އޮޅުވާލައިގެން ބޭރުކުރަން އުޅުނު މިޔަރު އުރަހަތަކެއް --- ފޮޓޯ/ކަސްޓަމްސް
04 ޖެނުއަރީ 2021 - 14:16
28 comments
ލޮނުމަހާ އެއްކޮށްގެން ރާއްޖެއިން އިއްޔެ ބޭރު ކުރަން އުޅުނު މިޔަރު އުރަހަތަކުގެ އަގު 2.6 މިލިއަން ރުފިޔާ އަށް އަރާ ކަމަށް ދުނިޔޭގެ ބާޒާރުގެ އަގުތަކުން ދައްކައިފި އެވެ.
ދުނިޔޭގެ ގިނަ ގައުމުތަކުގައި މިޔަރު އުރަހަ ވިއްކުމާއި އިމްޕޯޓް/އެކްސްޕޯޓް މަނާ ކުރި ނަމަވެސް ޗައިނާ ފަދަ ބައެއް ބޮޑެތި ގައުމުތަކުގައި ކެއުމަށް މި ތަކެތި ގަނެ ހަދަ އެވެ. އެހެންކަމުން ދުނިޔޭގެ ބާޒާރުގައި މިޔަރުގެ އުރަހައިގެ އަގު ވަނީ ވަރަށް ބޮޑަށް އުފުލިފަ އެވެ.
ދުނިޔޭގެ ބާޒާރުގައި މިޔަރު އުރަހަ ކިލޯއެއް އާއްމުކޮށް އުޅެނީ 400 ޑޮލަރު (6،168ރ.) ގަ އެވެ. މި ރޭޓުން ބަލާނަމަ އިއްޔެ އެއާޕޯޓުން އަތުލައިގަތް 429 ކިލޯގެ މިޔަރު އުރަހައަށް ދުނިޔޭގެ ބާޒާރުގައި ގާތްގަނޑަކަށް 2.6 މިލިއަން ރުފިޔާ ލިބޭނެ އެވެ.
ބައެއް ގައުމުުތަކުގައި މިޔަރު ކިލޯއެއް 400 ޑޮލަރަށް ވިއްކުނު ނަމަވެސް ބައެއް ގައުމުތަކުން ކިލޯއެއް 600 ޑޮލަރަށް ވެސް ގަނެ އެވެ.
އިއްޔެ ވެލާނާ އިންޓަނޭޝަނަލް އެއާޕޯޓުން އަތުލައިގަތް މިޔަރު އުރަހަތަކުގެ މައްސަލަ ކަސްޓަމްސް އިން މިހާރު އަންނަނީ ބަލަމުންނެވެ. އެހެންކަމުން އެ ތަކެތި ބޭރު ކުރަން އުޅުނު ބައެއްގެ ނަން ހާމަ ކުރެވޭނީ ތަހުގީގު ނިމުމުން ކަމަށް ކަސްޓަމްސް އިން ބުނެ އެވެ.
ކަސްޓަމްސް އިން އަތުލައިގަތް މިޔަރު އުރަހަތައް އެންޒީ ބްރޭންޑުގެ ފޮށިތަކެއްގައި ބަންދު ކޮށްފައި ހުރުމުން ގިނަ ބަޔަކު ވަނީ އެންސިސް އަށް ތުހުމަތު ކޮށްފަ އެވެ. ނަމަވެސް އެއީ އެންސިސް އިން ބޭރު ކުރަން އުޅުނު ތަކެތި ނޫން ކަމަށް ކަސްޓަމްސް އިން ވެސް ވަނީ ކަށަވަރު ކޮށްދީފަ އެވެ.
އެންޒީގެ ފޮށިތައް ބޭނުންކޮށްގެން މަނާ ތަކެތި ބޭރު ކުރަން އުޅުނު ބަޔަކު ކަސްޓަމްސް އިން ހާމަ ކުރުމުން، އެ ބައެއްގެ މައްސަލަ ޖައްސާނެ ކަމަށް އެންސިސް ފިޝަރީޒް އިން ބުންޏެވެ. މައްސަލަ ޖައްސަނީ އެ ކުންފުނީގެ ރީތި ނަމަށް ލިބުނު ގެއްލުމުގެ ބަދަލު ހޯދުމަށް ކަމަށް ވެސް އެ ކުންފުނިން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަން
05 January 2021
މިޔަރު ހިފަނީ ކޮންތަނަކުންކަން ކިހާވަރަކަށްކަން ބެލޭނެ ގާބިލުކަމެއް ހުރި ގަައުމެއްނަމަ ބައި ޓަނުގެ އެެއްޗިހި ކަސްޓަމްސްއާ ހަމަޔަށް ފުރަތަމަ ނުވެސްގެންދެވޭނެ. އެހެންވީމަ ރާއްޖެއަށް ހަމަ އެއްމެ ރަނގަޅު ގާނޫނަކީ އެއްކޮށް މަނާކުރުން. އެހެން ނޫނީ ދެން ދުވަސްކޮޅަކުން ފެންނާނީ މިތަނުން ތި ހުސްކޮށްލާފަ ހުރިތަން.
ދިވެއްސެއް.
05 January 2021
"އެހެންކަމުން އެ ތަކެތި ބޭރު ކުރަން އުޅުނު ބައެއްގެ ނަން ހާމަ ކުރެވޭނީ ތަހުގީގު ނިމުމުން ކަމަށް ކަސްޓަމްސް އިން ބުނެ އެވެ." އަނެއްކާ ރޯޔަލް ކޭސްއަކަށް ކަންނޭގެ މިކަންތައް މިވީ.
ދިވެހި ބިން
05 January 2021
ހަޤީގަތުގަ މިހާލަތުގަ ހިފަހައްޓަން ޖެހޭ އެއްޗެއްވެސް ނޫންތިއިކީ... މިޔަރު ގިނަވެގެން މަސްވެރިކަމަށްވެސް ނޮހޮރޮއްޕާން އަނެއްކާ މިހާރު މީހުންނަށްވެސް ހަމަލާދޭންފަށައިފި
އެމް ބީ އޭ
05 January 2021
ސުޕުން ނައް ތިކަން އިނގޭނެ
މަނަމަ
05 January 2021
މިހާރު މިޔަރުގެ ބަލާ ވަރައް ބޮޑުކިތައްމީހުން މިޔަރުގެ ސިކާރަަައަކައް ވަނީ ކޮންމެއަހަރަކު ވެސްވަކި ދުވަސް ވަރެއް މިިޔަރުއުރަހަ ނަގާބޭރު ކުރަން ހުއްދަ ދޭންވީ ހާސަކޮއް މިދުވަސްވަރު މީހުން އަތްމަތި ދަތި މިހާލަތުގަ
ބައިޑެން
05 January 2021
6000 ރުފިޔާއަށް ކިލޯއެއް. ކަޅުބިލަ މަސް 20 ރުފިޔާއިން ދަށުގަ. ގޭދޮށު ފެކްޓްރީ އަޅާ މިޔަރުގެ މަސްވރިކަންވެސް ދެ މެހެއްޓްނިވި ގޮތުގައި ކޮށް އިގްތިސާދި މަންފާ ހޯދަދެންވީ ރައްޔިތުންނަށް. ސަރުކާރުން ނުޖެހޭނެ މިޔަރު އުރަހަ ގަންނާކަށް. ޜައްޔިތު މީހާއަށް އެކަންކޮށް ޑޮލަރު ގައު މަށް ވައްދަންވީ.ކިޔޯޓޯ ޕްރޮޓްކޯލްއަށް ކިތައްގައުމު އަ މަ ލުކުރަ ނީ..ތި މާވެއްޓަކީ ރައްޔިތުން ނިކަ މެތި ކުރުވާ ކަ މަކަށް ވެގެންނުވާނެ. ތި މާވެށީގެ ނަ މުގައިވެސް ހައްދު ހަފަނައަޅާ ނުދަންވީ.
ގުދުގުދާ ބެއްޔާ
04 January 2021
ތިޔަ މިޔަރު އުރަހަތައް ތިހިރީ އެންޒީ ކޮންޕެނީގެ ފޮށިގަނޑަކަށް އަޅާފައި ހުރި ފޮޓޯ ތިހިރީ ފެންނަން! ޚަބަރު ފަދަތަކެތި ޖަހާއިރު އެހެން މީހުންގެ ކޮންޕެނީގެ ނަން ޚަރާބުވާގޮތައް ތިޔަ ޖަހަނީ! ތިޔައިގެން ދޭހަވަނީ ތިޔަ މިޔަރު އުރަހަ އެކްސްޕޯޓް ކުރަން އުޅުނީ އެންޒީ ކޮންޕެނީހެން!
މުރާސިލް
04 January 2021
ލަފާކުރެވެނީ އެންޒީ ކަމައް އެވަރަކުން ރެކެން އުޅުމުގެ ބޭނުމަކީ ކޮބާ އެމީހުންނޫނިއްޔާ އެމްމެންވެސް ގަބޫލުކުރާނެ އެގޮތައް ފޮށި ހުރެދާނެ ކަމަށް ވެސް އެހެންވިޔަސް ތިމަންނާއެއްނޫނޭ ކިޔާލެއް މާބާރު އެހެން ވަގު ވިޔަފާރިވެސް އެންސިސް ކުރޭ ކަން ސަރުކާރަށް އެގޭ
ނޫސަން
04 January 2021
މިޔަރު ބާނާ ހިފާ ވަރަށް އަދި އާލާ ނުވެޔޯ. އެވަރަށް އެސޮރުމެން އިތުރުވީމަ ހުުއްދަ ދޭނެ. މިޔަރު އުރަހައިގެ އެކި ކޮލިޓީ ހުރޭ. ތިހަދާފައި އޮތް ހިސާބު ހަދާފައިވަނީ އެންމެ މަތީ އަގު ބޭނުން ކޮށްގެންހެން.
ބޮޑު ބަންޑާރަ
04 January 2021
ޤާނޫނާ ޚިލާފު ބޮޑު ޖަރީ މާއެއް ހިންގިބައެއް ހާ މަނުކުރެވެންވީ އެއްވެސް ސަބަބެއް ނޯންނާނެ. ރޯޔަލް އަޑިގަ އުޅެނީތަ. ޚޮން މެސް ހަރު އެއްޗެއް އެބަހުރި އަޑީގައި އަޅާފައި. ޥެދާނެ މިޔަރެއްގެ އެއްފަޅި ކަ މަށްވެސް. ފޮރުވާނެ ކަ މެއްނެތް. ކޮން މެސް ދުވަހަކުން ދަޢުވާ ކުރެވޭނެ.