މާފަރު އެެއާޕޯޓަށް ފުރަތަމަ ކޮމާޝަލް ފްލައިޓު ޖެއްސި ވަގުތު. --ފޮޓޯ:މިހާރު
01 ޑިސެމްބަރ 2019 - 19:56
މާފަރު އިންޓަނޭޝަނަލް އެއާޕޯޓާ އެކު އެތަނުގައި ޕައިލެޓުންނަށް ތަމްރީނު ދިނުމަށްޓަކައި ޓްރޭނިން ފެސިލިޓީއެއް ހަދާނެ ކަމަށް އައިލެންޑް އޭވިއޭޝަންގެ މެނޭޖިން ޑިރެކްޓަރު މުހައްމަދު ރިޒްވީ މިއަދު ވިދާޅުވެއްޖެ އެވެ.
މިއީ އައިލެންޑް އޭވިއޭޝަނުން ހިންގާ ފުރަތަމަ އިންޓަނޭޝަނަލް އެއާޕޯޓެވެ. ރިޒްވީ ވިދާޅުވީ، ޕައިލެޓުންގެ އިތުރުން އިންޖިނިއަރުންނަށް ވެސް ތަމްރީނުތައް ދެވޭނެ އިންތިޒާމުތައް އެ އެއާޕޯޓުގައި ހަމަޖައްސާނެ ކަމަަށެވެ.
އޭނާ ވިދާޅުވީ، އެއާޕޯޓާ އެކު ސީ ޕްލޭން ކަނެކްޓިވިޓީ ވެސް އިތުރަށް ރަނގަޅު ކުރާނެ ކަމަށެވެ.
މާފަރު އެެއާޕޯޓުގެ ސެކިއުރިޓީ ކައުންޓަރު. --ފޮޓޯ:މިހާރު
"އަޅުގަނޑުމެން އޮޕޭޓުކުރާ 320 މަރުކާގެ ބޯޓުތަކަށް މިތަނަށް ޖެއްސޭނެ. ޕްރައިވެޓް ޖެޓްތަކަށް ވެސް ޖެއްސޭނެ. ހަމައެކަނި ވައިޑް ބޮޑީ ބޯޓުތަކަށް، މިސާލަކަށް އެއާބަސް 330 ޖެއްސުމަށް އިތުރު ކިލޯމީޓަރެއްް ބޮޑު ކުރަން ޖެހޭ،" މާފަރުގައި ހުންނަވާ ރިޒްވީ ވިދާޅިވި އެވެ.
އިންޓަނޭޝަނަލް ފެންވަރަކަށް ހުޅުވި މި އެއާޕޯޓު އިތުރަށް ބޮޑު ކުރުމަށް ސަރުކާރައި އަބޫ ދާބީ ފަންޑް ފޯ ޑިވެލޮޕްމެންޓް (އޭޑީއެފްޑީ) އާ އެކު ވަނީ އެއްބަސްވެފަ އެވެ. މި އެއާޕޯޓު ތަރައްގީ ކުރީ އޭޑީއެފްޑީ އިން 60 މިލިއަން ޑޮލަރު ހޭދަކޮށްގެންނެވެ.
މާފަރު އެެއާޕޯޓަށް ޖެއްސިވަގުތު ފަޔާ ޓީމުން ފެނުގެ ސެލިއުޓެއް ދެނީ--- ފޮޓޯ:މިހާރު
ކޮމާޝަލް ދަތުރުތައް ފެށުމާ އެކު މޯލްޑިވިއަން އިން ކޮންމެ ދުވަހަކު ތިން ދަތުރު މާފަރަށް ކުރާނެ އެވެ. އަދި ދެ ހަފްތާ ފަހުން ދުވާލަކު ހަ ދަތުރަށް އިތުރު ކުރުމަށް ހަމަޖެހިފައިވެ އެވެ.
އެއާޕޯޓުގެ ދަތުރުތައް ފެށުމާ އެކު ޕްރައިވެޓް ޖެޓްތައް ޖެއްސުމަށް ރިކުއެސްޓްތައް އައިސްފައިވާ ކަމަށް ރިޒްވީ ވިދާޅުވި އެވެ. އަދި ޖެޓްތަކަށް ބޭނުންވާ ހިދުމަތްތައް ގާއިމް ކުރެވިފައިވާ ކަމަށް އޭނާ ވިދާޅުވި އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ފޫހި
02 December 2019
އަތޮޅުތެރެތިޔަގޮތަށް ކުރިން ވެސް ތަރއްޤީ ކުރިނަމަ މާލޭގެ މިފެންނަ ހިތްދަތި މަންޒަރު ނުފެނުނީސް. މާލެއެކޭ ބުންޏަށް ހިތައްވެރިވަނީ ބިރުވެރިކަން. ގޮތެއްފޮތެއްނެތި ބުރިބުރިއަށް ނަގާފައިވާ ކުދިކުދި އަލިފާންދަޑިފޮށިތަކާއި، ޕޭމަންޓުންހިގާއިރު ބޯމަތީގައި ހުރި ފެންތިކިތަޅާ ބާ އޭސީ އާއި ބެލްކަނިތަކަކީ ވެސް ވަރަށް ނުރައްކާތެރި ތަކެތި. މާލެއަކީ ހަމަ ބާ މުންޑުގަނޑެއްފަދަ ތަނެއް. އަބަދުވެސް ފޮތިއަޅަންވެފަ. މިފަދަ ތައްގީއަކީ ބަޔަކު ހިތްފަޅައިގެންދާނެކަމެއް.
ޑުރެކިއުލާ
01 December 2019
ނ އަތޮޅުގައި ހުރިހާ ވަސީލަތަކާއެކީ މާސިންގާ ބޯޓުފަހަރު ޖެއްސޭފެންވަރުގެ އިންޓަނޭޝަނަލް އެއާޕޯޓެއް އަޅަން ހޭދަވީ 60 މިލިއަން ޑޮލަރު. މާލޭ އެއާޕޯޓުގައި ރަންވޭގަނޑެއް ހަދާލަން އެކަނި 500-600 މިލިއަން ޑޮލަރުވަރު ހަރަދުކުރި. ތަފާތުކުރުން ހުރިވަރު މިއީ. 1000 ޕަސެންޓުގެ ތަފާތު.
ކިއުލާ
02 December 2019
އެތަނަށް ދަތުރު ކުރާ މީހުންގެ އަދަދަށް ބަލާފައި ނުން އެތަނެއްގެ ފެސިލިޓީސް ހަދާނީ
ޖީއެމްނާސިފު60000
01 December 2019
ތިބުނާ ޓުރެއިނިންފެސިލިޓީ އެޅުމުގެ ކުރިން އެބަޖެހޭ ބިލްތަކަށް ފައިސާދައްކަން. ތިކުންފުނީގެ މަސައްކަތެއް ކޮށްފަ ހުށަހެޅި ބިލްތަކަށް ފައިސާހޯދަން މަސައްކަތްކުރާތާ 4މަސް. ކޮންމެމަހަކުވެސް ކުޑައެތިކޮޅެއް ޕާކުރަނީ.
މޮޔަ އެއްތަ ؟
02 December 2019
ޖީއެމްނާސިފު60000 އަށް މަވެސް ތާއީދު. ގަން އެއަރޕޯޓުން ދަރަންޏަށް ތެޔޮއަޅާ ފައިސާދައްކާނީ ކާކުތޯ އޭނަކާރިން އަހާބަލަ.
ފެންފޮޅި
01 December 2019
ސާބަހޭ އިބޫ