ރަޝްމިކާގެ ފުރަތަމަ ބޮލީވުޑް ފިލްމުގެ ޕޯސްޓަރު ނެރެފި

ރަޝްމިކާ އާއި އަމީތާބު ފިލްމު "ގުޑްބާއީ" ގެ ޕޯސްޓަރެއް.

04 ސެޕްޓެމްބަރ 2022 - 07:05

ބޮލީވުޑްގެ ތަރި އަމީތާބު ބައްޗަން އާއި ތެލޫގޫ ތަރި ރަޝްމިކާ މަންދަންނާގެ ފިލްމު "ގުޑްބާއީ" ގެ ފުރަތަމަ ޕޯސްޓަރު ދައްކާލައިފި އެވެ.

ވިކާސް ބަހުލްގެ އެ ފިލްމަކީ އާއިލީ ގުޅުން ދައްކުވައިދޭ އަސަރުގަދަ ވާހަކައެއްގެ މައްޗަށް ބިނާކޮށް ތައްޔާރުކުރާ ފިލްމެކެވެ.

އެ ފިލްމުގެ ޕޯސްޓަރު އާންމުކޮށް އަމީތާބު ބުނީ، އާއިލާ މީހުންނަކީ ގާތް ބައެއް ކަމަށާއި އެމީހުން ދުރުގައި ތިއްބަސް ގާތުގައި ތިބޭ ކަމުގެ އިހުސާސް ކުރެވޭ ކަމަށެވެ. ޕޯސްޓަރުން ފެންނަނީ އަމީތާބާއި ރަޝްމިކާ ގުޑިއެއް އަރުވަން ތިބޭ މަންޒަރެވެ.

ފިލްމުގައި ރަޝްމިކާއަކީ އަމީތާބުގެ ދަރިއެކެވެ.

View this post on Instagram

A post shared by Amitabh Bachchan (@amitabhbachchan)

މިއީ ތެލޫގޫ ހިޓް ފިލްމުތަކުގައި މަސައްކަތްކޮށްފައިވާ ރަޝްމީކާގެ ފުރަތަމަ ބޮލީވުޑް ފިލްމެވެ. އޭނާ އަންނަނީ ރަންބީރު ކަޕޫރާ އެކު "އެނިމަލް" ގައި ވެސް މަސައްކަތްކުރަމުންނެެވެ. އެކަމަކު އެ ފިލްމު ރިލީޒްކުރާ ގޮތަށް އޮތީ އަންނަ އަހަރު އެވެ.

އެ ފިލްމުގައި ނީނާ ގުޕްތާ އާއި ޕަވައިލް ގުލާޓި އާއި އެލީ އަވްރަމް އަދި ސުނިލް ގްރޯވާ އާއި ސާހިލް މެހްތާ އާއި އަބިޝޭކް ހާން ވެސް ފެންނާނެ އެވެ.

View this post on Instagram

A post shared by Rashmika Mandanna (@rashmika_mandanna)

ގުޑްބާއީ އަކީ އަންނަ މަހުގެ 7 ވަނަ ދުވަހު ރިލީޒްކުރާ ގޮތަށް އޮތް ފިލްމެކެވެ.

ރަޝްމިކާގެ ފިލްމީ މަސައްކަތްތަކަށް ބަލާއިރު އޭނާ އެންމެ ފަހުން ކުޅުނީ "ފުޝްޕާ: ދަ ރައިޒް" އެވެ. އަދި އަމީތާބު ފެނުނީ "ޖުންދު" އިންނެެވެ. މިހާރު އޭނާ ދަނީ ކޯން ބަނޭގާ ކްރޯޑްޕަތީގެ 14 ވަނަ ސީޒަން ޝޫޓްކުރަމުންނެވެ.