ޓޫރިޒަމް މިނިސްޓްރީން މިރޭ ބޭއްވި ބައްދަލުވުމުގައި މިނިސްޓަރު އަލީ ވަހީދު (މ) ބައިވެރިވެވަޑައިގަންނަވަނީ-- ފޮޓޯ: ޓޫރިޒަމް މިނިސްޓްރީ
22 މެއި 2020 - 01:39
27 comments
ރާއްޖޭގެ ޓޫރިޒަމް އަލުން ފެށުމަށް ޓޫރިޒަމް މިނިސްޓްރީން އެކުލަވާލައިފައިވާ ގައިޑްލައިނުގައި ހިމަނާފައިވާ ފީތައް ނުނަނަގަން އެ މިނިސްޓްރީން ނިންމައިފި އެވެ.
އެ ގޮތަށް މިނިސްޓްރީން ނިންމީ ޓޫރިޒަމް އިންޑަސްޓްރީގެ އިސް ފަރާތްތަކާ މަޝަވްރާ ކުރުމަށް ފަހު އެވެ.
އެ މިނިސްޓްރީން އެކުލަވާލައިފައިވާ ގައިޑްލައިންގައިވާ ކަންތައްތަކާ ގުޅޭ ގޮތުން ޓޫރިޒަމް މިިނިސްޓަރު އަލީ ވަހީދު ގެންދަވަނީ އެ އިންޑަސްޓްރީގެ ސްޓޭކް ހޯލްޑަރުންނާ މަޝްވަރާ ކުރައްވަމުންނެވެ. އެގޮތުން ހުރިހާ ސްޓޭކް ހޯލްޑަރުން ހިމެނޭހެން މިދިޔަ ބުދަ ދުވަހު އޮންލައިން ބައްދަލުވުމެއް ބާއްވާފައިވާއިރު މިރޭ ވަނީ މޯލްޑިވްސް އެސޯސިއޭޝަން އޮފް ޓޫރިޒަމް އިންޑަސްޓްރީ (މަޓީ) އާއި އެމްއޭސީއެލް އަދި މޯލްޑިވްސް ސިވިލް އޭވިއޭޝަން އޮތޯރިޓީ އާއި އެމްއެމްޕީއާރުސީއާ ބައްދަލު ކުރައްވައިފަ އެވެ.
މިރޭގެ ބައްދަލުވުމާ ހަމައަށް ޓޫރިޒަމް ގައިޑްލައިނަށް ތިން ފަހަރުމަތިން ވަނީ ބަދަލުތައް ގެނެސްފަ އެވެ. އަދި މި މަހުގެ 25 ވަނަ ދުވަހުގެ ނިޔަލަށް އެ ގައިޑްލައިނަށް ހިޔާލު ހުށަހެޅުމުގެ ފުރުސަތު ޓޫރިޒަމް އިންޑަސްޓްރީގެ ހުރިހާ ފަރާތްތަކަށް ވަނީ ހުޅުވާލައިފަ އެވެ. މި ގައިޑްލައިންގެ ފައިނަލް ކޮޕީއެއް ކަމާ ބެހޭ އިދާރާތަކަށް ހުށަހަޅާނީ އެ ހިޔާލުތައް ލިބި ގެންނަން ޖެހޭ ޒަރޫރީ ބަދަލުތައް ގެނައުމަށް ފަހު ކަމަށް ޓޫރިޒަމް މިނިސްޓްރީން ބުންޏެވެ.
It was a fruitful discussion with MATI, @MACLmedia , @visitmaldives , MCAA and Technical Advisory Group today on "Guideline to Restart Maldives Tourism" pic.twitter.com/58QWKWiU5H
— Ministry of Tourism (@MoTmv) May 21, 2020
މިރޭ ޓޫރިޒަމް މިނިސްޓްރީން ބޭއްވި ބައްދަލުވުމާ ގުޅޭގޮތުން އެ މިނިސްޓްރީން ކުރި ޓްވީޓެއް--
އެ މިނިސްޓްރީގެ ސީނިއާ އެގްޒެކެޓިވް ޑިރެކްޓަރު އަލީ ރަޒާން "މިހާރު"އަށް ވިދާޅުވީ ގައިޑްލައިންގައި ކުރިން ފީތަކެއް ކަނޑައެޅީ ކުރިއެކޭ އެއްގޮތަށް ދަތުރުފަތުރު ނޯމަލް ވަންދެން ކަމަށެވެ. ނަމަވެސް ސްޓޭކް ހޯލްޑަރުންގެ އެދުމުގެ މަތިން ތިންވަނައަށް އެކުލަވާލާފައިވާ ޑްރާފްޓުގައި އެ ފީތައް ނުހިމަނާ ކަމަށް އޭނާ ވިދާޅުވި އެވެ. އަދި އަންނަ މަހުގެ 1 ވަނަ ދުވަހުގެ ކުރިން ފައިނަލް ޑްރާފްޓެއް އެކުލަވާލައި ކަމާ ބެހޭ ފާރަތްތަކަށް ފޮނުވާނެ ކަމަށް ވެސް އޭނާ ވިދާޅުވި އެވެ.
ޓޫރިސްޓުން އަލުން ގެނައުމުގައި އަލަމުކުރާނެ ގޮތްތައް ބަޔާންކޮށް ޓޫރިޒަމް މިނިސްޓްރީން އާންމުކޮށްފައިވާ ގައިޑްލައިންގައިވާ ގޮތުން ހާއްސަ ހުއްދައިގެ ދަށުން ރާއްޖެ އަށް އަންނަ ޕްރައިވެޓް ޖެޓްތަކާއި ޗާޓާޑް ފްލައިޓްތައް ޖެއްސުމަށް ފީއެއްގެ ގޮތުގައި 50،000 ޑޮލަރު ނަގާނެ އެވެ. މީގެ އިތުރުން ރާއްޖެ އަންނަ ޓޫރިސްޓުންގެ އަތުން ހާއްސަ ވިސާ ފީއެއްގެ ގޮތުގައި 100 ޑޮލަރު އަދި ކޮވިޑަށް ޓެސްޓް ކުރުމަށް ކޮންމެ މީހަކަށް 100 ޑޮލަރު ނަގަން ވެސް އެ ގައިޑްލައިންގައި ހިމެނި އެވެ.
ޓޫރިޒަމް އަލުން ފެށުމުގެ ގޮތުން އިންޑަސްޓްރީގެ އިސް ފަރާތްތަކާ އެކު ޓޫރިޒަމް މިނިސްޓްރީން މަސައްކަތް ކުރަމުން އަންނައިރު މިނިސްޓަރު އަލީ ވަހީދު މިރޭ ވަނީ ގައިޑްލައިނާ ގުޅޭގޮތުން ޔޫއެންގެ ވޯލްޑް ޓޫރިޒަމް އޯގަނައިޒޭޝަން (ޔޫއެންޑަބްލިއުޓީއޯ)ގެ ސެކެޓްރީ ޖެނެރަލް ޒުރަބް ޕޮލޮލިކަޝްވިލީއާ ފޯނުން ގުޅުއްވައި މަޝްވަރާ ކުރައްވައިފަ އެވެ. މި ގައިޑްލައިންގައި ހިމަނާ ކަންތައްތައް ހާސިލް ކުރުމަށް އެ ޖަމިއްޔާގެ ފުރިހަމަ އެއްބާރުލުން ލިބޭނެ ކަމުގެ ޔަގީންކަން އޭނާ އަރުވާފައިވާ ކަމަށް މިނިސްޓަރު ވިދާޅުވި އެވެ.
Pleased to talk over the phone with World Tourism Organization @UNWTO SG @pololikashvili tonight. SG assured that UNWTO will assist in our guideline to restart Maldives Tourism & give full support in the process. Discussions are ongoing with the stakeholders for a good start 🇲🇻
— Ali Waheed (@ali20waheed) May 21, 2020
މިނިސްޓަރު އަލީ ވަހީދުގެ ޓްވީޓެއް--
ރާއްޖޭގެ ޓޫރިޒަމް ހުއްޓިފައި އޮންނަތާ ދެ މަހަށްވުރެ ގިނަ ދުވަސް ވެފައިވާއިރު ގިނަ ދުވަހަށް އެ ދާއިރާ ހުއްޓިފައި އޮވެއްޖެ ނަމަ އިގްތިސާދު ވަރަށް ބޮޑުތަނުން ދަށްވާނެ ކަމަށް ވަނީ ލަފާ ކޮށްފަ އެވެ. އެހެންކަމުން މި ވަގުތަށް އެޅޭނެ ހުރިހާ ސަލާމަތީ ފިޔަވަޅުތަކާ އެކު ރާއްޖޭގެ ބޯޑަރު ޓޫރިސްޓުންނަށް ހުޅުވާލަން ސަރުކާރުން އަންނަނީ މަސައްކަތް ކުރަމުންނެވެ.
ސަރުކާރުން ނިންމައިފައިވާ ގޮތުގައި ރާއްޖޭގެ ހާލަތު އިތުރަށް ގޯސް ނުވާނަމަ އަންނަ ޖުލައި މަހު ރާއްޖޭގެ ބޯޑަރު ހުޅުވާލާނެ އެވެ. ނަމަވެސް ދަތުރުފަތުރު ނޯމަލަކަށް ދެވޭނީ އަންނަ އޮކްޓޫބަރު މަހާ ހިސާބުގައި ކަމަށް ކަމާބެހޭ ފަރާތްތަކުން ލަފާ ކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަދީބު
23 May 2020
ސާބަހޭ ދަރިންނޭ. މި ޤައުމަށް މިވަގުތު ވަންނަ ހުރިހާ ފައިސާއެއް ރިސޯޓު އޯނަރުންނަށް (ރަހްމަތްތެރި އޯނަރުން) ދީ ހުސްކޮށްލާ.
ވަކަމޯޑް99
23 May 2020
އަސްލު މައްސަލައަކީ ރާއްޖޭގެ ކެބިނެޓުގައި ކެޕޭސިޓީ ނުތިބޭ މީހުން ގިނަވުން. އެމްޑީޕީގައި ކިޔަވައިގެންތިބި ރަގަޅު މީހުން އެބަތިބި. ރަގަޅު ޓީމެއްލައިގެން އިބޫއަށް ނުހިންގެންވީ ސަބަބެއް ނެތް.
ކޮމެންޓޭ1
22 May 2020
ދެން މަގުމައްޗަށް ފުލުހުން ނެރިގެން މީހުން ޖޫރިމަނާ ކުރޭ. ޕާކިން ޒޯނުގަ ހުއްޓަސް ވާނެ ސްޓިކާ ޖަހަން
ނަސްރު45
22 May 2020
މިވަރުގެ އެއްޗެއް ފުރަތަމަ ޑްރާފްޓް ކުރި ބައެއްވެސް ބޯގޯސް.
ބޮޑުމީހާ
22 May 2020
ރިސޯޓު އޯނަރުންނާއި ދެކޮޅަށް މަސައްކަތްކުރާނެ ހިތްވަރު ހުރި ސަރުކާރެއް މިގައުމަކަށް ނާންނާނެ، މުޅި ގައުމު ހައިޖެކްޓުކޮށްގެން އުޅޭ ބަޔެއް
ލުކި
22 May 2020
މީ ކުރިން އެނގިގެން ކުރިކަމެއްނޫންތަ ހުސް ކުޑަކުދިން ސަކަރާތް ޖަހާ ސަރުކަރެއްމީ
މަރީން
22 May 2020
އަހައްނަވިސްނާ ވިސްނާ ވެސް ނޭގުނު ދިވެހިންގެ ގިނަބަޔަކު އިންޑަސްޓްރީ މީހުން ދެކެ ރުޅިއައްނަޖެހޭ ސަބަބެއް. މިގައުމު ގައުމެއްގެ ގޮތުގައި ޓޫރިޒަމް މިހިސާބައް ތަރައްގީ ކުރެވުނީ އެބުނާ މަހުޖަނުންގެ ވިސްނުމާއި އެމީހުންގެ އޮއްދާހިއްލައިގެން ކުރިމަސައްކަތުން. ދިވެހިންގެ ޒުވާނުން ޖެހެނީ ގަދައަޅާ މަސައްކަތް ކުރަން . ކާމިޔާބު ލިބޭނެ، ފުރުސަތު މަދެއްނޫން.
ޖަމަލު
22 May 2020
އިންޑަސްޓްރީ އޮތީ ގައުމުގެ ރީތި ކމުގެ މައްޗަށް. ގައުމު އޮތީ އިންޑަސްޓްރީގެ މައްޗަކަށް ނޫން
މުހަންމަދު..
22 May 2020
ތީ ރާއްޖޭގައި ދިރިއުޅޭމީހެއްތޯ.. މިތާ ދިރިއުޅޭ މިތާގެ ތައްޔިތުންނާއި އާންމުންގެ ތެރޭ ނޫޅޭ މީހަކައް ރައްޔިތުން ތަހައްމަލް ކުރާ ކަންކަމާއި އޭގެ އަސްލުތައް ނޭނގިދާނެ. މިތަނައް އަންނަ ޓޫރިސްޓުނައްވެސް ނޭނގިދާނެ.
އަދީބު
23 May 2020
މަހުޖަނުން ކުރާ ކަމެއް ދައްކަބަލަ. މަހުޖަނުން އިންވެސްޓް ކުރަނީ. އޮއްދަލެއް ނުހިއްލާ. އޮއްދާ ހިއްލައިގެން މަސައްކަތް ކުރަނީ މުޅިން ވެސް ތިޔަ ބުނާ ޒުވާނުން. މަހުޖަނެއް ރިސޯޓެއްގެ ވަޒީފާ އަދާކުރިތޯ އަހާލަބަލަ.
ނަޝީދު.
22 May 2020
ތި ފީތައް ހިމަނާފައިއެވަނީ ކަމުގެ މާހިރުން ޕްރޮޕޯސަލް ހެދިއިރު. އެ ފީތައް ހިމެނީ ލާރި ނަގާކަށް ނޫން. ވަކި ކެޓެގަރީއެއްގެ މީހުންނަށް އެކަނި ނޫނީ ނާދެވޭނެގޮތް ހަދަން. އެއީ ހުޅުވާލާއިރު ހަބޭހަށް މީހުންއައިސް ކޮންޓްރޯލުން ނައްޓަފާނެތީ މޮނިޓަރ ނުކުރެވި. ބައްޔަށް ކޮންޓްރޯލް ވެފަވާނަމަ ދެ ތިން މަސް ތެރޭ ފީ ކުޑަ ކުރަމުން ގޮސް ފީ އުވާލާގޮތައް ހެދިނަމަ މާ ރަގަޅުވީސް. މިހާރު މަހުޖަނުން އެނަގަނީ ހުރިހާ ރައްޔިތުންގެ ފުރާނައިގެ ރިސްކެއް ލާރިކޮޅަކައިގެން.
އަލީރާޖާ
22 May 2020
މިހާ ދަތި ދުވަސްވަރެއްގައި އެހާ ބޮޑެތި ފީ ނެގުން ރަގަޅެއް ނޫން. ކޮވިޑަށް ޓެސްކުރަން އަގު ނަގަންޖެހޭނެ.
ޢައްޔު123
22 May 2020
ހަމަ ތެޅި ފޮޅެނީ..ބޮޑު ކަމެއް ގައުމަށް ދިމާވި ދުވަހު މުވައްޒަފުންނަށް ނުބެލި ބައެއް.މިހާރު ރައްޔިތުންގެ ސިއްހަތަށް ބެލުމެއް ނެތި ޓުވަރިސްޓުން ގެންނަން..ކީކޭ ބުނާނީ.