުންނަށް،" މުހައްމަދު ނާޒިމް ވިދާޅުވި އެވެ.
މާލޭގައި މިނީ ބަހުގެ ހިދުމަތް ދިނުމަށް ޓްރާންސްޕޯޓް މިނިސްޓްރީން އެމްޓީސީސީއާ ހަވާލުކޮށްފައި ވަނީ މާލެ އަށް ދިމާވެފައިވާ ޓްރެފިކް މައްސަލަ އަށް ހައްލު ހޯދުމުގެ ގޮތުންނެވެ. މި ޕްރޮޖެކްޓް އެމްޓީސީސީއާ ހަވާލުކޮށްފައި ވަނީ މި އަހަރުގެ ފެބްރުއަރީ މަހުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފުންއަސަރު
20 July 2019
ދައްކަވާ ފޮނި ވާހަކަފުޅުތަކުން ކޮންމެ ފަހަރަކުވެސް މިތިބެނީ ވަރަށް އުންމީދުގަ. ހީވަނީ ހަމަދެންމެ ދެންމެ ޚިދުމަތް ފަށާފާނެހެން. އެކަމަކު މަސައްކަތް ދަނީ ހޮޅިޔަށް. އެއްކަމެއްވެސް ނުވޭ. ރޯދައިގެ ކުރިން ހުޅުމާލެއާ މާލޭޓާމިނަލާ ދޭތެރޭ ދަތުރުކުރުމަށް ވިދާޅުވެލެއްވި ބަހުގެ ޚިދުމަތްވެސް އަދިނުފެށެ. ކިހާ ފޮނި އުންމީދެއް ކުރިންތޯ މަމެންވެސް. ހުޅުމާލެއިން ޓެކްސީއެއްގާ ހުޅުލެއަށް 100 ރުފިޔާ. ހުޅުމާލެއިން މާލެއަށް 100 ރުފިޔާ. އަޅެ މީއަރަތެއްތަ. ފައިސާނަގަން.
ރަނގަޅު
20 July 2019
ކޮންމެ ސައިކަލަކަށް 3 މީހުންނަށް އެރޭގޮތައް ހުއްދަދޭންވީ. އޭރުން ދެކުދިން ގޮވައިގެން ސުކޫލައް ދެވޭނެ 1 ސައިކަލުން. ކާރު ބޭނުންކުރާ އަދަދު މަދުކުރެވޭނެ. ދުއްވާ އެއްޗެހި ބޭނުންކުރާ އަދަދު ޑަބަލް މަދުކުރެވި ޓްރެފިކަށްވެސް ހައްލެއް ލިބިގެންދާނެ.
ދޯ.....
19 July 2019
ހަނިކޮށް ހުންނަ މަގުތަކަށްވެސް ވަދެވޭ ގޮތަށް ތިޔަގެންނަ ބަހެއް ފަރުމާ ކުރާ ނަމަ ޙިދުމަތް ހޯދާ މީހުންނަށްވެސް ތަންކޮޅެއް ފަސޭހަ ވީސް.
ަސިފާން
19 July 2019
ތިބަސް ތަށް ގެނެވޭ އިރު ކުންފުނީގެ ބޯޑު ފެންނަން އިންނާނެ ބާ ޗެއާމަން ގެއްލުވާލާފަ ލިބުން ފައިދާ ކޮޅާއިގެން ބެންކޮކަށް އެމްޑީ ދިޔައީމަ ކަނަކަން ހަމަވީ
ނައިފް
19 July 2019
މާލެއެއްނު ކިޔަނީ. ރަނގަޅުވާނެ ސިއްހަތަށް ގެއްލުންވަ މިންވަރުގެ ޓްރެފިކް އޮތަސް މިތާ އުޅެންވާނީ. ގުއި ފެންގަނޑުތަކަށް އެރިގެން. ރަނގަޅަށް ވެންޓިލޭޓްނުވާ ރޫމްތަކުގަ ކުލީ އަޅުންގެ ގޮތުގައި ކުލިދައްކަމުނއ އަދި އެވެސް އެންމެ ދަށްފެންވަރުގަ އުމުރު ނިންމާލީމަ ރަނގަޅުވަނެ.
ގެއްލުމުގެ ބަދަލު
19 July 2019
ތިޔަ ޕްރޮޖެކް ހަވާލުކުރާ ބަޔަކަށް ތިޔަލިބުނީ ބިލިޔަން ޑޮލަރު ކަމުގައިބަލާ. ރައްޔިތުން ދަރަނިވެރިވެގެން ޖޫރިމަނާ ދައްކާނިމޭނި ބޮޑު ލޯނެއްގަ އެޅިގެން. ޜައްޔިތުންނަށް ތިޔަކަހަލަ ހިދުމަތް ކޮށްނުދެއްވިއްޔާ ރަނގަޅީ. މިއުޅެނީ ނަރުދަމާ އާއި ސާފު ބޯފެނާއި ކަރަންޓުފަދަ އަސާސީ އެތައްކްމެއް ނުލިބިގެން.
ޖޮއްބެ
19 July 2019
ޖާޓޭ ކައިރީ އަހައިގެން، ކާށިދޫ ދާއިރާގައި އަޅާފައި އޮތް ކަހަލަ ކޭބަލް ކާރު ސިސްޓަމެއް ގާއިމުކޮށްބަލަ.
ފުއްޖަމާ
19 July 2019
މިހާރުދުއްވާ ޓެކުސީތައް މަދުނުކޮށް އެހެނިހެން ވެހިކަލްތައް މަދުނުކޮށް ތިބައިވަރު ގެނެއްސިއްޔާ ތާށިވުން ބޮޑެއްނުވާނެބާއެވެ؟ ދުއްވިބަސްތަކަށްވީގޮތަކީ ތަޖުރިބާއެކެވެ. މިނީވިޔަސް އަދި ބެޓެރީއިންވިޔަސް ތޮއްޖެހުމަކަށް ބަދަލެއްނާދެއެެވެ. ނުވެސް އަންނާނެއެވެ. ތިތަކެތި ގެނެސްގެން ބަޔަކަށްފައިދާވާނަމަ، އެބަޔަކަށް ފައިދާވާނެކަން ކަށަވަރެވެ. އެކަމަކު ޓްރެފިކަށް ޙައްލެއްއަތުވެދާނެބާވައެވެ؟
ފިރުމާ
19 July 2019
މީވަރަށްރަނގަޅުކަމެއް މިއުޅޭ ޓެކުސީޑުރައިވަރުންތަށް ސައިޒުކުރަންއެބަޖެހޭ.
ޖޫލިއާން
19 July 2019
ތިއެއްޗިއްސާއެކީ މެކޭނިކަލް ޕާކުކޮޅެއްވެސް ގެނައިނަމަ.